دورىنى قايسى ۋاقىتتا ئىچىش كېرەك؟

oylirim

دورىنى قايسى ۋاقىتتا ئىچىش كېرەك؟

دورا ئىچىش بىلەن تاماق يېيىش ۋاقتى زىچ مۇناسىۋەتلىك، ئۇ دورىنىڭ ھەزىم بولىشى ۋە قوبۇل قىلىنىشىغا تەسىريەتكۈزىدۇ.
1 .تاماقتىن بۇرۇن ئاچ قورساققا ئىچىلدىغان دورىلار:
(1) ئۈچەي يولي يۇقۇمىنى تىزگىنلەش دورىلىرى. بۇنداق دورىلار ئۈچەي يولىدىكى دورىنىڭ قويۇقلۇق نىسبىتىنىڭ يۇقۇرى بولىشىنى تەلەپ قىلىدۇ، شۇڭا بۇنداق دورىلارنى تاماقتىن بۇرۇن ئىچىش كىېرەك.
(2) ئاشقازاننى ئاسىرىغۇچى دورىلار. بۇنداق دورىلار ئىستېمال قىلىنغاندىن كېيىن، پارچىلىنىپ ئاشقازان يۈزىدە بىر قەۋەت قوغدىغۇچى پەردە ھاسىل قىلىدۇ، بۇنداق دورا تاماق بىلەن بىللە ياكى تاماقتىن كېيىن ئىچىلسە، ئەسلىدىكى رولىنى جارى قىلدۇرالمايدۇ.
(3) ئاشقازاندا ئېرىيدىغان دورىلار. بۇنداق دورىلار ئۈچەي يولىغا بارغاندىن كېيىنلا ھەزىم بۇلىدۇ، بۇنداق دورىلارنى تاماقتىن كېيىن ئىستېمال قىلغاندا،ئۇنىڭ ھەزىم بولىشى ئاستا بولىدۇ. رىفامىتىسىن، ئامىپىتىسىسىللىن قاتارلىق دورىلارنىڭ سۈمۈرۈلىشىگە يىېمەكلىك تالالىرى توسقۇنلۇق قىلىدۇ، شۇڭا بۇ دورىلارنىمۇ تاماقتىن بۇرۇن يېيىش كېرەك؛ ئۇنىڭدىن سىرت، مەددە چۈشۈرۈش ۋە سۈرگە دورىلىرىنىمۇ تاماقتىن بۇرۇن ئىچىش كېرەك.
2. تاماق بىلەن بىللە ياكى تاماقتىن كېيىن ئىچىلدىغان دورىلار ئاساسلىقى ياغدا ئېرىيدىغان دورىلار. بۇنداق دورىلار تاماق تەركىبىدىكى ياغلارغا ئاسان سىڭىپ كېتىدۇ، ئۇنىڭدىن سىرت بۇنداق دورىلارنى يېمەكلىك بىلەن تەڭ ئىستېمال قىلغاندا ئۈنۈمى تېخىمۇ ياخشى بولىدۇ. كۆپ قىسىم دورىلار، بولۇپمۇ ئاشقازان، ئۈچەيگە تەسىرى چوڭ دورىلار ئاساسەن تاماقتىن كېيىن ئىستېمال قىلىندۇ، تاماقتىن كېيىن ئىستېمال قىلىنغاندا دورىنىڭ ئاشقازانغا بولغان غىدىقلىشى تۆۋەنلەيدۇ.