616-نومورلوق ياتاق‹ۋەھىمىلىك ھېكايە›

hina

	ھەرقايسى ئىدارە-ئورگانلاردىن تاللانغان 29نەپەر ئىشچى خىزمەتچى خىزمەت مۇناسىۋىتى بىلەن يىراق ئۆلكىگە ئۈچ ئايلىق ئۈگىنىشكە ئەۋەتىلدى . بۇ ئوقۇغۇچىلارنىڭ ئارىسىدا ئەسىرىمىزنىڭ باش قەھرىمانى بولغان پەزىلىيە بىلەن رەفىنەمۇ بار ئىدى .      پەزىلىيە بىلەن رەفىنە شەھەرلىك سۇ ئىشلىرى ئىدارىسىنىڭ بۇلتۇر قوبول قىلىنغان خىزمەتچىلىرى بولوپ ئىككىيلەن بىرلىكتە ئىمتىھانغا قاتناشقان ، شۇنداقلا ئىمتىھاندىن ئۆتۈپ بىر ئىدارىغا تەقسىم قىلىنغانىدى . ئىككىيلەن مەيلى بوي تۇرق جەھەتتىن بولسۇن ۋە ياكى باشقا جەھەتلەردىن بولسۇن تولىمۇ ئوخشىشىدىغانلىقى ئۈچۈن ئىدارىدىكى چوڭلارنىڭ بۇ ئىككىسىگە مەستلىكى كېلىپ <قوشماقلار>دىيىشەتتى ، تەلىيىگە بۇ قېتىملىق ئۈگىنىش پۇرسىتىنى ئىدارە باشلىقى ئىككىيلەنگە بېرىشنى قارار قىلدى .      سەپەردىن ھېرىپ-ئېچىپ كەلگەن ئوقۇغۇچىلار يول بويى تەرەققە تاپقان بۇ شەھەرنىڭ مەنزىرىسىدىن قانغۇچە زوق ئالغىنىچە مەنزىلگە يېتىپ كەلگىنىنىمۇ تۇيمايلا قېلىشتى ، كۈتۈۋىلىشقا ئالدىغا چىققان مەزكۇر شەھەرنىڭ مۇناسىۋەتلىك رەھبەرلىرى ئوقوغۇچىلار بىلەن قىزغىن كۆرۈشكىنىچە ئۇلارنى ئالدىنئالا تەييارلاپ قويولغان تاماققا تەكلىپ قىلدى ، تاماقتىن كىيىن ماشىنا ئوقۇغۇچىلارنى ئېلىپ ئوقۇغۇچىلار ئۈچۈن مەخسۇس ئورونلاشتۇرۇلغان ياتاق بىناسى تەرەپكە قاراپ يۈرۈپ كەتتى .     شەھەرلىك ئەمگەك ئىدارىسى قولايلىق بولوشى ئۈچۈن ئوقۇغۇچىلارنى شەھەر مەركىزىگە جايلاشقان ، قۇرۇلغىنىغا بىرقانچە يىللار بولغان ياشانغانلار ساناتورىيىسىنڭ 6-قەۋىتىگە ئورۇنلاشتۇرغانىدى ، ياشانغانلار ساناتورىيىسى مۇھىتىنىڭ پاكىزلىقى ، خۇددى تۈجۈپىلەپ ياسالغان ئورمانلىقتەك بۈك-باراقسان قوروسى بىلەن كىشىگە ئۆزگىچە زوق بېغىشلايتتى ، ئوقوغۇچىلار گەرچە ئۆزلىرىنىڭ ياشانغانلار ساناتورىيىسىگە ئورونلاشتۇرۇلغانلىقىدىن سەل ھەيرانلىق ھېس قىلىشقان بولسىمۇ لېكىن بۇ تەبىئى مەنزىرىگە قاراپ بۇ يەرنى ناھايىتى تېزلا ياقتۇرۇپ قېلىشتى ، ھەتتا ئۆزئارا چاقچاقلىشىپمۇ ئۈلگۈردى:    -پاھ ، پاھ ماۋۇ بۈك باراقسانچىلىقنى كۆر ، بىزنىڭ پادىشاھلىق باغدىن قېلىشمامدۇ نىمە ؟-    - شۇنى دىگىنە ، بۇ يەردىكى ياشانغانلارنى نىمىشقا بالىلىرىنىڭ بىقىشىغا كۆنمەي بۇنداق يەرلەرگە كىلىۋالىدىكىن دىسەم ئەسلى مۇنداق يەرلىرى بارتىكەن ئەمەسمۇ -    - ئەمىسە سەنمۇ <مەن ياشانغان> دەپلا بالا چاقاڭنى كۆچۈرۈپلا مۇشۇ يەرگە كېلىپ يېتىۋال .    -توۋا دە ۋۇي ، ئاللاھ ساقلىسۇن ، بالىلارنىڭ ئىنسابىنى بەرسۇن جۇمۇ .    -شۇ شۇ .    پەزىلىيە بىلەن رەفىنە چوڭلارنىڭ پارىڭىغا پىخىلداپ كۈلگىنىچە ئۆزلىرى بۆلۈنگەن ياتاقنىڭ ئاچقۇچىنى ئېلىپ 6-قەۋەتكە چىقىپ كارىدۇرنىڭ چېتىگىرەك جايلاشقان 616-نومورلۇق ياتاققا ئاچقۇچ سالدى.   -ۋايجان ، نېمانداق ئېچىلمايدۇ ماۋۇ ئىشىك ،.-بىر نەچچە قېتىم تولغاپمۇ ئىشىكنى ئاچالمىغان رەفىنە چىشى قېرىشقان ھالدا قۇلۇپتىن ئاچقۇچنى چىقاردى .    -ئەكىلە ، مەن ئېچىپ باقاي .-پەزىلىيە شۇنداق دىگىنىچە رەفىنەنىڭ قولىدىن ئاچقۇچنى ئېلىپ قۇلۇپقا شۇنداق سېلىشى بىلەن ئىشىك خۇددى سېھىرلەنگەندەك بولوپ تاراققىدە ئېچىلدى .   -قارا ، ئىشىك ئىچىشنى مەندىن سورا جۇمۇ -پەزىلىيە شۇنداق دەپ كۈلگىنىچە ياتاقنىڭ ئىشىكىنى ئېچىپلا كىردى.   كەڭرى كەتكەن ، يوغانغىنە ئىككى كارىۋات قويولغان ، تېلىۋىزۇر ، ھاۋا تەڭشىگۈچ ۋە باشقا ئەسلىھەلەر تولوق ئورونلاشتۇرۇلغان ئازادە ياتاق ئۇلارنىڭ كۆز ئالدىدا نامايەن بولوپ تۇراتتى ، پەزىلىيە بىلەن رەفىنە كىرىپ نەرسە كېرەكلىرىنى يۇغۇشتۇرۇشقا باشلىدى .    -پەزىلىيە-   -ھە -   -بايا دىققەت قىلدىڭمۇ ؟   -نېمىگە؟   -دەرۋازىۋەن بىزگە ئاچقۇچنى بەرگۈچە ئەجەب سىرلىق قاراپ كەتتى .    -قانداق دەيسەن ؟ مەن ئەجەب ھېس قىلماپتىمەن .   سەن ئۇ چاغدا تىلىفۇن پاراڭلىشىۋاتقان ، شۇڭا كۆرمىدىڭ ، ئاچقۇچنى خۇددى بەرگۈسى يوقتەك نەچچە تارتىشىپ ئاران بەردى ، مەن تاس قالدىم ئاچچىقىم كېلىپ ۋارقىرىۋەتكىلى ، تېخى ئاچقۇچنى بېرىپ بولوپ نىمە دەيدۇ دىمەمسەن ؟   -نىمە دەيدۇ؟   -<سىلەر تېخى كىچىكتىكەنسىلەر.>دەيدۇ قارا ، تېخى بىشىنى چايقاپ كېتىشلىرىچۇ .   -بەلكىم ساڭا شۇنداق تۇيۇلغاندۇ ؟   -ياق ، بۇنىڭدا بىرگەپ بار . -سېنىزە ، ئارتوق ئويلىما ، ساڭا شۇنداق تۇيۇلۇپ كەتكەن گەپ .قارا ماۋۇ ئىشكاپ بەك چوڭكەن ، كىيىملىرىڭنى ئەپكەل ، دەررۇ سالايلى ، ھېلىلا يىغىن دەپ يىغىۋالىدۇ ھەقىچان . -ۋاييەي ، راست ، يىغىن بار دىگەن ئىدى .   قىزلار شۇنداق دىيىشكىنىچە نەرسە كېرەكلىرىنى رەتلەپ بولۇشى بىلەنلا زالدىن بىرەيلەننىڭ پۈشتەك چالغان ئاۋازى ئاڭلاندى :   -ئوشتە ، ئۆزىنى ھەربىي مەكتەپتە دەپ قالدىمۇ نىمە ؟   -كىمكىنا بۇ ؟ -كىم بولاتتى ، خەلق ئىشلىرى ئىدارىسىدىن كەلگەن ھېلىقى سۆزلەشكە ئامراق ئېگىز بالىدۇ .   -يۈر ، يىغىن باشلىنىدىغان ئوخشايدۇ ، يىغىنغا چىقايلى .   قىزلار ياتاقنى ئىچىدىن تاقاپ قويوپ شۇ قەۋەتتىكى يىغىن زالىغا كىرىپ كېلىشتى . بىر مۇنچە قۇرۇق رەسمىيەت خارەكتىرىنى ئالغان سۆزلەردىن كېيىن يىغىن تۈگىگەنمۇ بولدى  يىغىندىن چىقىپ ياتاققا قايتىپ كىرگەن قىزلار يېڭىچە مۇھىتتىن بەھىرلەنگىنىچە ئارم ئېلىشنىڭ تەييارلىقىنى قىلىشتى ، لېكىن ئۇلار بۇ يېڭى مۇھىتتا ئۆزلىرىنى نىمە كۈتۈپ تۇرغانلىقىنى بىلمەيتتى .    داۋامى بار .

guzal_atux

	كەشتە ئوقۇسا ئۇنىمىنى كورگىلى بولىدۇ‹‹‹

amarjan911

	داۋامىنى كەچتە ئۇقۇسام بولغىدەك ، ئالى مەكتەپتىكى چىغىمدا ياتاقتىكى قۇرقۇنۇچلۇق ھىكايىلەرنى تولا ئاڭلايتىم بۇمۇ شۇنىڭغا ئۇخشاپ كىتەمدۇ تېخى

marhaba77

	كەچتە ئوقۇغۇم يوق.شۇڭا ئاخىرىنى تىز يوللاڭ.بولمىسا 616نۇمۇرلۇق ياتاققا سىزنىمۇ ئورۇنلاشتۇرغۇزۇپ قويايلى.

mahbusman

	خېنىم،خېنېېېېېېېېېېېېېېېېېېېېېېېېېېېېېېېېېېېېېېېېېېېېېېېېېېېېېېېم........................................ ئادەمنى  جىلە  قىلمىسىلا  دەيمەن.

sirdax998

	مەن داۋامى چىققاندا بىراقلا ئوقۇي.

gulbaxikar

	مانا بىر بىرىدىن ياخشى ھىكايىلەر چىقىۋاتىدۇ، ئادەم ئۇقۇپ ئۇقۇپ ھارمىغان .... دەرۋازىۋەن قېرى چۇقۇم بىر شۇملۇقنى بىلىدۇ،  ماڭا پەزىلىيەگە بىرەر ئىش بولىدىغاندەك بىلىنۋاتىدۇ ئىشىك ئەجەپ ئۇ ئاچقۇچ سالسا ئىچىلىپ كەتتى-دىسە! داۋامىنى ساقلاپ قالدۇق ئەمىسە!

نامەلۇم1

	قىزىقىپ قالدىم داۋامىنى تىزرەك يوللاڭە

ئىزنا

	داۋامى قېنى ؟

نامەلۇم1

	قىزىقىپ قالدىم داۋامىنى تىزرەك يوللاڭە