يالغۇز قېلىشتىن شۇنچىلىك قورقىمەن

turalp

	كىمۇ؟!..... تونۇشلا كۆرۈنىسىزغۇ؟ بىراۋ ئوتىدا قاقشال كۆيگەنمەن،ئۇنىڭ بىلەن چىن يۈرگەنمەن،ھەممىدىن كېچىپ ئۇنىڭغا بېغىشلىغانمەن،بىراق ئاقىۋەت ئوڭدا قالغانمەن،ھىلە ۋە نەيرەڭلىرى ئالدىمغا تىزىلغاندا ئۇچۇپ چۈشكەنمەن....... ھەممە تامام بولغان،بىراق قەلبىمدە ئۇنىڭغا يەنە مۇنداق پىچىرلاۋاتىمەن....... ھاياتىمدا بىر ئۆرلىگەندەك بولۇپ قايتا چۈشۈپ كەتكەنمەن......... ئەمدى ئويلىسام،تېخى بىر يىل ئۆتتىمۇ دەپ ئىشەنمەيمەن،بىراق ھەممە نەرسىنى ،ھېس خىيالنى،ئارماننى،ھەتتا ئەڭ چۇڭقۇر مۇھاببەتنىمۇ يەۋېتىدىكەن بۇ نەپسى بالا ۋاقىت،تاغدەك ئىرادىنىمۇ،دېڭىزدەك قەسەمنىمۇ تارتىۋېتىدىكەن........ ئايدىڭ كەچلەردە يالغۇز قېلىشتىن شۇنچىلىك قورقىمەن،ئەسلىمىلەر يوپۇرلۇپلا يۈرۈگۈمنى مۇجۇپ نەپىسىمنى قىستايدۇ، ياشلىرىم دەرىتكە چىدىماي كۆزۈمدىن قېچىپ چىقىدۇ،پىغاننىڭ نىمىلىگىنى تەمىنى تېتىمىغانلار بىلمەيدۇ،ئەمما تېتىغانلار ئۈچۈن قايتا تەم يتېتىغىلى بولمايدىكەن...... كوچىدا سېنىڭ ئۇچراپ قېلىشىڭدىن ۋاھىم يىيىشتىنمۇ ئارتۇق غېمىم يوق،ئاللاغا شۈكۈر ھېلىغىچە ئۇچراپ قالمىدىڭ،چۈنكى ئۇ ھالدا ئۆزۈمنىڭ نىمە بولىدىغىنىمنى ئويلاپمۇ قورقۇپ كېتىمەن،ئاران كونىراۋاتقان ،بۇلۇڭغا تاشلىنىپ ،توپا چاڭدا كۆمۈلگەن ئارمانلىرىمنىڭ قوزغىلىپ ئەل كۆرگىسىز قىلىۋېتىشىدىن قورقىمەن......... سېنىڭ مەھەللەڭگە تەلپۈنىمەنۇ ئەمما بارماي چىداۋاتقىنىمغا،ئېھتىمال ھايا ۋە نۇمۇس،ۋىجدان ۋە غۇرۇر ئۆزى جاۋاپ بېرەر....... قىشتا قار ياغقاندا،ئۇ ئېرىپ تۈگىگەندە ئاندىن تالاغا چىقاي دەيمەن....بىراق تەقدىر قىسمەت،تۇرمۇش شارائىت مەجبۇرلىشىدا،ئاق قارلارنى دەسلىگىنىمدە،ئىككىمىزنىڭ تۇنجى ئىز سالىمىز دەپ ،ھىچكىم يوق ئېتىز قىر،چۆل باياۋانلاردا،زىمىستان چىللىنىڭ مۇزدەك سوغۇقىدا ۋەدىلەشكەنلىرىمىز،توڭماق ئەمەس ئوتتەك قىزىپ ،يۈرەكلەرنى ئېرىتىپ يۈرۈشكەنلىرىمىز ئېسىمگە كېلىپ،دەل شۇ چاغلارنىڭ ئەڭ ئەكسىچە قىسىلغان نەپەسلەردە قالىمەن،بىراق...... سېنىڭ دوستلىرىڭنىڭ ئۇچراپ قېلىشىدىنمۇ ئېھتىيات قىلىمەن،چۈنكى ئۇلاردىن سېنىڭ سىماسىڭ كۆزۈمگە قادىلىۋالىدۇ،يۇمالمايمەن ،بىچارىلەرچە كۆرۈنگۈسى يوققۇ ئىنساننىڭ....... ئەينى ۋاقىتتىكى دوست دۈشمەنلەر ئارا سەن تېمىسىدا سۆز قىلىشىدىن ھودۇقۇپ،قىزىرىمەن،تاتىرىمەن،ھەسىرەيمەن......... بىراق،كوچىدا ساڭا ئوخشاش كېيىم كىيگەنلەرگىمۇ نەزەر سالىمەن...... مەن ئۆزۈمنى بىلەلمىدىم...مېنى قايسى كويغا سالغان بولغىيدىڭ.... يەنە بىراق،تېنىچلىنىپ قېلىۋاتىمەن،شۇ چاغلاردىكى ئوتتەك،قايناق ھاياجان ھېسلىرىممۇ سەن بىلەن تەڭ مېنى تاشلاپ كەتتى،قالغانلىرى خۇددى سەندىن قالغان،ئاچچىق ئەسلىمىدەك،ئىزتىراپى تۈگۈمەس خىيالدەك،ئايىغى چىقماس،بېشىمۇ قولاشمىغان مىسرالار......... مەنبە قەلىمىم

turalp

	چىن مۇھاببەت چوقۇملا ئىككى تەرەپتىن تەڭ بولىدۇ دىگۈلى بولمايدۇ دەپ تۇرۇۋالاتتىڭ..... سەن مەنچىلىك كۆيۈك ئەمەسسەن دەپ ئەركىلەيىتتىڭ.... ھەر زامان شۇنچە چۇڭقۇر مۇھاببىتىمنى دۆڭگە چىقىرىپ قويۇپ كۈلۈپ كېتەتتىڭ،سەن زادىلا رازى بولمىغان قىياپەتتە يۈرگەچكىلا شۇنچە بېرىلىپ كەتكەن بولغىيمىدىم-ھە!

turalp

	سەن ئۈچۈن كەلگۈسىمىز ئۈچۈن دەپ قىلىشلىرىڭ نىمىلىكتىنتى؟ ھەممە ماڭا ئايان ئىدى،ھازىر تېخىمۇ ئايدىڭلاشتى،ئەمدى سورىغىدەك كۈلمۇ قالمىدى....بىراق نىمىشجا بىلجىرلاۋېرىمەن،ئەمىليىتىمدە ھاي بېرەلەيمەنۇ،قەلبىمنى باسالمايمەن، [li] دۇنيا شۇنداق تار كەلگەن شۇنچە، ئېقىن سۇمۇ توختاپ ئۇسسىسام. قاچقانغا قۇتۇلۇپ بولمىدى جاندىن، خىيالىممۇ ماڭماي ئۇچۇرسام. [/li][li]يىراقلا ئالەمدىن كەلگەندەك خەۋەر،[/li][li]چوغ كەبى ياشلىقتا تۈزۈپسەن قىلتاق.[/li][li]گوللىغان سەن ئەمەس ئەركە خىيالىم،[/li][li]بۇ دولۇم ئۈستىدە ئەسلى باش چاتاق.[/li][li] قەيەرلەر تارتىشۇر ئۆچ مەن ئۆزۈمگە، [/li][li] كوچىلاپ ھاي بەردىم ئاچچىق ئۆچۈمگە. [/li][li] تاپقىم يوق دەردىمگە داۋا ئەبەدى، [/li][li] مەن يەنە قاپقارا قېلىن يۈزۈمگە؟ [/li][li]پەسكويغا ھەيدەيدۇ سەۋرى دىگەن چال، ئەزۋەيلەپ ھېسسىيات تۇتاملاپ ساقال. چىچاڭلاپ مىڭ قېتىم يىقىلسا دەردىم، دەس نىشان تۇرغۇزۇپ كۆتۈردى ئىقبال! شۇنداق توۋلاپمۇ باقتىم،نىدالار تۆكتۈم،ئاللاغا ئىلتىجالار قىلدىم،بىراق سەن باشقىنى تىلەپتىكەنسەن،ئۆزۈمنى قەلبىمنى قاۋچىلاپ،ساڭا ئاشىق بولغىنىمنى سۆكتۈم........ پاناھ بەرسۈن ئۆزى خۇدايىم، يۈرۈگۈمدە تۇرسۇن ۋىژدانىم، بۇلغانمىسۇن ھەرگىز ھاياتىم، ئۈگەنگىم يوق سەندەك ياشاشنى! ئەقلىم ماڭسۇن نۇر دىل يولىدا، يول ئېچىلسۇن ئەجرىم قولىدا، ئېچىلغىم يوق خەقنىڭ قېنىدا، ئۈگەنگىم يوق سەندەك ياشاشنى. مەغرۇرلىغىم ئۆز ئەجرىم بىلەن، رايىشلىغىم نۇمۇستىن كەلگەن، سايىسىدىن ئۆزى ئۈركىگەن، ئۈگەنگىم يوق سەندەك ياشاشنى. زەھىرىنى نوتىغا سۇنغان، ئىچى قوتۇر يارىغا تولغان، ئوينىۋالسا يۈرىگى تويغان! مىڭ تېپىمەن سەندەك ياشاشنى! بىراق نە[ىسىم قىسىلىۋەردى،ھېسسىيات رىئالىققا تۇرۇپ بەرمىدى،ئېھتىمال چىدالمىغاندىمىن............ تارتىشقان يۈرەكنى قىسىدۇ ئۆپكە، ئۇھسىنغان خىيالغا دۈملەنگەن ۋاقىت. خاتىرە قاماللاپ مۇجىغاچ ئەقىل، بارلىغىم سەپرادىن  بولمىدى ساقىت.                                يوشۇرۇن تىكىنىڭ زەھەر سانجىغاچ،                                ئۆتۈشتى ئىچى ۋە تېشىمغا يارا.                                ھەر نۆۋەت سويۇلۇر يەلپىسە شامال،                                كىر ئەمەس قات-قېتى شۇنچىلىك قارا. قۇياش مىڭ پارلىسۇن كىرپىكتە زۇلمەت، قاراڭغۇ قەلبىمگە بولىدۇ ئۇلپەت. چۆچۈگەن ئۇيقۇمنىڭ تەمى ئەجەپ يات، سىڭمەيدۇ زادىلا چۈشلىرىم كۈلپەت.                               قاۋايدۇ ئىت كەبى كۈلكىنى ھەسرەت.                               بوسۇغا ئاتلىماي قاچتى ئۇ مىڭ رەت.                               بىر قارغىش ياغقانمۇ ھاياتىم ئۈچۈن،                               ئەجەپمۇ سېنىڭدە ئىكەن شۇ نۆۋەت!

zapar

	بۇگۈن ئىلھامىڭىز قالتىسقۇ.

turalp

	ئۆزۈمنى قويۇپ بىرتاۋلارغا ھالمۇڭ بولغان بولدۇم،بىراق ئەمىليەتتە يەنىلا ئۆزۈمگە سۆزلەۋاتاتتىم.... دوستۇم  ھال مۇڭ بولغۇم كەلدى،ئوخشاشلىقتىن قەلبىم بىلجىرلىدى ئەنە ئاڭلاڭ: ھاياتلىق بىر سەپەرگە ئوخشايدۇ.... بىز مېڭىپ باقىمىز،توختىماي دوقىلاردىن ئەگىلىمىز،ھەر تەرەپكە چېچىلغان يوللاردىن ياكى كۆڭلىمىز خالاپ ماڭىمىز ۋە ياكى تەقدىر بىزنى ئۆز شارائىت ۋە مۇھىتىمىزغا يارىشا يولغا قىستايدۇ.... گاھىدا ئۇ بۇ دوقىلاردىن بىزگە بىراۋلار ھەمراھلىققا دۇچ كېلىپ قالىدۇ.گاھىلار بىر ئۆمۈرلۈك بولسىمۇ گاھىلىرى قىسقا مۇددەتتە يەنە بىر دوقىدا بىزنى يالغۇز قالدۇرۇپ قويىدۇ،ياكى بىز ئۇلارنى ئېزىقتۇرۇپ باشقا ياققا قايرىلىپ كېتىمىز ،بۇ ناھايىتى نورمال ئەھۋال..... بىراق گاھى دوقىلاردا مەخسۇس «جىنلار»بەزىلىرىمىزنى ساقلايدۇ،دىققەت قىلمىساقلا ئۇ بىزنى ئۆز مەقسىدىگە يەتكۈچە ۋىژدان،ئەقىدىلىرقىمىز بىلەن قوشۇپ شۇنداق كوچىلارغا يېتىلەيدىكەنكى :تۇرۇۋالىلى دىسەك بېشىمىش ئالدىمىزغا ساڭگىلاپ پۇتىمىزنى سۆرەيدۇ،مېڭىۋىرەي دىسەڭ چوقۇمكى يېتىشىپ ئايىغىغا چىققىلى بولمايدىغان يول ئىكەنلىكى ئايان بولۇپ بولغاچ روھىمىز سۇنۇپ ،سۇنۇق ئاغرىغى جېنىمىزنى قاقشىتىدۇ،چېكىنەي دىسەڭ ئۇ جىنلارنىڭ ھېلە نەيرەڭلىرىدىن كۆرە يىگىتلىكنىڭ يېڭىلگەنلىك ھېسلىرى سېنى ئۆلسەڭمۇ ئايىغىغا چىق دەپ قۇلىقىڭغا ۋارقىراپلا تۇرىدۇ........ قېتىق ئېچىتىلغان نەرسە....بىزنىڭ مىڭىمىزمۇ شۇنىڭغا سەل ئوخشاپراق قالىدۇ....سەل ئارتۇق ئېچىپ كەتسە ئەشۇنداق قىرتاق،،،كۆنەلگىسى كەم ياكى تولۇق ئېچىيالماي قالسا سۇدەك تەمسىز..... نىمىلەرنى دەي...دىمەككى ھاياتلىقتىكى جىنلارنىڭ قىلغىنىنى ئەلەم دەپ ئۆزىمىزگە ئۆزىمىز يۈك قىلىۋالماي،ئاللا مېنى ۋاقتىدا ئۇنىڭدىن قۇتۇلدۇرۇپتۇ دەپ قارىساق قەلبىمىز يەڭگىللەپ قالىدۇ...

zapar

	دوستلار تۇرمىدىن قېچىشنىڭ 3-بۇلۇمنىڭ ئادېرىسى بولسا دەپ بەرسەڭلار. مۇمكىن بولسائۇيغۇرچىسنى. يەنە تېمىغا يوللانغان رەسىمنى قانداق قىلسا نەقىل قىلىپ يوللغىلى بۇلىدۇ، يەنى مەلۇم بىر پارچىسنىلا؟  ( رەھمەت) تېما ئىگسى كەچۇرۇڭ-ھە! تېمىغا مۇناسىۋەتسىز بۇلۇپ قالدى. كەچۇرۇڭ.

turalp

	قەلىپ ھېسلىرىم،ئىزتىراپلارنى بېسىش ئۈچۈن ھەردەم مىسرالار ئارا ئۆزىنى گول قىلماقتا قۇياش پېتىپ تۈمەن يۇلتۇز قارا تۈندە چېچىلغانتى، ۋۇجۇدۇم نۇرلۇنۇپ چۆچۈپ ھىجران ئويغىنىپ كەتتى. يېنىك شامال دەرىزەمدىن تەنگە ھوزۇر سۇنۇپتى، بېسىقتىن بوشۇنۇپ خىيال ئۆتمۈشنى دەۋەيلەتتى. بۇلۇتلار يامرىدى بىردىن ئاي ئەمدى ئېسىلىپتى، پىغانىم كۆكلىدى قايتا يىلتىز ھىچ كېسىلمىدى. تومۇز ئىسسسىق دىمىق نەپەس يامغۇرنى تىلەتكەنتى، ئازاپ كەلكۈن بولۇپ جانسىز يۈرەگىمنى داۋالغۇتتى. يىراقلاردىن ۋۇجۇتقا خوپ نىدا كۈيلەر يېقىنلاپتى، مانا تېنچ چالا مۈگدەك ھېسلار ئويغىنىپ كەتتى. مەلئۇن دىۋە چۆچەكلەردە جېنىنى كۈپتە ساقلايتى، ئازغۇن يۈرەك دەۋەڭ كۆڭۈل چېقىلىپ ئاڭنى سەكرەتتى. چىلىق چىلىق پىشانەمدىن چىكەمگە تەر كۆمۈلىپتى، قۇرۇق ئىچىم ئېچىرقاپ پاژ قىلىپ يەنە يېنىپ كەتتى. مەيلى دىسەم ئۆلگىن كۆيۈپ تۈتەپلا تىز ئۆچۈۋاپتى، كۈلۈڭمۇ بىل قوقاس كەبى ھەردەم سەكرىتىپ ئەزدى. ئۇنۇتماق يوق ئىكەن ئەسلى ئەقىل ئىرادە تىكلەپتى، كۆزى كور بۇ كۆڭۈل يېڭىپ يەنە دەرتنى باغاشلاتتى.

مەھۋى

	قۇياش مىڭ پارلىسۇن كىرپىكتە زۇلمەت، ئىللىماس ۋۇجۇدۇم تەپتىدىن پەقەت بۇ ئاسىي يۈرەكتە تىتىرەر يەنە، بىر سېنىڭ سىمايىڭ ئەبەدىل -ئەبەت.

turalp

	زەپەر دوستۇم چۈشىنىمەن،سىز مەقسەتلىك ئەمەس،بىراق مەقسەتلىك يۈرەككە قىستۇرۇلۇپ كىرگەنلەرنىمۇ ئۇنۇتقىلى بولماي سەكپارىمەنغۇ.... كەچۈرۈڭ،مەن تىما بېزەشنى تازا بىلمەيدىكەنمەن،بولسا سىز ماڭا دىل تۈرمىسىدىن قېچىش،ئەسلىمىلەرنى قىسقارتىش،خاتىرىنى يۇيۇش،قايتىدىن باشلاش توغرىلىق بىلكىملەرنى بەرگەن بولسىڭىز..... بىراق بەكمۇ ئەپسۇس بۇ ھىچكىمنىڭ قولىدىن كەلمەسمىكىن،بىراق ئېنىقكى ۋاقىت مەن ئۆلگەندە بولسىمۇ شۇنداق قىلىدۇ.....

olive

	بىر يۇمۇر بولىدىغان سۇغا چۈشۈپ كەتكەن يولۇچى نەچچە ئون خىل تىلدا قۇتقۇزۇڭلار دەپ توۋلاۋاتقىنىدا يولدىن ئۈتۈپ كىتىپ بارغان يەنە بىر يولۇچى شۇنچە جىق تىلنى ئۆگەنگىچە سۇ ئۈزۈشنى ئۆگىنىپ قويساڭچۇ......... شۇنداق گەپ