616-نومورلوق ياتاق‹ۋەھىمىلىك ھېكايە›

cubat

	بولمىدىغۇ بۇ؟ ئاخىرى يەنە يوق... بەكمۇ زىرىكتىم ئاخىرىنى ساقلاپ

paykan

	نىمانچېۋالا ئاستا،

turpani004

	ahgul228 يوللىغان ۋاقتى  2013-11-25 05:33 PM قىز كەلتۇرۇش كېلىشىمى دېگەننىڭ 10-قىسمىنى پەقەتلا تاپا ... مەندە بار ھەممە قىسمى 、ئەگەر لازىم بولسا ھەممە قىسمىنى يوللاپ بېرەي!1434182526 qq   يا بولمىسا مۇنۇ توربەتتىن ئاڭلاڭ ۋە چۈشۈرۋېلىڭ!  قىز كەلتۈرۈش كېلىشىمى جۇما!

turpani004

	ئايچىن يوللىغان ۋاقتى  2013-11-26 01:11 PM ئاللا ، ئاللا ... دەرۋازىۋەن ئۇ ياتاقنىڭ تەكشى ئەمەسلىگ ... ئۇ چاغدا بىزگە ئوقۇغىلى ھېكايە چىقماي قالا مانىڭدەك ھېكايىدىن؟

turpani004

	داۋامى بار دائىم! ئەسەرلەرنىڭ مىسرانىمدا، ئولتۇرىمىز ئېڭەك تىرەپ. قاچان چىقار دەپ ئاخىرنى، خۇيى بارلارنىڭ مۇشۇنداق، تەييار بولدۇم بوغۇزلاشقا پىچاق بىلەپ...    چاقچاق ھە!!!

turpani004

	شۇ ياتاقتا ئولتۇرۇپ قوقماي يېزىۋېردىكەنسىز ھە؟     مەن ئوقۇپ قوقۇپ كىتۋاتسام...

hina

	ئالتىنچى كۈنى          -جىددى ئۇقتۇرۇش ، جىددى ئۇقتۇرۇش ، يېرىم سائەت ئىچىدە بىنانىڭ ئالدىغا يىغىلىڭلار ، شەھەر مەمورىيەت بىناسىدا يىغىن بار ، كېچىكىپ قالغۇچىلار  ئاقىۋىتىگە ئۆزى ئىگە!      بۇ ئاۋاز شېرىن چۈش قوينىدا ياتقان بارلىق ئوقوغوچىلارنى چۆچۈتۈپ ئويغىتىۋەتتى ، پەزىلىيە بىلەن رەفىنەمۇ ئورونلىرىدىن تۇرۇپ يىغىن ئۈچۈن تەييارلىق قىلىشقا باشلىدى .      يېرىم سائەتتىن كېيىن      -بۇ ئىككى سىڭلىمىز نىمانداق چىقمايدۇ دەيمەن ؟      -ئۇخلاپ قالدىمۇيا ؟      -بىر ئاز ساقلاپ باقايلى بولمىسا .      -تىلىفۇن ئۇرۇپ باقە .      ئارىدىكى بىرەيلەن تىلىفونىدا ئىككىسىگە تىلىفۇن ئۇردى ، ئەپسۇس ، كۈندە كەچلىكى ئۇخلاشتىن ئاۋال تېلىفونىنى ئېتىۋىتىپ ئۇخلاشنى ئۆزلىرىگە ئادەت قىلغان قىزلارنىڭ تېلىفونى تېخى ئېچىلمىغان ئىدى .      -مەن چىقىپ چاقىرىپ چۈشەيمۇيا ؟-ئارىدا ياشقا چوڭراق بىر ئايال ماشىنىدىن چۈشۈشكە تەمشەلگەنىدى مەسئۇل رەھبەر توسوپ قويدى :      -بولدى ، سىز ئۇلارنى چاقىرىپ چۈشكۈچە بىز يىغىنغا كېچىكىپ قالىمىز ، بۇ يەرگە كېلەر كەلمەيلا شىنجاڭلىقلارنىڭ يۈزىنى تۆكسەك بولماس ، بىز ماڭىۋىرەيلى ، قالغان گەپنى كەلگەندە دىيىشەرمىز.      مەسئول رەھبەرنىڭ تۇتۇلغان چىرايىدىن ئارتۇق بىرنەرسە دىيىشكە پىتىنالمىغان ئوقوغۇچىلار يەر تېگىدىن بىر بىرىگە قاراپ قويوشتى ، ماشىنا ئاستا مېڭىپ دەرۋازىدىن چىقىپ كەتتى .     باياتىندىن بېرى ئوقوغۇچىلارغا قاراپ تۇرغان دەرۋازىۋەن 616-نومورلوق ياتاقتا ياتىدىغان ئىككى قىزچاقنىڭ ماشىنىغا چىقمىغانلىقىنى كۆرۈپ قىزلاردىن سەل ئەنسىرەپ قالدى ۋە ھەر ئېھتىمالغا قارشى دەپ بولقىدىن بىرنى كۆتۈرگىنىچە ياتاق بىناسىغا كىرىپ كەتتى .    بۇ چاغدا قىزلار ياتاق ئىچىدە قان يىغلىغىنىچە ئۆزلىرىنى قۇتۇلدىرىۋالىدىغان بىرەيلەننىڭ چىقىشىنى كۈتۈپ ئولتۇرماقتا ئىدى .      يېرىم سائەت بۇرۇن      قىزلار زالدا ئاڭلانغان بۇيرۇقتىن كىيىن يۈزلىرىنى يۇيۇشتى ۋە مېڭىشقا تەييارلىق قىلىشتى ، پەزىلىيە چېچىنى تاراۋاتقان ، رەفىنە ئايىغىنى كىيىۋاتقان شۇ پەيتتە تۇيۇقسىز ھالدا ياتاق توروسىدىن سىمىلداپ يامغۇر چۈشۈشكە باشلىدى ، رەفىنە بىلەن پەزىلىيە ھەيران بولوپ تۇرۇپلا قېلىشتى ، تۇغۇلۇپ تا ھازىرغىچە بۇنداق ئىشنى كۆرمىگەن ، ئۇنىڭ ئۈستىگە نەچچە كۈندىن بۇيانقى قورقونچتىن ئەسلىگە كەلمىگەن قىزلار ئەس ھوشىنى يوقاتقانىدى ، مانا ئەمدىلىكتە توروستىن چۈشۈۋاتقان يامغۇر سۈيىنىڭ رەڭگى قىزىلغا ئۆزگەردى ، قىزلار شۇ پەيتتە ئۆزلىرىنىڭ نىمە كۈنگە دۇچار بولغانلىقنى ھېس قىلدىدە ئىشىك تەرەپ قاراپ يۈگۈردى ، ئەپسۇس ئىشىك مەھكەم ئېتىق ، ھەرقانچە قىلىپمۇ ئىشىكنى ئاچالمىغان قىزلار قورقونچ ئىلكىدە ياتاقتىكى قىزىل رەڭلىك سۇنىڭ ئاستا ئاستا پۇتىنىڭ تىزىغا چىققانلىقنى ، يوتىسىغا چىققانلىقنى ئۆز كۆزى بىلەن كۆرۈپ تۇردى ، مانا ئەمدى شۇ سۇنىڭ ئۈستىدە بىردەمدىلا بىرقانچە تال قىزىل رەڭلىك يىپ پەيدا بولوپ قالدى ۋە خۇددى جان كىرگەندەك بولوپ قىزلارنىڭ بوينىغا يۆگەشتى ، يىپلار جان جەھلى بىلەن قىزلارنى بوغماقتا ، قىزلار بولسا ئاللىبۇرۇن بېلىگە چىققان قىزىل رەڭلىك سۇ ئىچىدە تىپىرلىماقتا ، ئۇلار مۇشۇ پەيتتە بىرەيلەننىڭ كېلىپ ئۆزلىرىنى قۇتۇلدۇرىۋىلىشىنى نەقەدەر ئارزۇ قىلىدۇ ھە ، ئەپسۇس ، پۈتكۈل6-قەۋەتتە بىرمۇ ئىنسان قالمىغان ، سىرتتىكى ئىنسانلار بۇ ئىشلاردىن تېخىمۇ خەۋەرسىز .      قىزلار ھاياتىدىن ئۈمىدىنى ئۈزگەن شۇ پەيتتە بىرەيلەن ئىشىكنى قېقىپ قالدى :      -قىزلار ، سىلەر بارمۇ ، ساۋاقداشلىرىڭلار كېتىپ قېلىشتى ، ياتاقتا يالغۇز قالماڭلار ، مەن سىلەرگە........دەرۋازىۋەن گەپنىڭ ئايىغىنى چىقارماي تۇرۇپلا ياتاق ئىچىدىن چىىققان ئاجىزغىنە ئېڭراشنى ئاڭلاپ قالدى ، يەنە كېلىپ ئاۋاز ئىشىك تۈۋىدىنلا ئاڭلىنىۋاتاتتى :‹قۇتۇلدۇرۇڭلار ›      دەرۋازىۋەن ئىشنىڭ چاتاقلىقىنى ھېس قىلدىدە ئىشىكنى بۇراپ ئاچماقچى بولدى ، ئىشىك يەنىلا شۇنداق مەھكەم ئېتىك ، دەرۋازىۋەن قولىدىكى بولقا بىلەن ئىشىكنىڭ قۇلوپى بار يەرگە كۈچەپ بىر قانچىنى ئۇردى ، ئىشىك ئاخىرى ئېچىلدى .      ئەمدى ياتاق ئىچىگە لىق توشقان قىزىل رەڭلىك سۇ ، قىزلارنىڭ بوينىنى بوغقان قىزىل رەڭلىك يىپلاردىن ئەسەرمۇ يوق ئىدى ، چىرايىدا قان دىدارى قالمىغان قىزلار پولدا يېتىپ قېلىشقان ، قورقونچتىن ئېسىدىن كېتىپ قېلىشقانىدى .     - قىزلار ، نىمە بولدۇڭلار ؟ نىمە ئىش بولدى ، ماڭا دەڭلارچۇ ؟     دەرۋازىۋەننىڭ قايتا قايتا سورىشىدىن ئەسلىگە كېلىشكەن قىزلار بىر بىرىگە ئېسىلغىنىچە يىغلاپ كېتىشتى ، قىزلارنىڭ يىغىسى ئالاھەزەل ئون مىنۇتلار داۋاملاشتى بولغاي دەرۋازىۋەن قىزلارنى يۆلىگىنىچە ياتاقتىن چىقىپ كەتتى.

hina

	-قېنى ماڭا دەڭلار ، زادى نىمە ئىش بولدى؟      دىجورنىخانىغا كىرگەندىن كېيىن دەرۋازىۋەن قىزلاردىن سورىدى ، ۋەھىمىدىن تولوق ئەسلىگە كېلىپ بولالمىغان قىزلار بىر بىرىگە قارىشىپ قويوشتىدە تۇنجى كۈنى كەلگەندىن تارتىپ تا بۈگۈنگىچە يۈز بەرگەن بارلىق ۋەقەلەرنى يىپىدىن يىڭنىسىغىچە سۆزلەپ بېرىشتى .       قىزلارنىڭ بايانىنى بىر ئېغىزمۇ گەپ قىلماي ئاڭلاپ ئولتۇرغان دەرۋازىۋەن قىزلار سۆزلەپ بولغاندىن كېيىن ئاستا بېشىنى كۆتۈرۈپ پەزىلىيەدىن :      -ئىشىك چەككەن ئادەمنى ئۇزۇن ، كەرەشنىۋاي رەڭلىك يامغۇرلۇق چاپىنى كىيىۋاپتۇ دېدىڭىزما ؟ دەپ سورىدى .      -شۇنداق      -قىزلار مەن سىلەرگە ئېيتسام ، سىلەر دەسلەپ كەلگەن كۈنىلا مەن سىلەردىن ئەنسىرىگەن ، چۈنكى سىلەر يېتىۋاتقان ياتاقتا بىر يىل بۇرۇن بىر ۋەقە يۈز بەرگەن ، سىلەرنىڭ خىزمەت مۇناسىۋىتى بىلەن ئۈگۈنۈشكە كېلىپ مۇشۇ ياتاق بىناسىغا ئورونلاشتۇرۇلىدىغانلىقىڭلاردىن خەۋەر تاپقان ساناتورىيە باشلىقى سىلەرنى 6-قەۋەتكە ئورونلاشتۇرماقچى بولدى ، مەن شۇ چاغدا باشلىققا :‹باشلىق ،616-نومورلوق ياتاققا ئادەم ئورونلاشتۇرمايلى.› دىسەم باشلىق ماڭا :‹ئۇ ياتاققا نىمىشقا ئورونلاشتۇرمايمىز ، شۇ ياتاقتىن تارتىپ ئورونلاشتۇرمىساق پىلانغا تەسىر يېتىدۇ .›دىدى ، بۇ ساناتورىيە باشلىقى يۆتكىلىپ كەلگىنىگە ئەمدى بىر قانچە ئاي بولغانلىقى ئۈچۈن ئۇ ئىشلاردىن خەۋىرى يوق ئىدى ، شۇ سەۋەب مەنمۇ يەۋاتقان ئېشىمدىن ئايرىلىپ قالماسلىق  ، باشقىلارنىڭ مېنى‹ساراڭ قېرى ›دىيىشىدىن ساقلىنىش ئۈچۈن سۈكۈتتە تۇردۇم ، لېكىن ئىچىمدە ئۇ ياتاققا يېشى چوڭراق ئەرلەرنىڭ ئورونلىشىپ قېلىشىنى تىلىدىم ، چۈنكى ئەر كىشى نىمىلا دىگەن بىلەن بىر ئىشلاردىن ئانچە قورقوپ كەتمەيدۇ ، لېكىن سىلەر كەلگەن كۈنى قارىسام ياتاققا ئىككىڭلار يەنە كېلىپ كىچىككىنە قىزلار بۆلۈنۈپسىلەر ، شۇ كۈنى مەن سىلەرگە ياتاق ئاچقۇچىنى بەرمەسلىكنى ، ساناتورىيە باشلىقىغا قايتا بىر دەپ بېقىشنى شۇنچە ئويلاندىميۇ لېكىن بۇنىڭ بىرەر ياخشى چارىسىنى تاپالمىدىم ، ئامالسىز ئاچقۇچنى سىلەرگە بەردىم ، بەلكىم شۇ چاغدا مىنى ‹ساراڭكەن› دىگەن بولوشۇڭلارمۇ مۇمكىن.          دەرۋازىۋەننىڭ بۇ گىپىنى ئاڭلاپ پەزىلىيەنىڭ كاللىسىغا تۇنجى كەلگەن كۈنى رەفىنەنىڭ:‹دەرۋازىۋەن بىزگە بەك سىرلىق قاراپ كەتتى ، ئاچقۇچنى بەرگۈچە سىلەر تېخى كىچىكتىكەنسىلەر دەپ بىشىنى چايقاۋاتىدۇ. ›دېگەن گىپى كەلدى ۋە ئۇنىڭ تېگىگە يەتكەندەك بولدى ، دەرۋازىۋەن داۋاملىق سۆزلىمەكتە ئىدى :      -نەچچە كۈندىن بۇيان سىلەردىن ئەنسىرەپلا يۈردۈم ، بۈگۈن قارىسام يىغىنغا بارىدىغانغا ھەممەيلەن تەييارلىق قىلىپ ماشىنىغا چىقىپ ئولتۇردى ، لېكىن سىلەر يوق ، بۇ چاغدا ئەنسىرىشىم چېكىگە يەتتى ، ماشىنا كەتكەندىن كېيىن مەن سىلەرنى چاقىرىپ چۈشۈپ سىلەرگە بارلىق ئەھۋاللارنى ئېيتىش مەقسىتىدە ئىشىكىڭلاارنى ئۇرغان ئىدىم ، ھېلىمۇ ياخشى قولومغا بولقا ئېلىۋاپتىكەنمەن،  دىگەندەك مەن ئەنسىرىگەن ئىش يۈز بىرىپتۇ .     -زادى نىمە ئىش يۈز بەرگەن ئىدى ؟ بىزگە ئېيتىپ بېرىڭچۇ ، يامغورلوق چاپىنى كىيىۋالغان ئۇ ئادەم زادى كىم؟      قىزلار بەس بەستە دەرۋازىۋەندىن سوراشقا باشلىدى ، دەرۋازىۋەن قىزلارغا قاراپ قويوپ سۆزلەشكە باشلىدى :     - بۇ ۋەقە بۇنىڭدىن بىر يىل بۇرۇن يۈز بەرگەن ئىدى ............          بىر يىل بۇرۇن      -لاۋۋۇ ، كەلدىڭىزما ؟      دەرۋازىۋەن قىزغىن ھالدا ساناتورىيە دەرۋازىسىدىن كىرىپ كەلگەن سەل دۈمچەيگەنلىكىنى ھېسابقا ئالمىغاندا بىر قارىماققىلا ئىنتايىن تېمەن كۆرۈنىدىغان 80ياشلار چامىسىدىكى بوۋايدىن ئەھۋال سورىدى.      -ھە ئاخىرى قايتىپ كەلدىم دەڭا لاۋلى ، مۇشۇ بالىلارمۇزە نىمە بولوپ كەتتى دەيمەن ، ئۆيدە تۇرسام نېمە بولوشۇم بىلەن كارى يوق ، ساناتورىيىگە كېتىمەن دىسەملا خۇيى تۇتۇپ قالىدۇ دەڭا ، بۇ قېتىم بىراقلا كەچلىكىمۇ قايتمايدىغان بولوپ بىراقلا يېنىپ كەلدىم . بۇ يەرمۇ ياخشىكەن ، تىنىچ ، مۇھىتى ئازادە ، بالىلارنىڭ جىدىلىمۇ يوق ، بولدى ئەمدى مۇشۇ يەردىلا تۇراي .-لاۋۋۇ ئىسىملىك بوۋاي شۇنداق دەپ يۆتەلگىنىچە بىنانىڭ ئىچىگە كىرىپ كەتتى .       -ھەي بىچارە بوۋاي ، بۇ بوۋايغىمۇ نېمە كۈن دەيمەن ، شۇنچە بايلىقنى تېپىپ ئىككى بالىسىغا بەرسىمۇ يەنە رازى بولمىغان بۇ بالىلار ، نىمە دىگەن ۋاپاسىز ، كۆيۈمى يوق، دادىنى خاپا قىلىشتىن باشقىنى بىلمەيدىغان  بالىلاردۇ بۇ ، يەنە بۇ يەرگە كېلىپ جىدەل چىقارمىسا بولاتتىغۇ.-لاۋۋۇنىڭ دۈمچەيگەن گەۋدىسىگە قاراپ ئېغىر ئۇھ تارتقان لاۋلى كۈندىلىك خىزمەتلىرىنى قىلىش ئۈچۈن يۈرۈپ كەتتى .      ئارىدىن بىر ھەپتىمۇ ئۆتمىدى بولغاي ساناتورىيە قوروسىنىڭ ئارقا بېغىنى سۈپۈرىۋاتقان لاۋلى ئالدى قورودا يۈز بەرگەن ۋاراڭ چۇرۇڭدىن ئەجەبلىنىپ يۈگرۈپ چىقتى ، ئۇچىسىغا كاستىيوم-بۇرۇلكا كىيىۋالغان35ياشلار چامىسىدىكى بىر ئەر قورودا كىمگىدۇر قوللىرىنى شىلتىپ ۋارقىراپ سۆزلىمەكتە ئىدى ، لاۋلى ئالدىغا بىرىپ قول شىلتىلغۇچىنىڭ لاۋۋۇ ئىكەنلىكىنى كۆرۈپ ئانچە ھەيران قالمىغان بولسىمۇ لېكىن بىچارە بوۋاينىڭ شۈمشەيگەن قىياپىتىنى كۆرۈپ ئۆزىنى تۇتۇۋالالماي ئوتتورىغا چۈشتى :    - ئىنىم ، ئۇنداق قىلماڭ ، نىمىلا گەپ بولسۇن بۇنداق ۋارقىراشنىڭ ھاجىتى يوق ، بۇ سىزنىڭ دادىڭىز تۇرسا ، ئۇنىڭ ئۈستىگە بۇ دىگەن ساناتورىيە ، بۇنداق ۋارقىراپ جارقىرىسىڭىز باشقىلارنىڭ ئارامىنى بۇزىسىز .    -سىزنىڭ كارىڭىز نىمە ؟ مەن ۋارقىرىسام بۇ قېرىغا ۋارقىرىدىم ، سىز بىلەن مۇناسىۋىتى يوق ، چىقىپ دەرۋازىڭىزنى بېقىڭ مېڭىڭ ، يوقىلىڭ .      بۇنداق ئاھانەتلەرنى تالاي ئادەملەردىن ئاڭلاپ كەتكەن لاۋلى غىققىدە بولوپ ئاستا كەينىگە ئۆرۈلۈپ كېتىپ قالدى ، لېكىن لاۋۋۇنىڭ بىلەن ئوغلىنىڭ قىلىشقان سۆزلىرى قۇلىقىغا كىرىپ تۇراتتى:     -سەن قېرى ، پۈتۈن شىركەتنى ئاكامنىڭ باشقۇرۇشىغا قالدۇرۇپسەنغۇ ؟ سېنىڭ نەزىرىڭدە مەن بالىمۇ ئەمەسمۇ ئېيتە ئۆلمىگۈر قېرى .     -بالام ، ئاكاڭ شىركەتتە ئىشلەۋاتقىلى ئۇزۇن يىل بولدى ، تەجرىبىسى مول ، شۇڭا.....      -مەنمۇ ئىشلەۋاتىمەنغۇ ، مەن سېنىڭ ئۆز بالاڭمۇ ئەمەسمۇ ، خەپ سەن قېرىنى قاراپ تۇر .       لاۋۋۇنىڭ ئوغلى لاۋلىنىڭ مۈرىسىدىن ئىتتىرىۋەتكىنىچە دەرۋازىدىن چىقىپ كەتتى ، ئىتتىرىشتىن سەنتۈرۈلۈپ كەتكەن لاۋلى كەينىگە ئۆرۈلۈپ لاۋۋۇنىڭ كۆز چاناقلىرىدا يالتىرىغان ياشنى ئېنىق كۆردى ، لاۋۋۇ لاۋلىغا قاراپ زورىغا كۈلۈمسىرەپ قويوپ بىنا ئىچىگە كىرىپ كەتتى .      داۋامى يېزىلىۋاتىدۇ ، ئاللاھ خالىسا تېزلىكتە يوللايمەن ، تورداشلارنىڭ مىنى تىللىماي سەۋىرچانلىق بىلەن كۈتۈپ تۇرۇشىنى سورايمەن .

hina

	كەچۈرۈڭلار بۈگۈنچە مۇشۇنچىلىك يوللاپ تۇراي  ، ئاللاھ خالىسا دۋامىنىمۇ تىزلىكتە يىزىپ يوللايمەن ، مېنىڭمۇ داۋامى كىشىنى بىزار بولغۇدەك ساقلىتىدىغان ئەسەرلەر بىلەن خوشوم يوق ئىدى ، لېكىن ئامال بولماي قالدى ، بۇ قېتىم توغرا چۈشىنىپ تۇرۇشۇڭلارنى ئۈمىد قىلىمەن ، ئاللاھ خالىسا كىلەر قىتىم ئۇنداق بولماس دەپ ئويلايمەن ، ئەسىرىمنى ياقتۇرۇپ ئوقۇۋاتقانلىقىڭلارغا تەشەككۇر ، سىلەرنى ساقلىتىپ قويۇۋاتقانلىقىم ئۈچۈن ئۆزرىلىكمەن .

AYGUZAL007

	ۋاي ئاللا   قاچان چىقا ئاخىرى