Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

كادىرلارنىڭ پەزىلىتى ۋە ئىقتىدارىنى چوڭقۇر تەكشۈرۈپ توغرا باھالاش ‐‐ «ھەم پەزىلەتلىك ھەم ئىقتىدارلىق بولۇش، پەزىلەتنى ئالدىنقى ئورۇنغا قويۇش» مىزانىنى ئەمەلىيلەشتۈرۈشنىڭ ئالدىنقى شەرتى. كادىرلارنى ئۆستۈرۈشتىن بۇرۇن، كۆپ تەرەپتىن چۈشىنىش، كۆپ يوللار ئارقىلىق تەكشۈرۈش، كۆپ تەرەپتىن كۆزىتىش ئارقىلىق، شۇ كادىرنىڭ ئەھۋالىنى ئومۇميۈزلۈك ۋە توغرا ئىگىلەش كېرەك. فۇنكسىيەلىك تارماقلارنىڭ «پاكلىق تەكشۈرۈشى» ئېلىپ بېرىشى بۇنىڭ ئىچىدىكى بىر تەرەپ ھېسابلىنىدۇ.

　　«پاكلىق تەكشۈرتۈشى» كادىرنىڭ پەزىلەت ۋە ئىقتىدار جەھەتتىكى ئىپادىسىنى ئۆلچەيدىغان «تەكشۈرگۈچ»تۇر. ئۇ كادىرنىڭ پەزىلەت، ئىقتىدار، خىزمەت، نەتىجە، پاكلىق جەھەتتىكى ئەھۋالىنى كۆپ خىل يوللار ئارقىلىق تەكشۈرۈپ، پارتىيەنىڭ كادىرلار لۇشيەنى ۋە ئادەم تاللاش-ئادەم ئىشلىتىش ئۆلچىمىنى ئەمەلىيلەشتۈرۈشنىڭ مۇقەررەر تەلىپى.

　　«پاكلىق تەكشۈرتۈشى» كادىرلارنىڭ ساغلام ئۆسۈپ يېتىلىشىنى ئىلگىرى سۈرىدىغان «قوغدىغۇچ»تۇر. كونىلاردا كېسەلنى يوشۇرساڭ ئۆلۈم ئاشكارا دېگەن ماقال بار. كادىرلارنىڭ پاك، ئىنتىزامچان بولۇش جەھەتتىكى مەسىلىسى بالدۇر ۋە كىچىك چېغىدا بايقالسا، كادىرنىڭ خاتا يولدا كېتىۋېرىشىنىڭ ئالدىنى ئالغىلى بولىدۇ.

　　«پاكلىق تەكشۈرتۈشى» ئادەم تاللاش-ئادەم ئىشلىتىشنىڭ رازىلىق دەرىجىسىنى ئۆستۈرىدىغان «ياردەمچى موتور»دۇر. ئادەم تاللاش ۋە ئادەم ئىشلىتىش بۇرۇندىن تارتىپ جەمئىيەت كۆڭۈل بۆلىدىغان قىزىق نۇقتا بولۇپ كەلدى. كادىرلار ۋە ئاممىنىڭ دېموكراتىك ئېڭى ۋە دېموكراتىيە تەلىپىنىڭ ئۈزلۈكسىز ئۆسۈشىگە ئەگىشىپ، ئادەم تاللاش ۋە ئادەم ئىشلىتىش خىزمىتىگە دېموكراتىك ۋە ئاشكارا بولۇش، تەرتىپ ئادىل بولۇش، ھالقىلىرى مۇكەممەل بولۇش قاتارلىق جەھەتلەردە تېخىمۇ يۇقىرى تەلەپلەر قويۇلماقتا.

　　كادىرلارغا قارىتا «پاكلىق تەكشۈرتۈشى» ئېلىپ بېرىشتا، تەشكىللىگۈچى ئورۇن ئىنتىزام تەكشۈرۈش، مەمۇرىي تەپتىشلىك تارماقلىرى بىلەن بولغان ئالاقىنى كۈچەيتىپ، كادىرلار خىزمىتىنى ئاممىۋى ئىشەنچ، ئىشلەپچىقىرىش كۈچى ۋە ئۇيۇشقاقلىققا ئىگە قىلىشى كېرەك. (جۇڭ زۇ خەۋىرى؛جۇڭگو مىللەتلەر تەرجىمە ئىدارىسى تەرجىمىسى)

مەنبە: خەلق تورى