تاغدىكى سىرلىق دىلو

ArmanimⅡ

	يېقىندىن بۇيان مۇشۇنداق داۋامى يوق ، ئادەم خۇددى تازا شۇمىۋاتقان كەمپۇتنى تازا لەززەت بىلەن شۇمىۋاتقاندا ، بىرسى كىلىپ تارتىپلاۋالغاندەك داۋامى كېيىن يىزىلىدۇ دىگەن بىر جۈمىلنى قىستۇرۇپلام ، نۇرغۇن ئىنكاسلارنىڭ چۈشىشىنى ساقلاپ ئاخىرىنى چىقىرىدىغان ئەسەرلەر مۇنبەردە بەك ئەۋج ئېپ كەتتى . بولسا مۇشۇنداق ئەسەلەرنى باشقۇرغۇچىلار تەستىقلىمىسا .  ئەسەر ئېگىسىمۇ داۋامى بار دىگەندىكىن ئەسەرنىڭ داۋامىنى تۈمۈرنى قىززىقىدا سۇققاندەك ۋاقتىدا يوللاپ تۇرغان بولسا ......  بۇلۇپمۇ باشقۇرغۇچىلار مۇشۇنداق داۋامى داۋامى بار مەزمۇندا يوللانغان ئەسەرلەرنى تەستىقلىمىساڭلار

zakir

	ماۋۇ دېلۇغا مايماققاننىڭ ئىنكاسىنى بىر ئاڭلاپ باققان بولساق-ھە،ئاخىرى قاچان چىقا دەپ ساخلىمايتتۇق ،قېنى سىلى ھولمىس ئەپەندىم ماۋۇ مۇرەككەپ دېلونى بىر ئېنىقلىۋەتمەملا؟بىزمۇ نەتىجىسىنى بىلىۋېلىپ خاتىرجەم ئۇخلىمايلىمۇ؟

erkinaz

	5 مەن ئاۋۋال ئەسقەر ئاكا ياتقان ئۆينىڭ ئارقىسىدىكى ئانچە يىراق بولمىغان يارلىققا باردىم . ئۇ يارلىقتىن ئايلىنىپ ، يارنىڭ ئاستىغا چۈشتۈم . خېلى ئىزدىگەن بولساممۇ ، بىرەر نەرسىنى تاپالمىدىم . يەنە تۈنۈگۈن بارغان تۆپىلىككە باردىم . ئەتراپتىكى ئوي - چوڭقۇرنىڭ ھەممىسىگە تەپسىلى قارىدىم . مەن تۈنۈگۈن قۇياشنىڭ پېتىشىنى كۆرگەن تاشتا ئولتۇرۇپ ئۇزۇن ئويلىدىم . « ئەگەر ئەسقەر ئاكىنىڭ بېشىدا يارا بىلەن پىلاستىر بولمىغان بولسا ، مەنمۇ بۇنى ئۆزىنى ئۆلتۈرىۋىلىش دېلوسى دەپ قالاتتىم . نۇربىيە ھەدىنىڭ سۆزىگە قارىغاندا ، ئەخمەتجان مۇئەللىم ، نۇربىيە ھەدە ۋە نادىر دوختۇردىن باشقا يەنە ، مۇرات ئاكا ، خۇرشىدە ھەدە ھەم نۇسرەت ھەدىلەرمۇ ئىنتايىن گۇمانلىق . قاتىللىق كېچىدە يۈز بەرگەن ، ئۇ چاغدا ھەممە ئادەم ئۇخلاۋاتقان ، دېمەك ، ھىچكىمنىڭ نەق مەيداندا يوقلۇقىنى ئىسپاتلىغىلى بولمايدۇ . ئەخمەتجان مۇئەللىم نەگە كەتكەندۇ ؟ قاتىل ئىشىكنى قانداق قىلىپ ئىچىدىن ئېتىپ قويغاندۇ ؟ ئەسقەر ئاكىنىڭ بېشىدىكى چاپلاقلىق دورىلىق پلاستىر زادى قانداق ئىش ؟ » ئويلىغانسىرى قايمۇقۇپ، پىكىرىم چېچىلىپ كېتىپ باراتتى . مەن ئاپپاراتنى چىقىرىپ ، بايا تارتىۋالغان نەق مەيدان سۈرەتلىرىنى كۆرۈشكە باشلىدىم . « ئاۋۋال < يېپىق ئۆي > نى قانداق ياسىغانلىقىنى بىلەلىسەم بولاتتى . دېرىزىنى سىرتىدىن ئېتىش مۇمكىن ئەمەس، دېمەك ، ئىشىكنى سىرتىدىن ئېتىپ قويغان . زادى قانداق ئۇسۇلدا ئېتىپ قويغاندۇ ؟ ئۇ ئىشىككە پەقەت ئىچىدىن ئەتكىلى بولىدىغان لوكىدان بېكىتىلگەن . ئىشىكتە باشقا بىرەر گۇمانلىق يەر يوق . بۇ زادى قانداق ئىشتۇ ؟ » دەپ ئويلىدىم ئىچىمدە . سائەتكە قارىسام سائەت1 دىن ئېشىپ كېتىپتۇ . ھېچنېمە تاپالماي قايتتىم . كېلىپ قارىسام ھەممىسى ئۆز ئىشى بىلەن ئۇياق - بۇياققا تاراپ كېتىپتۇ . بەزىلىرى يېتىپ ئۇخلاپ قاپتۇ . مەن ئابدۇقەييۇمنى ئىزدىدىم . ئۇ يوق ئىدى ، ساۋۇت مۇئەللىمدىن سورىسام ، ئۇ بىرنەچچەيلەن ئەتراپنى ئايلانغىلى كېتىپتۇ . مەن ئايۋاندا ئولتۇرۇپ ، ئۇلارنى ساقلىغاچ ئويلاندىم . ئابدۇقەييۇم قايتىپ كەلدى . باشقا بالىلارمۇ ئۇنىڭ كەينىدىن كىرىپ كەلدى. ئۇلار سۇپىغا ئۆزىنى تاشلاشتى . رەنا بىلەن گۈلمىرە يوق ئىدى . - نەگە كەتتىڭ ؟ - دېدىم مەن. -ئىچىمىز پۇشۇپ بىللە ئايلىنىپ كەلدۇق ،- دېدى ئۇ . - بۇ يەردە بىر ئادەم ئۆلگەنلىكىنى ئۇنتۇپ قالدىڭلارمۇ ؟ - دېدىم مەن ئۇنى ئەيپلەپ،- قاتىل ئارىمىزدا بولۇشى مۇمكىن . شۇڭا كۆپرەك ئاۋايلىشىمىز كېرەك . - ئۇقتۇم . - رەنا قېنى ؟ - ئۇنى بىردەم كۆرمىسەڭ چىدىمايسەندە ، - دېدى ئابدۇقەييۇم ،- خاتىرجەم بول ، بىز بىللە قايتىپ كەلدۇق . ئۇ تۈنۈگۈن بىز بارغان تۆپىلىككە كەتتى . - ئۇ يەردە نېمە قىلىدىكەن ؟ - ئۇ... تۇيۇقسىز چىرقىرىغان ئاۋاز ئۇنىڭ گېپىنى بۆلىۋەتتى . بۇ رەنانىڭ ئاۋازى ئىدى . مەن سەكرەپ ئورنۇمدىن تۇرۇپ ، ئۇچقاندەك سىرتقا يۈگۈردۈم . تۆپىلىككە بېرىپ ئۇنى تاپالمىدىم . - رەنا ! - دەپ بار كۈچۈم بىلەن چاقىردىم . جاۋاب بولمىدى. باشقىلارمۇ يېتىپ كەلدى. ئۇلار ئەتراپنى ئىزدەشكە باشلىدى . بۇ تۆپىلىكنىڭ جەنۇب تەرىپىنىڭ يانتۇلىقى خېلى تىك ئىدى. مەن شۇ ياققا بېرىپ قارىدىم . دەرۋەقە رەنا پەستە سۇنايلىنىپ ياتاتتى . بۇنى كۆرۈپ يۈرىكىم چىقىپ كېتەي دەپ قالدى. - رەنا ! - دەپ توۋلاپ ئۆزۈمنى ئاتتىم . پۇتلىشىپ، دومىلاپ ئۇنىڭ قېشىغا چۈشۈپ ، بويۇن تومۇرىنى تۇتسام تېخى ھاياتكەن . ئابدۇقەييۇممۇ كەينىمدىن يېتىپ كەلدى. - ھاياتكەن ! - دېدىم مەن ئۇنڭغا خۇشاللىقىمنى باسالماي . باشقىلارمۇ يېتىپ كەلدى. ئۇنى قول - قول كۆتۈرۈپ ئۆيگە ئاپاردۇق . - نېمە بوپتۇ ؟ - دېدى نادىر دوختۇر كەينىمىزدىن يۈگۈرۈپ كىرىپ . - تۆپىلىكتىن پەسكە دومىلاپ كېتىپتۇ ،- دېدىم مەن، - قاراپ باققان بولسىڭىز . - بۇ يەرگە قويۇڭلار ، - دېدى نادىر دوختۇر ۋە رەنانى تەكشۈرۈشكە باشلىدى . ھەممەيلەن كېلىپ ئولاشتى . زۇلپىيە بىلەن تۇرسۇنئاي ئۈنسىز يىغلاشقا باشلىغان ئىدى. رەنانىڭ يۈز – كۆزلىرى سۈرۈلۈپ كەتكەن ئىدى. دوختۇر ئۇنىڭ بېشىنى كۆتۈرۈپ ، بېشىنىڭ ئارقا تەرىپىگە قاراپ باقتى . ئاندىن پۇت - قوللىرىنى تۇتۇپ كۆردى. - بېشى بىر يەرگە تېگىپ كېتىپتۇ ، ھېلىمۇ ياخشى يېرىلماپتۇ. سول قولى جەينەكنىڭ تۆۋىنىدىن سۇنغاندەك تۇرىدۇ . قالغان يەرلىرى سۈرۈلۈپ كېتىپتۇ ، ئۇنىڭدا چوڭ چاتاق يوق ، - دېدى نادىر دوختۇر. - ئۇ نېمىشقا ھوشسىز ياتىدۇ ؟ - دېدىم مەن. - بېشى خېلى قاتتىق تەگكەن ئوخشايدۇ. بۇ يەردە تەكشۈرۈش ئۈسكۈنىلىرى يوق ، قانچىلىك زەخمە يېدى مەنمۇ بىرنېمە دىيەلمەيمەن. - ئۇ قانداق بولۇپ ئۇ يەرگە چۈشۈپ كەتكەندۇ ؟- دېدى زۇلپىيە يىغلاپ تۇرۇپ . - بىرى ئىتتىرىۋەتمىسە ئۆزلىكىدىن ھەرگىز چۈشۈپ كەتمەيدۇ ، - دېدىم مەن غەزەپ بىلەن ،- مەن ئۇنى تاپماي قويمايمەن ! - ئۆزۈڭنى بېسىۋالغىن ،- دېدى ئابدۇقەييۇم . -بۇ توغرىلىق ئۇ ھوشىغا كېلىپ ، ئۆزى سۆزلەپ بەرگۈچە ئالدىراپ ھۆكۈم چىقارغىلى بولمايدۇ ،- دېدى نادىر دوختۇر. - نېمىشقا بالىلارنى بۇيەرگە ئەپكەلگەن بولغىيتىم ،- دېدى ساۋۇت مۇئەللىم ئۆزىنى ئەيىبلەپ. - ئۆزىڭىزنى بۇنداق ئەيىبلىمەڭ ،- دېدى نادىر دوختۇر ،- بۇنداق بولارىنى كىممۇ ئويلىسۇن ؟ مەن كىمنىڭ بۇ ئىشنى قىلىش ئېھتىمالى بارلىقىنى ئويلاشقا باشلىدىم. « بايا مەن قايتىپ كەلگەندە ، قارىسام ، نۇربىيە ھەدە بىلەن دىلنار ھەدە تاشقىرىدا تاماق ئېتىۋېتىپتىكەن ، ساۋۇت مۇئەللىم ، نادىر دوختۇر، مۇرات ئاكا ئىچكىركى ئۆيدە پاراڭلىشىپ ئولتۇرۇپتىكەن . ئارقىدىنلا بالىلار قايتىپ كەلدى. لېكىن گۈلمىرە ئارىسىدا يوق . ئۇ ئەڭ گۇمانلىق . كېچىدە بولغان ۋەقەمۇ ھەرگىز ئاددىيلا قارا بېسىش ئەمەس . » مەن گۈلمىرەنىڭ ئالدىغا بېرىپ ئۇنىڭغا غەزەپ بىلەن تىكىلدىم . ئۇ نېمە بولغىنىنى بىلەلمىگەندەك ھەيران بولۇپ قاراپ تۇراتتى . - بايا سىز نەگە كەتكەن ئېدىڭىز ؟- دېدىم مەن يۇقىرى ئاۋازدا . ئۇ گەپ قىلماي تۇراتتى . باشقا بالىلارمۇ كېلىپ ئولاشتى . چوڭلارمۇ كېلىپ قاراپ تۇراتتى . مەن يەنىمۇ يۇقىرىراق ئاۋازدا ئۇنىڭدىن سورىدىم : - بايا زادى نەگە كەتكەنتىڭىز دەۋاتىمەن ! - مەن .. . رەنا بىلەن بىللە ئىدىم ،- دېدى ئۇ پەس ئاۋازدا . - ئۇنى سەن ئىتتىرىۋەتتىڭمۇ ؟ - دېدى زۇلپىيە ھەيران بولۇپ . - ياق ، مەن ئۇنىڭ قېشىدىن كەتكەندە ئۇ يالغۇز قالغان ئىدى . - بىللىمىتىڭىز ؟ - دېدىم مەن ،- ئۇنىڭ قېشىغا نېمىگە بارغانتىڭىز ؟ ¬ - ئىككىمىزنىڭ ئايرىم دېيىشىدىغان گېپىمىز بار ئىدى . شۇڭا ... - نېمە گەپ ئىدى ؟- دېدىم مەن ئۇنىڭ گېپىنى بۆلۈپ. ئۇ گەپ قىلمىدى. باشقا يەرگە قاراپ تۇرىۋالدى . - ئەمىسە سىز بىرەرسىنى كۆرمىدىڭىزمۇ ؟- دېدىم مەن. - ياق . مەن ئۇنىڭ قېشىدىن قايتىپ ئىشىك ئالدىغا كەلگەندە ، ئۇنىڭ چىرقىرىغان ئاۋازى ئاڭلاندى . ئاندىن سىز ئۆيدىن ئېتىلىپ چىقتىڭىز. - سىزنى ھەجەپ كۆرمىدىمغۇ ؟- دېدىم مەن ھەيران بولۇپ . - ئۇنىڭ دېگىنى راست ،- دېدى ئابدۇقەييۇم ، - مەن ئۇنى كۆردۈم . بىز ئۆيدىن يۈگۈرۈپ چىقىۋاتقاندا ئۇ دەل ئىشىك ئالدىغا كەپتىكەن . - مۇنداق دە ، - دېدىم مەن ئاستا ، ئاندىن گۈلمىرەگە قاراپ ، - كەچۈرۈڭ ، قاتتىق تېگىپ قويدۇم . بۇ ۋەقە بەك تەسىر قىلغاچقا ، ئالدىراقسانلىق بىلەن ھۆكۈم قىپتىمەن. ئۇ گەپ قىلماي مەندىن نېرى كەتتى . مەن ئويلىنىپ قالدىم . « - گۈلمىرە ئەمەس بولسا ، ئەمسە ،- كاللامدىن بىرنەرسە يالت قىلىپ ئۆتكەندەك بولدى ،- دېمەك ، قاتىل قىپتۇ . رەنانى قەستلىگەن قاتىل ئىكەن . ھەجەپ دۆتكەنمەن . بېشىدىن تارتىپ بۇ ئىككى ئىشنى ئايرىم ئويلىۋاپتىمەن . قاتىل نېمىشقا رەناغا قەست قىلىدۇ ؟ توغرا ، رەنا ئۇنىڭ بىرەر ئىشىنى سېزىپ قالغان بولغىيمىتى يە ؟» كاللام بىردىنلا ئېچىلىپ كەتتى . ھەممە تۈگۈنلەر يېشىلىپ كەتكەندەك بولدى . - بولدى ، بولدى ، تاماق يەڭلار ،- دېدى دىلنار ھەدە ،- داستىخانغا چىقىڭلار . مەن دىلنار ھەدىنى تارتىپ بىر چەتكە ئېلىپ باردىم . - نېمە ئىش ؟ - دېدى ئۇ . - بايا نۇربىيە ھەدەم بىلەن باشتىن – ئاياق بىللە تاماق ئەتتىڭلارمۇ ؟ -دەپ سورىدىم ئۇنىڭدىن. - شۇنداق . - پەقەت ئايرىلمىدىڭلارمۇ ؟ - ھەراست ، ئۇ بىر قېتىم ھاجەتكە بېرىپ كەلدى . - قانچىلىك ۋاقىت كەتتى ؟ - 5 مېنۇتتەك ۋاقىت كەتتى . - ئۇ ۋاقىتتا سىز نېمە قىلىۋاتاتتىڭىز ؟ - مەن سەي قورۇۋاتاتتىم . « 5 مىنۇت ۋاقىت ئىنتايىن يېتەرلىك . ئۇنىڭ بۇ ئىشنى قىلىشى تامامەن مۇمكىن . بىراق ئۇ رەنانىڭ تۆپىلىكتە ئىكەنلىكىنى قانداق بىلگەندۇ ؟ » دەپ ئويلىدىم ئىچىمدە. - يەنە گەپ بارمۇ ؟ - دېدى دىلنار ھەدە ماڭا قاراپ . - خۇرشىدە ھەدە بىلەن نۇسرەت ھەدە ئۇ چاغدا نەگە كەتكەنتى ؟ - خۇرشىدە ئەتراپنى بىردەم ئايلىنىپ كېلەيلى دەپ چىقىپ كەتكەن . نۇسرەتنىڭ نەگە كەتكەنلىكىنى بىلمەيدىكەنمەن. « ئۇلارمۇ گۇمانلىق . » دىگەن سۆز ئويۇمدىن كەچتى . - مۇنداق دەڭ ، رەھمەت سىزگە ، ئەمدى سوراپ بولدۇم . زۇلپىيە رەنانىڭ قېشىدا ئۇنىڭغا قاراپ قالدى . قالغان ھەممىمىز داستىخانغا كەلدۇق . تاماق كەلتۈرۈلدى . ھەممەيلەن ئولتۇرۇپ تاماققا تۇتۇش قىلدى . مېنىڭ تاماققا قىلچە ئىشتىھايىم يوق ئىدى . شۇنداقتىمۇ تاماقتىن ئازراق يېدىم . تاماق ئانچە ئوخشىمىغان ئىدى . قارىغاندا بۇ يەردە يۈز بەرگەن ئىشلار ھەممەيلەنگە تەسىر قىلغان ئىدى . تاماقتىن كېيىن مەن رەنانىڭ يېنىغا بېرىپ زۇلپىيە بىلەن ئالماشتىم . ئۇ تېخى تاماق يېمىگەن ئىدى . ئۇ تېخى ھۇشىغا كەلمىگەن ئىدى . باشقىلار سىرتتا ئولتۇراتتى . چۈنكى ئۆينىڭ ئىچى قاراڭغۇ ھەم سوغۇق ئىدى . مەن رەنانىڭ ھوشىغا كېلىشىنى كۈتكەچ ئويلىناتتىم . « بۇ ئىش ئايدىڭلىشىپ قالدى. يەنە بىرنەچچە نۇقتىنى چۈشىنىۋالساملا ، ھەممە ئىش ئايدىڭ بولىدۇ . قاتىلنىمۇ تاپالايمەن. » توساتتىن غېنىنىڭ : « چۈنكى ئۇنىڭ گۇناھى بار ئىدى ، ئۇ گۇناھىغا تۆۋە قىلىپ بولالماي ئۆلىۋالغان» دېگىنى يادىمدىن كەچتى . « بۇ ئۇنىڭ نېمە دېگىنى ؟ - دەپ ئويلايتتىم - قارىغاندا ئۇ بىرەر ئىشنى بىلسە كېرەك ، ئۇنىڭدىن بىر سوراپ باقسام بولاتتى . ئۇنىڭدىن گەپ ئالغىلى بولارمۇ ؟» بۇ چاغدا رەنا ھوشىغا كەلدى . ئۇ كۆزىنى ئاستا ئېچىپ ماڭا قارىدى . - قانداقراق تۇرىسىز ؟- دېدىم مەن . - نېمە ئىش بولدى ؟- دېدى ئۇ ،- بېشىم بىلەن قولۇم بەك ئاغرىۋاتىدۇ . - سىزنى تۆپىلىكنىڭ ئاستىدىن تاپتۇق . شۇ يەردە يېتىپتىكەنسىز . ئېسىڭىزگە كەلدىمۇ ؟ ئۇ بىردەم ئويلىنىپ ، يەنە ئېسىگە ئالالمىدى . كۆزلىرىدىن ياش قۇيۇلۇپ تۇراتتى . بۇنى كۆرۈپ مەنمۇ بوغۇزۇمغا بىرنەرسە قاپلىشىپ قالغاندەك بولۇپ قالدى. ئۇنىڭغا بىردەم تەسەللى بەردىم . - رەنا ھوشىغا كەلدى ،- دەپ توۋلىدىم مەن سىرتقا قاراپ ، - تىز كىرىڭلار . ھەممىسى كىرىشتى. ھەممىسى رەناغا ئىچى ئاغرىپ قارايتتى . زۇلپىيە كېلىپ رەنانىڭ قولىنى تۇتۇپ يىغلاپ كەتتى . - ھەرنېمە بولسا ھوشىڭغا كەلدىڭ ئاداش ،- دېدى زۇلپىيە يىغلاپ تۇرۇپ ،- سەندىن بەك ئەنسىرىدىم . رەنامۇ يىغلاۋاتاتتى . - ئۆتۈپ تۇرۇڭلار ،- دېدى نادىر دوختۇر ،- مەن قاراپ باقاي . ئۇ كېلىپ تەكشۈرۈشكە كىرىشىپ كەتتى . بىز قاراپ تۇراتتۇق . دوختۇر ئۇنىڭ قول - پۇتلىرىنى بېسىپ بېقىپ ، كۆتۈرۈپ بېقىپ ئۇنىڭدىن « ئاغرىدىمۇ ؟ » دەپ سورايتتى . بىر دەمدىن كېيىن دوختۇر : - دەرۋەقە ، سول قولى سۇنۇپتۇ ، باشقا يەرلىرىدە چوڭ چاتاق يوق . - ئۇ بولغان ئىشنى ئەسلىيەلمەۋاتىدۇ ، دوختۇر ،- دېدىم مەن . - بۇ قىسقا مۇددەتلىك خاتىرىسىنى يوقۇتۇش. ئۇزۇن ئۆتمەي ئەسلىيەلەيدۇ ،- دېدى دوختۇر ،- ئادەتتە ھوشىدىن كەتكەنلەرنىڭ ھەممىسى مۇشۇنداق بولىدۇ ، بۇ نورما ل ئەھۋال . باشقىلار چىقىپ كېتىپ ، بىرلا ئادەم ئۇنىڭ يېنىدا قالسۇن . ئۇ ئارام ئالمىسا بولمايدۇ . بۇنى ئاڭلاپ كۆڭلۈم جايىغا چۈشتى . ئەمدى ساقچىلار كەلگۈچە ئۇنىڭغا ئوبدان قارىساقلا بولاتتى . مەن سائىتىمگە قارىدىم . قارىسام سائەت 3 تىن 20 مىنۇت ئۆتۈپتۇ . شوپۇر ئۇستام ئەتتىگەن سائەت 9 يېرىمدا يولغا چىققان ، سائىتىگە 4 كىلومېتردىن ماڭدى دىگەن ھالەتتىمۇ ئەمدىلا 24 كلومېتىر ماڭغان بولىدۇ. دېمەك يولنىڭ يەنە يېرىمى بار دېگەن سۆز . ساقچىلار ئەڭ تىز دېگەندە ئەتە تاڭ سەھەردە كىلەلەيدۇ . بۇ ۋاقتتا يەنە بىرەر ئىش بولۇپ قالماسلىقى ئۈچۈن ، رەنانىڭ قېشىدا ئۆزۈم تۇرۇشنى قارار قىلدىم . ئايۋان ئاساسلىق پائالىيەت ئۆيى بولغانلىقى ئۈچۈن ، ئۇنى ئىچكەركى ئۆيگە يۆتكىدۇق . باشقىلارنى چىقىرىۋېتىپ ئۇنىڭ يېنىدا ئۆزۈم قالدىم . ئۇ ماڭا قاراپ سۇس كۈلۈمسىرىدى. بۇ ئۇنىڭ تالاپەتكە ئۇچرىغاندىن بۇيان تۇنجى قېتىم كۈلۈمسىرىشى ئىدى . - سىز يېنىمدا بولسىڭىز خاتىرجەم بولىدىكەنمەن ،- دېدى ئۇ بوش ئاۋازدا . - سىزنى ياخشى قوغدىيالمىدىم ،- دېدىم مەن بېشىمنى تۆۋەن سېلىپ ،- مەن بۇرۇنلا سەزگەن ، لېكىن بەك سەل قاراپتىمەن. مېنى كەچۈرۈڭ . - ئۇنداق دېمەڭ ،- دېدى ئۇ - كىممۇ ئىشلارنى ئالدىن بىلەلىسۇن . مەن ئۆزۈممۇ بىخەستىلىك قىلدىم . - سىزنىڭ ئېسىڭىزگە بىرەر ئىش كەلدىمۇ ؟ - ئازراق ئەسلىيەلىدىم ، تۆپىلىكتە پەسكە قاراپ خىيال سۈرۈپ تۇراتتىم . تۇيۇقسىز بىرسى كېلىپ كەينىمدىن ئىتتىرىۋەتتى . - ئۇنىڭ كىملىكىنى بىلەلىدىڭىزمۇ ؟ ئۇ بېشىنى ئاستا چايقىدى. - سىز ئۇ يەرگە نېمىشقا بارغان ئىدىڭىز ؟ - گۈلمىرەنىڭ ماڭا دەيدىغان ئايرىم سۆزى بار ئىكەن ،- دېدى ئۇ ،- مەن ئۇنىڭ بىلەن شۇ يەردە كۆرۈشمەكچى ئىدىم . - گۈلمىرەنىڭ سىزگە گېپى بارلىقىنى قانداق بىلدىڭىز ؟ - ئۇ ئەتتىگەن ئۆزى ماڭا دېگەن . - ئەتتىگەن قانداق ۋاقتتا دېگەن ؟ - سىز سىرتقا يالغۇز چىقىپ كېتىپ ئۇزۇن ئۆتمەي . - ئۇ سىزگە ھەممىگە ئاڭلىتىپ تۇرۇپ دىمىگەندۇ ؟ - ياق ، مېنىڭ ئالدىمغا كېلىپ بوش ئاۋازدا دېگەن . - نېمىشقا شۇ ۋاقىتتا دېيىشمىدىڭلار ؟ - دەل شۇ ۋاقىتتا بالىلار بىللە ئايلىنىپ كىلەيلى دىۋىدى . شۇنىڭ بىلەن پۇرسەت بولماي قالدى . شۇڭا قايتىپ كەلگەندە دېيىشتۇق . -ئۇ شۇنداق مۇھىم گەپمىدى؟ بايا گۈلمىرەدىن سورىسام نېمە دېيىشكەنلىكىڭلارنى ئېيتمىدى. - ئۇنى سىزگە دېگىلى بولمايدۇ ،- دېدى رەنا كۈلۈپ . - بوپتۇ ، سىز بىردەم ئۇخلاپ ئارام ئېلىڭ .- دېدىم مەن ،- مەن سىزنىڭ يېنىڭىزدا ھەمرا بولۇپ ئولتۇرىمەن. ئۇ ئاستا بېشنى لىڭشىتتى . بىردەمدىن كېيىن ئۇ ئۇيقۇغا كەتتى . مەن ئويلاشقا باشلىدىم : « ئۇلار ئايرىم سۆزلىشىدىغانلىقىنى باشقىلارغا ئۇقتۇرماپتىكەن ، ئۇنى ئىتتىرىۋەتكەن ئادەم ئۇ ئىككىسىنىڭ ئايرىم كۆرۈشىدىغانلىقىنى قانداق بىلگەندۇ ؟ ۋاقىتنى ، ئورۇننى شۇنداق ئېنىق بىلىپتۇ . » زۇلپىيە كىرىپ كەلدى. ئۇ مېنىڭ ئازراق ئارام ئېلىۋىلىشىمنى ئېيتتى . مەن ئۇنىڭغا رەناغا ئوبدان قاراشنى ، يېنىدىن بىردەممۇ ئايرىلماسلىقنى قايتا – قايتا تاپىلاپ ، سىرتقا چىقتىم . ئابدۇقەييۇم ، ئىليار ، جۈرئەت بىللە ئولتۇرۇپتۇ . ئۇلار ساۋۇت مۇئەللىمنىڭ رەقەملىك سىن ئاپپاراتىنى كۆرۈپ ، ئىشلىتىشنى ئۆگىنىپ ئولتۇرۇپتۇ . جۈرئەت مېنىڭ ئۇلارغا قاراپ كېلىۋاتقىنىمنى كۆرۈپ : - سېنى تارتىپ قوياي ، - دەپ ئاپپاراتنى ماڭا تەڭلىدى . - غېنىنى كۆردۈڭلارمۇ ؟- دەپ سورىدىم مەن ئۇلارنىڭ قېشىغا بېرىپ . - ئۇ ئاۋۇ تەرەپتىكى ئۆستەڭ بويىدا يالغۇز ئولتۇرىدۇ ،- دېدى ئىليار . - بۇنى سوراپ نېمە قىلىسەن ؟ - دېدى جۈرئەت . - ئۇنىڭ بىلەن بىر پاراڭلىشىپ باقايمىكى دەيمەن. - ئۇنىڭدىن گەپ چىقارمۇ ؟- دېدى ئابدۇقەييۇم مەسخىرە ئاھاڭدا . - بىر سىناپ باقاي ،- دېدىم مەن ،- سىلەر رەناغا قاراپ قويۇڭلار ، ئۇنىڭغا يەنە بىر ئىش بولۇپ قالمىسۇن . - خاتىرجەم بولغىن ،- دېيىشتى ئۇلار بىر ئېغىزدىن . مەن ئۆستەڭ بويىغا غېنىنى ئىزدەپ كەتتىم .

erkinaz

	شۇ ئەمدى باشقىلارنىڭ پەرەزلىرىنى ئاڭلىغاچ يوللايمىزدە؟؟  بولمىسا ئۆزىمىز يوللاپ ئۆزىمىز ئوقۇپ دىگەندەك بولۇپ قالىدىغاندەك..

erkinaz

	بولىدۇ..  تىخىمۇ كۆپرەك يوللىۋىتەي...    لىكىن داۋامىنى ئەتە كەچتە.... 6 ئۆستەڭ بويىدا غېنى سۇغا قاراپ ئولتۇراتتى . مەن ئۇنىڭ يېنىغا كېلىپ ئولتۇردۇم . ئۇ ماڭا قاراپمۇ قويمىدى. ئۇ شۇ تاپتا ئۆزىنىڭ دۇنياسىدا ئىدى . مەن بىردەم ئولتۇرغاندىن كېيىن گەپ باشلىدىم . - قارماق ئالغاچ كەلسەك بوپتىكەن ، ھە . بۇ يەردە خېلى چوڭ بېلىق بار ئىكەن . ئۇ جاۋاب قايتۇرمىدى . سۇغا قاراپ ئولتۇرىۋەردى. - ئاكاڭنىڭ ئۆلۈمىگە بەك ئېچىندىم . ئۇ ساڭا بەك ئامراق ئىكەن . ئۇ سەن ئۈچۈن شۇنچە كۆپ چىقىم قىلىپ ، بىزنى بۇيەرگە ئېپكەلگەن ئىدى . ئەمما ...... مەن ئۇنىڭغا كۆزۈمنىڭ قىرىدا قاراپ باقتىم . ئۇنىڭدا ئازرا ق ئىنكاس پەيدا بولغان ئىدى . - ئەمما قانداقتۇر بىرسى ئۇنىڭ جېنىغا زامىن بولدى . ئۇ ئۆلۈپ كېتىشنىڭ ئالدىدا ئىنىسىنىڭ ياخشى بولۇپ قالغىنىنى كۆرەلمىدى . مەن غېنىغا قارىسام ، ئۇ يىغلاشقا باشلاپتۇ . - سەن ئاكاڭنىڭ ئۆلۈمى توغرىلىق بەزى ئىشلارنى بىلىسەنغۇ دەيمەن . ماڭا دەپ بېرەمسەن ؟ ئۇ جاۋاب بەرمىدى . - بۇنى دەپ بەرسەڭ ، قاتىلىنى تېپىشقا ياردىمى بولاتتى . - ئۇ ئۆزى ئۆلىۋالغان ، - دېدى ئۇ . - ئۇ نېمىشقا ئۆلىۋالىدۇ ؟ - دېدىم مەن . ئۇ يەنە جىمىپ كەتتى . مەن خېلى ئۇزۇن ئۇنىڭ ئاغزىغا قاراپ تۇرغان بولساممۇ ، ئۇ يەنىلا گەپ قىلماي ئولتۇراتتى. مېنىڭ تاقىتىم تۈگىگەن ئىدى . ئۇنىڭ ياقىسىدىن ئېلىپ ، تارتىپ تۇرغۇزدۇم . ئۇنىڭغا ۋارقىراپ تۇرۇپ : - سېنىڭ نېمە كېسەل بولغانلىقىڭ بىلەن كارىم يوق ! ئاكاڭنى ئۆلتۈرگەن قاتىل رەناغىمۇ قەست قىلىۋاتىدۇ . مۇشۇ يەردىكى ھەممەيلەنگە قەست قىلىشى مۇمكىن . سەن يەنە بىگۇناھ بالىلارنىڭ بىرەرسى پىشكەلچىلىككە ئۇچرىسۇن دەمسەن !؟ - دېدىم . ئۇ قولۇمدىن سىلكىنىپ بوشۇنىۋىلىپ ، يەرگە قارىۋالدى . - بىلىدىغىنىڭنى ئېيت ! ئۇ ئۆستەڭگە قاراپ جىمجىت خىيال سۈرۈپ تۇراتتى . ئۇنىڭدىن بىرەر گەپ چىقىشىغا كۆزۈم يەتمەي ، ئۆي تەرەپكە ماڭدىم . - ئۇ ئىلگىرى ئادەم ئۆلتۈرگەن ئىدى ، - دېدى غېنى تۇيۇقسىز . مەن بۇگەپنى ئاڭلاپ ئىتتىك كەينىمگە بۇرۇلدۇم . قارىسام ئۇ ئۆستەڭگە قاراپ تۇرۇپ سۆزلەۋېتىپتۇ . ئۇنى يەنە جىم تۇرىۋالمىسۇن دەپ ، گەپ قىلمىدىم . يەنە بىردەمدىن كېيىن ئۇ يەنە گەپ باشلىدى، ئۇنىڭغا گەپ قىلىش ئېغىر كېلىۋاتقاندەك توختاپ - توختاپ سۆزلەيتتى . - ئۇ بەش يىل بۇرۇنقى ئىش ، مەن ئاكام بىلەن بىللە ئۇنىڭ ماشىنىسدا كېتىپ باراتتىم . ئۇ ماشىنا ھەيدەۋاتاتتى . شۇ چاغدا ئۇنىڭغا تېلفۇن كېلىپ قالدى . تېلفوننى ئېلىۋىدى قولىدىن چۈشۈپ كەتتى . ئۇ تېلفوننى ئالماقچى بولۇپ ئېڭشتى . دەل شۇچاغدا ۋەقە يۈز بەردى . بىز يولدىن ئۆتۈۋاتقان بىر ئوغۇلبالىنى سوقۇۋەتتۇق . ئۇ مەنچىلىك بار بالا ئىكەن ... ئۇ توختاپ قالدى . ئۇنىڭ كۆز ئالدىدا شۇ ئىشلار قايتا زاھىر بولۇۋاتقاندەك ئىدى . - ئۇنى دوختۇرخانىغا ئېلىپ باردۇق ، لېكىن ئۇ يەنىلا ئۆلۈپ كەتتى . ئۇ بالىنىڭ قانغا مىلىنىپ ياتقان ھالىتى ھېلىمۇ كۆز ئالدىمدىن كەتمەيدۇ ... - كېيىنچۇ ؟ - كېيىن ئاكام ئۇلارنىڭ ئۆيىدىكىلىرىگە تۆلەم بەردى . ئىش شۇنداق تۈگىدى . - بۇ بىر ھادىسە ئىكەنغۇ ؟ نېمىشقا ئاكاڭنى ئادەم ئۆلتۈرگەن دەيسەن ؟ - دېدىم مەن . - ئۇ بالا ئەسلى ئۆلۈپ كەتمەيتتى . ئۇ بالا قاتتىق سوقۇلمىغان . ئەسلى ...... ئۇ گەپ قىلماي توختىۋالدى . - ئەسلى نېمە ؟ ئۇ قايتا ئېغىز ئاچمىدى. يەنە بايامقىدەكلا ئۆستەڭگە قاراپ ، ئۈنچىقماي ئولتۇرىۋالدى . مەن خېلى ئۇزۇن گەپ سورىغان بولساممۇ ، ئۇنىڭدىن سادا چىقمىدى . گويا ئۇنىڭ يېنىدا مەن يوق ئىدىم . « ئۇنىڭ كېسىلى خېلى ئېغىركەن جۇمۇ ، بوپتۇ ، مۇشۇنچىلىك سۆزلەپ بەرگىنىگىمۇ شۈكرى . » دەپ ئويلىدىم . قايتىپ بارسام ، يەنە ھەممەيلەن ئۇياق - بۇياققا تاراپ كېتىپتۇ ، مېنىڭ تازا ئاچچىقىم كەلدى، « ئۇلار ئادەم ئۆلگەنلىكىنى ئۇنتۇپ قالغاندىمۇ ؟ نىمىشقا بىر يەردە شۈك ئولتۇرمايدىغاندۇ ؟ » دېدىم ئىچىمدە . رەنا ياتقان ئۆيگە كىرسەم بالىلارنىڭ ھەممىسى شۇ يەردە ئولتۇرۇپتۇ . رەنامۇ ئويغاق يېتىپتۇ . - قانداقراق تۇرىسىز؟ - دېدىم رەناغا قاراپ . - خېلى ياخشى ،،- دېدى ئۇ ، - قولۇم سەل ئاغرىۋاتىدۇ . لېكىن بالىلار بىلەن پاراڭلىشىپ ئولتۇرسام ، ئاغرىقنى سەزمەيدىكەنمەن . - چوڭلار قېنى ؟ يەنە ئۆيدە جىم ئولتۇرماي نەگە كەتكەندۇ ؟- دېدىم ئابدۇقەييۇمغا قاراپ . - ئۇلار بايا تېخى بار ئىدىغۇ ؟- دېدى ئۇ ، - بۇ ئۆيگە يېنىپ كىرگەندە بىر يەرگە كەتكەن ئوخشايدۇ . - بۇ يەردە يۈز بەرگەن ئىشلار ئۇلارغا تېخى يەتمەپتۇدە ، - دېدىم مەن ، - ساقچىلار كېلىشتىن ئىلگىرى ھەممىمىزنىڭ بىللە تۇرغىنى ياخشىراق ئىدى . - سەن ئۆزۈڭمۇ بىر يەردە جىم تۇرمايۋاتىسەنغۇ ؟- دېدى ئىليار ماڭا ، - ئۇلارنىمۇ ئىچى پۇشقاندۇ ؟ ئۆيدە ئولتۇرسا ، يا ھىچنىمە بولمىسا بۇ ئۆيدە . - راست دەيسەن ، - دېدى جۈرئەتمۇ ، - تاماقنىڭمۇ تايىنى يوق ، بۈگۈن مەن ئېغىزىمغا تېتىغۇدەك تاماق يېمىدىم . - چۈشتىكى تاماقچۇ ؟ - دېدىم مەن كۈلۈپ ، - ئۇ ھىساب ئەمەسمۇ ؟ - قويە ، - دېدى جۇرئەت قولىنى سىلكىپ ، - ئوخشىماپتۇ . - ماڭىمۇ تېتىمىدى ، - دېدى تۇرسۇنئايمۇ ، - قورۇماي ئەتكەن تاماقتەك بولۇپ قاپتۇ . - ئۇلار قورۇپ ئېتىپتىكەنغۇ ؟- دېدىم مەن ھەيران بولۇپ . - سەينى ئوبدان پىشۇرمايلا سۇ قۇيۇۋەتكەن گەپ ،- دېدى زۇلپىيە چۈشەندۈرۈپ ، - مەن يېڭى تاماق ئېتىشنى ئۈگىنىۋاتقان چاغدا، بىرقېتىم ئەتكەن تامىقىم ئاشۇنداق بولۇپ قالغان . « ئەمدى بىلدىم ، - دېدىم ئىچىمدە ، - ئەسلى ئۇ ئىكەندە . » - بىرەر ئىشنى ئېنىقلىيالىدىڭمۇ ؟- دەپ سورىدى ئابدۇقەييۇم . - شۇنداق ، قاتىلنىمۇ بىلىپ بولدۇم . لېكىن ئىسپات يوق ، - دېدىم مەن ، - ھېلى ئۇلار قايتىپ كەلگەندە ھەممە تۈگۈننى يېشىپ تاشلايمەن . - بىلىپ بولدىڭىزمۇ ؟- دېدى رەنا سەل ئۆرە ئولتۇرۇپ ، - بىزگە دەپ بەرمەمسىز ؟ - ئاۋۋال چوڭلار قايتىپ كەلسۇن . ھەممەيلەن يىغىلغاندا ئېيتىمەن ، - دېدىم مەن . - سىن ئاپپاراتىنى ئەكىلىڭە ، - دېدى رەنا جۈرئەتكە قاراپ ، - نېمىلەرنى تارتتىڭىز مەن بىر كۆرۈپ باقاي . ئۇ سىن ئاپپاراتىنى رەناغا بەردى. - قانداق قويىدۇ ؟ - مانا بۇيەرنى باسىسىز ، ئاندىن تاللايسىز ،- دېدى جۈرئەت ئۇنىڭغا كۆرسىتىپ تۇرۇپ . ھەممىسى بېشىنى بىر يەرگە ئەكىلىۋىلىپ كۆرۈشكە باشلىدى . - قاراڭلار، بۇ تۈنۈگۈنكى كەچلىك تاماق ۋاقتىكەن، ئەسقەر ئاكىمۇ بار ئىكەن . - بىز يوق چاغدا تارتقانلىرى ئىكەن . - يەنە رەنا ئىككىڭلارمۇ بار ئىكەنسىلەر ، - دېدى ئىليار ماڭا قاراپ . - سىلەر تۈنۈگۈن تۆپىلىككە بېرىپ نېمە قىلدىڭلار ؟- دېدى جۈرئەت ھەييارلىق بىلەن. - ھىچنىمە ، كۈننىڭ پېتىش مەنزىرىسىنى كۆرگىلى باردۇق شۇ ، - دېدىم مەن . ئۇلارنىڭ يەنە مېنى تېرىكتۈرۈشكە باشلايدىغانلىقىنى سېزىپ قالدىم . - بولدى ، بولدى ،- دېدىم مەن ئورنۇمدىن تۇرۇپ ، - ماڭا بېرىڭلار، مەن بىر كۆرۈپ باقاي . مەن ئاپپاراتنى ئۇلاردىن ئېلىۋالدىم . - سىلەر بەك رومانتىك ئىكەنسىلەر جۇمۇ ! - دېدى جۈرئەت مەن بىلەن قېرىشىپ . مەن گەپ قىلمىدىم. چۈنكى بۇنداق چاغدا گەپ قىلماسلىق ئەڭ ياخشى چارە ئىدى. گەپ قىلىش ئۇلارغا يېڭى بىر تېما تېپىپ بەرگەن بىلەن باراۋەر ئىدى . شۇڭا مەن ئۇنىڭغا پەرۋا قىلماي سىننى كۆرۈشكە باشلىدىم . ئۇنىڭغا ئەتتىگەنكى جەسەتنى تەكشۈرۈش جەريانىمۇ ئېلىنغان ئىدى . مەن بۇ جەرياننى دىققەت بىلەن كۆرۈشكە باشلىدىم . شۇنداقتىمۇ باشقا نەرسە بايقىمىدىم . ئاندىن مېنىڭ سۈرىتىم چىقشقا باشلىدى . - بۇ بايا سىلەردىن غېنىنى سورىغان ۋاقىتمۇ ؟ - دەپ سورىدىم مەن جۈرئەتتىن . - ھەئە ، - دېدى جۈرئەت يېنىمغا كېلىپ ئاپپاراتقا قارىغاندىن كېيىن . – قارا ، ياخشى تارتىپتىمەنمۇ ؟ ئۇنىڭدىن كېيىن ، باشقا چوڭلار چىقىشقا باشلىدى . ئۇلار ئايۋاندا ئولتۇرۇشاتتى . جۈرئەت ئۇلارنىڭ ھەممىسىنى ئايلاندۇرۇپ ، تەپسىلى ئاپتۇ . - بۇنى ئېلىپ نېمە قىلارسەن ؟ - بۇ يەرگە كېلىپ ، تۈزۈك سىنغا ئالماپتۇق . ھەممىسى ئاشۇ ۋەقەنىڭ كاساپىتى. ساياھەتمۇ ساياھەتتەك بولمىدى . شۇڭا خاتىرە بولسۇن دەپ كۆپرەك سىنغا ئېلىپ قويدۇم . ئاپپاراتتا رەنا ياتقان ئۆي چىقىشقا باشلىدى ، بىردەمدىن كېيىن ئېلىنغان فىلىم قويۇلۇپ تۈگىدى. - راستلا بەك ئاز ئېلىنىپتۇ . قارىغاندا بۇنىڭ ساقلىغۇچىسى توشمايلا قايتقۇدەكمىز ، - دېدىم مەن ئۇنىڭغا . ئاندىن سىن ئاپپاراتىنى جۈرئەتكە بەردىم . سىرتتىن چوڭلارنىڭ ئاۋازى ئاڭلاندى . ئۇلار قايتىپ كەلگەن ئىدى . سائەتكە قارىسام 5 كە 10 مېنۇت قاپتۇ . ساۋۇت مۇئەللىم ئىشىكتىن كىرىپ كەلدى . - ھەممىڭلار بۇ يەرگە كىرىۋاپسىلەرغۇ ؟ - دېدى ئۇ ،- رەنانى ئاراپ ئالغىلى قويماي . - مەن ھازىر ياخشى ، - دېدى رەنا ، - ئۇلار مۇشۇ يەردە بولسا زېرىكمەيدىكەنمەن . - ھە ، بوپتۇ . - ئەمدى ئېيتارسەن ؟ - دېدى ئابدۇقەييۇم ماڭا ، - چوڭلارمۇ قايتىپ كەلدى مانا . - شۇنداق ، - دېدىم مەن ئاندىن ساۋۇت مۇئەللىمگە ،- ھەممەيلەن مۇشۇ ئۆيگە كىرسە بوپتىكەن . مەن يۈز بەرگەن ئىشلارنىڭ ھەقىقىي ئەھۋالىنى بىلدىم . - شۇنداقمۇ ؟- دېدى ساۋۇت مۇئەللىم ماڭا غەلىتە قاراپ ، - ماقۇل ، مەن ئۇلارنى باشلاپ كىرەي . ئۇ چىقىپ كەتتى . - ئىسپات يوق دەۋاتاتتىڭغۇ ؟ - دېدى ئابدۇقەييۇم . - ئىسپاتقۇ بار . لېكىن يېتەرلىك ئەمەس .- دېدىم مەن ، - شۇنداق بولسىمۇ ، ئەھۋالنى ئايدىڭلاشتۇرىۋەتسەك ، بىزنىڭ قاتىلدىن مۇداپىئەلىنىشىمىز ياخشىراق بولىدۇ ، قالغىنىنى ساقچىلارغا تاپشۇرمامدۇق . بىردەمدىن كېيىن كۆپچىلىك يىغىلدى . غېنىمۇ كەلگەن ئىدى . ئۇ بىر بۇلۇڭغا بېرىپ ئولتۇردى . كىرگەنلەرگە بىر قۇر كۆز يۈگۈرتۈپ چىقتىم . قارىسام نادىر دوختۇر كۆرۈنمەيتتى . - نادىر دوختۇرچۇ ؟- دەپ سورىدىم مەن . ئۇلار بىر- بىرسىگە قاراشتى . - ئۇنى تاپالمىدىم ، - دېدى ساۋۇت مۇئەللىم . - بايا كىم ئۇنىڭ بىللە ئىدى ؟- دەپ سورىدىم . - بىز ئۆيدىن ئايرىلغاندا ، ئۇ ئۆزى يالغۇز ئۆيدە قالغان ،- دېدى خۇرشىدە ھەدە. - بىز دېگىنىڭىز كىملەر ؟ - مەن بىلەن نۇسرەت . - ئەمىسە باشقىلارچۇ ؟ - ئۇلار بىزدىن بۇرۇن چىقىپ كەتكەن . - باشقىلارمۇ ئۇنى كۆرمىدىڭلامۇ ؟ - مەن بۇرۇنلا چىقىپ كەتكەن ، - دېدى مۇرات ئاكا . - مەنمۇ ، - دېدى نۇربىيە ھەدە . - بىز ئاۋۋال ئۇنى ئىزدەپ باقايلى ، - دېدىم مەن ، - قالغان گەپنى ئۇمۇ كەلگەندە ئاندىن دېيىشەيلى . ھەممىمىز ئورنىمىزدىن قوزغالدۇق . - زۇلپىيە بىلەن تۇرسۇنئاي ، - دېدىم مەن ئاندىن گۈلمىرەگە قاراپ ، - يەنە سىز ، مۇشۇ يەردە رەناغا ھەمرا بولۇپ قېلىڭلار . ئۇلار قېپقالدى . بىز ئۆيدىن چىقىپ ، ئەتراپنى ئىزدەشكە باشلىدۇق . بىز ئۇنىڭ ئىسمىنى توۋلاپ چاقىراتتۇق . لېكىن جاۋاپ كەلمەيتتى . تۇيۇقسىز ساۋۇت مۇئەللىمنىڭ ئاۋازى ئاڭلاندى . - تېپىلدى ! بىز ئاۋازنى ئاڭلاپ كەينىمىزگە ياندۇق . ئۇ بىزنى چاقىرغىلى تۆپىلىككە چىققان ئىدى . - نەگە كېتىپتىكەن ؟ - دېدى ئىليار - ئادەمنى ھەجەپ ئىزدەتتى . - تىزراق بولۇڭلار ،- دېدى ساۋۇت مۇئەللىم جىددى ئاھاڭدا ، - ئۇنى يار ئاستىدىن تاپتۇق . ئۆلۈك - تېرىكلىكى تېخى نامەلۇم . - نېمە ؟! بىز ئۇنىڭ كەينىدىن يۈگۈردۇق . ئەسقەر ئاكا ياتقان ئۆينىڭ ئارقسىدا ، ئانچە يىراق بولمىغان يەردە تىك ۋە ئېگىز يارلىق بار ئىدى . بىز يېتىپ بارغاندا ، مۇرات ئاكا ۋە باشقا ئاياللار يارلىقنىڭ ئاستىغا چۈشۈپ بولۇپتۇ . بىزمۇ ئايلىنىپ ، يول بىلەن يارلىقنىڭ ئاستىغا چۈشتۇق . ئۇ قورام تاشلار ئارىسىدا قانغا مىلىنىپ ئوڭدا ياتاتتى . بېشى بولسا قارىغۇسىز دەرىجىدە يېرىلىپ ، پارچىلىنىپ كەتكەن ئىدى . بۇ ھەقىقەتەنمۇ قورقۇنۇچلۇق كۆرۈنۈش ئىدى . نۇربىيە ھەدە : - ئاكا ! ئاكا ! - دەپ ۋارقىراپ يىغلاپ كەتتى . - مەن كۆرۈپ باقاي ، - دېدىم مەن ، - يىراقراق تۇرۇڭلار. - بۇ نېمە ئىش ؟ نىمىشقا بۇنداق پىشكەلچىلىكلەرئارقا - ئارقىدىن يۈز بېرىۋىرىدىغاندۇ ؟ - دېدى خۇرشىدە ھەدە يىغلامسىراپ . - بۇ نېمە بالا تەگكەن يەر بولغىيتى ؟- دېدى نۇسرەت ھەدىمۇ . - ئۇ قانداق چۈشۈپ كەتكەندۇ ؟ - دېدى دىلنار ھەدە . مەن تەكشۈرۈشنى باشلىدىم . ئۇ ئاللىبۇرۇن ئۆلگەن ئىدى . ئۇنى تەكشۈرۈپ كۆرۈپ ئۆلگنىگە تېخى بىر سائەتمۇ بولمىغانلىقىنى بىلدىم . ئۇنىڭ بېشىغا قاراشقا كىشى ئەيمىنەتتى ، شۇنداقتىمۇ ئۇنىڭ بېشىنى تەكشۈرۈپ كۆردۈم ، بېشى تاشقا تەگكەن بولسا كېرەك ، ھەتتا باش سۆڭىكىمۇ ئاجراپ كەتكەن ئىدى . ئۇنىڭ كېيىمىدىن ئازراق تاماكا پۇرىقى كېلىۋاتاتتى . مەن يېقىنراق بېرىپ ئۇنىڭ ئاغزىنى پۇراپ باقتىم . تاماكا پۇرىقىدىن باشقا ئۇنىڭدىن غەلىتە پۇراق كېلىۋاتاتتى . « ئېتىل ئېفىر» دېدىم مەن ئېچىمدە . ئۆرۈپ دۈمبىسىگە قارىسام ، كىيىملىرى بەكلا توپا بولۇپ كېتىپتۇ . چاچلىرىمۇ توپا بولۇپ كېتىپتۇ . ئەتراپتىكى باشقا يەرلەرگە قاراشقا باشلىدىم . يېقىنلا يەردە ئەخلەت تۆككەن يەر بار بولغاچ قالايمىقان نەرسىلەر بار ئىدى . شۇنداق بولسىمۇ مەن يېڭى تاماكا قالدۇقى بىلەن بىر ئاق تۈگمە تېپىۋالدىم . - ئۇ نېمە ؟- دېدى ساۋۇت مۇئەللىم . - بۇ ماددى ئىسپات ، - دېدىم مەن ۋە يانچۇقۇمدىكى قولياغلىقنى چىقىرىپ ئوراپ قويدۇم . - بولدى، ئۇنىڭ ئۈستىگە بىر نەرسە يېپىپ قويايلى ،- دېدىم مەن . - ساۋۇت مۇئەللىم چاپىنىنى سېلىپ ، جەسەتنىڭ يۈزىگە يېپىپ قويدى . - قايتىپ ، بايىقى ئۆيگە يىغىلايلى ، - دېدىم مەن ، - مەن بۇ ئىشلارنىڭ ھەممىسىنى بىلىپ بولدۇم . داۋامى بار..... يېشىمىگە كەلدى.. قىنى سىلەرمۇ يىشىپ بىقىڭلار ..

sabiha

	سىز ئەسلى ئىنكاس جىق چۇشىشنى ئويلاپ پارچىلاپ پارچىلاپ ئەۋەتېۋېتپسىزدە بۇ ئەسەرنى

YELAN

	مەن قاتىلنى دىلنار ھەدىمىكىن دەپ گۇمان قىلۋاتمەن.

aptap104

	قىنى داۋامى..

erkinaz

	ئاپتور جاۋابىنى بويلاپ 25قەۋەت  sabiha كە 2011-12-19 11:25 PMئەۋەتىلدى  : سىز ئەسلى ئىنكاس جىق چۇشىشنى ئويلاپ پارچىلاپ پارچىلاپ ئەۋەتېۋېتپسىزدە بۇ ئەسەرنى   ياقەي...    باشقىلارنىڭ تەسىراتىنى،  قانداق ئويلىغانلىقىنى بىلگەچ يازاي دىدىم شۇ..  پىكىر ئالماشتۇرغاچچۇ مانداق...

nim-japa

	ئەسسالامۇ - ئەلەيكۇم ،  تېما ئىگىسى ،  بۇ  ھېكايىدىن كېيىنكى داشۆ تۇرمۇشى تەسۋىرلەنگەن ھېكايىنى ئىزدىنىشتە  كۆرگەندەك قىلىمەنغۇ مەن ؟  ئاپتورى سىز شۇمۇ ؟ پېرسۇناژلانىڭ ئىسمى ئوخشايدىكەن ، شۇڭا.......   داۋامىغا تەشنامەن .