پۇشايمان قىلمايمەن!!!!!!!

روھسان

	پۇشايمان قىلمايمەن                                                                                     روھسان ئوقۇتقۇچى بولغىنىمغا پۇشايمەن قىلمايمەن!!!    ! چۈنكى  دوسلىرىمنى، ئۈزۈمدىن كىچىكلەرنى رەتلىك ئولتۇرغۇزۇپ، چوڭ دادامنىڭ دەرۋازىسىنى دوسكا ، ئۆستەڭ بۇيىدىكى قۇم ئارىسىدىن تېرىۋالغان سېغىزنى بور قىلىپ، «ئوقۇغۇچى»لىرىمغا «دەرس» ئۆتۈپ يۈرگەن ئاشۇ چاغلاردىلا «ئوقۇتقۇچى بولۇش» تىن ئىبارەت ئىستەكنىڭ بالىلىق قەلبىمگە سىڭىپ كىتىشى سەۋەپلىك مىنىڭ قەلبىمگە تولىمۇ ئۇلۇغ،تولىمۇ خاسىيەتلىك بۇ كەسىپنىڭ ئوتى تۇتۇشۇپ بولغان!!!  ئوقۇتقۇچى بولغىنىمغا پۇشايمان قىلمايمەن!!!   چۈنكى، ئاشۇ چەت-چۆرىسى تەكلىمىكان قۇملۇقلىرىغا تۇتۇشۇپ كەتكەن خىلۋەت سەھرادىكى كىچىكتىن تارتىپ چوڭغىچە ھەممەيلەن «شوجاڭ» دەپ ئاتايدىغان، كەسكىنلىكى،ھەققانىلىقى، توغرا ھەم ئۆتكۈر پىكىرلىكى بىلەن، ئۇرۇق- تۇققان، خوشنا-خۇلۇملارنىڭ شۇنداقلا مىنىڭ قەلبىمدە كەم-كۈتىسىز ئوبراز ياراتقان، ھەممە ئادەم ھېيىقىش،ھۆرمەت نەزىرىدە قارايدىغان مۆھتىرەم دادام ئاشۇ نەچچە سىنىپلىق كىچك باشلانغۇچ مەكتەپنىڭ ئىچىگە جايلاشقان ئۆيىمىزنىڭ ئالدىدا- مەكتەپنىڭ مەيدانىدا، يۇلتۇزلارجىمىرلاپ تۇرغان ئاسماننىڭ ئاسىتدا، بىز ئالتە بالىنى چۆرىسىگە يىغىپ ئولتۇرۇپ،  ئىبرەتلىك ھىكايەتلەرنى، سىرلىق چۆچەكلەرنى ئېيتىپ بىرىۋاتقان، ئۆزى سۆيگەن كەسىپ ئوقۇتقۇچىلىق ھەققىدىكى تولىمۇ ئورۇنلۇق،تولىمۇ قىممەتلىك يەكۈنلىرى  ئارقىلىق قەلبىمگە چوقۇم دادامغا، ئانامغا ئوخشاش ئوقۇتقۇچى بولىمەن، ئوقۇتقۇچى بولغاندىمۇ ئوقۇغۇچىلىرىمنىڭ ھۆرمىتىگە سازاۋەر بىر ئوقۇتقۇچى بولىمەن دىگەن ئوتنى يېقىۋەتكەن ئاشۇ مىنۇتلاردا، ئوقۇتقۇچىلىقتىن ئىبارەت ھالاۋىتى ئاز، ئەمما ئىنسانىيەتنى  يۈكسىلىش يولىغا باشلايدىغان بۇ پاكىز كەسىپكە بولغان ئىشتىياق مىنىڭ قەلبىمگە ئورناپ بولغان !!!!  ئوقۇتقۇچى بولغىنىمغا پۇشايمان قىلمايمەن!!!  چۈنكى مەن ئالىي مەكتەپكە، ئوقۇتقۇچى بولىدىغان كەسىپكە قوبۇل قىلىنىپ، ئالىي مەكتەپ ھاياتىمنى ئۆتكۈزۋاتقان  ئاشۇ ۋاقىتلاردىلا، چوقۇم بىر مۇنەۋۋەر ئوقۇتقۇچى بولىمەن، ماڭا دەرس بەرگەن پالانى خانىمدەك، دەرس دىگەننى ئاجايىپ ئىسىل سۆزلەيدىغان ئاشۇ مۇئەللىمىمدەك ئوقۇتقۇچى بولىمەن دىگەن ئارزۇ-ئارمانلارنى كۆڭلۈمگە پۈكۈپ قويغان ئاشۇ چاغلاردىلا، ئوقۇتقۇچىلىق كەسپىنىڭ جاپاسى ھەم ھالاۋىتىگە قارتا كۆڭلۈمدە ئېنىق سان توختىتىپ بولغان ئاشۇ چاغلاردىلا، مىنىڭ ۋۇجۇدۇم ئاللىقاچان مۇنبەر بىلەن، خىيالىمدىكى ئوماق ھەم سەبىي بالىلىرىم بىلەن چەمبەرچەس باغلىنىپ بولغان!!! ئوقۇتقۇچى بولغىنىمغا ھەرگىز پۇشايمان قىلمايمەن!!!چۈنكى مەن ئوقۇتقۇچىلىق ھاياتىمنى باشلىغان ئاشۇ خاسىيەتلىك كۈندىن باشلاپ تاكى ھازىرغىچە بېسىپ ئۆتكەن  ھاياتىمدا ماڭا نان بېرىۋاتقان، باشقىلارنىڭ ئالدىدىكى قىممىتىمنى بەلگۈلەۋاتقان بۇ كەسىپنى تولىمۇ توغرا تاللىغانلىقىمنى ئىتىراپ قىلغان ھەر-بىر دەقىقىلەردە، ئوقۇتقۇچىلىقتىن ئىبارەت بۇ كەسىپنىڭ خاسىيىتىنى، ئۇلۇغلۇقىنى، ساۋاپلىق ئەمگەك جەريانى ئىكەنلىكىنى  تېخىمۇ چوڭقۇرلاپ چۈشىنىپ يەتكەن ھەر-بىر دەقىقىدە، مىنىڭ بارلىق گۈزەل ئارزۇ-ئارمانلىرىم، قايغۇ-ئەلەملىرىم ئۈزۈم سۆيگەن ئوقۇتقۇچىلىق خىزمىتى بىلەن بىر تەن بىر جان بوپ كەتكەن!!!!     مەن ئوقوتقۇچى بولغىنىمغا پۇشايمان قىلمايمەن!!!!    چۈنكى مەن 21 يىللىق ئوقۇتقۇچىلىق ھاياتىمدا ھەر قانداق ۋاقىتتا، ھەر قانداق جايدا ئۆز كەسپىمگە، مۇققەددەس مۇنبەرگە،ئەۋلاتلارغا يۈز كىلەلىگۈدەك ياشاشنى ئىستەپ كەلدىم. مەن ئوقۇتقۇچى بولغىنىمدىن پۇشايمان  قىلمايمەن!!!ئەگەر ھەممىنى نۆلدىن باشلاشقا توغرا كەلسىمۇ مەن يەنە ئوخشاشلا ئۈزۈم سۆيگەن ئوقۇتقۇچىلىق كەسپىمنى تاللايمەن. چۈنكى ئوقۇتقۇچىلىق ھاياتىمدا يەكۈنلىگەن نۇرغۇن قىممەتلىك تەجرىبە-ساۋاقلىرىم مىنى مۇنبەردە چاقناش پۇرسىتىگە ئىگە قىلىدۇ ئەمەسمۇ؟  مەن ئوقۇتقۇچى بولغىنىمغا پۇشايمان قىلمايمەن!!!!  چۈنكى ماڭا ئاتا كەسىپ بولغان بۇ كەسىپ مەن ئارزۇ قىلغان، ئارمان قىلغان، مەن سۆيگەن، مەن ئوتىدا كۈيۈپ، سۈيىدە ئېقىشقا ئىرادە قىلغان كەسىپ ئەمەسمۇ؟؟؟ مەرھابا 2015-يىل!!! ئۇلۇغ ئارزۇ-ئارمانلارنى كۆڭلىگە پۈككەن بىر مۇئەللىمە غۇلىچىنى كەڭ كىرىپ ساڭا مەرھابا دەۋاتىدۇ!!!! ئۇنىڭ قەلبىدە يەنە يېڭى ئارمانلار يېلىنجاۋاتىدۇ!!!!               2014-يىلى 31-دىكابىر يوپۇرغا[ بۇ يازمىنى روھسان تەھرىرلىگەن ۋاقتى 2014-12-31 05:24 PM ][ بۇ يازمىنى روھسان تەھرىرلىگەن ۋاقتى 2014-12-31 05:25 PM ] [ بۇ يازمىنى روھسان تەھرىرلىگەن ۋاقتى 2014-12-31 05:27 PM ] [ بۇ يازمىنى روھسان تەھرىرلىگەن ۋاقتى 2014-12-31 05:30 PM ] [ بۇ يازمىنى روھسان تەھرىرلىگەن ۋاقتى 2014-12-31 05:30 PM ] [ بۇ يازمىنى روھسان تەھرىرلىگەن ۋاقتى 2014-12-31 05:35 PM ] [ بۇ يازمىنى روھسان تەھرىرلىگەن ۋاقتى 2014-12-31 05:48 PM ] [ بۇ يازمىنى روھسان تەھرىرلىگەن ۋاقتى 2014-12-31 05:48 PM ]

روھسان

	ئۈزۈم يازغاندا ئىملا توغرا ئەمما يوللىغاندىن كىيىن ئىملادا خاتالىق كۈرۈلۋاتىدۇ سەۋەبىنى بىلەلمىدىم

zulpukar

	مۇنبەردە ئازراق نورمالسىزلىق بارمۇ قانداق.........

13289986520

	zulpukar يوللىغان ۋاقتى  2014-12-31 08:21 PM مۇنبەردە ئازراق نورمالسىزلىق بارمۇ قانداق......... تىلفوندا يىزىپ كومپىيوتىردا يوللىسا شۇنداق بولاتتى

musilina

	مەنمۇ ئوقۇتقۇچى بولغىنىمغا پەقەت پۇشايمان قىلمىغان،باشقىچە تاللاش بوپ قالسا يەنىلا ئوقۇتقۇچىلىقنى تاللايتىم.... ئوقۇتقۇچىلىق مەن سۆيگەن ،ماڭا نان بېرىۋاتقان،مېنى ھۆرمەتكە سازاۋەر قىلغان كەسپ،ئوقۇغۇچىلىرىمنىڭ ‹‹خانىم››دېگەن ئاۋازى يۈرىكىمنى تىترىتىدۇ.... بىراقزە ئۆتكەندە يۈز بەرگەن كۆڭۈلسىزلىك مېنى ئوقۇتقۇچى بولغىنىمغا سەل ئۈمىدسىزلەندۈردى-يۇ، دەرھاللا ‹‹بولدىلا مەكتەپ بىرلا ئادەمنىڭ مەكتىبىمىدى؟مەن بىر ئادەم ئۈچۈن ئىشلەمتىم››دەپ،دەرھال ئەسلىمگە كېلىۋالدىم....... ياخشى يېزىپسىز،بىز ئوقۇتقۇچىلارنىڭ يۈرەك سۆزلىرىنى تۆكۈپسىز............ يېڭى يىلىڭىزغا مۇبارەك بولسۇن كەسپدىشىم....

izlayman520

	رەھمەت  بەكلا ياخشى تىما يوللاپ سىز........... يېڭى يىلىڭىزغا مۇبارەك بولسۇن........... يېڭى يىلدا يېڭىچە نەتىجىلەرنى قولغا كەلتۈرىشىڭىزگە تىلەكداشمەن قېرىندىشىم