ئاشنا دىگەن ساقالدىكى ئاش ...(قاراخان)

qaraxani

	ئاشنا دىگەن ساقالدىكى ئاش ... قاراخان ‹‹سۆيىمەن ››دەۋەرگەن سۆيمەيدۇ ھەرگىز، نۇرانە چىراينى سۆيسىمۇ ھەركىم. بولسىمۇ ئۆزۈڭ سەت ئوقۇرۇڭ ئىگىز، ‹‹سۆيگەن››گە ئىت خۇيۇڭ كۆرۈنمەس بەلكىم. ئاشنا بەك تاتلىق دەپ يۈردۈڭ كېرىلىپ، يەر بولۇپ قېلىشنى بىلمىدىڭ پاتلا. ئازاپتىن كاۋىدەك كەتتىڭ يېرىلىپ، سېنى بىر ئويۇنچۇق قىلغاندا ياتلا. ئاشناڭغا ئىشىنىپ ئەرسىز قالما دەپ، چوڭ -كىچىك قاقشىسا چاقتىڭ چاياندەك. لايىققا قويىسەن تاغدەك شەرت- تەلەپ، ئۆزۈڭنى ھېس قىلدىڭ مەلىكە -خاندەك. چىرايلىق پەدەزگە مۇھتاجمۇ ئەمەس؟ سەن قانداق چىرايلىق  ئىچ-تېشىڭ ئالا. چىن گۈزەل ئۆزگىدىن ئىۋەن ئىزدىمەس، خېرىدار چىقمسا كىمگە كىم  زىبا. چۈشمەيدۇ قولۇڭدىن ئۈندىدار يانفۇن، ئۇچاڭدا بىر كۈندە نەچچە خىل زىننەت. چاپقىنىڭ ئۇزۇن ۋە قىسقا ‹‹مارافۇن››، مەنزىلىڭ خىيابان ‹‹كوھىقاپ››خىلۋەت . ئۇچۇشنى بىلگەن قۇش چۈشۈشنى بىلمەس، كۇلكە ۋە يىغىنىڭ سوراق چېكى بار. دىمىگىن قايسىبىر مۈشۈك بەز يىمەس ، ۋە لېكىن بەندىگە ھايا نومۇس يار. ئالۋاستى ھېيىقار بىنومۇس جاندىن، ئۆلتۈرگىن ئىچىڭدە شەيتان قۇترىسا . ئىپپەت- ئار -نومۇستىن،ياكى ئىماندىن، گۈزەلسەن قەلبىڭگە ئىنساپ ئورنىسا. ئاشنا ئۇ چىچەنگە ساقالدىكى ئاش، كۆز -كۆڭۈل ئۇنىڭدىن تاپمىسۇن ئارام. ئويلىما پاھىشە ماڭا چىن يولداش، زىنانى ئول ئىگەم قىلغانغۇ  ھارام. دوست ئۇلپەت تەڭتۈشۈڭ دەۋرانىڭغا باق ، كۆڭلى خوش ،بولسىمۇ ئېرى ‹‹ئېيىق››تەك. ‹‹ئۆڭكۈر››دەك ئۆيىدە چاقنايدۇ چىراق، سەن قۇمغا بوپ قالدىڭ پاتقان قېيىقتەك. ئېسىڭنىڭ بارىدا ئېتىكىڭنى ياپ، توۋىنى كەچۈرەر ئاللا ،ئېلىڭمۇ. قەدرىڭنى،ئەسلىڭنى ،ئەقلىڭنىمۇ تاپ، دوزاقتا كۆيمىسۇن سېسىق تېنىڭمۇ! ئەي ‹‹ساقال››ساڭىمۇ ئاشنا ئاش بولماس، ھېچكىمگە تەڭ ئەمەس ياندىكى يارىڭ. گۈل تۇرسا  ئەمەننى كۆڭۈل خالىماس، ساپ ئالتۇن  ياقۇتتۇر ھالال دىلپارىڭ. 2013-يىلى 27-ئۆكتەبىر.

Gvlbargi0999

	قاراخان، بۇ شېئىرىڭىز كارامەت ياخشى چىقىپتۇ،ھازىرقى جەمىيىتىمىزدىكى بەزىبىر كىشىلىرىمىزدىكى ناچار خائىشلارنى يورۇتۇپ بېرىپسىز، دىمىسىمۇ راس،ئاشنا جانغا ئەسقاتمايدۇ، پەقەت ياندىكى پۇلغا دوس. ئۆمۈرلۈك ھەمرا دىگەن بىر-بىرگە خۇددى قېرىنداشلاردەكتۇر، بار-يوقىغا ھەمدەمدۇر. ئاللاھ كۆپنىڭ كۆڭلىگە ئىنساپ بەرسۇن!

guljanat

	ئاشناڭ ساڭغا ئاش بەرمەس.قازىندا ۋاپانىڭ. كاللىسنىڭ دەردى بارلار  ئاشنا تۇتىدۇ.

kaitmas

	ئاشنىڭىز ۋە ئايالىڭىز http://www.blogbus.com/anatel-logs/145117103.html توۋا دەيمەن، جەمئىيەت تەرەققىي قىلغان، نىكاھ، مۇھەببەت ئەركىنلىكى تولۇق كاپالەتكە ئىگە بولغان مۇشۇنداق شارائىتتا يەنە "ئاشنا" ۋە ئاشنىدارچىلىقنىڭ مەۋجۇت بولۇشى نېمە سەۋەپتىندۇر.... http://www.blogbus.com/anatel-logs/127644470.html

dilnaz911

	دادىسىدەك كىشىلەرگە ئاشنا بولۇپ يۈرگەنلەرنى كۆرسەم  ھەر ئىككىسىگە بەك نەپىرەتلىنىمەن،،توۋا  دەپ ياقامنى چىشلەيمەن،،لېكىن يېقىندا شۇنداق بىر بايغا ئاشنا بولغان گۈزەل قىزنىڭ سەرگۈزەشتىلىرىنى ئاڭلاپ يۈرىگىم پارە-پارە بولۇپ كەتتى، قىزنىڭ ماقۇللىقىنى ئېلىىپ قويدۇم ،شۇ ئاچچىق تۇرمۇشنى باشتىن كەچۈرگەن ساھىبجامالنىڭ ھايات قىسمەتلىرىنى پات ئارىدا مۇنبەر بىلەن ئۇچىراشتۇرىمەن،،شۇ چاغدا ھەممىمىز ئويلىنىپ قالىمىز!!!!!!!!

sikiltar

	dilnaz911 يوللىغان ۋاقتى  2013-10-27 05:22 PM دادىسىدەك كىشىلەرگە ئاشنا بولۇپ يۈرگەنلەرنى كۆرسەم  ھ ... تۇرمۇشقا ياخشى چۆكۈپسىز ، ھال مۇڭ بولۇش جەريانىدا بايدىنمۇ خىلى كۆپ خام ماتىرياللارغا ئىرىشكەنسىز بەلكىم . تەسىرلىك ھىكايىڭىزنى كۈتىمىز رەھمەت .

kaLGundi

	ياخشى چىقىپتۇ

dilnaz911

	sikiltar يوللىغان ۋاقتى  2013-10-27 05:28 PM تۇرمۇشقا ياخشى چۆكۈپسىز ، ھال مۇڭ بولۇش جەريانىدا باي ... نېمە دېگنىڭىز؟گېپىڭىزنى مەن كۆپ ئويلاپ كەتتىممۇ يا ،چۈشەنگىنىم توغىرمۇ؟

sikiltar

	dilnaz911 يوللىغان ۋاقتى  2013-10-27 06:09 PM نېمە دېگنىڭىز؟گېپىڭىزنى مەن كۆپ ئويلاپ كەتتىممۇ يا ، ... سىز ھىكايە قىلىپ يازماقچى بولغان ياخشى يامان پىرسۇناژلار بىلەن ھەمسۆھبەت بولۇپ ياخشى قىلىپسىز دىمەكچىمەن .

gayur1

	شېئرنىڭ قۇرۇلمىسى بەك ياخشى چىقىپتۇ. مەزمۇنىمۇ شۇنداق. ئاللاھ ئجرىڭىزنى ھەسسىلەپ بەرسۇن, قېرىندىشىم.