ئاشنا دىگەن ساقالدىكى ئاش ...(قاراخان)

abdullaabliz

	"ئاشناجان" دېگەن ناخشىدا مۇنداق مىسرا بار: ئۆستەڭ بويىغا چىقىسام ، ۋاي ، ئاشناجان . سۇلار سۈزۈلۈپ قاپتۇ ، ئالمىنىڭ چېچەكىدەك ئاشناجان مەڭزىڭ قىزىرىپ قاپتۇ . ......................... قىش كىرىپ كەلگەن كاككۇكنىڭ ئۈنلىرى ھەر جايدا غېرىب ، كەل كاككۇك ئاشنا بولايلى ، سەن مۇساپىر ، مەن غېرىب . ........................................ ئۇنىڭدىن باشقا يەنە " ئاشنا " سۆزى مۇنداقمۇ ئىپادىلىنىپ كېلىدۇ : ئوقۇرمەنگە قول بېرەر كىتاب ، يولى يوققا يول بېرەر كىتاب . ئىلىم - پەنگە ئاشىنا بولساڭ ، ئەقىل - ئىدراك نۇر بېرەر كىتاب . بۇ يەردىكى " ئاشنا " يار بولۇش ، يېقىن بولۇش ، كۆنۈكمەك ، دوست بولماق ، كۆۈنمەك دېگەن مەنىلەردە كەلگەن . ئۇيغۇر تىلىدىكى ھەرقايسى شىۋىلەردىمۇ بۇ سۆزنىڭ مەنىسى ھەر خىل كېلىدىكەن . بولۇپمۇ لوپنۇر خەلق قوشاقلىرىدا : قوشامەتنى ئۇچۇر دۇڭ ئاغىز يەلدە ، دەردىڭىز زەكەيگەن ئېگىنىم جەندە . بېرى كەلگىن ئېجىلىم مۇڭدىغايلى ، چىقالمادىم دۈشمەنگە بولدۇم جەندە . بۇ يەردىكى << ئېجىل >> ئاشنا ، ئامراق ، ھەمرا دېگەن مەنىلەرنى بىلدۈرىدىكەن . تارىخي مەلۇماتلاردىكى " ئاشىنا ئۇرۇقى " ھەققىدىكى رىۋايەتتىمۇ ئاشىنا توغرىلىق تەپسىلات بار . لېكىن ئۇ "ئاشىنا ئۇرۇق " نىڭ بۇ يەردىكى "ئاشنا " بىلەن ئوخشاشلىقى ياقى پەرقى ، مۇناسىۋىتى ھەققىدە تېخى بىرلىككە كەلگەن مەلۇمات يوق . مەنبە: تور ۋە "ماتىرىياللار"دىن

pixwa

	ھارماي يېزىۋاتىسىز، مول يېزىۋاتىسىز، تىخىمۇ ئەھمىيەتلىك تېمىلار ئۈستىدە بەدىئي ئىزدىنىشنى توختاتماسلىقىڭىزغا تىلەكداشمەن، مۇمكىن بولسا تىلفون ياكى ئىلخەت ئارقىلىق ئالاقىلىشەيلى، سىزنى كۆرۈپ تۇرۇشنى ئۈمىد قىلىمەن.

ئالىنۇر

	خۇدايىم كۆڭلىمىزگە ئىنساپ بەرسۇن