قىسەسۇل ئەنبىيا قانداق كىتاپ؟

پىنھان00

	«قىسەسۇل ئەنبىيا» قانداق كىتاپ؟ ئەزىز قېرىنداشلار! ئاللاھ ئىنساننى ياراتتى، شۇنىڭ بىلەن تەڭلا پەيغەمبەرنى ياراتتى، شۇنىڭدىن ئېتىبارەن ھەر بىر قەۋىم ۋە ھەر بىر يۇرتقا ئېھتىياجقا قارىتا پەيغەمبەرلەرنى ئەۋەتتى، شۇ ئارقىلىق ئىنسانلارغا دىنىنى، دۇنيادىكى ياشاش (ئىنساندەك ياشاش) قانۇنىيەتلىرىنى ئۈگەتتى. شۇڭا پەيغەمبەرلەرنى شۇ ئىنسانلار ئىچىدىن چىقىرىپ يەنە شۇ ئىنسانلارغا ئۈلگە قىلدى. ئىنسانلار شۇ پەيغەمبەرلەرنى ئۆزلىرىگە ئۈلگە قىلىش جەريانىدا يەنە نۇرغۇن مەسىلىلەرگە يولۇقۇپ، بۇلارنى بىر تەرەپ قىلىش ئۈچۈن شۇ پەيغەمبەرلەر ئارقىلىق ياراتقان ئىگىسى ئاللاھ تىن يوليورۇق ئالدى. بۇ جەرياندا بىز ئۈچۈن قىممەتلىك تارىخى ئىبرەتلەر مىراس قالدى. بىزنىڭ ۋەزىپىمىز شۇ قىممەتلىك تەجرىبە-ساۋاقلارنى توغرا بولغان مەنبەلەردىن توغرا شەكىلدە قوبۇل قىلىش بولۇپ، ئەكسىچە بولغاندا يا ئۇ پايدىلاردىن مەھرۇم قالىمىز ياكى ئۇنى خاتا مەنبەلەردىن ئېلىپ ئۆز ئىمان-ئەقىدىمىزگە شەك كەلتۈرىۋالىمىز. ھەتتا ئىماندىن چىقىش خەۋپىگە دۇچ كىلىمىز. بۇنىڭ مىسالى دىيارىمىزدا نەشىر قىلىنغان رەبغۇزىنىڭ، «قىسەسۇل ئەنبىيا»  ناملىق كىتابىدۇر. «قىسەسۇل ئەنبىيا» قانداق كىتاپ، مەزمۇنى نېمە؟ جاۋاپ: «قىسەسۇل ئەنبىيا» پەيغەمبەرلەر قىسسى دېگەنلىك بولۇپ، پەيغەمبەرلەرنىڭ قىسسى بايان قىلىنغان. «قىسەسۇل ئەنبىيا» كىم تەرىپىدىن قاچان يېزىلغان؟ جاۋاپ: تەتقىقاتچىلار كىتاپنىڭ چاغاتاي ئۇيغۇرچىسىدىكى مەلۇماتقا ئاساسەن  ئاپتۇرىنى «رەبغۇزى» دەپ بېكىتكەن. لىكىن ئاپتورنىڭ تەرجىمھالى توغرۇلۇق ۋە بۇ ئەسەرنىڭ قاچان يېزىلغانلىقى توغرۇلۇق  ھىچقانداق مەلۇمات يوق. پەقەت ئاپتۇرنىڭ ئۆز كىتابىدىكى ئىسمى ۋە كىتاپنىڭ چاغاتاي ئۇيغۇر يېزىقىدىكى قول يازمىسىغا  ئاساسەن دىيارىمىزدىكى بىر قىسىم تەتقىقاتچى زىيالىلار مەزكۈر ئەسەرنى 13-ئەسىرنىڭ ئاخىرى 14-ئەسىرنىڭ باشلىرىغا باغلاپ چۈشەندۈرۈپ نەسەبىنى ئۇيغۇرلارغا مەنسۇپ قىلىدۇ. مەزكۈر ئەسەر، 1988-يىللىرىدىن كىيىن ھازىرقى زامان ئۇيغۇر تىلىغا ئۆرۈلۈپ نەشر قىلىنغان. «قىسەسۇل ئەنبىيا» دا بايان قېلىنغان مەزمۇنلار ئىشەنچىلىكمۇ؟ جاۋاپ: ئالدى بېلەن شۇنى ئېنىق تونۇشىمىز كېرەككى، ئىسلام دىنىغا ئائىت ھەرقانداق ئەسەر چوقۇم «قۇرئان كەرىم»،«ھەدىس شەرىپ» ۋە سەلەپ سالىھلارنىڭ ‹ھىجرىيە3-ئەسىرگىچە ياشىغان كاتتىلىرىمىزنىڭ ھەممىسى سەلەپ ئاتالغۇسى ئىچىگە كىرىدۇ› ئەسەرلىرىگە تايىنىپ، مەنبە قىلىپ يېزىلىدۇ. مانا بۇ ئەھلى سۈننە ۋەلجەمائەنىڭ تۇتقان ساغلام يولى.   لىكىن بۇ كىتاپتا«قىسەسۇل ئەنبىيا» دا، يەھۇدىلارنىڭ قىسسىلىرىنى ئايرىماستىن پەيغەمبەرلەر قىسسىسى قىلىپ كۆرسەتكەن. مەسىلەن: بۇ كىتاپنىڭ  داۋۇت ئەلەيھىسسالام قىسسىدە داۋۇت ئەلەيھىسسالام قول ئاستىدىكى بىر ئەسكەر باشلىقىنىڭ ئايالىغا كۆزى چۈشۈپ قېلىپ، ئۇنىڭغا يېتىش ئۈچۈن ئۇ ئادەمنى ئۆلىشى ئېنىق بولغان بىر يەرگە بۇيرۇپ ئۆلتۈرىۋىتىدۇ. ئەھلى سۈننە ۋەلجەمائەنىڭ ئەقىدىسى بويىچە پەيغەمبەر گۇناھى كەبىر ئۆتكۈزدى دېسە ئۇنىڭ ئىمانىغا دەخلى يېتىدۇ. چۈنكى پەيغەمبەرلەر بارلىق گۇناھ-مەسىيەت ۋە كەمچىلىكلەردىن ئەلۋەتتە پاك، مەسۇم زاتلاردۇر. ئۇنىڭدىن باشقا يەنە بۇ كىتاپتىكى سۆھبەتلەر يەنى ئاللاھ بىلەن ئەنجۈر دەرىخى ئارىسىدىكى بايانلار ئېنتايىن دەلىلسىز يېزىلىۋەرگەن بولۇپ ئازىراقلا دىنىي چۈشەنچىگە ئېگە ئادەمنىڭ بۇ خاتالىقلارنى بايقېۋىلىشى ئانچە تەس ئەمەس. مەن بۇ كىتاپنىڭ ھازىرقى زامان ئۇيغۇر تىلىغا ئۆرۈلۈپ تۇنجى نەشىرگە بېرىلىشتىن بۇرۇنقى تەھرىرلىنىۋاتقان نۇسخىسىنى مەلۇم بىر شارائىت ئاستىدا قىسمەن مەزمۇنلىرىنى كۆرگەن بولۇپ، بۇنىڭدا مۇنداق بىر بىمەنە مەزمۇن بار يەنى ساھابىلەردىن بىرىنىڭ ئايالى بىر موماينىڭ قېشىغا كىلىپ ئېرىنىڭ بىر كېچىدە ئۆزى بىلەن 300-400 قېتىم جىما ‹جىنسىي مۇناسىۋەت› قېلىدىغانلىقى بۇ ئىشقا ئۆزىنىڭ بەرداشلىق بېرەلمەيۋاتقانلىقىنى ئېيتىدۇ، موماي ئۇنىڭغا مەسلىھەت بېرىپ، ئېرىنىڭ ئايىغىنىڭ ئىچىگە جىگدە يوپۇرمىقى سېلىپ قويسا ئەر كىشىنىڭ شەھۋىتىنى كىسىدىغانلىقىنى ئېيتىدۇ ھەم شۇنداق قىلغاندىن كىيىن ئۇ ئىشنىڭ بېسىقىغا چۈشكەنلىكى بايان قىلىنىدۇ. ‹كىتاپنى تەھرىرلەپ نەشر قىلىش جەريانىدا مۇشۇنىڭغا ئوخشاش ئەپسانە مەزمۇنلار كۆپلەپ قىسقارتېۋىتىلگەن بولسىمۇ لىكىن كىتاپنى نەشر قىلىشقا قاتناشقان كىشىلەرنىڭ دىنىي بىلىمىنىڭ كەملىكىدىن ياكى بولمىغانلىقىدىن ئسلامنى ھەقىقى مەنىسىدە چۈشەنمىگەنلىكىدىن بۇ ئىشنىڭ ئۆز خەلقىگە كەلتۈرىدىغان يوشۇرۇن خەۋىپىنى تونۇپ يېتەلمىگەن.› دىمەك مۇشۇنىڭغا ئوخشىغان خۇراپىي ئىشلار دىنىي نامدىكى كىتاپلاردىن ئورۇن ئېلىپ خەلقىمىزنىىڭ نادانلىقتا قېلىشىنىڭ سەۋەپلىرىدىن بىرى بولۇپ قالغان. تېخى يېقىندا مەن تۇرىۋاتقان شەھەردە بىر قۇرۇق يەل-يىمىش ساتقۇچىنىڭ «جىگدىنىڭ» ئادەم بەدىنىگە بولغان تەسىرى توغرۇلۇق يۇقارقى ئەپسانىنى دەلىل قېلىپ سۆزلىگىنىنى ئۆز قۇلۇقۇم بېلەن ئاڭلىدىم. بۇنىڭغا ئوخشاش مىساللار كۆپ بولۇپ بۇ يەردە ھەممىسىنى سۆزلەشنىڭ ئورنى يوق. شۇڭا كىسىپ ئېيتىمىزكى بۇ كىتاپتا بايان قېلىنغان مەزمۇنلار ئىشەنچىسىز بولۇپ خەلقىمىز بۇ كىتاپتىن نېرى تۇرۇش كېرەك. پەيغەمبەرلەرنىڭ قىسسىلىرى توغرۇلۇق ئىشەنچىلىك مەنبە قايسى؟ جاۋاپ: پەيغەمبەرلەرنىڭ قىسسىلىرى توغرۇلۇق ئىشەنچىلىك مەنبە ئەلۋەتتە «قۇرئان كەرىم» ۋە سەھىھ ھەدىسلەردۇر شۇنداقلا يەنە ئەھلى سۈننە ۋەلجەمائە ئالىم-ئۆلىمالىرىنىڭ «قۇرئان كەرىم» ۋە «ھەدىس» كە ئاساسلىنىپ يازغان ئەسەرلىرىدۇر. قېرىنداشلىرىمىزغا  ئېيتىدىغان ئەمدىكى سۆزۈم شۇكى، دىنىي بىلىم ۋە توغرا چۈشەنچىلەرگە ئىگە ئادەم توغرا خاتانى ئايرىپ ئۆز يولىنى داۋام قىلىۋىرىدۇ ۋە ئۆزنىڭ باشقۇرۇش دائىرسىدە باشقىلارنى يېتەكلەش مەجبۇرىيتىنى ئۆتەيدۇ. ئاۋام مۇسۇلمانلار ساغلام ئەقىدىدە ياشاش ئۈچۈن ھاياتلىقىدا مۇھىم بولغان دىنىي ئىلىملەرنى ئۈگۈنىشى تولىمۇ زۆرۈر. بۇنىڭ ئۈچۈن ئۇنداق كۆپ ۋاقىتمۇ كەتمەيدۇ كۈندە پەقەت بىر سائەت ئاجرىتىپ ئۈگۈنۈش ئېلىپ بارسا، كۆنگەندىن كېيىن كىشىگە ھېچقانداق ئېغىر تۇيۇلمايدۇ. بولۇپمۇ ھازىر بىزنىڭ بىلىم ئېلىشىمىزغا ئۆزرە قالمىدى، باھانە كۆرسىتىپ ئۈگۈنۈشتىن باش تارتقان ئادەم نادان پېتى قېرىپ كېتىدۇ ‹ئۆمرى يار بەرسە› بۇ بەك ئېچىنارلىق ئىش. بۇ ھاياتلىقنى بىزگە ئاللاھ ئاتا قىلغان، ئاخىرەتتە بىز ھىساپ بېرىمىز، بىزنىڭ ھاياتلىقتىكى قەدىر-قىممىتىمىز ئىمانىمىزغا باغلىق. شۇنداق بىر مەسەل يادىمغا كىلىپ قالدى: خوراز چىللىماقچى بولۇپ بويۇنلىرىنى سوزۇپ تەييارلىق قىلىپتۇ، ئۇنىڭ بۇ ھەركىتنى كۈزۈتۈپ ياتقان مېكىيان، ھوي... جىم تۇر، ئۇيغۇرلار ئۇخلاۋاتىدۇ، ئويغېتىۋىتىسەن دەپتۇ. بىز خورازنىڭ خىزمىتىنى ئالقىشلامدۇق ياكى مېكىياننى ئەيىپلەمدۇق بۇ مۇھىم ئەمەس. مېنىڭ ئىپادىلىمەكچى بولغۇنۇم، «قىسەسۇل ئەنبىيا» نىڭ يازغۇچىسى ئۇ بۇرۇن ئۆتكەن بىر شەخىستۇر. ئۇنى تەنقىتلەش، سۆكۈش بىزنىڭ ۋەزىپىمىز ئەمەس، ئۇ ھىساپ-كىتاپنى ئۆزى بېرىدۇ. ئۆلگەن جاندىن ھىساپ ئېلىش ياراتقۇچىنىڭ ھەققى. بىزنىڭ بۇ يەردە قىلىدىغان ئىشىمىز خاتالىقلارنى تونۇش ئاندىن تۈزەش ۋە بىلمىگەنلەرگە بىلدۈرۈشتۇر. قەلەم كۈچۈمنىڭ ئاجىزلىقىدىن ۋە بىلىمىمنىڭ چاغلىقلىقىدىن تەييار ماتىرىياللاردىنمۇ لايىقىدا پايدىلىنالماي قېرىنداشلىرىمىزغا بىلدۈرمەكچى بولغان ھەق-ناھاقنى جايىدا كەلتۈرۈپ ئىپادىلەپ بېرەلمىگەن بولۇشۇم مۈمكىن. شۇڭا بۇ يازمىنى ئوقۇغان ھەر بىر قېرىندىشىمىزغا دەيدىغان يۈرەك سۆزۈم، بۇنى بىر ئاددى ئەمما ئىسلامنى قىزغىن سۆيۈشكە ئېنتىلگەن مۇسۇلماندىن بىرسى تەييارلاپتۇ دەپ چۈشىنىشىڭلارنى ئۈمۈت قېلىمەن. ئىشلىرىم چالا قالدى، قەلەملەر تۇرۇپ، ئەجەپ، مەن قەشقەردە قالدىم بەك قۇرۇپ. «ئۇيغۇر تەرجىمە مەركىزى» نەشر قىلغان ‹ئاللاھ نىڭ پەيغەمبەرلىرى› ناملىق كىتاپقا ئاساسلىنىپ تۇرۇپ تەييارلاندى. تەييارلىغۇچى: ئىزچىل

german

	مەندە بۇ كىتاپنىڭ 1چى باسمىسى يەنى 88 يىلدىكى ئەسلى  نۇسقىسى بار ،لىكىن تېشى ئازىراق كۇنىراپ كەتتى ،ھازىرقى نۇسقىلىرى بۇرۇنقى ئەسلى نۇسقىسغا قارىغاندا ئازىراق ئۇخشىماسلىقلار ھەمئازىراق مەلۇم يەرلىرى  قىسقارتىلىنىپ  ئېلىنىپ نەشىر قىلىنىپتۇ ...

durdan

	مەن بۇ كىتاپنى 2-3قېتىم ئوقىغان .  بۇنى بىرئاجىز بەندە يازغانلىقى ئۈچۈن يېتەرسىز يەرلىرىمۇ ئەلۋەتتە بار.    ئوقىغان ئادەم توغۇرسىنى قۇبۇل قىلىپ خاتاسىنى شاللىيالىسا مەنچە بۇكىتاپنىڭمۇ پايدىلىنىش قىممىتى بار دەپ قارايمەن . ئەلۋەتتە توغرا خاتاسىنى ئايرىش ئۈچۈن يەنىلا قۇرئان كەرىمنى ئۆلچەم قىلىش كېرەك.

yurkimzida

	مەنمۇ ساۋادىم يېڭى چىققاندا ئۇقىغان بۇ كىتاپنى،ياخشى يېزىلغان كىتاپ بۇ

uqkun555

	بۇ كىتاپتىكى پەيغەمبەرلەرنىڭ قىسسلىرى كۆپتۇرلىتىلگەن بولۇپمۇ يۇسۇپ ئەلەيھىسسالامنىڭ قىسسى

xomtak

	mnig bak algum bat

خۇش

	8 ياش چىغىمدا ئوقۇپ بولغانتىم بۇ كىتاپنى.... ‏باشقۇرغۇچىلار ماۋۇ تېمىنى بىر جەۋھەرلىۋەتسە بوپتىكەن ئەسلى، توۋا  ماۋۇ كىشىلەرگە قىلغىلى ئىش چىقمىدىمۇ نېمە؟ شۈنچە ئەسىرلەردىن بىرى  نۇرغۇنلىغان بوران چاپقۇن قاراڭغۇ زۈلمەتلىك كىچىلەردىن ساق سالامەت دەۋىرمىزگىچە يىتىپ كەلگەن بۇ ئەسەر ئۆتۈپ كەلگەن  بۇ ئەسەر ئەجىبا بىزنىڭ زامانىمىزدا ئۆز قىممىتىنى يوقاتتىمۇ؟ ‏تېما ئىگىسى بۇ كىتاپنى ئوقۇماسلىقنى تەشەببۇس قىلسىڭىز ئېنىق دەلىلنى كۆرسىتىڭ ،  يەنى دادۇد ئەلەيھىسسالام قىسسىسنى تىلغا ئاپسىز سىزدىن سوراپ باقسام قۇرئان ۋە ھەدىستىن ئۇ قىسسە ئەسلى ئۇنداق ئەمەستى دەپ دەلىل كۆرسىتىپ بىرەلەمسىز!؟ ‏

aski0903

	رابغۇزى بەزى بايانلاردا كىلىپ چىقىشى يەھۇدى تائىپىسىدىن دەپ ئېلىنغان، بۇ كىتاپنى ئوقۇماسلىق شەرت، چۈنكى ئۇنىڭدىكى توغرا خاتانى ئايرىغۇدەك بىلىم ھەممىلا ئادەمدە يوق، مېغىزىنى يەپ ،شاكىلىنى ئايرىش بەزىدە مۇمكىن بولماي قالىدۇ، شۇڭا ئىشەنچىلىك توغرا دەپ قارالغان نۇرغۇن كىتاپلىرىمىز بار،ئوقۇشغا قىزىقىدىغانلار شۇنى ئوقۇيلى ، ئۇنداق بىر ھەقىقەتكە يۈز يالغان قېتىلغىنىنى ئەمەس.

خۇش

	ئەقىل ھوشى جايىدا كىشى بۇ كىتاپتىكى ھەر بىر قىسسەنىڭ باش مۇقەددىمىسىدە قۇرئان ئايەتلىرى نەقىل ئىلىنغانلىقىنى ھىس قىلالايدۇ ئەلۋەتتە!

uqkun555

	aski0903 يوللىغان ۋاقتى  2013-7-17 01:33 PM رابغۇزى بەزى بايانلاردا كىلىپ چىقىشى يەھۇدى تائىپىسىد ... توغرا دىدىڭىز