ئوقۇتقۇچىنىڭ ‹‹بۇزۇق›› خوتۇنى (ھىكايە)

ARIX

	ئوقۇتقۇچىنىڭ ‹‹بۇزۇق›› خوتۇنى                                                    ئاپتۇر: ئارىش ئەنۋەر تىزراق بولۇڭ تاماق تەييار بولۇپ قالدى. ئەمسە مىنى بىرنى سۆيۈپ قويۇڭ قەدىرلىكىم ئاندىن ئورنۇمدىن تۇرىمەن. ماقۇل دىگىنىمچە ئەنۋەرنىڭ قۇلۇقىدىن تارتىپلا مەڭزىگە بىرنى سۆيۈپ قويدۇم. ئاندىن ئوغلۇم بىلەن قىزىمنى ئويغاتتىم. تاماق يىگەچ ئەنۋەرگە ھە راسىت ئەنۋەر بۈگۈن جۈرئەتنى مەكتەپكە سىز ئاپىرىسىز، ئايشەمنى يەسلىگە مەن ئاپىرىمەن. ھوي، بۇ نىمە قىلىق خوتۇن ئەمدى، جۈرئەتنىڭ مەكىتپى بىلەن مىنىڭ مەكپىتىم بىر يولدا بولغاندىكىن ماڭا قۇلايلىق تۇرسا، نىمىشقا ئالماشتۇرىمىز ئەمدى. يول مىڭىشنى ئاۋارچىلىق كۆردىڭىزما؟ ئۇنداق بولسا بىر شەرتىم بار؟ قىنى شەرتىڭنى دە خوتۇن، سىنىڭ قانداق شەرتىڭ بولسا چوقۇم ئورۇنلاپ بىرىمەن. ئۇنداق بولسا مىنى 3 نى سۆيۈپ قويىسىز... نىمە ئاران 3 نىما؟ شۇنداق، ئەنۋەرگە سۇئال نەزىرى بىلەن قارىدىم. ھەي مەن سىنى ئاخشام تىخى سۆيۈپ قويغانغۇ؟ بالىلارنىڭ ئالدىدا يۈزۈم قىزاردى. شۇنداقتىمۇ؟ ئۇ دىگەن ئاخشامقى دەپ ئاياللارغا ئوخشاش نازارەت ۋە ئۆكتەملىك بىلەن ئۇنىڭغا تىكىلدىم. ئۇنىڭغىچە ئوغلۇم، ئانا سۆيۈشۈش قانداق بولىدۇ. مەنمۇ سىڭلىمنى سۆيۈپ قويدۇم، لىكىن ئۇ مىنى شاپىلاق بىلەن ئۇردى. دادام سىزنىمۇ سۆيسە، سىزمۇ شاپىلاق بىلەن ئۇرامسىز؟ بۇ گەپتىن ئەنۋەر بىلەن ئىككىمىز كۈلىشىپ كەتتۇق. ئەنۋەر ماڭا كۈلۈمسىرەش نەزىرى بىلەن قاراپ، ماھېرە سىزنى ھازىرلا سۆيۈپ قويايمۇ؟ ۋاي بولدى، ھازىرچە نىسىگە قالغاچ تۇرسۇن. ******************************************* ئىشخانىغا كىرىپ ئەمدى ئىشىمنى قولۇمغا ئىلىپ تۇرسام، خىزمەتدىشىم، مۇنىرە كىرىپ كەلدى. ئۇ سەل خاپا كۆرىنەتتى. ئاداش بۈگۈن ئەجەپ بىر قىسما كۆرىنىسەن، ئۆيدە بىرەر ئىش بولمىغاندۇ؟ نىمە ئىش بولاتتى.  شۇ يولدىشىم بىلەن قىزىم ئۇرۇشۇپ بولمامدۇ. توۋا دىگىنە. ئەمدى 5 ياشنىڭ قارىسىنى ئالغان بالا قانداقسىگە ئىرىڭ بىلەن ئۇرۇشسۇن. ئاداش ئاخشام دىلمۇرات بەك مەس بوپ كىرىپتىكەن. ھاراق پۇرىقى ئۆينى بىر ئالدى. دىلمۇراتغا مېھمانخانا ئۆيگە ئورۇن راسلاپ بەردىم.  ئۇخلاپ قالغان قىزىم قانداق ئويغاندى بىلمىدىم. بىرا ۋاقىتتا ئاپا، دادام بەك سىسىق پۇرايدىكەن. ئۇنى يۇيۇپ قويايلى دەيدۇ. ئارامىڭىزنى ياخشى ئىلىڭ قىزىم، ئەتە ئورنىدىن تۇرسا ئوڭشىلىپ قالىدۇ بولدى دادىڭىز بىلەن كارىڭىز بولمىسۇن دىسەم، ئۇنداق بولسا دادامنى بىرنى سۆيۈپ قويۇپ ئۇخلايمەن دەپ دادىسىنىڭ قىشىغا چىقىپ كەتتى. بىر ۋاقىتتا دىلمۇراتنىڭ قاتتىق ۋاقىرغان ئاۋازى ئاڭلاندى. يۈگرۈپ چىقسام، قىزىم سانىيە كىچىك داستا بىر داس سۇنى دىلمۇراتنىڭ يۈزىگىلا تۆكۈپتۇ. قىزىمدىن بۇ نىمە قىلغىنىڭز دىسەم، دادامنى سۆيسەم كۆڭلۈم بەك ئىلىشىپ كەتتى. شۇڭا يۇيۇپ قويۇپ ئاندىن سۆيەي دىگەن دىمەمدۇ. كۈلكىدىن ئۆزۈمنى ئاران تۇتۋالدىم دىگىنە. قارىسام دىلمۇرات ۋاقىراق ئۆينى بىر ئالدى. مەن دىلمۇراتقا بولدى كىچىك بالا ھېچنىمىنى ئۇقمايدۇ. ئورنىڭىزنى ئالماشتۇرۇپ بىرەي دىسەم ئۇمۇ مىنى سەت تىللاپ كەتتى. شۇ ئارىدا قىزىم توبونى ئەكلىپ دىلمۇراتنىڭ پاتىڭىغا بىرنى قويغان ئىدى. قارىسام دىلمۇرات سانىيەنىڭ ياقىسىدىن ئىلىپ يۈرگە ئاتقىلى ئۈلگۈردى. قىزىم قورقۇپ كۆزلىرى پولتىيىپ چىقىپ كەتتى. مەن قىزىمغا ئىسىلۋالدىم. قىزىمنى ئاران ئاجرىتىپ، ياتاق ئۆينىڭ ئىشىكنى تاقىدىم، بىر ۋاقىتتا قىزىم، ئانا دادام بەك ئەسكى ئىكەن. ئۇنى دېرىزىدىن تاشلىۋىتەيلى دەيدۇ. سەھەردە دىلمۇرات ئورنىدىن تۇرۇپ ئاخشام سانىيەگە بىشىمغا سۇ قۇيۇشقا سەن كۈشكۈرتتىڭ، تېخى توبو بىلەن مىنى ئۇرغۇزدىڭ دەيدۇ. ياق ئۇنداق ئەمەس، مەن ئۈگەتمىدىم، كىچىك بالا ئۇرسا قانچىلىك ئاغرىيتى. ئۇنىڭ قانچىلىك جىنى بار دەيسىز. بولدى چاي ئىچىپ ئىشقا مىڭ دىسەم، چايمۇ ئىچمەي ئىشقا كەتتى. قىزىم بىچارە دادىسى ئىشقا ماڭغاندىن كىيىن ئاندىن ئۆيدىن چىقتى. ماھېرە ئاداش، سىنىڭ ئىرىڭغا بەكلا مەسلىكىم كىلىدۇ. بولسا ئىككىمىز ئىرىمىزنى بىر ئالماشتۇرۇپ باقساق قانداق دەيسەن. سىنىڭ ئىرىڭ ھەم كىلىشكەن شۇنداق قاۋۇل، قاچانلا كۆرسەم چىرايدىن بىرخىل خۇشخۇيلۇق كەتمەيدۇ. مىنىڭ ئىرىمدەك سوغۇق سۇدەك مىجەزى يوق.  ساڭىمۇ شۇنداق ياخشى مۇئامىلە قىلىدۇ. ئىش قىلىپ سىلەر بەك بەخىتلىك. ئۇنىڭ گىپىنى ئاڭلاپ كۈلۈپلا كىتىپتىمەن. ئاداش بولدى كۆڭلىڭنى يىرىم قىلما ئىرىڭمۇ ھامان بىر كۈنى ئوڭشىلىپ قالىدۇ. بولدى كۆڭلىڭنى يىرىم قىلما؟ دىمىسىمۇ خىزمەتدىشىمنىڭ دىگىنەك ئىرىم شۇنداق مۇلايىم، چىقىشقاق، ماڭىمۇ بەك ياخشى مۇئامىلە قىلىدۇ. ھەرقانداق ئىش بولسا ماڭا مەسلىھەت سىلىپ ئاندىن قىلىدۇ. ئىشتىن چۈشۈشتىن بۇرۇن ماڭا تىلىفۇن قىلىپ ئۆيگە نىمە ئالغاچ بارسام بولىدىغانلىقىنى سورايدۇ. ئىش قىلىپ، بەخىت دىسە مىنىڭ ئائىلەمدەك بەخىتلىك ئائىلە ئاز تىپىلىدۇ. ماھېرە مەن سىرىتقا تەكشۈرۈشكەچىقىمەن، شۇڭا سەل تۇرۇپ ماۋۇ دوكىلاتنى ۋىلايەتلىك ئىدارىگە يوللىۋەتسەڭ دەپلا خىزمەتدىشىم ماھېرە سىرىتتا ئىشلىگىلى چىقىپ كەتتى. دوكىلاتنى كۆرۈپ ئولتۇرسام ئىدارە باشلىقىمىز خلىل كىرىپ كەلدى. ئۇنىڭ كىرگەنلىكى كۆرۈپ ئورنىمدىن تۇرۇپ ئىدارە باشلىقىغا سالام قىلدىم. قانداق ماھېرە خىلى كۆنۈپ قالدىڭىزمۇ؟ ئەگەر كۆنەلمىگەن بولسىڭىز دەڭ، سىزنى باشقا بۆلۈملەرگە يۆتكەپ قويساممۇ بولىدۇ؟ توۋا مۇشۇ ئىدارە باشلىقىمىز باشقىلارغا گەپ قىلسا قاپاقلىرىنى تۈرۈپ بىر خىل باشلىقلىق سالاپىتى بىلەن گەپ قىلىدۇ. ماڭا كەلگەندە بولسا بىر يىقىن دوستۇمدەك، ئىشقىلىپ بەك سەمىمىيلىشىپ كىتىدۇ. بەزىدە ئۆزۈممۇ ھەيرانمەن. ياق بولدى ئىدارە باشلىقى بۇ بۆلۈمگە خىلى كۈنۈپ قالدىم، باشقىلار بىلەنمۇ چىقىشىپ قالدىم، تولا يۆتكىلىپ يۈرسەم باشقىلار باشقىچە ئويلاپ قالمىسۇن. نىمىلەرنى ئويلاپ كەتتىڭىز، باشقىلار سىزنىڭ ئارقىڭىزدىن گەپ قىلىشقا پىتىنالامدۇ مەندەك ئارقا تىرىكىڭىز بار يەردە... شۇنداق بولسىمۇ رەھمەت ياخشى كۆڭۈللىرىگە، ئەنۋەرمۇ سىزنىڭ گىپىڭىزنى كۆپ قىلغان، بولسا ئۆيگە كىلىپ تاماق يەپ كەتسۇن، بىر مېھمان قىلۋالايلى دىگەن ئىدى سىزنى؟ راسما؟ بولدى ئەنۋەر بىلەن كۆرۈشۈپ يۈرمەي، ئەگەر شۇنداق نىيىتىڭىز بولسا ئورۇننى مەن تاللايمەن، سىرىتتا مىنى مېھمان قىلىسىز؟ بولىدۇ؟ ئورنى، ۋاقتىنى دىسىلە؟ ئەمسە ئىشنى ئارقىغا سۈرمەيلى، بۈگۈن مەن سىز بىلەن تاماق يىيىشكە ئىشتىھا ساقلاپ تۇراي، چۈشتىمۇ تاماق يىمەيمەن، كەچتە، گۈلزار رىستۇرانىنىڭ 777 ئايرىمخانىسىدا  قانداق؟  سائەت 7 دە بولسۇن. بولىدۇ. ئەمسە گىپىمىز گەپ ھە؟ بولىدۇ. شۇنداق دىگىنىچە ئىدارە باشلىقى جىلىل ئىشخانىدىن چىقىپ كەتتى. مەن ئالدىراپ تىنەپلا، ئەنۋەرگە تىلىفۇن قىلدىم. ئەنۋەر بۈگۈن ئىدارە باشلىقى جىلىل بىلەن چاقچاقلىشىپ قالغان ئىدىم، سىز ئىدارە باشلىقىنى بولسا بىرەر كۈن ۋاقتىنى چىقىپ تاماق يەپ كەتسۇن دىگەن ئەمەسمىدىڭىز، مەن شۇ گىپىڭىزنى ئۇنىڭغا دىسەم، رىستۇراندا مېھمان قىلىڭلار دەيدۇ گۈلزار رىستۇرانىنىڭ 777 جى ئايرىمخانىسى؟ ئەنۋەر: چاتاق يوق خوتۇن، كەچتە مەن بۇرۇنراق ئىشتىن چۈشۈپ، رىستۇرانغا بىرىپ تەييارلىق قىلاي. ماقۇل ئەمسە كەچتە كۆرىشەيلى.   كەچتە مەن خىزمەتداشلىرىمدىن رۇقىيە، گۈلنار، دىلبەرلەرنى ئىلۋالدىم. ئۇلار بىلەن ئىشتىن چۈشۈپلا  ئۇلار بىلەن گۈلزار رىستۇرانىنىڭ ئايرىمخانىسىدا ئەنۋەر بىلەن بىرلىكتە ئىدارە باشلقىنى ساقلىدۇق. سائەت 6:30 لەر بىلەن ئىدارە باشلىقى كەلدى. ئۇ خۇددى بۇ يەرگە تۇنجى كەلگەندەك ۋە ياكى بىز ئىدارە باشلىقىغا يات ئادەملەردەك ئۇ بەكلا ھەيران قالدى.  گەپ سۆزمۇ ئانچە جىق بولمىدى. ئىدارە باشلىقىنىڭ چىرايى قىلچىلىكمۇ ئىچىلمىدى، ئىدارە باشلىقى ئۇزۇن ئولتۇرمايلا چىقىپ كەتتى.  بىزمۇ ئانچە كۆپ ئولتۇرمايلا چىقتۇق. ھېسابات قىلايلى دەپ بارساق، ئىدارە باشلىقى بۇرۇنلا ئورۇنلاشتۇرۇپ بوپتىكەن. ئەتىسى ئىشخانىدا ئىشلەۋاتسام ئىدارە باشلىقى يەنە كىردى. ئىشخانىدا ھېچكىم يوق ئىدى مەندىن باشقا؟ ھەي سىڭلىم ئاخشام نىمە قىلغىنىڭىز، شۇنچىۋالا ئادەم باشلاپ كىلەمسىز، قوغدىغۇچىلىرىڭىز نىمانداق جىق. شۇ ئەمدى ئادەم ئاز بولسا زىرىكىپ قالمايلى دەپ؟؟؟ ئەسلى مىنىڭ سىز بىلەن ئايرىم پاراڭلاشقۇم بار ئىدى. ھە ئەسلى مۇنداق دەڭ، ھازىرمۇ ئايرىم پاراڭلىشۋاتىمىزغۇ؟ ئىدارە باشلىقىغا سۇئال نەزىرى بىلەن تىكلدىم. سىزگە دەيدىغان گىپىم بار ئىدى، بۈگۈن چۈشتە تاماقنى بىرگە يەيلى؟ ھە؟ مەيلى. توي قىلىپ ئۆمرۈمدە ئەنۋەرگە تۇنجى قىتىم يالغان سۆزلىمەكچى بولدىم. بەلىكى يالغان سۆزلىدىم. مەلۇم بىر قەھۋاخانىنىڭ ئايرىمخانىسى ئىدارە باشلىقى بىلەن ئىككىمىز يالغۇز. ئىدارە باشلىقى: سىڭلىم تۈنۈگۈنكى ئىشنى ياخشى قىلمىدىڭىز، بولدى ئىدارە باشلىقى ئاخشامكى گەپنى دىيىشمەيلى قىنى گىپىڭىز بولسا تىزراق دەڭ؟ ئىدارە باشلىقى: سىڭلىم نىمىگە ئالدىرايسىز، قانداق ئىشىڭىز بولسا مانا مەن بار، خاتىرجەم ئولتۇرىۋىرىڭ. ۋاقىت يىتەرلىك، كۆڭلۈمنى ئەنۋەرنى ئويلىدىم، ئەنۋەر بىلەن توي قىلغاندىن باشلاپ ئەزەلدىن يات ئادەم بىلەن بىر جايدا يالغۇز ئولتۇرۇپ باقمىغاچقىمۇ؟ ئەنۋەرلا كاللامغا كىرۋالغان ئىدى، بۇ يەردىن تىزراق چىقىپ كىتىشنى ئويلايتتىم. لىكىن ماۋۇ بىزنىڭ لايپاس باشلىق يا گىپىنى قىلمايدۇ، بەكلا ئىمىزەڭگىلىك قىلۋاتتى. لىكىن ئۇنىڭ چىرايىدىن بىر خۇشخۇيلۇق، مەن ئەزەلدىن ئۇنىڭدىن بۇنداق بىر ھېسىياتنى سىزىپ باقمىغان، ئۇنى پەقەت، ئاچچىقى يامان، قاپىقى يامان، نەزىرى ئۈستۈن دەپلا ئويلاتتىم، قاچاندىن باشلاپ يىڭى بۆلۈمگە كىرىپ كەلدىم، بۆلۈمدىكى ھەممە كىشىگە ياخشى مۇئامىلە قىلىدىغان، خۇشخۇي، چاقچاق قىلىپ قويىدىغان بولدى. ئەمەلىيەتتىمۇ بۇ ئىدارىدە ئىدارە باشلىقىنىڭ بۇرنىدىن يۆتلەيدىغىنى، ھەتتا شۇجىنىڭمۇ بۇرنىدىن يۆتلەيدىغىنى يەنىلا مۇشۇ خىلىل باشلىق ئىدى. ئىدارە باشلىقى: سىڭلىم مەندىكى بىر ھېسىياتنى سەزدىڭىزمۇ؟ مەن سىزنى كۆرگەندىن باشلاپ، سىزنىڭ ئالىيجاناپ، ئاق كۆڭۈل، باشلىقلىق كىبىرى يوق، چىقىشقاق دەپ چوڭ بىلىمەن، ھەم ئۆزۈمنىڭ ئاكامدەك ھۆرمەتلەيمەن. ئىدارە باشلىقى: ھەي ئۇكام مەن ئۇنداق دىمەكچى ئەمەس، بولدى مەن بەك قىينىلىپ كەتتىم. نەق گەپنى قىلاي. قىنى دەڭ ئىدارە باشلىقى قانداق گەپ بولسا؟ ئىدارە باشلىقى: مەن سىزنى ياخشى كۆرۈپ قالدىم. بىشىمدىن تۈتۈن چىقىپ كەتتى، جىمى ئەيزايىمنى سوغۇق تەر قاپلاپ، بىشىمغا بىر چىلەك سۇغۇق سۇ قۇيغاندەكلا بوپ قالدىم. مەن چۈش كۆرۋاتمايدىغاندىمەن. ‹‹‹ئەنۋەر سەن قەيەردە مىنى ئويغىتىپ قوي››. لىكىن بۇ چۈشۈم ئەمەس ئىدى. كەچۈرۈڭ ئىدارە باشلىقى مىنىڭ يولدۇشۇم، ھەم باللىرىم بار ئادەم، يولدۇشۇم مىنى شۇنچىلىك ياخشى كۆرىدۇ. مەنمۇ يولدۇشۇمنى ياخشى كۆرىمەن. ئەڭ موھىمى مەن ئائىلەمنى ياخشى كۆرىمەن. يەنە ھەپتىدىن كىيىن يەنى 9- ئاينىڭ 10- كۈنى ئەنۋەر بىلەن ئىككىمىزنىڭ توي قىلغانلىقىنڭى 8 يىللىقى بولىدۇ. سىللى بولسىلا مىنىڭ ئاكام دىمەتلىك ئادەم شۇڭا بۇنداق ئويلىرىدىن يىنىشلىرىنى ئۈمىد قىلىمەن. ئىدارە باشلىقى: ئىغىر بسىقلىق بىلەن سىڭلىم بوشراق خاپا بولۇڭ، مىنىڭمۇ باشقا تەلىپىم  ياكى نىيىتىم يوق، شۇ سىز بىلەن پات-پات كۆرۈشۈپ، سىزنىڭ ئوماق دىدارىڭىزنى كۆرۈپ تۇرساملا بولدى. سىزگە قولۇمدىن كىلىدىغان ھەرقانداق ياردەمنى ئايىمايمەن. بولدى رەھمەت، ھازىرقى تۇرمۇشىمدىن مىنىڭ باشقىلارغا ھاجىتىم چۈشمەيدۇ. ياخشى كۆڭۈللىرىگە كۆپ رەھمەت، لىكىن سىلى ئوۋ نىشانلىرىنى خاتا تاللاپ قاپلا دىگىنىمچە سومكامنى قولتۇقۇمغا قىستۇرۇپ چىقىپ كەتتىم. شۇ كۈنىدىن باشلاپ ئىدارە باشلىقىمىز پات-پات ئىشىكتىن ماراپ قويغاندىن باشقا، ئىشخانىغىمۇ كىرىپ باقمىدى. بىر قىتىم ئىشخانىغا كىرىپ مەندىن قىسقىلا ئەھۋال سورىدى، قانداق ماھېرە ئىشلار جاپالىقمۇ؟ مەن ئىدارە باشلىقىغا ھومىيۇپ بىرنى قاراپ قويۇپلا ئىشىمنى قىلىۋەردىم. ئىدارە باشلىقى: ھوي قىزچاق، ئەجەپ چىرايىمنى ئىچىپ قويسام ئىشىپلا كەتتىڭىزيا؟ مەن سىزنىڭ كىچىك بالىڭىز ئەمەس، ماڭا قاپاق ساڭگىلىتىدىغان، بۇ دىگەن ئىشخانا، مەدەنىي سورۇن، شۇڭا بۇندىن كىيىن دىققەت قىلارسىز؟ يۈزىنى قىلسام ئەجەپ بىلمەيدا ماۋۇ توڭ سويما؟ ئىچىمدە ئۇنىڭ سۆزلىرى شۇنچىلىك ھاقارەتلىك بىلىنگەن بولسىمۇ لىكىن گەپ قىلالمىدىم، خىزمەتداشلىرىم ئارىسىدا شۇنچىلىك خىجىل بولدۇم. ئەتە ئەنۋەر بىلەن توي قىلغانلىقىمىزنىڭ 8 يىللىقى بولىدىغان كۈنى ئىدى. تۇيۇقسىز پوچتالىيۇن كىرىپ ماڭا بىر پوچۇلتا بەردى. قارىسام ئەنۋەر ئەۋەتكەن خەت ئىكەن، ھەيران بولۇپ خەتنى ئاچتىم، خەتتە قەدىرلىكىم ماھىرە توي قىلغانلىمىزنىڭ 8 يىللىقىنى تەبىركلەيمەن، بۇ سەككىز يىل جەريانىدا سىز تولىمۇ جاپا تارتتىڭىز، بەزىدە سىزنىڭ دەردىڭىزگە دەرمان بولالماي، سىزنى ئورۇنسىز رەنجىتكەن بولسام مەندىن خاپا بولماڭ، بۇندىن كىيىن چوقۇم سىزنى تېخىمۇ ياخشى كۆرۈشكە، سىزنى رەنجىتىدىغان ئىشنى قىلماسلىققا تىرىشىمەن دىگەندەك بىر تالاي خەت يىزىلىپ ئاخىرىدا ئەتىدىكى توي خاتىرىمىزنىڭ سوۋغىتى ئۈچۈن بىر تال ئالتۇن ئۈزۈك، بىر تال زەنجىر، بىرجۈپ مۇنجاچ ئالدىم، ئاددىي كۆرمەي سوۋغامنى قوبول قىلارسىز دىگەن خەتلەر تۇراتتى. پوچۇلكىنى ئاچتىم، راس ئىكەن. ھەيران قالدىم. شۇ ۋاقىتتا تۇيۇقسىز ئىدارە باشلىقى ئىشىكتىن غىل-پاللا ماراپ قويۇپ ئۆتۈپ كەتتى. ئۇنىڭغىچە ئىشخانىدىكى خىزمەتداشلىرىم ئەتراپىمغا ئولىشىپ قولۇمدىكى نەرسىلەرگە قاراشقا باشلىدى.  ئۇلار ۋاي ئەنۋەر بىلەن ئىككىڭلار نىمانداق رومانتىك ھە سىلەرگە مەسلىكىمىز كىلۋاتىدۇ جۇمۇ دىگەن چاقچاقلارنىمۇ قىلىشىپ ئۈلگۈردى. مەن ئىشنىڭ تىگىگە يىتىپ بولغان ئىدىم. ئىشتىن چۈشۈپ ئۆيگە باردىم. ئىشىكتىن كىرىشىمگىلا ئەنۋەر ئالدىمغا كەلدى. ھەي خوتۇن بەك قاقۋاش بوپ كىتىپسەن، قانداقسىگە بۇنداق سوۋغات قوبول قىلىش نىيىتىگە كىلىپ قالدىڭ. پۇل ئىقتىساد قىلىپ ئۆي ئالىمىز دىگەن تۇرساق، ماڭا سوۋغات ئالىمەن دەپ ئاۋارە بولغىچە، ھەم بۇ سوۋغىتىڭ بەكلا قىممەت ئىكەن. لىكىن ياخشى نىيىتىڭگە كۆپ رەھمەت. مەن ھەيران بولۇپ ئىچكىركى ئۆيگە كىرىدىم، قارىسام لىيەنشاڭ يىڭىدىن چىققان كومپيۇتېر ئىكەن. ھە بۇ ئەسلى ئىدارە باشلىقىنىڭ ئويۇنى ئىكەندە... دىگەنلەرنى ئويلىدىم، لىكىن ئەنۋەرنىڭ ئالدىدا چاندۇرماسلىقنى ئويلىدىم. مەنمۇ تەبئىيلا ئەنۋەرگە ماسلاشتىم. سىزنى دەرس تەكرارلاشتا بەك قىينالدى دەپ شۇ، پۇلنى دىگەن ھامان تىپىۋالىمىز، ھازىر ھەممە ئائىلىدە كومپيۇتېر تۇرسا؟ ئۇنىڭ ئۈستىگە ئەتە ئوقۇتقۇچىلار بايرىمى، شۇڭا ياخشىراق سوۋغاتتىن شۇ كومپىيۇتېرنى تاپتىم. رەھمەت ساڭا قەدىرلىكىم. بۈگۈن تاماقنى سىرىتتا يەيلى، ئۆيدە تاماق ئىتىپ ئاۋارە بولما؟ مەن سومكامنى ئۆيدە قەستەن قويۇپ قويدۇم، چۈنكى ھېلىقى سوۋغاتلارنى ئەنۋەرنىڭ كۆرۈپ قىلىشىدىن بەكلا قورۇقتۇم، نىمىشقىدۇ بۈگۈن ئۆزۈمنى پەقەتلا ئەركىن تۇتالمىدىم. ئەنۋەرنىڭ بىردەم ئايلىنايلى دىگەن گىپىگىمۇ ئۇنماي ئۆيگە بۇرۇنلا قايتىپ كىردىم. ئاخشىمى كۆزۈمگە ئۇيقۇ كىرمەيتتى. ئەتە مەيلى قانداقلا بولمىسۇن بۇ نەرسىلەرنى جىلىلغا قايتۇرۇپ بىرەي.  ياق قانداق قايتۇرىمەن، بولدى زىبۇ-زىننەتلەرنى قايتۇرۇپ، كومپيۇتېرنىڭ پۇلىسىنى بىرەي. شۇنداق قىلاي دىگەن دىگەن سۆزلەر بىلەن ئۆزۈمنى بەزلەپ قاچانلاردا ئۇخلاپ قالغانلىقىمنىمۇ بىلمىدىم. ئىشقا بىرىپلا ئۇدۇل جىلىل ئىدارە باشلىقىنىڭ ئىشخانىسىغا كىردىم. ئىدارە باشلىقى مىنىڭ كىلىشىمنى بىلىدىغاندەك ھە قىنى كىرىڭ سىڭلىم. مەن تەكەللۇپ قىلمايلا. مانا ماۋۇ زىبۇ زىننەت، مانا ماۋۇ كومپيۇتېرنىڭ پۇلىسى. خاتالىشىپ قالدىڭىزمۇ قانداق سىڭلىم، بۇ كىمنىڭ نەرسىلىرى، نىمىشقا ماڭا بىرىسىز؟ توۋا ئىدارە باشلىقى، مىنىڭ بۇنداق نەرسىلەرگە پەقەتلا ئېھتىياجىم يوق. كەچۈرۈڭ سىڭلىم بۇ ئىشخانىغا سىز خاتا كىرىپ قاپسىز، شۇڭا خاپا بولماي چىقىپ كىتىڭ. ئەگەر يەنە چىقىپ كەتمىسىڭىز، ئامانلىق قوغدىغۇچىنى چاقىرىشقا مەجبۇرمەن. ئامالسىز ئىشخانىدىن چىقىپ كەتتىم. بۇ ئىشنى ئەنۋەرگە ئىيتىش ياكى ئىيتماسلىقنى تولا ئويلاندىم، لىكىن ھېچبىر جاۋاپ تاپالمىدىم. ئىيتسام قانداق نەتىجە چىقىدۇ. بۇنى بەرگەن كىشى، تەن ئالمىسا، ئىيىتمىسام ئەنۋەرگە يۈز كىلەلەمدىمەن. مىنى ۋىجدان قىينىماقتا ئىدى. ئىدارە باشلىقى جىلىل تىلىفۇن قىلدى. ھە سىڭلىلچاق، چۈشتە ۋاقتىڭىز بارمۇ؟ تىلىفۇنى ئالمايلا قويۋەتتىم. كەينىدىن يەنە قايتۇردى. تىلىفۇننى ئالدىم، سىڭلىم سىزگە چىرايلىق گەپ قىلسام بەك ئىشىپ كەتتىڭىز، بىلىپ قويۇپ، ئويناشماڭ ئەرباب بىلەن ئەرباب سالار ھەر باب بىلەن دىگەن گەپنى ئاڭلىغانمۇ سىز؟ سىزگە ئەمدى چىرايلىق گەپ قىلىدىغان ۋاقىت كەتتى. چۈشتە سىزنى بۇرۇنقى يەردە ساقلايمەن. كىلەمسىز كەلمەمسىز ئىختىيارىڭىز دەپلا تىلىفۇننى قويۋەتتى. كۆڭلۈمنى بىر ۋەھىمە قاپلاشقا باشلىدى. خۇددى پۇتى كۆيگەن توخىدەكلا بوپ قالدىم. چۇشتە مەيلى قانداق بولمىسۇن گەپنى ئاياغلاشتۇرۋىتىش ئۈچۈن ئۇنىڭ بىلەن كۆرۈشمەكچى بولدىم. قانداق گەپ بولسا تىز دەڭ، مەن ئۆيگە قايىتمىسام بولمايدۇ. ئۇنداقتا تارتىنىپ ئولتۇرماي، مەن سىزگە كۆيۈپ يۈرگىلى نەخ 3 يىل بولدى سىڭلىم. شۇنىڭدىن باشلاپ ئۆيۈمدىن رايىم ياندى، خىيالىمدا پەقەت سىزلا، سىزدىن باشقا كىشىنى ئويلىمايدىغان، ھەتتا كۆزۈمگە سىغمايدىغان بولدۇم. ئۆيدە كۈندە ئۇرۇش جىدەل تۈگىمەيدۇ، شۇڭا بۇنداق ئۆيدىن جاج زىرىكتىم، شۇڭا سىز بىلەن توي قىلىش نىيىتىگە كەلدىم. قانداق قىيىنچىلىق بولسا بىز بىرگە يىڭەيلى، بىز بىرلىكتە تىرىشايلى. بۇ مومكىن ئەمەس.  ئۈنلۈك ۋاقىردىم. بوش ۋاقىراڭ سىڭلىم، بىلىپ قويۇڭ، سىز ئۆزىڭىز ئالدىمغا توي قىلايلى دىگەنگە قەدەر سىزنى ساقلايمەن، ھەم ئۇ كۈنلەر قاراپ تۇرۇڭ، پات ئارىدا كىلىدۇ. ئاچچىقىمدا تەستەك بىلەن يۈزىگە بىرنى سالدىم. قىنى قولۇڭدىن كەلگىنىنى قىل. ئاپتۇر: ئارىش ئەپەندى كۈندىلىك خاتىرسىدىن... داۋامى بار...

dilsiri

	ئاپلا داۋامى قاچان چىقىدۇ بۇنىڭ شۇنداق پەيزى يىرىگە كەلگەندە تۈگەپقالدى .  بۇندىن كىيىن ئەسەر يوللىغاندا تولۇق يىزىپ بولۇپ ئاندىن يوللىشىڭىزنى ئۆمۈد قىلىمەن .

ANWAR425

	داۋامىنى  داۋاملىق ساقلايمىز ئىملاغا كۆپرەك دىققەت قىلغايسىز   !

haci

	ئۇف، ئوقۇپ بولغۇچە تىنىقىم توختاپ قالاي دىدى. تىنىش بەلگىلىرىنى تاغدىن تەيمىگەندىكىن، جايى جايىغا قويۇپ قويىلى. دىئالوگ ئالدىدا قاچان بىر تال «:_»  ئۇچىرايدىغاندۇ دەپ مىڭىپ، ھىكايە ئوتتۇرىدا ئاران تاپتىم. ياخشى يىزىپسىز، ئەسەرنىڭ شەكلىگىمۇ ئەھمىيەت بىرىڭ. ئاخىرىنى ساقلايمىز.

qvyvn

	ۋەقەلىك تەسڭرلڭك ياخشىكەن،بەدىئى ۋاستىلەردىن خالى يېزىش باشكڭلار غا ئاغزاكى سۆزلەۋاتكان ھىكايىدەك تەسىر بىرىدىكەن.

azat007

	ئاخىرى قانداق بۇلا

oyghur0997

	مۇشۇ داۋامى بار دېگەن ئەسەرلەردىن خويمۇ زېرىكتى كىشى!!!

gherip

	چىۋىنمۇ مەينەت يەرگە قونىدۇ ئەمەسمۇ .

xamsya

	داۋمى  قاچان يولار ئەمدى.....