«دېھقانلار شادلىقى» پىروگىراممىسى ھەققىدە

Kiqik-sabiri

	ئەسسالامۇئەلەيكۇم مىسرانىم تورىدىكى تورداشلار، تۆۋەندىكى فىلىم شىنجاڭ تېلېۋىزىيە ئىستانسىسى ئۇيغۇرچە ئاخبارات ئۇنۋېرسال قانىلى يولغا قويغان دېھقانلارغا خوشاللىق ئاتا قىلىش ھەم شۇنداقلا بۈگۈنكىيېزىلىرىمىزنىڭ يېڭى قىياپىتىنى تونۇشتۇرۇشنى ئاساسى مەقسەت قىلغان «دېھقانلارشادلىقى» پىروگىراممىسىنىڭ يېڭى يىللىق ئالاھىدە سانى . قەدىرلىك دوستلار، ھەممىمىزگە مەلۇم، يېزا ، يېزا ئىگىلىكى ۋە دېھقانلار مەسىلىسى مەركەزۋە ئاپتونوم رايون ھەر ۋاقىت تەكىتلەۋاتقان ۋە ئىزچىل كۆڭۈل بۆلىۋاتقان ھەم پۈتۈنجەمئىيەت دىققەت قىلىپ كېلىۋاتقان مۇھىم تېما .  ئەنە شۇ سەۋەپتىن شىنجاڭ تېلېۋىزىيە ئىستانسىسى ئۆتكەن يىلى 6 –ئايدىن باشلاپ، ئاپتونوم رايونىمىزدىكى دېھقان – چارۋىچى دوستلارغا تېخىمۇ ياخشىمۇلازىمەت قىلىش مەقسىتىدە «دېھقانلار شادلىقى» پىروگىراممىسىنى يولغا قويغانىدى .كۆزنى – يۇمۇپ ئاشقۇچە بۇ پىروگىرامما كۆرسىتىلىۋاتقىنىغا مانا توپتوغرا بىر يىل ۋاقىت بولدى . بۇ جەرياندا «دېھقانلار شادلىقى» پىروگىراممىسى ئاپتونوم رايونىمىزنىڭ جەنۇپ ۋە شىمالىدىكى ھەر قايسى يۇرتلاردا جەمئىي 24 سان ئىشلىنىپ، ياخشىئىجتىمائىي ئۈنۈمگە ئېرىشتى . بىز «دېھقانلار شادلىقى» پىروگىراممىسىىڭ بۈگۈنكى يېڭى يىللىق ئالاھىدە سانى ئارقىلىق بىزنى قوللاپ كېلىۋاتقان كەڭ كۆرۈرمەن دوستلارغا سېغىنىشلىق سالام يوللاش بىلەن بىرگە ئۆتكەن بىر يىلدىكى خىزمەتلىرىمىزنى ئەسلەپ ئۆتمەكچىمىز . «دېھقانلار شادلىقى» پىروگىراممىسىنىڭ يېڭى يىللىق ئالاھىدە سانى (15 -سان) [media=x,500,375][/media] يۇقىردىكى سىن فىلىمى نورمال چىقمىسا بۇ ئادىرىستى كۆرۈڭ : http://static.video.qq.com/TPout.swf?vid=z0157uoewou&auto=0       دېمەك، ھەر دەرىجىلىك پارتىيە، ھۆكۈمەت ئورۇنلىرىنىڭ ئىزچىل كۆڭۈل بۆلۈشى،ھەر قايسى يۇرتلارنىڭ ياردىمى، دېھقان – چارۋىچى دوستلارنىڭ پىروگىراممىمىزغا قىزغىنلىق بىلەن قاتنىشىشى، جەمئىيەتتىكى ھەر ساھەدىكىلەرنىڭ ئورتاق قوللىشى نەتىجىسىدە شۇنداقلا ئىستانسا ۋە قانال رەھبەرلىكىنىڭ توغرا يېتەكچىلىكدە مانا بۈگۈنگە قەدەر «دېھقانلار شالىقى» پىروگىراممىسى جەمئىي 24 سان مۇۋەپپەقىيەتلىك ئىشلىنىپ، كەڭ كۆرۈرمەن دوستلارنىڭ ھوزۇرىغاسۇنۇلدى . ئەمما بىزنىڭ قولغا كەلتۈرگەن نەتىجىلىرىمىز پارتىيە – ھۆكۈمەتنىڭ تەلىپى ۋە كەڭ خەلق ئاممىسىنىڭ بىزدىن كۈتكەن ئۈمىدىدىن يەنىلا خېلىلا يىراق . شۇڭا بىز بۇنىڭدىن كېيىن «دېھقانلار شادلىقى» پىروگىراممىسىنى مەزمۇن ۋە شەكىل جەھەتتىن ئۈزلۈكسىز ئىسلاھ قىلىپ، پىروگىراممىمىزنى ئاپتونوم رايونىمىزدىكى ھەر مىللەت خەلق ئاممىسى ياقتۇرۇپ كۆرىدىغان پىروگىرامما قىلىپ چىقىش ئۈچۈن تېخىمۇ تىرىشىمىز . مۇناسىۋەتلىك بىر قىسىم سۈرەتلەر : مەنبە : ئۆزۈم

sutbulak

	ئەسسالامۇ ئەلەيكۇم ئەكبەرجان سابىرى سىز رىياسەتچىلىك قىلىۋاتقان بۇ پىرۇگىرامما سىزنىڭ تىرىشچانلىقىڭىز بىلەن ياخشى چىقىۋاتىدۇ،مۇمكىن بولسا ناخشا-ئۇسۇلدىن باشقا يەنە دىھقان شائىرلارغا،دىھقان كارخانىچى ۋە ئىگىلىك تىكلەش ماھىرلىرىغا مۇۋاپىق ئورۇن بىرىلسە ،ئۇلارنىڭ ئىگىلىك تىكلەش تەجىربىلىرى تونۇشتۇرۇلسا، دىھقان ياشلىغا بىر خىل ئۈلگە تىكلىنىپ ،بۇ پىرۇگىرامما تىخىمۇ رەڭدار ،تىخىمۇ جەلبكار بولۇر ئىدى.

قورغان

	بۇ پىرۇگىرامما جانلىق،جەلىپ قىلىش كۈچى بار،كەڭ دېھقانلارغا تەرەققىيات يوللىرىنى كۆرسىتىپ بېرىدىغان ياخشى سەھنە بولىۋاتىدۇ...ياختۇرۇپ كۆرىمەن.

مۇكەرەم

	,,,,,,,,,,,,,,,,,

saprayi

	پىروگىراممىنى يەنىمۇ تەبىئىي ھەم ھەقىقى ئ‍ەھمىيەتلىك ئ‍ىلىپ بارساڭلار،نۇقۇل ناخشا-ئۇسۇلنىلا ئ‍اساسلىق مەزمۇن قىلىۋالماي، دىھقانلار ئ‍ارىسىدىكى يىڭىلىقلىرنى،دىھقانلار ئ‍ارىسىدىكى ھەرخىل ئ‍ىقتىدار ئ‍ىگىلىرىنى،دىھقانلارنىڭ قەلىپ ساداسىنى… دىگەندەك مەزمۇنلار قوشۇلسا دىگەن ئ‍ۈمۈددىمەن. ئ‍ەمدى ئ‍ەكپەرجانغا كەلسەك،ئۇ مەن ئ‍ۇچراتقان،كۆرگەن رىياسەتچىلەر ئ‍ىچىدە ئ‍ەڭ ئ‍ىقتىدارلىقى بولمىسىمۇ،ئەڭ كەمتىرى،ئەڭ خۇشخۇيى دىسەم ئ‍ارتۇق كەتمەيدۇ.مۇشۇ جەھەتتە ئ‍ەكپەرجان ھەممەيلەنگە ئ‍ۈلگە بولالايدۇ،شەخسەن ماڭا… بۇندىن كىيىن،"دىھقانلار شاتلىقى"پىروگىراممىسى"نىڭ تېخىمۇ ياخشى چىقىشىنى،رىياسەتچى ئ‍ەكپەرجاننىڭ تېنىنىڭ سالامەت،خىزمىتىنىڭ ئ‍ۇتۇقلۇق بولىشىنى تىلەيمەن!

izqel

	دېھقانلار شادلىقى پېروگىراممىسى ئىنىقكى يېزىلاردا ئىچىلىدۇ.يېزىلاردىكى ئىشىنچى ئەمگەك كۈچلىرى قارىلدىغان ياشلارغا يېڭىلىق يارىتىش ۋە يېزا ئىگىلىك تۈرلىرى بويىنچە ئىگىلىك تىكلەش توغۇرسىدىمۇ ئويلىشىپ باقساڭلار.....

abaytarim

	ھەقىقەتە ياخشى بىر پروگرامما مەنمۇ ياقتۇرۇپ كۆرىمەن  تەشەككۈر

Kiqik-sabiri

	sutbulak يوللىغان ۋاقتى  2015-6-28 05:44 PM ئەسسالامۇ ئەلەيكۇم ئەكبەرجان سابىرى سىز رىياسەتچىلىك  ...         ۋەئەلەيكۇم ئەسسالام، پىروگىراممىمىزنى مۇئەييەنلەشتۈرگىنىڭىزگە ۋە قىممەتلىك تەكلىپ - پىكىرلەرنى بەرگىنىڭىزگە كۆپتىن كۆپ رەھمەت ... بىز يۇقىردا ئېيتقانلىرىڭىزنى چوقۇم ئويلىشىمىز ھەم پىروگىراممىنى كەڭ خەلق ئاممىسىغا ياققۇدەك نادىر پىروگىرامما قىلىش ئۈچۈن تېخىمۇ تىرىشىمىز ...

Kiqik-sabiri

	قورغان يوللىغان ۋاقتى  2015-6-28 08:41 PM بۇ پىرۇگىرامما جانلىق،جەلىپ قىلىش كۈچى بار،كەڭ دېھقان ... پىروگىراممىمىزنى ياقتۇرغىنىڭىزغا كۆپ رەھمەت ، قىممەتلىك تەكلىپ - پىكىرلىرىڭىز بولسا ئايىمىغايسىز ...

Kiqik-sabiri

	saprayi يوللىغان ۋاقتى  2015-6-28 09:44 PM پىروگىراممىنى يەنىمۇ تەبىئىي ھەم ھەقىقى ئ‍ەھمىيەتلىك  ...      پىروگىراممىمىزغا قىممەتلىك تەكلىپ - پىكىرلەرنى بەرگىنىڭىزگە كۆپ رەھمەت ... لېكىن مېنى بەك ماختىۋىتىپسىز، بۇ سۈپەتلەرگە لايىق بولمىساممۇ ، ھۆرمىتىمنى قىلغىنىڭىزغا كۆپ رەھمەت ... مەن تېخىمۇ ياخشى بولۇش ئۈچۈن چوقۇم تىرىشىمەن ...