تازا ئۇرىدىغان گۇي ئىكەن ( چاتما ھېكايىلەر)

hoyuanjia

	تازا ئۇرىدىغان گۇينى مەن ئۇرۇپ بېرەي

gurbet_kizi

	urmay mukaparla biray mikin day man gu man

oyghur0997

	ئوقۇغانسېرى قىزىقىپ ئوقۇۋاتمەن، بەك ياخشى يېزىپسىز! قوللىرىڭىزغا دەرت كەلمىسۇن! ئاخىرىنى داۋاملىق يېزىشىڭىزغا تەشنامەن!!

erxat627

	ياخشى  ھىكايە ئىكەن.

shoruq

	قەيسەر ‹ باۋما›   بىز دائىم چۈشلۈك دەم ئېلىش ۋاقتىدا زاۋۇتتىلا تاماق يەپ، ئاغىنىلەر بىلەن پاراڭلاشقاچ بىرەر سائەت ئارام ئېلىۋالغاندىن كېيىن يەنە ئىشلەپ كېتەتتۇق. بۈگۈن ئاغىنىلەر بىلەن قەيسەرنىڭ نەچچە يۈز مىڭ يۈەنگە باۋما سېتىۋالغانلىقى توغرىسىدا پاراڭلىشىپ قالدۇق. -قەيسەر ناھىيىمىزدە رىكوت ياراتتى جۇمۇ، ناھىيە ھاكىمىمۇ مىنەلمىگەن ماشىنىنى بىزنىڭ ئاغىنىلىرىمىز مىنىپ يۈرۈيدۇ، كىچىكىمىزدە مىنگۈدەك موتۇسىكىلىتىمىزمۇ يوق ئىدى، مانا كۆرۈڭ، ئەمدى ماشىنىلارنىڭ سەركەردىسىنى ھەيدىگۈدەك كۈنلەرگە ئۇلۇشۇپتۇق. - ھەي بالىلار، تۇرغۇننىڭ پۇلى جىقمىدۇ ياكى قەيسەرنىڭ؟ - ھەي، سانىڭ مىڭىسىنى يەۋالغان دۆت، شۇنىڭغىمۇ ئەقلىڭ يەتمەمدۇ، ئۆتكەن ھەپتە پايچەكلەرنىڭ يىللىق پايدىسىنى تارقاتقان چاغدا نەدە قالغانتىڭ، شۇ چاغدا تۇرغۇن نەچچە مىلىيۇنننىڭ گىپىنى قىلمىدىمۇ، تۇرغۇن ھازىر ناھىيىمىزدىكى ساناقلىق كارخانىچىلارنىڭ بىرىگە ئايلاندى، قەيسەرنىڭ ھەممە پۇلىنى يىغىپ كەلسىمۇ، بىزنىڭ قورۇلۇش ماتىرىياللىرى تاللا بازىرىمىزغا سالغان مەبلىغىمىزنىڭ يېرىمىغا كەلمەيدۇ. - ئەمسە، نىمىشىقا تۇرغۇن تېخىچە ھېلىقى قارا  HONDA سىنى ھەيدەپ يۈرۈيدۇ، قەيسەر بولسا باۋما؟ - سەن قەيسەرنىڭ داغۋاز ئىكەنلىكىنى بىلمەمتىڭ، بىلسەڭ، ئۇنىڭ نىمكەش ماشىنا بازىرىنىمۇ نەچچە ئادەم شىرىكلىشىپ ئاچقان جۇما.   تازا قىزىق پاراڭلىشىۋاتساق، رۇستەم كىلىپ قالدى. - ھە، ئاغىنىلەر، پاراڭ بەك قىزىپ كېتىپتىغۇ، يەنە شۇ باۋمانىڭ گىپى ئوخشىمامدۇ؟ - رۇستەم باشلىق، سېنى تېخى بىزنى ئۇنتۇپ كەتتىمىكىن، دەپ ئويلاپتۇق. نەچچە كۈنلەر بولدى، قاراڭنىمۇ كۆرگىلى بولمايدىغۇ. -گىپىنى قىلماڭلار،   مەستلىكتە ماشىنا ھەيدەپ قەيسەرگە ھادىسە كەپتۇ، دەپ ئاڭلاپ، تۇرغۇن، قادىرلار بىلەن كۇچاغا باردۇق. - قەيسەرگە نېمە بوپتۇ، ئۆلۈپقۇ كەتمىگەندۇ؟ - قەيسەرگە كۇچادا نېمە بار ئىكەن، ئۇنىڭ باۋماسى قانداقراق؟ - ۋاي، ئاپلا، قەيسەر بىچارە ئەمدى بىر قەد كۆتۈرۈپ قالغان ئىدى. - گەپنى ئىلەشتۈرمەي جىم تۇرۇڭلار، ھە، رۇستەم سۆزلىگىنە. - ھادىسىدىن كېيىن قەيسەر تۇرغۇننى چاقىرتقان ئىكەن، كۇچاغا باردۇق. ئۇ باۋما ماشىنىسى بىلەن بىر ھاڭغا  چۈشۈپ كەتكەن ئىكەن،نوچى ماشىنا بولغاچقا  قەيسەرگە ئانچە دەرت كەلمەپتۇ. ئەمما ماشىنىنىڭ كەينىدە بىر قىز بار ئىكەن، ئۇ قىز ماشىنىنىڭ ئەينىكىنى ئېچىۋالغاچقا،ماشىنا دۇمىلاپ چۈشكىچە، بېشى ئەينەكنىڭ چازىسىغا قىسىلىپ قاپتىكەن، ئەھۋالى سەل ئېغىر ئىكەن. - كىم قىز ئىكەن ئۇ؟ -قەيسەرنىڭ قۇچقىچى ئىكەن، قەيسەر ئۇ قىز بىلەن ئۈرۈمچىدە نەچچە كۈن ئويناپ، كۇچاغا كەلگەندە مۇشۇ ئىش يۈز بېرىپتۇ. - قەيسەر تۇرغۇننى نېمە قىلىدىكەن؟ - ئەسلىدە ئۇ ماشىنىنى  بىر خېرىدار سېتىپ قويۇش ئۈچۈن قەيسەرگە ھاۋالە قىلغان ئىكەن، ماشىنا بەك ئېغىر بۇزۇلۇپتۇ، ئوڭشىتىشقىلا 300 مىڭ يۈەندىن جىق پۇل كېتىدىكەن. قەيسەرنىڭ ماشىنا بازىرىدىكى پېيى ئاشۇ ماشىنىنى ئوڭشاشقا ئاران بويلىشىدىكەن، ئۆزىدە بار پۇللار ھېلىقى قىزنى داۋالىتىشقا ئاران يېتىدىكەن. شۇڭا قەيسەر ئۆزنىڭ پېيىنى تۇرغۇنغا ساتماقچى بولۇپ چاقىرغان ئىكەن. - تازا خوپ بوپتۇ، قەيسەر ئۆزىنى بىلەلمەيلا قالغان ئىدى، مانا ئەمدى يالاڭتۆشكە ئايلىنىپ قاپتۇ. - كەيپى-ساپا يۈرگەننىڭ دەردىنى تارتىپتۇ،-دە، ئاخىر. زادى شۇنداق بولۇشىنى بىلەتتىم. - خەخنىڭ ماشىنىسىغا چىقىۋىلىپ، نوچىلىق قىپتىكەندە، ئەسلى، تۇرغۇننى دۈشمىنىدەك يامان كۆرەتتى، بېشىغا كۈن چۈشكەندە يەنە ئۇنى ئەسكە ئاپتۇ-دە. - قەيسەر پېيىنى سېتىۋىتىپ، مەھەللىگە قايتىپ خوتۇن-باللىرىنىڭ  دىھقانچىلىق قىلماقچى بولغان ئىكەن. بىراق تۇرغۇن ئۇنىڭ پېيىنى سىتىۋىلىشنى خالىمىدى. - ئەلۋەتتە خالىمايدۇ-دە، قەيسەر تۇرغۇنغا ئاز ئەلەم قىلغانمۇ؟ - تۇرغۇن ئوغول بالىدەك ئىش قىپتۇ، ئەمدى تۈگەشسۇن قەيسەر دېگەن پاشىۋاز. - ياق، مېنىڭ گىپىمنى خاتا چۈشىنىپ قاپسىلەر، تۇرغۇننىڭ  بۇ ئىشنى خالىمىغانلىقى يەنىلا قەيسەرگە ياردەم قىلىش ئۈچۈن ئىكەن، ئاڭلىساڭلار ھەيران قالىسىلەر، تۇرغۇن قەيسەرگە 300 مىڭ يۈەن قەرز بېرىپ ، ئۇنى بۇ قىيىن ئۆتكەلدىن ئۆتكۈزۈپ قويدى. - نېمە، تۇرغۇن ساراڭ بوپتىمۇ، تۇرغۇننىڭ مەنچىلىكمۇ ئەقلى يوقمۇ، نېمە، قەيسەرگە قەرز بەردى، دىگەنلىك، شۇنچە جىق پۇلنى سورۇۋەتتى، دېگەنلىك ئەمەسما؟ - راسىت، تۇرغۇن ئەقلىدىن ئېزىپتۇ، قەيسەر بىر دەتتىكام دەپلا ئۇ پۇلنى يوقىتىتىغان بولدى، مانا. - تازا ئۇرىدىغان گۇي ئىكەن ئۇ، بىزنىڭ زاۋۇتقا پاي قاتقان پۇللىرىمىزنى ئاشۇنداق  ئاۋارە قىماۋازلارغا بەرگىلى تۇرسا، بىزنىڭ گىپىمىز يوقمۇ. يۈرۈڭلار، بېرىپ تۇرغۇن دېگەن ھارامزادە بىلەن ھېسابلىشىمىز. - تۇرغۇنمۇ چاغلىق ئوخشايدۇ، بۇ زاۋۇتنىڭ ئىشىمۇ بىر يەرگە بارغان ئوخشايدۇ، مەنجاھاننىڭ مۇشۇنچىلىك تىنچ ۋاقتىدا   بىر يىلدىن بىرى زاۋۇتقا پاي قىلىپ قاتقان پۇلۇمنى ئېلىۋالاي جۇمۇ، بالىلار. ئاغىنىلەر ئەھۋالنى ئۆزى بىلگەنچە تەھلىل قىلىپ، بىر -بىرىگە  گەپ بەرمەي سۆزلەشكە باشلىدى. رۇستەم ئۇزىنىڭ رەھبەرلىك سالاپىتىنى پەش قىلىپ بىزنى جىملىدى. -  بۇ ئىشتا تۇرغۇننىڭمۇ ئويلىغىنى باردۇر. بولدى، بولدى، بۇ ئىشنى مۇنازىرە قىلىشنى توختىتىپ، ئىشقا مېڭىڭلار.   (16) داۋامى بار.

13629982958

	تىما .ئىگىسىگە تەشەككۇر

مەھمۇد

	ھەقىقىي ئاغىنەدارچىلىقنى يەتكۇزۇپتۇ .

sinal-azmar

	ھەممىنى ئوقوپ چىقتىم ئەڭ كونكىرىت ئىپادىلەش ئۇسۇلى بىلەن ئىپادىلىنىپتۇ ،.ياخشى يېزىپسىز .ئوقىغان ئادەمگەراستەك تۇيغۇ بىر دىكەن .

bayhenim

	ئۇفففففففففففففففففففبەك تەستە ئوقۇپ بولدۇم سىز قانداقمۇ  يېزىپ بولغانسىز