رىسالەت مەردان بلوگى

版权声明：转载时请以超链接形式标明文章原始出处和作者信息及本声明
logs/38452998.html

تاراتى كىچىسى

ئۇ كۈنى كېچىسى قار ياغدى
ئۈنسىز چۈشىۋاتقان قار گۈللىرىنى ھېس قىلىپ
ياتتىم خىيال دەرىخىگە ئېسلىپ

ئاسماندا يولتۇزلار جىمىرلايدۇ
يۇلتۇزلار تاراتىنى تىڭشايدۇ
ئۇندا بىر ھەسرەت بار تىڭشايدىغان
تىڭشىسا، تىڭشىسا تۈگىمەيدىغان

دەرەخلەر ناخشا ئېيتار قاخشال تۇرۇپ
سىتۇلبىلار ئەگىشىدۇ تىتىرەپ يۈرۈپ

مەن تالاغا چىقىشتىن قورقىمەن

تاراتى كىچىسى
تاغلار بۇلۇت بىلەن سىردىشىدۇ
تاشلار قار گۈلىدىن يوتقان تىكىپ
ئىسسىق يېتىپ چۈش كۆرۈشنى ئىستەيدۇ

دادام بىلەن ئاپام پاراڭلىشىدۇ قار ھەققىدە
مەن تىڭشايمەن جىمجىتلىقنىڭ ئىچكىرسىدە

تاراتى كىچىسى
قوللىرىنى يېقىن ئەكىلىپ
تۈگىمەس قار گۈلىنىڭ ياپراقلىرىنى
تاشلارنىڭ سۈكۈتىنى
تاغلارنىڭ جىملىقىنى
بىر-بىرلەپ، بىر-بىرلەپ سانايدۇ.....

2009-يىلى 6-نەۋرۇز چەرچەن