كۆڭۈلسىز نىكاھ ( نازىلە )

asma507

	ئۈمىت ئۈزسەم بولامدۇ نىمە ما ئەسەرنىڭ داۋامىنى كۆرۈشتىن.

qoglukay

	ئىجادىيىتىڭىزگە ئۇتۇق يار بولسۇن نازىلە  ،،،،،،،،،،،،،،،،

nazila998

	داۋامى      مۇبارەك ئەنۋەر بىلەن ئاجىرشىپ ئۈچ ئايدىن كىيىن خىزمىتىنى يۆتكەپ ، ئۆينى سىتىۋىتىپ ئۆز يۈرتىغا يىنىپ كىلىپ ئىشقا چۈشتى ، ئۇ ئەنۋەرنىڭ كىلىپ ئەپۇ سورشىنى ، ئاندىن قايتا يارشىپ قىلىشىنى  كۈتۈپ يۈرگەن كۈنلەرنىڭ بىرىدە ، ئەنۋەرنىڭ توي قىلىدىغانلىقى توغۇرسىدىكى خەۋەر كەلدى ، توي قىلدىغان قىزنىڭ گۈلزىبا بولۇپ چىققىنى مۇبارەك ئۈچۈن بەك ئىغىر ئەلەم بولدى ، مۇبارەك شۇ ئاچچىغىدا ئەنۋەرنىڭ قىشىغا بېرىپ بىر قوساق سوقۇشۇپ ئاندىن گۈلزىبانىڭ ئەدىپىنى بېرىشنى ئويلاپ ئانىسىغا دىگەنتى بۇنىڭغا ئانىسى قوشۇلمىدى ، مۇبارەك كۈندەشلىك ھەم رەشىك ئازابىدا ئىچىنى مىڭلىغان ھەرىلەر غاجاۋاتقاندەك قىلاتتى ،      - مەن چىدىمىدىم ، بۇ توينى بۇزىمەن ، بۇ ئىككى بۇزۇق ئاخىر تىپىشىپتۇ - دە ، مىنى تۇل قويدى ، بالامنى تىرىك يىتىم قىلدى ، - ئۇ ئاچچىقتىن بوغۇلۇپ قىلىۋاتاتتى ،       - نىمىشقا بۇنى ئازراق بولسىمۇ ئۆزۈڭدىن كۆرمەيسەن  ، بىھۇدە كۈندەشلىكىڭ ، گۇمانخورلىقىڭ مۇشۇ ئاقىۋەتنى كەلتۈرۈپ چىقاردى ، ئاۋال ئۆزەڭدىن « مەن نىمە قىلدىم » دىگەن سۇئالنى سوراپ باققان بولساڭ بۇ ئىشلارمۇ بولمايتتى ، ئۆز ۋاختىدا سەنمۇ بەك ئاشۇرۋەتتىڭ ،     - بولدى قىلىڭە ئانا ، مەن سىزنىڭ قىزىڭىزمۇ يە ؟     - قىزىم بولغاچقا شۇنداق دەۋاتىمەن - بىراق بۇ گەپلەر مۇبارەك ئۈچۈن خۇددى ئىشەكنىڭ قۇلۇقىغا ساتار چالغاندەك بىلىنىۋاتاتتى ، توغرا ئۇنىڭ قۇلىقىغا ئەلۋەەتتە بۇنداق گەپلەر ياقمايدۇ ، ئەگەر ئۆز ۋاختىدا ئەشۇ « مەن نىمە قىلدىم » نى مۇبارەك ئويلىيالغان بولسا ئەمدىلىكتە ياش تۇرۇپ تۇلمۇ قالماستى ، بالىسىمۇ يىتىم بولمستى ،     - ئاچچىقتىن ئۆتۈم يىرىلغۇدەك بوپ كەتتى مىنىڭ - مۇبارەكنىڭ كۆزلىرى ئاچچىقتىن چاچراپ چىققۇدەك بوپ قالغانتى      - بولدى قىل قىزىم بولغۇلۇق بولدى ، ئۇرۇق - تۇققانلارنىڭ ئوتتۇرغا سوغۇقچىلىق چۈشۈپ قالمىسۇن ، - ئوچۇق تۇرغان ھويلا ئىشىكىدىن مۇبارەكنىڭ خىزمەتدىشى پاتىمەنىڭ تۇيۇقسىز كىرشى بىلەن ئۇلار گىپىنى توختاتتى     - ئىشىك ئوچۇقكەن ئۇدۇللا كىرىۋەدىم  ، نىم بولدى كەيپىياتىڭ ياخشى ئەمەسقۇ بىرە كۆڭۈلسىزلىك بولمىغاندۇ - مۇبارەكنىڭ تاتىرىپ كەتكەن چىرايىنى كۆرگەن پاتىمە مۇبارەكتىن سورىدى      - نىمە بولاتتى ئاۋۇ ئەنۋەر دىگەن بۇزۇق توي قىلدىغان بوپتۇ      - توي قىلسا قىلىۋەمەمدۇ ، سەنمۇ قىل توينى ، سەنمۇچۇ قارا توي قىلدىڭمۇ دىسە قىلدىم دىگۈدەك چاڭ چىقىرىپ قىلمامسە        - نىمە دىگىنىڭ بۇ  ، توي دىگەننى قىلىمەن دەپ قىلغىلى بولىدىغان چۈشلۈك تاماق ئەمەس ئۇ        - ئەمىسە نىمە قىلاي دەيسەن ؟        - مەن ھازىر ئەنۋەر دىگەن مۇناپىقنىڭ قىشىغا چىقىپ بۇنداق توينى بۇزىمەن         - ھەي ئۇنداق قىلساڭ باشقىلار سىنى چىدىماپتۇ دىمەمدۇ ؟ نىمە ئۆزۈڭنى چۈشۈرۈپ يۈرۈيسەن ، سەنمۇچۇ قارا ئەنۋەرنىڭ تويىغا ئۈلگۈرتۈپ توي قىل          - كىم بىلەن قىلىمەن ؟          - ھە راس كىم بىلەن قىلىسەن  نەچچە ۋاقىتتىن ئۇنداق ۋىژدانسىزدىن خام تەما كۈتۈپ يۈرگىچە بىرە لايىق تاپساڭ بولمامتى - مۇبارەك ھىچنىمە دىمىدى ، بىردەملىك جىملىقتىن كىيىن پاتىمە ئىغىز ئاچتى       - ھە راس بىزنىڭ ئۆيدىكى ئادەمنىڭ بىر دوستى بولدىغان ، يىقىندا ئايالى تۈگەپ كەتتى ، ئۆزى خىلى قاملاشقان ئادەم ، پۇلىمۇ بەك كۆپ ، ئۆزى دورىلىق ئۆسۈملۈك تىجارىتى قىلىدۇ ، سەل پىخسىقراق ، لىكىن ئالداپ - سالداپ پۇلىنى پوملاپ  ئولتۇرمامسەن     - ۋاي ماڭە ، تىگىمەن دەپلا تەككىلى بولدىغاندەك ئەر دىگەنگە      - توختا بۇنى ئۆزەم توغۇرلايمەن - ئۇلار بىردەم پاراڭلاشقاندىن كىيىن پاتىمە كىلىش مەخسىدىنى ئېيتتى  - يىقىندا تۇققانلار ئىچىدە توي ئىشى بار ئىدى ، تويدا كىيىشكە كىيىم ئالاي دىگەنتىم ، سىنى بازارغا بىللە چىقىشىپ بىرەمدىكىن دىگەنتىم ، كەيپىياتىڭمۇ ئوڭشۇلۇپ قالا ، يۈر بىردەم ئايلىنىپ كىرەيلى ،      مۇبارەكمۇ تارتىشمايلا يۈزۈنى يۇيۇپ كىيمىنى ئالماشتۇردى ئاندىن ئىككىسى بازارغا بىللە چىقىپ كىتىشتى ، ئىككى كۈندىن كىيىن پاتىمە مۇبارەكنى ھېلىقى ئەر بىلەن ئۇچراشتۇردى ، ئىگىز بوي بۇغداي ئۆڭ قاپ - قارا چاچلىرىنى ئارقىسىغا قارتىپ تارىغان 38 - 40 ياشلار چامىسىدىكى بۇ كىشى ئالدىنقى كۈنى پاتىمە گىپىنى قىلغان خالىق دىگەن كىشى ئىدى ، ئۇنىڭ قىسقا شالاڭ قاشلىرى ، كەڭ پاقىراق پىشانىسى ، قاڭشارلىق بۇرنى پاكىزە رەتلىك كىينىشى ئۇنىڭ خىلى تەربىيە كۆرگەن ئوقۇغان كىشى ئىكەنلىكىدىن دىرەك بېىپ تۇراتتى بىراق ئۇنىڭ پات - پاتلا گىلىنى قاتتىق قىقىپ تۈكۈرشى ئادەمنى سەل بىزار قىلىپ قوياتتى ، مۇبارەك بۇ ئۇچۇرشىشتا ئانچە ئىچىلىپمۇ كەتمىدى ، تاماقمۇ تىزلا  يىيىلىپ بىكار بولۇشتى ، ئۇلار بىردەم تاغدىن - باغدىن چۈشۈپ پاراڭلىرىمۇ ئانچە قولاشمىدى ، پاتىمە ئەتىگىچە يەنە كۆرۈشۈپ بىقىشنى ئەسكەرتكەندىن كىيىن خوشلۇشۇپ قايتىشتى ،      - نىمانداق چىرايىڭنى ئاچمايسەن ، - دىدى پاتىمە سەل نارازىلىق چىقىپ تۇرغان چىرايى بىلەن مۇبارەككە قاراپ         - ئۆزەممۇ بىلمىدىم ، پەقەتلا ئىچىلالمىدىمغۇ ؟ يىشى سەل چوڭراق قىلامدۇ نىمە ، بىر بالىسى باكەن تىخى         - چوڭ بولسا نىم بوپتۇ  ياشقا چوڭ ئەرلەرچۇ ئاياللارغا كۆينىدىغان بولىدۇ ، بىر بالىسى بولغان بىلەن ئۇ بالىسى  ئالى مەكتەپ ئوقۇيدۇ ، سىنىڭمۇ بىر بلاڭ بارغۇ ، شۇنى ئىككى قىلىپ باقساڭ بولىۋېردۇ تەتىللەردە كەلگەندە ئانىلىق مىڭرىڭنى يەتكۈزۈپ قويساڭ باشقا چاغلاردا ساڭا ئاۋارچىلىق يوق ، ساڭا يەنە بىر گەپنى دەپ قوياي ، سەنچۇ قارا ئەنۋەرنى كۈنلىگەندەك خالىقنىمۇ كەچكىچە كۈنلەپ سوقۇشۇپ يۈرمەي تاپقان پۇلىنى خەجلەشنى بىل ، ئىككىنچى قىتىم تەككەن ئەر دىگەن تۇنجى تەككەن ئېرىدەك بولمايدۇ ، بۇنداق ئەرلەرنىچۇ ئاغزىڭنى يۇمشاق قىلىپ ، گىپىڭنى تاتلىق قىلىپ پۇلىنى سۇغۇرۇشنى بىل ئۇختۇڭما       - نىمانچە قاقۋاشسەن يائاللا قوقۇپ قالدىم جۇمۇ سەندىن ،       - دىمىسىمۇ راسقۇ  سەنمۇ ئەنۋەردىن بىكارلا قۇرۇق قالمىدىڭ ، ئۆزەڭنىڭ زۇۋاندارلىقىدىن ئايرىلىپ قالدىڭ ، ئەرلەر دىگەنچۇ  كىچىك بالىغا ئوخشايدۇ ، ئەرلەر توي قىلىشتىن بۇرۇن ئانىسىغا ئەكىلەپ ئانىسىنىڭ قۇچىقىدا چوڭ بولىدۇ ، توي قىلغاندىن كىيىن خوتۇنىغا ئەكىلەپ خوتۇننىڭ قۇچىقىدا چوڭ بولىدۇ ، سەن ئۇنى قانچە پەپىلىسەڭ ئۇ شۈنچە ئوماق بوپ كىتىدۇ ، ئۇنىڭ ئەكسىنچە سەن ئۇنىڭغا قانچە قاتتىق قول بولساڭ ئۇمۇ ساڭا تاش يۈرەكلىك قىلىدۇ       - ۋاي بىلدىم چوڭ ئانا بىلدىم ، ئەجەپ ۋاتىلداپ كەتتىڭغۇ       ئۇلار شۇنداق قىزغىن پاراڭلىشىپ بىردەمدىلا مۇبارەكنىڭ ئۆيىگە كىلىپ قالدى ، شۇنداق قىلىپ پاتىمەنىڭ ھىممىتىدە مۇبارەك يەنە بىر ئەرلىك بوپ قالدى ھەم توينى ئەنۋەرنىڭ توي  قىلغان كۈنىگە ئۈلگۈرتۈپ قىلدى       مانا بۇ مۇبارەكنىڭ ئىككىنچى نىكاھى ، مۇبارەكنىڭ ئىككىنچى نىكاھتىكى تۇرمىشى قانداق بولار ؟            داۋامى بار

wisall

	بەخىتلىك بولا مۇ يە بۇ مۇبارەك ئەمدى

nazila998

	داۋامى     خالىقمۇ بۇرۇنقى ئايالىغا قىلغان پىخسىىقلىقنى مۇبارەككە قىلمىدى ، توينىمۇ كەلگەن مىھمانلارنىڭ ئاغزى ئىچىلىپ قالغۇدەك ھەشەمەتلىك قىلىپ بەردى ، تويدىن كىيىن مۇبارەك پاتىمەنىڭ گىپى بويىنچە خالىقنىڭ كۆزىگە ئانچە كىرۋالمىدى ، خالىقنىڭمۇ ئۆيدە تۇردىغان ۋاختى ئانچە كۆپ بولمىغاچقا ئۇنداق بىھۇدە ئۇرۇش جىدەلمۇ بولمىدى ،       توي كۈنى مۇبارەكنى خالىقنىڭ ئۆيىگە كۆچۈرۈپ كىلىشتى ، خالىقنىڭ ئۆيى شەھەرنىڭ سەل سىرتىدەرەك بولۇپ ئىككى قەۋەتلىك قىلىپ داچا شەكلىدە سىلىنغان بۇ ئۆي تولىمۇ ھەشەمەتلىك بىزەلگندى ، ئۆيدىكى ئۆي جاھازلىرى  پەردىلەر مەخسۇس بۇيرۇتۇلۇپ ئەكەلدۈرۈلگەن ، گىلەملەرمۇ بۇيرۇتۇپ توقۇتۇلغان گىلەملەر ، بىراق ئۆيدە ئايال كىشى بولمىغاندىن كىيىن ئۆي بەكلا قالايمىقان رەتسىز ئىدى ، توي بولۇپ  ئۈچۈنچى كۈندىن باشلاپ مۇبارەك ئۆيلەرنى رەتلەپ تازلاپ پاقىرتىۋەتتى      - ئايال كىشى دىگەننىڭ ئۆزىمۇ بىر گۈل ، قولىمۇ بىر گۈل - دە مانا  - دەپ مۇبارەكنى ماختاپ كەتى خالىق         دىمىسىمۇ مۇبارەكنىڭ ئەر تۇتۇشقا ئىپى بولمىغان بىلەن ئۆي تۇتۇشقا مەكلا ئىپى بار ئىدى ، ئادەتتىكى ئاددى نەرسىلەر بىلەنمۇ ئۆينى شۇنداق چىرايلىق تۇتۇپ ئولتۇراتتى ، ئەينى چاغدىمۇ ئەنۋەر بىلەن ئىككىسىنىڭ مۇئاشى چاغلىق بولغاچقا بەك ئالاھىدە ئۆي جابدۇقلىرىنى ئىلىپ بولالمىسىمۇ ئادەتتىكى ئۆي جابدۇقلىرى بىلەنمۇ ئۆيىنى بەك چىرايلىق ياساپ ئولتۇرغان ، ئۇزۇندىن بىرى ئايال زاتىنىڭ قولى تەگمەي ۋەيرانە بوپ قالغان بۇ ئۆيلەرنىڭ مۇبارەكنىڭ قولى بىلەن پاكىزلىنىپ رەتلىنىشى  ھەم ئايالى تۈگەپ كەتكەندىن بىرى ئاغزى تىتىغۇدەك ئۆي تامىقىغا ئازى تەگمىگەن خالىق مۇبارەكنىڭ ئەتكەن تاماقلىرىنى ماختاپ ئۇچۇرۇپ ھالى قالمىدى ، بۇرۇنقى ئايالىمۇ مۇشۇنداق قاۋۇل ، ئىشچان ئايال ئىدى ، بىراق ئۇ ئايالنى خالىق بىرە قىتىممۇ ماختاپ باقمىغان        مۇبارەكنىڭ تويدىن كىيىنكى تۇرمىشى بىر خىل رىتىمدا ئۆتتى ، خالىق تىجارەت ئىشلىرى بىلەن ھەر قىتىم سەپەرگە چىقىپ كەتسە ئۇزۇن بولسا بىرە ئايدا بولمىسا 15 - 20 كۈندە بىر كىلەتتى ، ئۆيدە تۇردىغان ۋاختى بەكلا ئاز ئىدى ، مۇبارەكمۇ بۇرۇنقى ئېرىغا قىلغان كۈندەشلىكنى قىلمىدى ، كۈندەشلىك قىلغۇسى كەلمىدىمۇ ياكى كۈندەشلىك كىسىلى ئىككى يىل تۇل ئولتۇرۇپ ساقىيىپ قالدىمۇ ئۆزىمۇ بىلمەيدۇ ، خالىقمۇ بۇرۇنقى ئايالىغا قىلغان پىخسىقلىقنى مۇبارەككە قىلمىدى ، مۇبارەك نىمە دىسە شۇنى قىلىپ بەردى ھەم مۇبارەكنىڭ مۇئاشىنى سۈرۈشتە قىلىپمۇ يۈرمەيدى ئۇنىڭسىزمۇ بەرگەن راسخۇد پۇللارنى ئانچە سۈرۈشتە قىلىپ كەتمەيدۇ ، ھەر ئىككىلىسى بۇ تۇرمۇشىدىن بەكلا رازى        توي قىلىپ ئىككى يىل بولغاندا مۇبارەك خالىققا بىر ئوغۇل تۇغۇپ بەردى ، خالىق بۇرۇنقى ئايالىدىن ئىككى پەرزەنىتلىك بولغان چوڭى قىز ، كىچىكى ئوغۇل ئىدى ، ئوغلى بىر قىتىم تۇيۇقسىز قىززىپ قىلىپ دوختۇرخانىغا ئاپارغان  ، دوختۇر ياتاقتا يياتقۇزۇشنى ئىيىتقاندا خالىق دوختۇر پۇلىغا چىدىماي ئازراق قىزىتما قايتۇرۇش دورىسى ئىلىپ بالىنى ياندۇرۇپ ئەكەلگەن ، بىراق ئوغلى ئىككى كۈن قىززىتمىسى چۈشمەي يىتىپ ئۈچۈنچى كۈنى ئۆلۈپ كەتكەن ، ئوغلىنىڭ ئىچ - ئاغرىقىدا يىقىلىپ قالغان ئايالى نەچچە يىل كىسەل دەردى تارتىپ ، تۈزۈكرەك داۋالىنىشقا ئىرشەلمەي بىر يىلنىڭ ئالدىدا تۈگەپ كەتتى        ئەمدى مۇبارەكنىڭ بىر ئوغۇل تۇغۇپ بېرشى خالىققا ئالەمچە شادلىق ئىلىپ كەلدى ، كونىلار « ئەر كىشى ئىككىنچى خوتۇنىغا ئامراك چىقىدۇ » دىيىشىدىكەن راس ئوخشايدۇ ، خالىق تۇنجى ئايالىغا قىلمىغاننى مۇبارەككە قىلدى ، مۇبارەكمۇ دەسلاپتا بۇ ئادەمگە ئانچە كۆڭلى چۈشمىگەندەك قىلغان ، كىيىنچە ئىسىل ياسالغان داچا ئۆي ، ئىشقا بېرىپ كىلىشكە ماشىنا ، خەجلەي دىسە يەتكۈچە پۇل ، نىمە دىگەن راھەت تۇرمۇش ، ئۇنىڭمۇ بارا - بارا خالققا كۆڭلى چۈشۈپ قالغانتى ، قىسقىسى بۇلارنىڭ تۇرمۇشى كۆڭۈللۈك خاتىرجەم ئۆتەۋاتقان كۈنلەرنىڭ بىرىدە بۇ ئائلىگە ئۈششۈك تەگدى       بىر يەكشەنبە كۈنى ھويلىدا مۇبارەك ئىككى ياشقا كىرىپ قالغان ئوغلىنى  ئوينۇتۇپ ئولتۇراتتى ئۆيگە تىلىفۇن كىلىپ قالدى ، مۇبارەك تىزلا كىرىپ تىلىاۇننى ئالدى        - ئەسسالامۇ ئەلەيكۇم        - سىز خالىقنىڭ ئايالى مۇبارەك بولامسىز ؟ - قارشى تەرەپ مۇبارەكنىڭ سالىمىنى جاۋاپسىز قالدۇرۇپ سورىدى        - شۇنداق مەن شۇ  ، ئۆزىڭىز كىم بولىسىز        - مەنما ؟ مەن دىگەنچۇ ئاينۇر خان ئاچىڭىز بولىمەن - قارشى تەرەپ مۇبارەككە سوغۇقلا جاۋاپ بەردى ، مۇبارەكنىڭ بىردىنلا جۇدۇنى ئۆرلىدى ، مۇبارەكمۇ ئاچچىقى بىلەن        - سىز ئاينۇر خان ئاچام بولامسىز ياكى ھامما ئاچام بولامسىز پەرۋايىم پەلەك ، نىمە ئۆيۈمگە تىلىفۇن قىلىپ يۈرۈيسىز ؟ ساراڭ        - ھەي ! جىگدە يىلىمى قۇلىقىڭنى دىڭ تۇتۇپ ئاڭلا - قارشى تەرەپ ئەمدى مۇبارەكنى بىردىنلا سەنلەشكە بالىدى - مىنىڭ قوسۇغۇمدا خالىقنىڭ بالىسى بار ، سەن رودىپايدەك خالىققا چاپلىشىپ ئولتۇرماي خىتىڭنى ئىلىپ ئۆينى بىكار قىل ،             - زۇۋانىڭ تۇتۇلۇپ ئۆلەرسەن بۇزۇق         مۇبارەك تىلىفۇن تۇرۇپكىسىنى جاقلا قىلىپ قويۋەتتى ، لىكىن ئارقا - ئارقىدىن چىقىراپ بىرىلگەن سىگنالدىن زەھەردەك ئاچچىغى كەلگەن مۇبارەك تىلىفۇننى ئىلىپلا قاتتىق ۋاقىردى :         - ھەي ! نىمە دىمەكچىسەن رەسۋا           - ھۇ  رودىپاي جالاپ ، خالىققا جوبودەك چاپلىشىپ ئولتۇرماي دەرھال خىتىڭنى ئىلىپ ئۆينى بىكا قىل دەيمەن بىلدىڭمۇ  پاسكىنا قانجۇق  - قارشى تەرەپ مۇبارەك گەپ قىلغۇچە تىلىفۇننى قويۋەتتى           - ۋاي خۇدايىم نىمانچە ھازازۇل نىمە بۇ  ، بۇ مىنىڭ ئوڭۇمۇ چۈشۈممۇ ؟ - مۇبارەك يۈزىنى چىمداپ باقتى يۈز تىرىسى ئاغىردى - بۇ چۈشۈم ئەمەسكەن        ئاچچىقتىن چىرايى تاتىرىپ پۇت قولىدا جان قىلمىغان مۇبارەك تىترىگىنىچە ئورنىدا تۇرۇپلا قالدى ، « ئالدىرماڭ يارەي سىزگىمۇ بارەي » مۇبارەك شۇ چاغدا تۇيۇقسىز گۈلزىبانى ئويلاپ قالدى ئۇ چاغدا مۇبارەك ئۆز ئىرى ئۈچۈن گۈلزىبا بىلەن ئۇرۇشقىلى بارغان ،بۈگۈن باشقا بىراۋلار مۇبارەكنىڭ قانۇنلۇق ئېرىنى تالىشىپ مۇبارەكنى تىللىدى  مۇبارەكنىڭ دىلى ئازار يىدى   ، شۇ ۋاقىتتا گۈلزىبا قانچە ئازابلانغان بولغىيدى  ،بۇ شۈنچە يىللاردىن بىرى  مۇبارەكنىڭ ئەينى چاغدىكى خاتالىقى ئۈچۈن تۇنجى قىتىم پۇشايمان قىلىشى ئىدى        - ئانا ژىغلاپشەغۇ ، نىم بويدۇڭ ؟ - ئوغلىنىڭ مۇبارەكنىڭ قولىنى تارتىپ تۇرۇپ قىلغان چالا - پۇچۇق گىپى ئۇنىڭ خىيالىنى ئۈزىۋەتتى        - ھىچنىمە بولمىدى بالام ، چىقىپ ئوينىغىن - ئاچچىقتىن تىترەپ كەتكەن مۇبارەك ئوغلىنى ھويلىغا چىقىرىپ قويۇپ ئۆزى تىترىگەن قولىرى بىلەن تىلىفۇن نۇمۇرلىرىنى بىسىپ خالىققا تىلىفۇن قىلدى ، خالىقنىڭ تىلىفۇنى ئىتىك بولۇپ چىقتى   داۋامى بار

نازۇك-0996

	يىرىم كىچىدە يىزىپسىز  تەسىرلەندىم ، جاپا تاتتىڭىز ھە، رەخمەت . يىرىم كىچىدە بىزلەر تاتلىق ئۇخلاۋاتقاندا  بىر  ئىنسان  كومپىيوتۇر ئالدىدا  كۆزلىرى ئىتىشقان  ھالەتتە  كومپىيۇتۇرنىڭ تاختىسىدا  قولىرى توختىماي ھەركەتلەنمەكتە.  يەنە بىر قىتىم رەخمەت  .

nazila998

	مەلىكە يوللىغان ۋاقتى  2013-10-10 12:05 PM ھىكايىنىڭ قۇرۇلمىسى ياخشى كىتىپ باراتتى، لىكىن ئەنۋەر ... تىمامنى كۆرۈپ تەكلىپ بەرگىنىڭىزگە رەخمەت ، ھىكايىنىڭ ۋەقەلىكىنى ئويلاشقاندا مەنمۇ سىزدەك ئويلىغان ، كىيىن يىزىپ كەلسەم  ئاساسى مەزمۇن ھىكايىدىكى ئاساسلىق پىرسۇناژ مۇبارەكنىڭ نىكاھ تۇرمۇشى توغۇرسىدا  بولىدىكەن ، شۇڭا باشقىلارنىڭ نىكاھ تۇرمۇشى توغۇرلۇق كۆپ توختالماپتىمەن ، ۋاختىڭىز بولسىلا داۋامىنى كۆرۈپ تەكلىپ پىكرىڭىزنى ئايىمىغايسىز

nazila998

	asma507 يوللىغان ۋاقتى  2013-10-10 11:04 PM ئۈمىت ئۈزسەم بولامدۇ نىمە ما ئەسەرنىڭ داۋامىنى كۆرۈشت ...   ئالدىراپ ئۈمۈدىڭىزنى ئۈزمەڭ ، مەن تىرىشاي ، ۋاختىدا يىزىپ بولالمىغىنىمدىن ئۆزەممۇ بەكلا خىجىل

nazila998

	نازۇك-0996 يوللىغان ۋاقتى  2013-10-11 09:35 AM يىرىم كىچىدە يىزىپسىز  تەسىرلەندىم ، جاپا تاتتىڭىز ھە، ...    ئىنكاسىڭىزدىن بەكلا تەسىرلەندىم ئوماق  ، رەخمەت سىزگە ، كۈندىزى  ئالدىراش بولۇپ قىلىپ ۋاختىم يەتمىدى ، ئاخشام ئۇيقۇم قىچىپتىكەن ، شۇڭا ئولتۇرۇپ يىزىۋالدىم

bargia

	تۇرمۇشقا بەك يېقن ئەسەركەن بۇ  شۇنداق ياختۇدۇم