مىسرانىم گۈللىكىگە مەرھابا

روھسان

	مىسرانىم گۈللىكى-قېرىندىشىم گۈلنى ياخشى كۈرەمسىز؟ روھسان - «گۈلنى ياخشى كۈرىدىغانلار گۈلنى ئۈزىۋالمايدۇ، ئەكىسچە پەرۋىش قىلىپ گۈل ئۆستۈرىدۇ» تەبىئەت دۇنياسىدىكى رەڭگارەڭ گۈل-چېچەكلەر تەبئىەتنىڭ زىمىن ئانىغا ئاتا قىلغان ھۆسنى ھەم لاتاپىتى. زېھىن سېلىپ قارايدىغان بولساق ئۈسۈملىكلەر دۇنياسىدىكى ھەر-بىر تۈپ گىياھلار ئۆزگىچە سىر- ھېكمەتلەرگە تۇيۇنغان. مەن نىمە ئۈچۈنكى گۈل بېقىشنى، ماڭا ياشاش نىسىپ بولغان ھەر-بىر كۈندىكى ئاز-ئازدىن ئەمگىكىم بەدىلىگە پورەكلەپ ئېچىلغان چىرايلىق گۈللىرىمدىن ھوزۇرلىنىشنى ھاياتىمدىكى تولىمۇ ھوزۇرلۇق ئىش دەپ قارايمەن. شۇ ۋەجىدىن قايسى مۇھىتقا باراي مىنىڭ دىققتىمنى ئەڭ بۇرۇن ئۆزىگە تارتىدىغنى ھەر خىل چىرايلىق گۈل-گىياھلار بولىدۇ. ئۈيۈمدە ئۆستۈرگەن سورتى ئىسىل گۈللىرىم، ئىشخانامدىكى ھوزۇر بەخش چىرايلىق گۈللىرىم، بىزنىڭ ئىشخانىغا تەۋە چوڭ زالنىڭ دەرىزىسگە قۇيۇپ ئۆستۈرگەن نەچچە يۈز  تەشتەك   ھەر خىل گۈللىرىم ھاياتىمنىڭ يەنە بىر مەناسى. خۇشال بولغاندا، كۆڭلىم يېرىم بولغاندا، ئىچىم سىقىلغاندا، گۈزەل ئارزۇ-ئارمانلىرىم ھەققىدە خىيال سۈرگەنلىرىمدە، بىر تەرەپتىن گۈللىرىمنى پەرۋىش قىلسام، يەنە بىر تەرەپتىن  ئۇلار بىلەن مۇڭدىشىمەن. چىرايلىق يوپۇرماقلاردىن، نازۇك بەرگىلەردىن ھوزۇرلىنىمەن. بۇرۇن ئىشلىگەن مەكتىۋىمدە سىنىپىمدىكى 38 نەپەر ئوقۇغۇچى بىلەن بىرلىكتە، 2000 تەشتەكتىن ئارتۇق ھەر خىل گۈللەرنى بېقىپ، مەكتەپنىڭ ھويلىسىنى ھەر-خىل گۈللەرگە پۈركىۋەتكەنلىرىمىزنى خىيال قىلىشمۇ، مەن ئۈچۈن ھوزۇرلۇق ئىشلارنىڭ بىرى ھىساپلىنىدۇ. مۇشۇ كۈنلەردە «سۇنۇقتىن باشقىسى يۇقىدۇ» دىگەن گەپكە ئىشىنىپمۇ قېلىۋاتىمەن. چۈنكى ئىشخانىمىزغا قۇيۇلغان چىرايلىق  گۈللەرنى كۆرگەندىن كىيىن، مەكتىۋىمىزدىكى ھەممە ئىشخانىلاردا گۈل بېقىش قىزغىنلىقى كۈتۈرۈلۈپ، ئىشخانىلارنىڭ مۇھىتىمۇ ئۆزگىچە بولۇپ كەتتى. نۇرغۇن خىزمەتداشلىرىم ئۆيىدە بېقىش ئۈچۈن مەندىن گۈل سوراپ ئېلىپ كەتتى. بۈگۈنكى كۈندە ياخشى ئاينىمىغان، كىسەل تەگكەن، قۇرۇپ قالغىلىۋاتقان گۈللەرنى قانداق پەرۋىش قىلىشقا مەسلىھەت بېرىشتىكى «باش مەسلىھەتچى» مۇ بولۇپ قالدىم، ھەتتا بەزى خىزمەتداشلىرىمنىڭ ئۈيىگە بېرىپ گۈللىرىنى كۈرۈپ مەسلىھەت بەرگەن ۋاقىتلىرىممۇ بولدى. كىچىك ۋاقتىمدا پەرىشتىدەك ئاپپاق چاچلىرى بار خوشنىمىز موماينىڭ «گۈل ئۆستۈرگەن ئادەم جەننەتكە كىرىدۇ» دەيدىغىنىنى تولا ئاڭلايتتىم. ھەم ئۇ گۈلگە ئامراق خوشنىمىز موماينىڭ گۈللىرىگە قاراپ تويمايتتىم.  ھازىر ئويلاپ باقسام  رەھمەتلىك مۇماينىڭ بۇ سۆزىدە چۇڭقۇر ھېكمەت بار ئىكەن. دىمىسىمۇ زىمىننى گۈزەللەشتۈرۈش، باشقىلارغا ھۇزۇر ئاتا قىلىش ساۋاپلىق ئەمگەك جەريانى ئەمەسمۇ؟ ئۈزۈمنىڭ شەخسىي قىزىقىشمىنى سۆزلەپ، مۇنبەرداشلارنىڭ ۋاقتىنى ئېلىپ قويدۇم. ئەمما مەخسىدىم ماڭا ئوخشاش گۈل ئۆستۈرۈشكە قىزىقىدىغان مۇنبەرداشلارنىڭ گۈل ھەققىدىكى ھىس-تۇيغۇلىرىنى ئاڭلاپ باقسام ھەم شۇنداقلا گۈل ئۆستۈرۈشتىكى ياخشى تەجرىبىلەرنى ئۆز-ئارا ئالماشتۇرساق دىگەن ئۈمۈتتىمەن. كىيىنكى تىمىلىرىمدا گۈل ئۆستۈرۈش ھەققىدىكى بىلىملەر، باققان گۈللىرىمنىڭ سۈرەتلىرى ھەم تەجرىبىدىن ئۆتكەن گۈل بېقىش ئۇسۇللىرىمنى تۇنۇشتۇرىمەن. ھەم كۆپچىللىكنىمۇ ئۇشبۇ سۆھبەتكە تەكلىپ قىلىمەن. مەرھابا ئېزىز قېرىندىشىم سىزنىڭ قانداق چىرايلىق گۈللىرىڭىز ۋە قانداق گۈل بېقىش ئۇسۇللىرىڭىز بار؟ قۇلىقىمىز سىزدە........ «ياخشى كۈڭۈل يەردە قالماس» دىگەن ئاتىلار سۆزىگە شەكسىز ئىشىنىمەن.                         ھۆرمەت بىلەن:  مۇنبەردىشىڭلار روھسان                        2015-يىل 2-ئاينىڭ 15-كۈنى يوپۇرغىدا يېزىلدى

hadrat

	مەن گۈل بېقىشتا تەجىربەم مول بولمىسىمۇ،گۈل بېقىشقا ئامراق .گۈلدىن ئۆزەمگە خوشاللىق تاپىمەن.ياز كەلگەندە ھويلنىڭ بوشيەرلىرى يول ياقىللىرىغا قويماي گۈلئۆستۈرىمىز.قىشتا سىرىتتا ھىچقانداق يېشىلچىلىق قالمىغاندا ئۆيگە كىرسىڭىز يۇپيېشىلچىلىق بىرخىل تەبىئى مەنزىردىن ھۇزۇرلىنالايسىز.گۈل-ئۇ كۆڭۈل،گۈل-ئۇ ئىشەنچ،گۈل-ئۇ ھوزۇر.

feruq

	مەن گۈلدىن ھۇزۇرلىنىشنى بىلىمەن، بىراق پەرۋىش قىلىشنى بىلمەيمەن.

turmux.net

	گۈلگە خۇمار ئىكەنسىزدە؟  گۈل پەرۋىش قىلىش ياخشى ھەۋەسلەرنىڭ بىرى.  بولۇپمۇ، خانىم - قىزلىرىمىز ئۈچۈن.

Zamanbay

	مەنمۇ گۈل بېقىشقا بەك ئامراق  .  خوتۇن ئېلىپ ئۆي تۇتقاندا , كۆپرەك گۈل ئېلىپ باقامەن دەپ ئويلاتىمەن ئۆزەمچە  .

jelwa

	مەنغۇ  گۈلنى  بەك ياخشى كۆرىمەن  .  ئۆيىمىزدىمۇ  50-60  تەشتەكتەك گۈل بار . ياز كۈنلىرى ھويلىنىڭ ئىچىنى بىر  ئالىدۇ بەك  رەڭدارلىشىپ كىتىدۇ  ...   بىراق  بۇ گۈللەرنى  دادام  پەرۋىش قىلغاچمۇ  مەن تازا بىلىپ  كەتمەيدىكەنمەن  . لىكىن كىتاپلاردىن ئوقۇشۇشۇمچە  :  گۈلگە   ئارىلاپ  ئارىلاپ  تۇز سۈيى قۇيسا گۈل ھەم تىز  ھەم  رەڭدار ئېچىلىدىكەن  !.

musilina

	مەن گۈل بېقىشنى بىلمىگەن بىلەن،چىرايلىق گۈللەردىن ھوزۇرلىنىشنى بەك بىلىمەن..... چىرايلىق گۈللىرىڭىزنى رەسىملىرىنى يوللاپ قويۇڭە،ھوزۇر ئالايلى....

mahatjan

	ھوزورلۇنۇش ؛-ھەم پىزولوگىيلىك ھەم پىسخولوگىيلىك ھالەت ۋە ئادەت. گۈل ئادەمنى ھەقىقىتەن ھەر جەھەتتىن ھوزورلاندۇرېىدۇ،باشقا مەنزىرە ۋە موھىتلارمۇ ھوزورلاندۇرىدۇ. مەسىلەن؛كەچتە تاماقنى يەپ يۇمشاق يوتقاندا ياتسىڭىز ھوزورلۇنۇپ ئۇخلايسىز.ئەمما ھاجەت قىلغاڭىز كەلگەندە ىالاغا چىقسىڭىز بەك ھوزورلىنسىز.-------

mamatkurban

	مىنىڭ گۈلۈم دائىم قۇرۇپ قالىدۇ مەسلەھەت بەرسىڭىز

sawrdin

	چارچىغاندا گۈللەرگە قاراپ بەرسە كۆڭلى ئېچىلىپ قالىدۇ