تازا ئۇرىدىغان گۇي ئىكەن ( چاتما ھېكايىلەر)

shoruq

	خەتنە توي       ئادەم دېگەن تازىمۇ چىدىماس بولىدىكەن، كىچىك ۋاقتىدا بالدۇرراق چوڭ بولۇشنى ئارزۇ قىلىپ كېتىدىكەن، ئادەم چوڭ بولدىمۇ بولدى، غەم- ئەندىشە كۈنسىرى ئېغىرلىشىپ، ئادەمنىڭ يەلكىسىنى چىڭ بېسىپ، ئۇھ، دېگۈچىلىك ھالىنى قويمايدىكەن، ئەنە شۇنداق تەشۋىش، ياشاش ئۈچۈن تىرمىشىپ يۈرگەن چاغلاردا بالىلىق چاغلار ئىسىڭىزگە كېلىپ قالدىمۇ. بولدى، دەرھال باللىق چاغلىرىڭىزغا قايتىپ، تال چىۋىقلارنى ئويناپ يۈرگەن سەبىيلەرگە مەسلىكىڭىز كېلىدىكەن. ئاغىنىلەر بىلەن تاماق يەۋىتىپ، بالىلىقىمىزنى ئەسلەپ كەتتۇق، نېمە دېگەن تاتلىق كۈنلەر،- ھە؟ - مەن كىچىك چېغىمدا بەك كەپسىز ئىكەنمەن، تالاغا چىقىۋالدىممۇ بولدى، ئانام بىچارە، تاتلىق بالام، ناۋەتتەك غوجام، ئازراق ئۇخلىۋال، دەپ مېنى قوغلاپ ھالى قالمايدىكەن، ھازىر ئانام يوق، شۇ ۋاقىتلاردا ئانامنىڭ باغرىدا كۆپرەك يېتىپ، ئانامغا قېنىۋالغان بولساممۇ بوپتىكەن. - ھەي، ئاغىنىلەر، كىچىكىمدە مېنى يولۋاس دەپ ئاتىشىدىكەن، قوزىلارنى، كۈچۈكلەرنى كۆردۈممۇ بولدى، ئېتىلىپ بېرىپ، ئۇلارنىڭ پاچىقىغا ئېسىلىدىكەنمەن، بىر قېتىم بىر كۈچۈكنىڭ قۇلىقىنى بەكرەك سوزىۋىتىپتىكەنمەن، كۈچۈك چىشلىۋالغان يەردە ھېلىمۇ تارتۇق بار. - دادام مېنى يەلكىسىگە ئېلىپ، نەچچە كىلومىتىر يولنى بېسىپ بازاردا ئوينىتىپ كېلىدىكەنمىش، بىز باللىرىمىزنى تىلىۋۇزۇرغىلا تاشلاپ بېرىپ يامان قىلدۇق. - كىچىك چاغلىرىمىزدا ئاجايىپ ئويۇنلىرىمىز بولىدىغان، بۇ كۈنلەردە بالىمىز سەل شوخراق بولسا. قاچان ماشىنا بېسىۋىتىدىكىن، دەپ ئەنسىرەپ قوينىمىزدىن چىقارغىمىز كەلمەيدىكەن، ھەي، بىز تازا لاياقەتلىك ئاتا-ئانا بولالمايدىغان ئوخشايمىز. - ئاغىنىلەر تۇرغۇن دىرىكتور ئوغلىنىڭ خەتنە تويىنى قىلىدىكەن، ئاڭلىدىڭلارمۇ؟ - مەن ئازراق ئاڭلىدىم، كىلەر شەنبە كۈنى ئوخشايدۇ. بالىنىڭ كۆرۈملىكىنى بار مەسىلىھەت بىر ئىش قىلارمىز،  بالىىڭ قولىغا 100 يۈەن تۇتقۇزساق، ئاياللار داستىخان ئۈچۈن 500 يۈەندىن ئېلىپ بارسا بولار. - قايسى زاماندا قالدىڭ، ھوي، سەن؟ تۇرغۇندەك كاتتا ئادەمگە 500 يۈەننى قانداق تەڭلىگىلى بولىدۇ، ئوغلىنىڭ قولىغا شۇنچىلىك پۇل تۇتقۇزساق ئاران بولارمىكىن، ئاڭلىسام قەيسەر كىچىك ئوغلىنىڭ بۆشۈك تويىنى قىلغان ئىكەن، يۈز مىڭ يۈەندەك پۇل چۈشۈپتۇ. - ئۇنداق بولسا، زاۋۇتتىلا 200دىن ئارتۇق ئادەم بار، يۇقىرى-تۆۋەندىكى ئادەملەرنى قاتقاندا تۇرغۇنغا بىر قېتىملىق خامان ئۇسىدىغان ۋاقىت كەپتۇ-دە؟ - سۇ سايغا، پۇل بايغا،دېگەن شۇ. ئەگەر بىز باللىرىمىزنىڭ تويىنى قىلساق ئون مىڭ يۈەنمۇ پۇل چۈشمەس.   كۈنلەر ئۆتۈپ شەنبىمۇ يېقىنلاپ قالدى، بىز ئاغىنىلەر بىلەن مەسىلىھەتلىشىپ، بۇ تويغا كېتەرلىك سوۋغات ۋە پۇللارنى ئاللاقاچان تەييارلاپ تۇرغۇننىڭ بارغىقىغا قاراپلا قالغان ئىدۇق، بارغاقتىن ھېچبىر خەۋەر يوق، شەنبە كۈنىمۇ يېتىپ كەلدى، يەنە جىم. بىز رۇستەمنى ئىزلىدۇق، ھېلىقى يامغۇر ۋەقەسىدىن كېيىن رۇستەم ئۆز خاتالىقىنى تونۇپ، تېخىمۇ بىرىلىپ ئىشلىگەچكە، ئۇزۇن ئۆتمەيلا ئۆزىنىڭ ۋەزىپىسىگە قويۇلغان ھەم كېيىن قۇم-شېغىل زاۋۇتىنىڭ باشلىقلىقىغا ئۆستۈرۈلۈپ، شىركەتتىكى تۆتنىڭ بىرى بولۇپ قالغان ئىدى. - ئاغىنىلەر، تۇرغۇن ئوغلىنى ئۆتكەن ھەپتىلا ياتقۇزۇپ بولغان، ھازىر ساقايغۇدەك بولدى. - نېمە، توينى مەھەللىدە قىلماي، رىستۇراندا قىلدىمۇ؟ - تويچۇ، باغاقچۇ، بىز ئاغىنىسى تۇرۇپمۇ ئۇنىڭ تويىغا داخىل بولغۇدەك سالاھىيەتكە ئېرەشەلمىدۇقمۇ؟ - زادى بىلەتتۇق، تۇرغۇن ھازىر كاتتا ئادەم بولۇپ كەتتى، بىز ئۇنىڭ قولىدىكى بىر مەدىكار خالاس، بىز ئۇنىڭ بىلەن بىر داستىخاندا ئولتۇرالايتۇقمۇ؟ -ئويلىساملا ئاچچىقىم كېلىۋاتىدۇ، دېسە، تۇرغۇننىمۇ كۆرۈپ قويدۇق، پۇلى بار باي ئاغىنىلىرى بار يەردە بىزنىڭ ئىككى-تۆت پۇلىمىز ئۇ كۆكەمىنىڭ دېگەن يېرىگە بارامتى. - ھەي، ھەي، ئاغىنىلەر قايناپلا كەتتىڭلارغۇ، ئاۋۋال بىر گېپىمنى ئاڭلاپ باقمامسىلە، مۇنداق ئىش... - بولدى، رۇستەم ساڭىمۇ ھال كىردى، ھازىر زاۋۇتتا ئىناۋىتىڭ بار، مەھەللىمىزدىكى بايلارنىڭ بىرى بولۇپ قالدىڭ، قاغا قاغىنىڭ كۆزىنى چوقۇمايدۇ، تۇرغۇننى ئاقلاپ ئاۋارە بولما، ھېلى بىكار تۇرغۇندىن ئالالمىغان دەرتنى سەندىن ئالىمىز. - راسىت سەن كاتتا ئادەم بولغاندىكىن، يولىڭغا ماڭ، بولمىسا، تايىقىڭنى يەپ قالما. - بۇنداق كاتتا زاتنى ئۇرغىلى بولامتى، ئىككى پۇتىمىزنى بىر ئۆتۈككە تىقىشقا ئارانلا تۇرىدۇ. - بولمىسا، خىزمەتتىن ھەيدىلىشكە تاس قالغاندا، نەچچە كۈن ئىش تاشلاپ، ئۇنىڭ تاۋىقىنى ساقلاپ قالغانلار يەنىلا بىز ئىدۇق. - بولدى، بەس! گەپ قىلمىسام نېمانچە قۇترايسىلەر، تۇرغۇن توي قىلمىدى. بىر قازان چاغلىق تاماقمۇ قىلمىدى، بالىسنى دوختۇرخانىدىلا بىر تەرەپ قىلىپ، ئىشىنى قىلىپ يۈرۈۋەردى. بۇنىڭدىن كېيىنمۇ توي بەرمەيدۇ. - بۇ قانداق ئىش بولۇپ كەتتى ئەمدى؟ - تۇرغۇن ئوغلىنىڭ خەتنە تويىغا كېتەرلىك پۇلنى ھېسابلاپ مەھەللىمىزدىكى دېھقانلار يېڭىدىن ئاچقان مىڭ مو يەردىكى سۇ قىيىنچىلىقنى ھەل قلىپ بېرىش ئۈچۈن ئىككى يەرگە  بورۋاي (قۇدۇق) كولاپ بەرمەكچى، بۈگۈن يېزا كادىرلىرى بىلەن مۇشۇي ئىشنى دېيىشىپ كەلدىم. - ھوي، ياخشى ئىش ئىكەنغۇ، مېنىڭ تاغاممۇ نەچچە مىڭ يۈەن خەجلەپ ئون نەچچە مو يەر ئاچقان، سۇ بولسا كىۋەز ئالامەت ئوخشايدىكەن دەپ ماختاپ كەتكەن ئىدى. نەچچە يىلدىن بېرى تاشلىنىپ قالايلا دەپ قالغان. -نېمىسى ياخشى، تۇرغۇن ئوغلىنىڭ تويىغا كېتىدىغان پۇلنى چىقارمىسىمۇ باشقا پۇللىرى جىق بولغىيتى، ئاتام زامانىسىدىن تارتىپ بار قائىدىنى بۇزغۇچە. -نىمىشقا ياخشى بولمايدۇ، نەچچە يىلدىن بىرى باشقىلار بۇنداق تويلارنى تىللا تۆكۈلىدىغان دەرەخ قىلىۋالغان ئىدى. مانا ئەمدى ياخشى بوپتۇ، تۇرغۇندەك كاتتا ئادەملەر باشلامچىلىق قىلسا، ئۇنداق تايىنى يوق قائىدىلەرنىڭمۇ بازىرى كاساتلىشاتتى. - بۇمۇ خۇدانىڭ بەرگنى، تۇرغۇننىڭ تويىغا ئاتاپ قويغان پۇلنىڭ باشقا ئىشى بار ئىدى. ئۇزۇندىن بىرى قىزىم توكلۇق ۋېلسىپىتنىڭ غەلۋىسىنى قىلىۋاتاتتى، ئەمدى بىچارە قىزىمنىڭ پۇتلىرى بىر ئارام ئالسۇن. -قېيىنئانامنىڭ مىجەزى يوق،  مىڭ يۈەن سۇراپ كېرىپتىكەن، بىرەلمىگەن ئىدىم. ئەمدى شۇ بىچارىنى بىر رازى قىلاي. -...  (21) داۋامى بار.

مەھمۇد

	shoruq يوللىغان ۋاقتى  2012-4-19 09:37 AM بۇ خىل پىكىر نەچچە يەردە ئوتتۇرىغا قويۇلدى، ‹تۇرغۇن › ... رۇستەمنىڭ ۋەزىپىسى چۇشۇرۇلگەندىن كىيىن ئۇنىڭ باشقا ئاغىنىلىرىدە تۇرغۇنغا بولغان نارازىلىق كۆتۇرۇلدى ھەمدە نەچچە كۇن ئىش تاشلىغاندەك ئەھۋال كۆرۇلدى . شۇنداق بولغان ئىكەن تۇرغۇننىڭ ئۇلارغا نەسىھەت قىلىشى دۇرۇس . تۇرغۇننىڭ ئۇ قارا قورساق ئاغىنىلىرىنى قانداق سۆزلەر بىلەن قايىل قىلىدىغىنىنى ئويلاپ يىتەلمىدىم شۇڭا ھىكايىنىڭ ئاخىرى باغاشمىغاندەك تەسىر بىرىپ قويدى . ماڭا ..............

shoruq

	مەھمۇد يوللىغان ۋاقتى  2012-4-19 12:58 PM رۇستەمنىڭ ۋەزىپىسى چۇشۇرۇلگەندىن كىيىن ئۇنىڭ باشقا ئ ... دېھقانلارنىڭ كەڭ قورساقلىقتىن ئىبارەت ئارتۇقچىلىقى بىلەن بىز ئۇيغۇرلارنىڭ ئاچچىقىمىزنىڭ تىز كېلىپ، تىز يېنىشىنى باغلاپ تەسەۋۋۇر قىلساقچۇ؟ ئۇنىڭ ئۈستىگە بىز پۇلغا بەك مۇھتاج. يەنە كېلىپ  ھىلىغۇ دىرىكتوركەن، ئاددىسى كەنىتنىڭ ئەڭ ئادەتتىكى گوروپپا باشلىقى( شىياۋدۈيجاڭ) ئۆيىمىزگە كىرىسە، قانداق بولۇپ كېتىغانلىقىمىز (جەنۇبى شىنجاڭ يېزىلىرىنى چۈشىنىدىغان بولسىڭىز) ھەممىگە ئايان.

مەھمۇد

	21-قىتىمنىمۇ ئوقۇپ بولدۇم . سۇننەت توي توغۇرلۇق ئىنىق ئۇقمايدىكەنمەن . لىكىن سۇننەتنىڭ نىمە ئىكەنلىكىنى ئىنىق ئۇقىمەن .

ozhal

	ئەسىرىڭىزنىڭ بىشىدىكى ئىككى ھىكايىنى كۆرۈپ چىقتىم . يۇمۇرلۇق جايىلرىىنى يەنىمۇ بىيتىسڭىز بۇ بىر مۇكەممەل ھايات ھىكايىسى بۇلۇپ قىلىشى مۈمكىن . ئايىغىنى داۋاملىق يىزىڭ . لىكىن شەخسىنى ئەۋلىيا سۈپەتتە ئەمەس ھەقىقى ئادەم قىلىپ يازايلى . (سىزنى بۇنداق يىزىپتۇ دىمىدىم جۇمۇ ) ئىمكان بولغاندا بۇنى بىز كۆپ قېسىملىق تېلېۋىزىيە تىياتىرى قىلىپ يىزىپ چىقساق بولغىدەك .

shoruq

	ozhal يوللىغان ۋاقتى  2012-4-19 02:06 PM ئەسىرىڭىزنىڭ بىشىدىكى ئىككى ھىكايىنى كۆرۈپ چىقتىم . يۇ ... رەھمەت، OzHaL  ‹ ھەقىقى ئادەم › قىلىپ يېزىشقا تىرىشىۋاتىمەن، بۇ ھەقتە تېخىمۇ چوڭقۇرراق پىكىرلەرنى بېرىشىڭىزنى ئۈمىد قىلاتتىم.

sayipkiran

	ناھايتى ياخشى يىزىپسىز داۋاملىق تىرشىڭ غەلبە سىزگە يار بولسۇن!!!!

ozhal

	ئۇيغۇر يىگىتلىرىدىكى مەردانە روھ بىلەن ئاجىزلىقلارمۇ ھىكايىدە ئۆز ئورنىنى تىپىش كىرەك . سوتسىيالىزىمچە قەھرىمان ياساپ چىقىرىش بىزنى سەنئەتتىن يىراقلاشتۇرىۋىتىدۇ . بۈگۈن جىددى بوپ قالسىم شۇڭا تەپسىلى ئىنكاسىنى يازماي . تولۇق كۈرۈپ چىقىپ ئاندىن سىز بىلەن پىكىرلىشەرمەن . داۋامنى يىزىشتا ھىچ بىر چەكلمىگە ئۇچۇرماسلىغىڭىزنى ئۆمىت قىلىمەن. مىنىڭ دىگىنىم ئەدەبىيات ھەققىدىكى بىر قاراش خالاس .

shoruq

	ياخشى تەكلىپ بولدى، يەنە توققۇز بۆلەك قالدى. ھەممە بۆلىكىنى يوللاپ بولغاندىن كېيىن، ئاندىن تەكلىپ-پىكىرلەرنى توپلاپ، شۇ ئاساستا،بۇ ئەسەرگە قارىتا تېخىمۇ مۇكەممەللەشتۈرۈش، تولۇقلاش ئېلىپ بارىمەن.

oyghur0997

	داۋامىنى تېزراق يوللىشىڭىزغا تىلەكداشمىز!!!!!