| ئومۇمى يازمىسى: |
ھوقۇق چېكى: 1 |
| جۇغلانمىسى: 2158 |
تۆھپىسى: سەر |
|
بۇ يازمىنى ئاخىرىدا غەلبە تەھرىرلىگەن. ۋاقتى 2016-3-10 20:31
مەنمۇ تېمىدا ئوتتۇرغا قۇيۇلغان پىكىرلەرگە قارىتا ئۆز كۆز-قارىشىمنى ئوتتۇرغا قۇيۇپ باقاي.
1-مىدال تارقىتىش ئىشىغا كەلسەك،بۇلۇپمۇ كۇلۇب مىداللىرىنى تىللا ئارقىلىق سېتىۋالىدىغان ئىشقا كەلسەك: ئەڭ ياخشىسى بۇ ئىش توغرىسىدا مۇنبەر چوڭلىرى يەنى مەھمۇدىيە قاتارلىقلار بىر نىمە دەپ باقسۇن. گەرچە مۇنبەرگە مىدال سېتىش ئارقىلىق كىرىدىغان ئىقتىسادى كىرىم تايىنلىق بولسىمۇ ، ئەمما ئەينى چاغدا مەھمۇدىيە مۇنبەردە قايتىدىن ئىسلاھات ئېلىپ بېرىپ، كەڭ-كۆلەملىك ئۆزگەرتىش كىرگۈزدىغانلىقى، يەنى مىدالغا تىللا تۆلەپ ئىرىشىدىغان تۈزۈمنى يولغا قۇيىدىغانلىقى توغرىسىدا مۇنبەرگە ئومۇمى بايانات ئىلان قىلغان چاغدا مۇنبەردىكىلەر بۇ پىكىر ناھايىتى ئورۇنلۇق پىكىر بوپتۇ، ئۆزىمىزنىڭكىنى ئۆزىمىز قوللىمىساق بولمايدۇ دىيىشىپ ھەممەيلەن تەڭ قوللىغان ئىدى.
2-پىكىرگە كەلسەك، گەرچە ياخشى -ناچار دەپ باھالاش مۇنبەرنىڭ ئۈنۈملىك ئىقتىدارى بولغان بىلەن ،لىكىن ئەينى چاغدا مەخسۇس شەخسى ھىسياتقا تايىنىپ،ئۆزى بىلەن مەستانىداش بولمىغان ياكى قالايمىقان ئىنكاس يېزىپ تېتىقسىزلىق قىلسا چىرايلىقچە تەنبىھ بىرىپ قويغان بالىلار يازغان شۇنداق بىر بەلەن ئىنكاسلارنىمۇ كۆڭلىدە غۇم ساقلىغانلىقى ئۈچۈن توغرا بولسىمۇ ناچار دەپ باھالايدىغان باھالاشقا ھۆددىگەر پىرىملەر ناھايىتى جىق ئىدى. شۇنىڭ بىلەن تېما- ئىنكلاسلار بىر يەلەردە قېلىپ، مىنىڭ ئىنكاسىمنى ناچار باھالاپسەن دەپ بىر- بىرىگە نەشتەر سانجىشىپ جىدەل چىقىردىغان ئىشلار ئاۋۇپ كەتكەن. شۇڭا مۇنبەر چوڭلىرى مۇشۇ باش ئاغرىقىدىن قېچىپ مۇنبەرنىڭ بۇ ئىقتىدارىنى ئەمەلدىن قالدۇرۋەتكەن ئىدى. ئۇنىڭ ئۈستىگە ئەينى چاغدا بۇ ئىقتىدارنى ئەمەلدىن قالدۇرۋېتىش توغرىسىدىمۇ مۇنبەردە خېلى ئورۇنلۇق پىكىرلەر ئوتتۇرغا قۇيۇلۇپ،نۇرغۇن دەتالاش بۇلۇپ ئاخىرى بۇ ئىقتىدار مۇنبەردىكىلەرنىڭ ئورتاق پىكىرى بۇيىچە ئەمەلدىن قالدۇرۋىتىلگەن.
3-پىكىرگە كەلسەك مەنمۇ تېما ئىگىسى بىلەن ئوخشاش قاراشتا. دىمىسىمۇ باشقۇرغۇچىلار تەنتەربىيە تۈرىدىكى ئۇيغۇرچە تور بەتلەرنىڭ ھەممىنى زىيارەت قىلىپ بۇلالمايدۇ. ئۇلارنىڭ زىممىسىدىكى يۈك ناھايىتى ئېغىر. شۇڭا مەنمۇ مەخسۇس كۈچۈرۈلمە تېمىلارغا قارىتا رازۋىتكىلىق تەكشۈرۈش خىزمىتى ئېلىپ بېرىپ،مۇشۇ مەسىلىنى بىرتەرەپ قىلىش ۋەزىپىسىنىلا ئۆتەيدىغان بىر قانچە باشقۇرغۇچى سايلاشنى قوللايمەن. بولسا باشقۇرغۇچىلارنىڭ ھەممسىنىڭ ۋەزىپىسى ئايرىم-ئايرىم بىكىتىلىپ بىرىلسە تېخىمۇ ياخشى بۇلامدىكىن دەيمەن. مەسلەن جاغىستاي، بىرنابۇ قاتارلىق 24 سائەت مۇنبەردىن ئايرىلمايدىغان ياتاق- تاماق، يېتىپ-قۇپۇشلىرىدىن تارتىپ مۇنبەردە بولغان باشقۇرغۇچىلار مەخسۇس تېما تەستىقلاش ۋەزىپىسىنىلا ئۆتىسە، بوۋايغا ئوخشاش ھازىرقى تالاش-تارتىشنىڭ ئاساسلىق كىلىش مەنبەسى بولغان مادرىد بىلەن بارسىلونا دىگەن مۇنۇ ئىككى كوماندىنىڭ ھىچقايسىسىغا مەستانە ئەمەس، يۇمۇرىستىك تۇيغۇغا باي بولغان باشقۇرغۇچىلار مەخسۇس بارسا-مادرىد،چىكىت-بۈرگە توغرىسىدىكى جىدەل ماجرالارنى بېسىقتۇرۇشقا ، جىدەل قىلغان ئىككى تەرەپنى ئەپلەشتۈرۈشكە مەسئۇل بولسا ، [ بولمىسا بارسا ياكى مادرىد مەستانىسى بولغان باشقۇرغۇچىلار بۇنداق جىدەلگە ئاگاھلاندۇرۇش بىرىپ ئارلىشىپ قالسا ئاسانلا ئادالەتسىزلىك قىلدىڭ دىگەن قالپاقنى كىيىپ قالىدىكەن]، بۇغدا باشلىق ئايلىق باھالاش خىزمىتىگە مەسئۇل بولسا دىگەندەك. ئىشقىلىپ ھەممە باشقۇرغۇچىنىڭ خىزمەت تەقسىماتى ئايرىم -ئايرىم بولسا دەپ قارايمەن.
4-پىكىرگە كەلسەك ئايلىق باھالاشتا ئىلغار تېما يوللىغۇچىلارنى باھالاش تۈرى بارغۇ . مۇنەۋۋەر ئەزا دىگەن دەل مۇنەۋۋەر تېما، ئىنكاس يازغۇچىلارنى كۆرسىتىدىغۇ دەيمەن.
5- بۇ پىكىردە تېما ئىگىسىنىڭ ئويلىغىنى مىنىڭكى بىلەن 100% ئوخشاشكەن. مۇنبەر قائىدىسىنى بۇزغانلارغا قارىتا مەقسەت جازالاش ئەمەس بەلكى تۈزەش بولغانىكەن، دىمەك ئەزالارنى جازالاشتىن بەكرەك ئۇلارنى تەربىيە قىلىپ قۇتۇلدۇرۋېلىش مۇھىم . ئۇنىڭ ئۈستىگە چەكلەش مۇددىتىمۇ بەك ئۇزۇن . چەكلەش مۇددىتى توغرىسىدا ئېنىق بىر بەلگىلىمە بارمۇ يوقمۇ ئۇنى بىلمەيمەن. بولسا باشقۇرغۇچىلار مۇشۇ ھەقتە ئېنىق بىر چۈشەندۈرۈش بىرىۋەتسە. ھازىر خېلى -خېلى يامان ئەمەس بالىلارمۇ جىدەلخور كىچىك نۇمۇرلارنىڭ كاساپىتىدىن ئۇزۇن چەكلىنىپ كىتىپ بارىدۇ. گەپنىڭ قىسقىسى چەكلەش مۇددىتى مۇۋاپىق تەڭشەلسە ، ئىنكاسقا قىزىل كارتا بىرىپ ئاگاھلاندۇرۇشتىن باشقا يەنە بىرىنچى قېتىمدا بىر ھەپتە ، ئىككىنچى قېتىمدا بىر ئاي ، ئۈچىنچى قېتىمدا بىر يىل دېگەندەك چەكلەش تۈزۈمى يولغا قۇيۇلسا ئاندىن ماۋۇ ئەسكەرتىشنىڭ ھەقىقى ئۈنىمى بولغان بۇلاتتى دەپ ئويلايمەن. ئەمما قايتا-قايتا تەربىيە قىلسىمۇ ئوڭشالمىغانلارنى ھەم كىچىك نۇمۇردا كىرىپ قەستەن جىدەل چىقارغانلارنى مۇددەتسىز چەكلىۋىتىش كىرەك.
8- ماۋۇ پىكىر ئىنتايىن ئورۇنلۇق پىكىر بوپتۇ. دىمىسىمۇ بۇرۇن كىچە-كۈندۇز مۇنبەردىن ئايرىلماي تېما- ئىنكاسلارنى تۆكمە قىلۋىتىدىغان ،ھەتتا بەزى ۋاقىتلاردا ئانچە-مۇنچە شىكەر چاينىشىپ مۇنبەر مۇھىتىنى قىزىتىپ تۇردىغان ئەزالارمۇ باشقۇرغۇچى بولغاندىن كىيىنلا مۇنبەرگە كىرىشكە چولىسى تەگمەمدۇ، ياكى مۇنبەردىكى ۋەزىپىسى بەك ئېغىر بولغاچقا بىرە ئىككى قۇر كەلگۈدەك بولسىمۇ ئىنكاس يازغۇدەكمۇ ۋاقىت چىقىرالمامدۇ، ۋە ياكى باشقۇرغۇچىلىق سالاپىتىمنى ساقلاپ قالاي دەپ ئويلامدۇ، ئەيتاۋۇر باشقۇرغۇچى بولغاندىن كىيىنلا سۇغا چۈشكەن تاشتەك يۇقاپلا كىتىدىكەن. ئەسلى باشقۇرغۇچى ،ئالى ئەزالار مۇنبەر مۇھىتىنى قىزىتىشتا بىزدەك ئادەتتىكى ئەزالاردىن بەكرەك كۈچ چىقىرىشى كىرەك ئىدى. مۇنداق دىسەم بىز مۇنبەر ئۈچۈن خىزمەت قىلماي ئويناۋېتىپتىمىزمۇ، ھېلىمۇ بىزگە ھىچكىم مائاش بەرمىسىمۇ مۇنبەر ئۈچۈن ئۈن-تىنسىز خىزمەت قىلىپ كۈچ قوشىۋاتىمىزغۇ دىيىشىڭلار مۇمكىن. دىمىسىمۇ سىلەر مۇنبەر ئۈچۈن ئۈن-تىنسىز كۈچ قوشىۋاتىسىلەر . ئەمما مىنىڭ دىمەكچى بولغۇنۇم پەقەت بۇرۇن باشقۇرغۇچى ئەمەس ۋاقتىڭلاردىكىدەك ھەممە تېمىلارغا ئىنكاس يېزىپ، كۈندە 4-5تېما يوللاشقا ۋاقتىڭلارنى چىقىرىپ بۇلالمىساڭلارمۇ، لىكىن ئىنكاس يېزىشقا ئەرزىگۈدەك دەپ قارىغان مۇلاھىزە خارەكتىرلىك تېمىلارغا ئانچە-مۇنچە ئىنكاس يېزىپ قۇيۇڭلار. سىلەرنى مۇنبەر ئەھلى پۇتبول توغرىسىدىكى بىلىمى چوڭقۇر ،ئۆتكۈر پىكىرلىك دەپ قارىغاچقا شۇڭا باشقۇرغۇچى قىلىپ سايلىغان. ئەمىليەتتە بىزدەك ئادەتتىكى ئەزالار سىلەرنىڭ قىممەتلىك بىلىملەرگە تويۇنغان تېتىملىق ئىنكاسىڭلارغا ئىنتايىن ئېھتىياجلىق.
ۋاقىت قىس بولغاچقا بەزى گەپلىرىم قولاشماي ئوڭ-تەتۈر جۆيلۈپ سالغان بولساممۇ ئەمما نىيتىم دۇرۇس.
مىنڭ قاراشلىرىم ياققان-ياقمىغان، كىچىك-چوڭ ،پىششىق-توڭ مۇنبەرداشلارنىڭ ماڭا دەيدىغانلىرى بولسا مۇشۇ ئىنكاسقا نەقىل قىلسا تامامەن بۇلىدۇ. قالغىنىغا كەچتە داۋاملىق پىكىر بايان ئەيلەيمەن. |
باھالاش
-
باھا خاتىرىسى
|
[ئۇلانما كۆچۈرۈش]
ۋاقتى: 2016-3-10 19:18:18
ۋاقتى: 2016-3-10 19:19:33
)
ئىگىسى
