ھىرىسمەنلەر پوتبول كۈلۇبى مەيلى قەشقەردىكى دوسلار بولسۇن ياكى ئاپتونۇم رايۇنىمىزدىكى باشقا جايلاردىكى قىرىنداشلار بولسۇن ناتونۇش پوتبۇل كولۇبى ئەمەس. پەقەت  بۇ پوتبۇل كولۇبىنىڭ نام بىلەن ئاتىلىشىنى ئاڭلاپ باقمىغان يىرىمىز بار خالاس.

      بۈگۈن دوسلارغا « ھىرىسمەنلەر پوتبول كۈلۇبى»  نى ئايرىم تونۇشتۇرۇپ ئۆتۇشنى توغرا تاپتىم .

      تۆۋەندە « ھىرىسمەنلەر پوتبول كۈلۇبى»  قىسقارتىپ « ھىرىسمەنلەر »  دەپ ئىلىنىدۇ.

      ھىرىسمەنلەر :2007-يىلى 7-ئايدا قەشقەر شەھەرلىك 7-باشلانغۇچتىكى رەھبەرلەر ۋە ئابدۇۋەلى ئابدۇقادىر  تېرىنىرنىڭ تەشكىللىشى ، يەككە تىجارەتچى ھۇسەنجان قاتارلىق پوتبول سۆيەريەككە تىجارەتچى  قىرىنداشلارنىڭ قوللىشى ئاستىدا ، شىنجاڭ پوتبۇلچىلىقىنىڭ ئالتۇن بۆشىكى بولغان قەشقەر دىيارىمىزدا  مەيدانغا كەلگەن .

قەشقەر شەھەرلىك 7-باشلانغۇچ مەكتەپ رەھبەرلىكىنىڭ قوللىشى ئاستىدا دەسلەپكى قەدەمدە  « ھىرىسمەنلەر »  دە مەشىققە قاتناشقان ئۆسمۇرلەر 23 نەپەر ئوقۇغۇچى مەشىققە كىرىشكەن . ئەتىگەن ۋە كەچلىك مەشىقنى مۇككەممەل ، سىستىملىق قىلىپ جاپالىق شارائىتلار ئۇستىدىن غالىپ كىلىپ ، ھىچقانداق بىر قوشۇمچە كىرىمى بولمىغان ئابدۇۋەلى تىرنىر ئۆزى پۇل چىقىرىپ مەشىققە كىتەرلىك بولغان بارىلىق ئەسلىھەلەرنى ئۆزى شەخسى سىتىۋىلىپ مەشىق ئۈنىمىنى يۇقىرى كۆتۇرگەن . ( شۇ مۇناسىۋەت بىلەن دوستىمىز ئابدۇۋەلى ئابدۇقادىرنىڭ تىنىنىڭ سالامەت ، تۇرمۇشىنىڭ باياشات بولىشىنى ئاللادىن تىلەيمەن)

2008-يىلى قەشقەر شەھرىنىڭ باشلانغۇچ مەكتەپ گورپىسى بويىنچە ئۆتكۇزۇلگەن  « ئىسكەندەر لوڭقىسى» پوتبۇل مۇسابىقىسىدە تۇنجى ئۇزغۇنلۇقنى قولغا كەلتۇرۇپ  « ھىرىسمەنلەر » نىڭ جاپالىق مەشىقىنىڭ مىۋىسى كۆرۇلۇپ ئۇلارنىڭ ئىشەنچىسى يەنىمۇ ئاشتى .

يۇقارقى مۇسابىقە ئىلھامى ئاستىدا  « ھىرىسمەنلەر »  نىڭ پوتبولغا بولغان ھىرىسمەنلىكى تىخىمۇ كۇچىيىپ ،  ھەر كۈنلىكى ئىككى ۋاق مەشىققە كاپالەتلىك قىلغان ئەھۋال ئاستىدا ئىلىپ بىرىلدى.

   

   تۇنجى مىۋىنىڭ تۈرىتكىسى ئاسىتىدا : 2009-يىل قەشقەر شەھەرلىك باشلانغۇچ مەكتەپلەر گورپىسى مۇسابىقىسىدە يەنە يۇقىرى ئۇستۇنلۇك بىلەن ئۇزغۇن بولغان. « ھىرىسمەنلەر » دىكى  ئاسالىق ئەزىمەتلەرنىڭ تولۇقسىزغا چىقىشى بىلەن  قەشقەر شەھەرلىك 10-ئوتتۇرا مەكتەپ  رەھبەرلىكى باش تېرنىر ئابدۇۋەلى ئابدۇقادىرنى بالىلارنى مەشىققە سىلىشقا  تەكلىپ قىلغان . بۇنىڭ بىلەن « ھىرىسمەنلەر » دىكى ئەزىمەتلەرنىڭ يىشىنىڭ چوڭىيىپ مىڭىشى، ئۇلارغا بولغان خىرىسنىڭ تىخىمۇ كۈچلۇك بولىشى سەۋەب  ئۇلارنىڭ مەشىق ۋاقتى ۋە سىجىللىقى ئاشتى، تىېرنىر ئابدۇۋەلى  ئەزىمەتلەرنى ئەتىراپلىق تەربىيەلەش ئۇچۇن ئۆزىنىڭ بالىقىنى ئۇلارغا بىغىشلىدى. پىشقەدەم رەھمەتلىك تېرنىر زۇنۇن مۇئەللىم بىلەن كۆپ قىتىم پىكىر ئالماشتۇرۇش، مەشىق تەجىربىسىنى ئىگەللەش ھەمدە دۆلىتىمىز ۋە ياۋروپانىڭ ئەڭ يېڭى مەشىق ئۇسۇلىنى دىيارىمىز پوتبۇل چىلىقى بىلەن زىچ بىرلەشتۇرۇپ يېڭى بىر پوتبول ئەندىزىسىنى ياراتتى .

    2010  -يىلى 6-ئايدا بىيجىڭغا بىرىپ مەركىزى خەلق تىلىۋىزىيە ئىستانىسى « 我爱世界杯 » مەخسۇس پىروگىراممىسنىڭ زىيارىتىنى قوبۇل قىلدى.

     

«جاپانىڭ تىگى ئالتۇن» دىگەندە « ھىرىسمەنلەر »  نىڭ تارىتقان جاپاسى بىكارغا كەتمىدى . 2010-يىلى 8-ئايدا قەشقەر ۋىلايىتى بويىنچە ئۆتكۇزۇلگەن تولوق ئوتتۇرا مەكتەپلەر گورپىسى بۇيىنچە ئۆتكۇزۇلگەن مۇسابىقىدە ئەزىمەتلىرىمىز گەرچە كىچىك بولسىمۇ ئۆزىنىڭ يۇقىرى تەخنىكىسىنى نامايەندە قىلىپ بارىلىق رەقىبلىرى ئۇستىدىن غالىپ كىلىپ يەنە بىر ئۇزغۇنلىقنى قولغا كەلتۇردى . بۇ قىتىمقى پوتبۇل مۇسابىقىسىدە « ھىرىسمەنلەر »  بارىلىق پوتبۇل سۆيەر كۆرەرمەنلەر قەلبىدە ئۇنتۇلغۇسىز ئەسلىمىلەرنى قالدۇردى.

  

« ھىرىسمەنلەر »  كونىلارنىڭ « كەمتەرلىك ئادەمنى ئالغا ئۈندەيدۇ، مەغرۇرلۇق ئادەمنى غەبلەتتە قالدۇردۇ »  دىگەندە  ئۆزىنىڭ كەينى-كەينىدىن قولغا كەلتۇرگەن نەتىجىسىدىن قانائەتلىنىپ مەغرۇرلانماستىن، تىخمۇ ئىزدىنىپ، مەشىقكە بولغان ئاكتىپچانلىقىنى ئاشۇرۇپ 2011-يىللىق ئاپتونۇم رايۇنلۇق  ياش-ئۆسمۇرلەر بىرلەشمە مۇسابىقىسى جەنۇبى شىنجاڭ رايۇنى تاللاش مۇسابىقىسىدە  قەشقەردە ئۆتكۇزۇلگەن باشلانغۇچ ۋە تولۇقسىز گوروپىسى بويىنچە ئايرىم-ئايرىم ھالدا قوش ئوزغۇنلۇقنى قولغا كەلتۇرۇپ ئاقسۇدا ئىلىپ بىرىلىدىغان جەنۇبى شىنجاڭ ھەل قىلغۇچ مۇسابىقىسىگە قاتنىشى سالاھىيتىگە ئىرىشكەن .

  

      2011-يىلى 2-ئايدا ئاقسۇدا ئىلىپ بىرىلغان « 2011-يىللىق ئاپتونۇم رايۇنلۇق  ياش-ئۆسمۇرلەر بىرلەشمە مۇسابىقىسى جەنۇبى شىنجاڭ رايۇنى ھەل مۇسابىقىسىدە  »  تولۇقسىز گورپىسى بويىنچە ئۇزغۇنلۇقنى ، باشلانغۇچ گورپىسى بويىنچە ئىككىنجىلىكنى ھەمدە ئەڭ ياخشى « مۇنەۋەر كاماندا » نامىغا مۇيەسسەر بولدى.

  

(تىرنىر ئابدۇۋەلى ئۆزىنىڭ تىرنىرى قەيسەر ئابىت بىلەن بىرگە)

شۇ يىلى 5-ئايدا باش تېرنىر ئابدۇۋەلى ئابدۇقادىرنى قەشقەر شەھەرلىك 10-ئوتتۇرا مەكتەپ رەسمى ھالدا يۆتكەپ چىقىپ « ھىرىسمەنلەر »  كۇلۇبىنىڭ تەشكىللىنىشىگە ئاساس سالدى. ھەمدە مەخسۇس بىر پوتبۇل سىنىپى تەشكىللەپ ئۇلارنىڭ تىخىمۇ مۇكەممەل، سىستىملىق تەربىيلىنىشىگە ياخشى شارائىت يارتىپ بەردى.

       2011-يىلى 9-ئايدا ئۆتكۇزۇلگەن ئاپتۇنۇم رايۇنلۇق ياش ئۆسمۇرلەر بىرلەشمە مۇسابىقىسىنىڭ ھەل قىلغۇچ مۇسابىقىسىدە باشلانغۇچ گورپىسى بويىنچە ئۇزغۇنلۇققا ئىرىشتى. ھەمدە « ھىرىسمەنلەر »  پوتكۇل شىنجاڭ خەلقىگە تونۇلدى.

« ئاينىڭ 15يورۇق، 15 قاراڭغۇ » بولغاندەك ئۇلارنىڭ تولۇقسىز گورپىسىغا كۆز تەگىدى، بۇ قىتىمقى مۇسابىقىگە قاتنىشىش سالاھىيتىگە ئىرشكەن بىر قىسىم ئاساسلىق ئەزالارنىڭ يارلىنىشى يەنە بىر قىسىم ئەزالارنىڭ ياش چەكلىمىسىنىڭ ئىشىپ كىتىشى سەۋەب كۆڭۇلدىكىدەك نەتىجە بارلىققا كەلمىدى.  بۇ مۇسابىقە نەتجىسى ئۇلارغا نۇرغۇنلىغان ساۋاقلارنى ۋە تەجىربىلەرنى توپلاشقا تۇرتكە بولدى.

       « بۈگۈنكى مەغلۇبىيەت ئەتىدىكى غەلبىنىڭ ئاساسى »  دىگەندەك ئەزىمەتلىرىمىز دىيارىمىز قەشقەرگە قايىتقاندىن كىيىن ۋە يارىدار ئەزىمەتلەرنىڭ مەشىققە قايتىپ كىلىشى بىلەن 2011-يىلى 10-ئايدا ئۆتكۇزۇلگەن قەشقەر شەھرىنىڭ « 葱岭杯 » ئوتتۇر-باشلانغۇچ مۇسابىقىسىدە ئوتتۇرا مەكتەپلەر گورپىسى بويىنچە يەنە بىر ئۇزغۇنلۇقنى قولغا كەلتۇرپ ئەزىمەتلەرنىڭ ئىشەنچىسى يەنىمۇ ئاشتى .

     ئىشىنىمىزكى « ھىرىسمەنلەر »  ئۆزىنىڭ « بىز ھەممىدىن كۈچلۇك ئەمەس، بىراق ئەڭ كۈچلۈك بولۇشقا تىرشىمىز »  دىگەن شۇئارى بويىنچە،  پوتبۇل ساھاسىدىكى يېڭى بىر پوتبۇل بۇلىقى بولۇپ قالغۇسى.

     تور بىكتىمىز گەرچە دىيارىمىزدىكى برىدىن بىر پوتبۇل تور بىكتى بولمىسىمۇ بىراق دىيارىمىزدىكى بارىلىق پوتبۇل سۆيەر دوسلارنىڭ ئەڭ ياخشى ئارامگاھى بولغاچ بىزنىڭ ئىزچىل دىقتىمىزنى قوزغاپ كەلگەن بۇ « ھىرىسمەنلەر » گە بىزمۇ قوللاش ، قۇۋەتلەش، ياردەمدە بولۇش ھەمدە ئۇلارنىڭ تۇرلۇك ئىقتىسادى قىيىنچىلىقىنىڭ ھەل بولىشىغا ئاساس سىلىش ، ئۇيغۇر پوتبۇلچىلىقىدا يارقىن نوقتىغا ئايلىنىشىغا مەدەت بىرىش ئۈچۇن تور بىكتىمىز مەخسۇس بىر سەھىيپە قۇرۇپ « ھىرىسمەنلەر »  نىڭ شانلىق نەتىجىللىرىدىن دوسلارنى خەۋەرلەندۇرۇش ۋە ئۇلارنىڭ تەرەققىيات ئەھۋالىنى ۋاقتىدا خەۋەرلەندۇرۇش مەقسەت قىلىندى.

    ھەرقانداق بىر پوتبول سۆيەر شىركەت ، ئىدارە-ئورگان، يەككە تىجارەتچى ۋە تورداشلارنىڭ  ياخشى تەكلىپ-پىكىرى ۋە قوللىشىنى چىن كۆڭلىمىزدىن ئۇمۇد قىلىمىز.