ئېيتىلمىغان ناخشىلار9

ablikim.karkax

	كىتاب ئەقىل بۇلىقى ئادەم زاتى يارىلىپ ، ياشاپ ئۆتكەن دۇنيادا، گاھى قىلسا ياخشىلىق ،پاتتى گاھى گۇناغا، ھەممە بىرلە ئېسىلدى ، ھايات ناملىق مۇناغا، كىتاب يازدى دانىشمەن،ئىچى ئاغرىپ ئۇلارغا. كىتاب بىلەن تاپىدۇ ، ئىنسان بەخىت يۇلىنى، تەڭ قىلمايدۇ ئاقىللار ، ئىلىمگە شاھ پۇلىنى، لوقمان تاپقان بىلىمدىن،چوڭ كېسەلگە دورىنى، شۇڭا ئەجدات بۇرۇنلا ،قۇيغان ئىلىم ئۇلىنى. چىڭ ئېسىلغىن دوسلۇرۇم ، مەرىپەتنىڭ يۇلىغا، قاراپ قالما ھەرگىزمۇ ، بېخىل باينىڭ قۇلىغا، ئىجاتكارنى قوللاپ قوي،ھۆرمەت قىلغىن ئۇيىغا، بىزدىن كىيىن ئەۋلاتلار، چۆمسۇن ئەقىل نۇرىغا. كىتاب ئەقىل دۇنياسى،كۆپتۇر مەجنۇن-لەيلاسى، ھەر كەسىپنىڭ ئۆزىگە ،باردۇر ئاشىق،شەيداسى، ئاقىللارنىڭ ئەزەلدىن ،كەمتەرلىك نۇر-زىياسى، بىلىمسىزنىڭ بىلسىڭىز ،كۆپتۇر جېدەل-غەۋغاسى. شۇڭا دوستۇم ئىلىمگە،قىلماڭ قاتتىق بۇيۇنلۇق، نەپ بەرمەيدۇ ئادەمگە،ئۇزۇن ئۇخلاش ھۇرۇنلۇق، ھەممىمىز بىر ئائىلە،خوتەن،قەشقەر - قۇمۇللۇق، زېھنى ئۇچۇق ئادەمگە ،سۆزۈم بەلكىم ئۇرۇنلۇق. كىتاب يېزىپ بوۋىلار ، بىزگە  ئەقىل  ئۈگەتتى، ئىلىم بىلەن بىزدىكى ، شۇم نىيەتنى تۈگەتتى، ھەممىمىز تەڭ ئۆگەنسەك،دۇنيا بىزگە كۈلەتتى، بىزدىن كېيىن ئەۋلاتلار،بەخىت پەيزى سۈرەتتى. يوللار كەڭرى ئېچىلدى،چۈشەيلى بىز بەيگىگە، ئاشىق بۇلۇپ يۈرمەستىن،ئۇيۇن ئاتلىق لەيلىگە، پۇرسەتنى چىڭ تۇتمىساق،تاشلاپ كېتەر كەينىگە، ئەي كۆڭۈلنىڭ ئىگىسى ، قويما ئۇنى مەيلىگە. (گۈلنىڭمۇ بار نەشتەرى)ئېيتقان ئۇنى قەشقەرى، نادان ئەلنىڭ ئەزەلدىن،ئەدەپ كېتەر پەسلەرى، ئىلىمدە باي كىشىگە ، ئاقماس داخان قەسلەرى، (كىتاب ئەقىل بۇلىقى)يۇلتۇزى ھەم مەشئەلى. سۆيگۈ ئىزدەپ كۆزۈم ياشتا،پۇتلۇرۇم كالاڭ، ياش تۇرۇپلا قېرىدىم قاراڭ. بىلىپ قۇيۇڭ دەردىمنى تۆكسەم، كۆپلەر مىنى ئويلىدى ساراڭ. ھەممە كىشى يۈرىشەر ئوقتەك، كۈلۈپ يۈرەر دەرتلىرى يوقتەك. بۇ دۇنيادا مەنلا دەرتمەنمۇ؟ قايغۇ-ئەلەم ماڭىلا خوپتەك. يىغلاپ يۈرۈپ تۈگىدى يېشىم، يېشىم تۈگەپ ئاغرىدى بېشىم. ئىچىم لەختە قانغا تۇلۇپمۇ، توۋۋا قانداق كۈلدىكىن تېشىم. قالسام مەيلى يامان ئاتاققا، سۇنى ئالاي يوغان قاپاققا. سۆيگۈ ئىزدەپ چىقتى قاراقاش، مەيلى يوقتۇر كۈلكە-چاقچاققا. دوسلار ئەلۋىدا جاننى  ئەلگە  قىلالماي  پىدا، ئۆمرۈمگە چەك قويدىغۇ خۇدا،   ياتار  بولدۇم  قارا  تۇپىدا، مىنى سۆيگەن دوسلار ئەلۋىدا. كىتىپ قالسام ماتەم تۇتۇڭلار، ئەلەم بىلەن ھەسرەت يۇتۇڭلار، مۇسىبەتكە تولسۇن يۇرتۇڭلار، مىنى سۆيگەن دوسلار ئەلۋىدا. ئۆمرۈم قىسقا بولمىدى ئۇزۇن، ئەل قەلبىدىن ئالمىدىم ئۇرۇن، تاغ قەددىمنى ئەگدى شۇم قۇيۇن، مىنى سۆيگەن دوسلار ئەلۋىدا. تاشلاپ كەتسەم دوس-قېرىنداشنى، ئىشىنىمەن  تۆكەر كۆز - ياشنى، ئەسلەر بەلكىم مەن قارا قاشنى، مىنى سۆيگەن دوسلار ئەلۋىدا. ئىشەنمەيمەن سۆزۈڭگە قارا قاشىڭ قاقمىغىن،كۆيۈپ قالماي كۆزۈڭگە، گەپ ئوينۇتۇپ مەھلىيا ، قىلماقچىمۇ ئۆزۈڭگە. كۆرۈپ قالدىم باشقىغا،سۇنغان سۆيگۈ گۈلۈڭنى، قانچە قىلىغىن ئالدامچى،ئىشەنمەيمەن سۆزۈڭگە. بىر كۆڭۈلگە ئىككىسى ، سىغالمايدۇ ئەزەلدىن، يار تۇتمايمەن سېنىڭدەك،تىلى قايماق ھەسەلدىن، تاپاي مەنمۇ ئۆزۈمدەك،سۆيگەنلىرى يوق يەردىن، كەلگىن كۈندە قېشىمغا ، سۆيەلمەيمەن يۈزۈڭگە. خۇمالىققا  تۇتقان  يار ، يانلىرىڭدا  ياتقايمۇ؟ سۆيگۈ بەرسەڭ ئىككىگە،كۆڭلۈڭ ئارام تاپقايمۇ؟ تەشتەكتىكى گۈللىرىڭ،سىرىتقا پۇراق چاچقايمۇ؟ ئوتلۇرۇڭدا كۆيسەممۇ ،ھاي بىرىمەن ئۆزۈمگە. كۈلۈپ قارا ئۆلۈمگە سالام يازدىم گۈلۈمگە، ئىشەنگەي دەپ سۆزۈمگە. يارغا ياقسا سۆزلۈرۈم، ياش ئالۇرمەن كۆزۈمگە. ياش ئالۇرمەن كۆزۈمگە، ئىشەنمەي ھېچ ئۆزۈمگە. كەلگىن يارىم قېشىمغا، سۆيۈپ ئالاي يۈزۈڭگە. سۆيۈپ ئالاي يۈزۈڭگە، قۇل بولمايلى تۈزۈمگە. باغرىڭنى ئاچ نىگارىم، كەل قۇشۇلغىن كۈيۈمگە. كەل قۇشۇلغىن كۈيۈمگە، باشلاي سىنى ئۈيۈمگە. سۆيگۈ ئۈچۈن نىگارىم، كۈلۈپ قارا ئۆلۈمگە. ئارزۇ سۆيگەنلىرىم بار بولسا، يوللۇرۇمغا زار بولسا. دوسلار كۈلۈپ يېنىمدا، دۈشمەنلىرىم خار بولسا. يوللار ماڭا ئېچىلسا، كۈيۈمگە - كۈي قېتىلسا. سۆيگۈ ئىزدەپ يۈرمىسەم، ئۆز يېنىمدىن تېپىلسا. كۈندە كۆرسەم يارىمنى، يارغا بەرسەم بارىمنى. ئاشىق بىقارا قىلسام، قارا قاش نىگارىمنى. مەنبە-ئابلىكىم قاراقاش

tumaris01

	يەنە  بىر  يازمىڭىزنى  كۆرگىنىمدىن  خۇشالمەن  … ئەلۋىدا   دەپ  نەگە   باراتتىڭىز   …   ھا  ھا   ھا

hadrat

	شېئىرلىرىڭىزنىڭ ھەممىسى ياخشى چىقىپتۇ،ئوقۇپ كۆڭلۈم سۈيۈندى.ئىشلىرىڭىزغا ئاسايىشلىق تىلەيمەن.ھارمىغايسىز...

turmux.net

	ياخشى يېزىپسىز... قەلىمىڭىز ھارمىغاي !

hapdardim

	ياخشى  چىقىپتۇ

ۆمۈتۋار

	ياختۇردۇم  ئېتىلمىغان ناخشىلانى

ئارزۇ01

	مەنمۇ ياقتۇردۇم كۆپرەك يوللاڭ دەيمەن

زىبا.

	ئېيتىلمىغان  ناخشىلار   نىڭ   داۋاملىق   يوللىنىپ  تۇرشىنى ئۈمۈت قىلىمەن.

mamatkurban

	كىتاب بىباھا گۈھەر دىگەن ئەسەرنە بەك ياقتۇردۇم تىما ئگىسىگە رەھمەت قەلىمىڭىز تالمىغاي

esel15299224422

	mamatkurban يوللىغان ۋاقتى  2015-2-21 12:49 AM كىتاب بىباھا گۈھەر دىگەن ئەسەرنە بەك ياقتۇردۇم تىما ئگ ... ياخشى يىزىپسىز      سۆيگۈ  ئىزدەپ  دىگەن  شېرىڭىزنى  ناخشا  قىلىپ  ئىتىۋالدىم گىتتار بىلەن خاپا  بولماسسىز