Shinxua tori jëngju 7-yanwar tëlëgrammisi : Muxbirning 7-yanwar jëngju uniwërsitëti qarmiqidiki 4- doxturxanidin igilishiche, Bu doxturxanining qismen qurulushliri shu küni chüshtin burun tuyuqsiz chëqilip, Bir qisim dawalash üsküniliri buzulup ketken, Jeset saqlash öyi örüwëtilip, Nurghun jesetler kömüwëtilgen. nöwette, Doxturxanining normal dawalash paaliyiti toxtap qalghan.

    jëngju shehirining shimaliy aylanma bilen jyangshen yoli kësishken yol ëghizi etrapida muxbir chëqilghan neq meydandin bezi dawalash bölümliridiki chong tiptiki yürüshlük dawalash üskünilirining kömülüp qalghanliqini, Qismen üskünilerning buzulup ketkenlikini körgen.

    neq meydanni körgüchi köz kësellikliri bölümi doxturining tonushturushiche, 7- yanwar chüshtin burun saet 9:20 etrapida, Sirttin ikki bolkiway këlip, Salahiyiti ëniq bolmighan on nechche adem bolkiwaydin chüshüp, Xizmetchi xadimlarni sirtqa ittirip chiqiriwetken hemde chong tiptiki topa ittirish mashinisi bilen mejburiy chëqishqa bashlighan.

    doxturxana teshwiqat bölümining muawin bashliqi yüen fangning ashkarlishiche, Mejburiy chëqishta radioaktip bölümi bilen jesetxana eng ëghir ziyan'gha uchrighan, Buning ichide radioaktip bölümining tok yolliri buzulghan, Milyon yüenlik üsküne kömülüp qalghan; jesetxana örüwëtilip, Alte jeset kömülüp qalghan.

    yüen fang yene mundaq dëdi : ölgenlerning jesitini kömüwëtish ulargha hörmet qilmighanliq, Bundaq ishning yüz bërishini hergizmu oylap baqmighan iduq. radioaktip bölümining üskünliri kömülüp qëlip, Tekshürüshnimu qilalmiduq, Dawalash waqitinche mejburiy toxtitildi, Nurghun bimarlar bashqa doxturxanilargha almiship ketti.

    igilinishiche, 2015- yili 7-aydin bashlap, Etraptiki yollarni këngeytish qurulushigha maslishish üchün, Jëngju uniwërsitëti qarmiqidiki 4-doxturxanining qismen qurulushliri ilgiri- këyin bolup chëqiwëtilgen. lëkin dawalash üsküniliri bir qeder köp bolghachqa, Radioaktip bölümini öz ichige alghan bir qisim dawalash bölümlirini chëqish xizmiti bir qeder asta bolghan. 2015- yili 12- ayning axiri, Jëng'hu shehiri xuyji rayoni sheher qurulushi tarmaqlirining xizmetchi xadimliri doxturxana bilen chëqip köchürüsh ishi toghriliq sözleshken.

    nöwette, Doxturxana terep saqchigha dëlo melum qilghan bolup, ishning tepsilati tekshürülüwëtiptu.