مارشالنىڭ جەنۇپتىكى زىيارەت خاتىرسى

kapsizparixta

	ھەراست ، مارشال ئىنىمغا بولسان قايىللىقىم يەنىمۇ ئاشتى ...

musilina

	زىيارەت خاتىرىسىنى ئوقۇپ چىققان ئىدىم،بىراق ئالدىراش بولۇپ كېتىپ ۋاقتىدا ئىنكاس يازالماي قدلدىم......... زىيارەت خاتىرىسىنى ئوقۇش جەريانىدا تۇنىياز ئوسمان ئاكىمىزنىڭ  <<نۆۋەتتە ئۇيغۇر جەمىيتى ئېغىر كىرزس ۋە خىرىس ئىچىدە تۇرىۇۋاتىدۇ.كىرزس ۋە خىرىسنىڭ ئېغىرلىق دەرىجىسى ئىلگىركى ھەر قانداق دەۋرنى بېسىپ چۈشىۋاتىدۇ.ئانا تىل،مىللىي مەدەنىيەت،ئەنئەنە ھەتتا مەۋجۇتلۇقمۇ خىرىسقا ئۇچراۋاتىدۇ.ئېتىقاد جەھەتتىن باشلانغان كىرزس ئەخلاقنىڭ ئېغىر بۇزۇلۇپ ئەخلاقسىزلىقنىڭ جەمىيەتلىشىشى،مەدەنىيەتنىڭ شالغۇتلىشىشى،ئەنئەنىڭ ئېتىۋاردىن قېلىشى،قىممەت قاراشلىرىمىزنىڭ چاك چېكىدىن بۆسۈلىشى،ئادىمىيلىكنىڭ سۇسلىشىشى،ۋىژداننىڭ خىرەلىشى،شەرەپ-نۇمۇس تۇيغۇلىرىنىڭ يوقۇلىشى،مىللىي قەدرىيەتلەرنىڭ سۆيۈلۈشتىنى ئۇزاقلىشى،ئىدىيەنىڭ پارچىلىشى،مال دۇنيا ۋە ھوقۇق ھېرىسمەنلىكىنىڭ باش كۆتۈرىشى...قاتارلىق ئۇيغۇر جەمىيتىنى ھالاكەتكە باشلايدىغان ئىللەتلەرنى كەلتۈرۈپ چىقارماقتا....››دېگەنگە ئوخشاش ئادەمنى ئويغا سالىدىغان پىكىرلىرى، ئېزىز ئەيسا كۆكتۇغ مۇئەللىمنىڭ ‹‹يىغىپ ئېيقانداق مائارىپ -خۇددى قارغۇ يول باشلىغۇچى يول باشلاپ ماڭغان ،كەلگۈسى  نىشانىدىن ئۈمىت-ئىشەنچى  سۇس بولغان ،كۆپ قىسىم كىشىلەر ئەپسۇسلىنىۋاتقان چۆلدىكى كارۋانغا ئوخشاپ قېلىۋاتىدۇ، قوش -تىل ئوقۇتۇش سىياسىتى مۇتلەق كۆپ قىسىم  ئۇيغۇر خەلقىنىڭ ئىرادىسىگە ،ئارزۇسىغا مۇخالىپ ھالدا يولغا قۇيىلىۋاتىدۇ ،ئەسلى مائارىپنىڭ مەخسىدى –ئوقۇغۇچىلارنى ئەخلاقى ،ئەقلى جىسمانى ،پسخىك -پەزىلەت جەھەتتىن ئەتراپلىق يىتىلگەن ياراملىق ئىزباساردىن قىلىپ يىتىشتۈرۈش ،بالىلارنى راسچىل سەمىمى، ئەخلاقلىق پەزىلەتلىك قىلىپ يىتىشتۈرۈش لازىم  ئىدىغۇ؟!ئەمما ئۆزىمىز دەل شۇنداق يالغانچىلىقنى ،ساختىپەزلىكنى مەكتەپتە بىلىپ تۇرۇپ  يولغا قۇيىۋاتىمىز . ...››دېگەنگە ئوخشاش تېرەن پىكىرلىرى مېنى چوڭقۇر ئويغا سالدى.... مارشال ئىنىمنىڭ  جاسارىتىگە، تىرىشچانلىق روھىغا، قەيسەر ئىرادىسىگە ئاپىرىن،سىزنىڭ  يازدىن بۇيانقى جەنۇبىي شىنجاڭنى ئايلىنىپ سەپەر قىلىش جەريانىدا ،بوز قىر ئەپەندى،تۇنياز ئوسمان،ئېزىز ئەيسا مۇئەللىم، يازغۇچى ھاجى مىرزاھىدكېرىم ...قاتارلىق بىلملىك،ھۆرمەتكە سازاۋەر زىيالىلار بىلەن كۆرۈشۈپ ئۇلارنى زىيارەت قىلىش جەريانىدا ئۇلارنىڭ مول بىلىملىرى،تېرەن پىكىرلىرى  ئاساسىدا قالدۇرغان مەزمۇنى چوڭقۇر ،ئىنتايىن ئەھمىيەتلىك بولغان زىيارەت خاتىرسى ئارقىلىق ئۇيغۇرلارنىڭ تارىخى، ئەقىدە-ئېتىقادى، ھۆنەر-سەنئىتى،ئۆرپ-ئادەتلىرىى، مەدىنيىتى، زىيالىيلارنىڭ كىشىلەر قەلبىدىكى ئوبرازى  ،ئۇيغۇر جەمىيىتىنىڭ ئوتتۇرا قاتلىمىدا ياشاۋاتقان كىشىلەرنىڭ بىلىم قۇرۇلمىسى،ئاڭ –سەۋىيىسى،قانۇن كۆزقارىشى....قاتارلىق  كۆپ تەرىپلىمە مەزمۇنلارنى بىزگە يەتكۈزۈش ئۈچۈن قانچىلىك زور كۈچ،زېھنىي قۇۋۋەت سەرپ قىلغانلىقىنىڭىزنى بۇ ئېسل يازمىڭىز ئارقىلىق كۆرىۋېلىش تەس ئەمەس،سىزگە بولغان قايىللىقىم ھەسسىلەپ ئېشىۋاتىدۇ،  تىرىشچانلىقىڭىزغا  نەچچە مىڭ رەت ئاپىرىن . ئەقلىڭىز تېخىمۇ زىيادە بولسۇن.... بىراقزە ئاقسۇغا كەلگىنىڭىزدىن بىر خەۋەر بېرىۋەتمەپسىز.سىز زىيارەت قىلغان ئېزىز ئەيسا مۇئەللىم مەن ئەڭ ھۆرمەتلەيدىغان ئۇستاز بولۇپ،مەن بىلەن بىر بىنادا ئولتۇرۇشلۇق خوشنام ئىدى،كېيىنكى قېتىمدا ئاقسۇغا كېلىپ قالسىڭىز ئۇچۇر بېرىۋېتەرسىز....

naildin

	ئەسسالامۇ ئەلەيكۇم مارشال ئاكا!  ياخشى  تۇردىڭىزمۇ ؟  نەچچە  كۈندىن  بېرى  تورغا  چىقالمىغانلىقىم ئۈچۈن، بۇ ساياھەت خاتىرىڭىزنى ئۇقۇشقا پۇرسەت بولماي قالدى ، مانا  بۈگۈن  بىر چۈشتىن كېيىن  ئاخىرى  ئوقۇپ  بولدۇم .   بۇ يازمىلىرىڭىز  مېنى  ھەقىقەتەن بەك  ئويغا  سالدى. يۇرتۇم  باي ھەققىدىكى بۇ چۈشەنچىلەرنى  ئوقۇپ چىققىنىمدا، ئۇ سان-سېفىرلار  ۋە خەلقىمىزنىڭ  بىھۇدە قان تۆكۈلۈشلەرنى  .....  شۇ  جايلانى ئوقۇۋاتقىنىمدا  يۈرەكلىرىم بىر خىل ئۆرتىنىپ كەتتى ....    كەلگۈسىدىكى  بىزنىڭ  مەسئۇلىيەتلىرىمىزنىڭ  تېخىمۇ  كۆپ  ئىكەنلىكىنى   يەنە بىر قېتىم  تونۇپ   يەتتىم. ... بۇ قېتىمقى سەپىرىڭىز  ھەقىقەتەنمۇ بەك ئەھمىيەتلىك  بوپتۇ ،   بۇنىڭدىن كېيىنكى  ئىشلىرىڭىزغا  ئۇتۇق،  تېنىڭىزنىڭ  سالامەت ،  ئىشلىرىڭىزغا   بەرىكەت تىلەيمەن.

alpamix:aziz

	مارشالنىڭ يۇقۇرقى تېمىسى مەزكۇر مۇنبەردىكى ئىلمىي،ئىجتىمائى،تارىخى،ئىستىتىكا،تەربىيۋى شۇنداقلا فولوكۇر قىممىتى يۇقۇرى بولغان ياخشى ماقالىلارنىڭ بىرى بوپتۇ.

alpamix:aziz

	زىيارەت،چۈشەندۈرۈش،رەسىمدىن ئىبارەت ئۈچ خىل ئىپادىلەشنىڭ بىرلەشكەنلىكى ماكان ۋە زامان نوقتىسىدىن كەڭلىككە چوڭقۇرلۇققا ئىگە قىلىنغانلىقى مەزكۇر تېمىنىڭ يەنە بىر چوڭ ئالاھىدىلىكى ھېساپلىنىدۇ.مارشال بۇ تېمىنى يارقىن نامايان قىلىش ئۈچۈن ناھايىتى كۆپ يۈرەك قېنىنى خورىتىۋەتكەندەك قىلىدۇ.

alpamix:aziz

	مىللى ئالاھىدىلىك نوقتىسىدىن قارىغاندا مارشال يۇقۇرقى تېمىدا ئۇيغۇرلارنىڭ مەدەنىيىتى،مائارىپى،يادىكارلىقلىرى،غەيرى ماددى مەدەنىيەت مىراسلىرى جەھەتتىكى خاسلىقلارنى ناھايىتى جايىدا بايقاپ يارقىن ئەكس ئەتتۈرۈپ بەرگەن بولۇپ رەسىم بىلەن چۈشەندۈرۈشنىڭ بىردەكلىكىدە بۇ ئالاھىدىلىك ئۆز ئىپادىسىنى تاپقان.ھەقىقەتەن ئېسىل بىر ماتىريالغا ئايلاندۇرغان.

alpamix:aziz

	يۇقۇرقى تېمىنىڭ ياش ئۆسمۇرلەرگە تارىخى شۇنداقلا مىللى ئۆرپ-ئادەت،مىللى مەدەنىيەت نوقتىسىدىن بىلىم بېرىش قىممىتىنىڭ يۇقۇرى ئىكەنلىكىگە كۆز يۇمغىلى بولمايدۇ.مۇنەۋەر ،ئەڭ ياخشى ئەسەر،مۇكاپاتلىنىشقا تېگىشلىك ئەسەر ئىكەنلىكىگە قىل سىغمايدىكەن.

شەۋقى

	ئەسسالامۇ ئەلەيكۇم مارشال! تېمىڭىزنى كۆرۈپ ھەر ۋاقىتتىكى تېمىڭىلىرىڭىزنى كۆرگەن چېغىمدىكىدەك چىن كۆڭلۈمدىن سۆيۈندۈم.  مەزكۇر تېمىڭىز ئۇستازىم ئابدۇرەشىد جەلىل قارلۇق ماڭا ئۈگەتكەن مەنسۇبىيەت، مەسۇلىيەت، مەجبۇرىيەت دىگەن ئۈچ مەزمۇن ياخىشى بىرلەشكەن مول-ھوسۇللۇق، ئەجىر-مېھنەتلىك نادىر تېما بوپتۇ. تېمىڭىزدىن سىزنىڭ پەخىرى مەنسۇبىيەت ، مۇستەھكەم مەسۇلىيەت، پىداكىرانە مەجبۇرىيەت تۇيغۇڭىزنى ھەقىقىي ھېس قىلىپ يەتتىم. تور دۇنياسىدا ئۇششاق، پۈچەك تېمىلارنىڭ كۆپ بولىشى، تورغا نىمە يوللىسا بولىۋىردۇ دېگەندەك سۇسلۇق پوزىتسىيسىنىڭ كەڭ دايىرىلىكى مېنى ھەقىقەتەنمۇ بىزار قىلاتتى، ئەمما ھەر دايىم سىزنىڭ تېمىلىرىڭىزنى ئوقۇسام تېمىدىكى ئەستايىدىللىق ۋە ئەجىردىن سۆيۈنمەي ھەم قايىل بولماي تۇرالمايمەن. ھارمىغايسىز! ئۇنىڭدىن باشقا زىيارىتىڭىز داۋامىدا سورىغان سۇئاللىرىڭىزمۇ ناھايىتى كېرەكلىك ۋە ئورۇنلۇق بوپتۇ، مەزكۇر يازمىڭىز ئارقىلىق نۇرغۇن چۈشەنچە بىلىملەردىن خەۋەردار بولدۇم، سەپىرىڭىز كۆپىنچە كىشىلەرنىڭكىدەك قۇرۇقتىن قۇرۇق بېرىپ قايتىشلا ئەمەس، ھەقىقەتەنمۇ مول-ھوسۇللۇق ئەھمىيەتلىك سەپەر بوپتۇ، بىز دوستلارنىڭ خەيرلىك دۇئالىرى بىلەن سەمىمىي تىلەكلىرى، ياراتقۇچىنىڭ مەدەت، رەھمىتى سىزگە بولغاي! «گەرچە،ئاتا-بوۋامدىن ئۇدۇن قالغان كەسىپ دېھقانچىلىق ئىشلىرى بىلەن مەشغۇل بولۇپ كەلسەممۇ،ئۆمرۈمنىڭ ھاياتلىق مۇساپىسى مەندە بىرخىل ئالىيجاناپ روھ،كۈچلۈك ئىرادە بىلەن ياشاشقا دەۋەت قىلاتتى.» بۇ جۈملىڭىز ماڭا ھىقىقەتەنمۇ تەسىر قىلدى، ئىرادىڭىز ۋە روھىڭىزدىن سۆيۈندۇم، مەنچە بۇندىن كېيىنمۇ ئەھمىيەتلىك زىيارەت خاتىرلىرىڭىز بىلەن يەنە ئۇچىراشقۇدەكمىز ئەگەر ئاتكاچىلىق قىلدى دەپ قالمىسىڭىزبۇ روھىڭىز ئۈچۈن شۇنداق بىر تەكلىپ بەرسەم: كىيىنكى ئۆزلىكىڭىزدىن ئۈگىنىشىڭىزدە پەلسەپە، ئىنسانشۇناشلىق، پىسخىلوگىيە ۋە جەمىيەتشۇناسلىققا ئائىت كىتاپلارنى كۆپىرەك كۆرۈپ بەرسىڭىز سىزنىڭ ئالاھىدىلىكىڭىزنى جارى قىلدۇرۇشقا تېخىمۇ پايدىلىق بولغۇدەك. چۈنكى سىزدە مەسىلە تونۇش ۋە ئىپادىلەش ئىختىدارى ھەقىقەتەن كۈچلۈك، بۇنىڭغا مەسىلە تەھلىلىنى تېخىمۇ ئىسپات-دەلىللىك، نەزىرىيىۋى ئاساسلىق قىلىش قوشۇلسا نۇر ئۈستىگە نۇر بولغاندەك بولىدۇ. يازمىڭىز ئاساسەن ئەدەبىي شەكىلدە راۋاجلىنىپتۇ، ئەدەبىيات پەنلەرنىڭ ئانىسى بۇنى نەزەردىن ساقىت قىلمايمەن، ئەمما پىكىر يۆنىلىشى ۋە مەسىلە تەھلىلىنىڭ بايقىلىشى ۋە تېخىمۇ چوڭقۇر تونۇپ يېتىلىپ ماھىيەتلىك تەھلىل قىلىنىشىدا ئەدەبىي ھىسسىي يۆنىلىشتىلا راۋاجلاندۇرۇش ئەمەس مەن يۇقىرىدا دەپ ئۆتكەن پەنلەر نەزىرىيەسىنى بىلىشنىڭ  ۋە شۇلاردىن پايدىلىنىپ نەزىرىيە بىردەكلىكىدە تەھلىل يۈرگۈزۈشنىڭ ناھايىتى چوڭ پايدىسى بار دەپ قارايمەن. يازمىڭىزدىكى بايانلار ھەقىقەتەن جانلىق، باياننىڭ كۈچلىكلىكىگە تەھلىل يېتەرسىزدەك... ئۆزتىل مۇھاكىمىڭىز ۋە تەھلىلىڭىزنىڭ كۈچىيىشى ئۈچۈن يۇقارقى پەنلەردىن قانچە كۆپ خەۋەردار بولسىڭىز پىكىرىڭىز ۋە تەھلىلىڭىز شۇنچە كۈچىيىدۇ، بۇنداق بولغاندا يازمىلىرىڭىزدا ئوقۇرمەننى نۇرغۇن نەرسىدىن خەۋەردار قىلىشتىن باشقا شۇ نەرسىلەرگە قارىتا چوڭقۇر تونۇش ۋە مۇھاكىمە پەيدا قىلىپ، تەھلىل، سەۋەپ ئاساس ئىزدەشكە ئۆز نۆۋىتىدە تۈزىتىشكە باشلاپ كىرەلەيسىز. بۇنداق بولغاندا كۆپىنچە كىشىلەردە مەۋجۈت بولغان يۈزەكى تونۇش چوڭقۇرلىماسلىق پىسخىكىسىغا بۆسۈپ كىرگىلى بولىدۇ. مەقسىتىڭىز كۆپچىلىكنى مەزمۇندىن خەۋەردار قىلىپ ئۆز تەھلىلىگە ئۈندەشتۇر بەلكىم، ئەمما مەن دېگەنلەرنىمۇ ئويلىشىپ كۆرىشىڭىزنى تەۋسىيە قىلىمەن. مەرھۇم ئوغلانلىرىمىز ۋە قىزلىرىمىزنىڭ قەبرىلىرىنى زىيارەت قىلغىنىڭىز ھەقىقەتەن ئەھمىيەتلىك ئىش بوپتۇ. «يەتتە قىزلىرىم» مەقبەرىسىنىڭ خارابىلىككە ئايلىنىشقا يۈزلىنىشىنى كۆرۈپ ئىچىندىم. ئەمىلىيەتتە بۇنداق ئورۇلار ئەۋلادلارنى تەشكىللەپ زىيارەت قىلدۇرۇپ، ۋەتەنپەرۋەرلىك، مىللەتپەرۋەرلىك، خەلىقچىللىق ۋە ئەخلاق-پەزىلەت تەربىيسى ئىلىپ بېرىلىدىغان بازىلارغا ئايلىنىشقا، داۋاملىق مەبۇد ئورنىدا تىكلىنىپ خەلق روھىنى تاۋلاپ تۇرىدىغان نەمۇنىلەردىن بولۇشقا تېگىشلىك ئىدى. ئەگەر مەن «يەتتە قىزلىرىم»غا بارسام ئۆزۈمدىن شۇنداق سورىشىم مۇمكىن:«ئىككى يېرىم ئەسىر بۇرۇنقى شۇ ئۇيغۇر قىزلىرىدا شۇ قەدەر غەيرەت-جاسارەت، باھادىرلىق، مەردلىك-غەيۇرلۇق نەردىن كەلگەن؟ ئۆز نۆۋىتىدە يەنە ئۆز ئىپپەت-نۇمۇسىنى جىنىدىن ئەلا بىلىدىغانغا قانداق بىر تەربىيە سەۋەپچى بولغان؟بۇ قانداق بىر كۈچ ؟ ئىككى يېرىم ئەسىر ئۆتكەندىن كىيىنكى ھالا بۈگۈنكى كۈندە مەندە بۇ روھ قانچىلىك مۇجەسسەم؟  ئاتالمىش تەرەققىيات دەۋرىمىزدە بەزى قىزلىرىمىزدىكى چەتنەش، ئازغۇنلۇق، ئاجىزلىقنى شۇ دەۋىر ۋە شۇ باھادىر قىزلار بىلەن سېلىشتۇرۇپ نىمە يەكۈنگە، نىمە داۋاغا ئېرىشىش مۇمكىن؟...» لۇتپۇللاھ مۇتەللىپ مەقبەرىسىدە يەنە ئۆزۈمدىن سورىشىم مۇمكىن:«شۇ ياشلىقىدا تۇرۇپ قايسى كۈچ، قايسى تونۇش، قايسى خىل ئېتىقاد ئۇنىڭغا بۇ قەدەر ھاياتى كۈچ ۋە ئەقىل ئاتا قىلالىغان؟ بەزى كىشىلەر 100يىل ياشاپمۇ قالدۇرالمايدىغان پەخرى ئىزنى بۇ كىشى يىگىرمە نەچچە يىللىق قىسقا ئۆمرىدە نىمىسىگە ئاساسەن بىزگە قالدۇرالىغان، ئۇ قانداق روھ؟ قانداق بىر مەدەت؟ مەرھۇم دۈشمەنننىڭ بىر پاي ئوق ياكى بىر پىچاقتىلا ئەمەس، جادۇدا توغراپ-توغراپ ئۆلتۈرۋەتكىدەك قانداق چان ئاچچىقىغا تەگكەن ۋە قانداق غەيرەتتە بولغۇيتى؟ مەن نەچچە ياشتا؟ بۇ يېشىمدا ھەم قانچىلىك غەيرەت، قانچىلىك ئەقىل، قانچىلىك ئەجىر-ئەمگەكلىرىم بار؟ ...» دەۋرىمىزدە مەنىۋى مەدەنىيەت مىراسلىرى دەپ ئاتىلىۋاتقان شەكىلسىز مىراسلارنىڭ قوغدىلىنىشىغا ئاز تولا كۈچ چىقىرىلىۋاتقاندىن باشقا، بۇ تەۋەرۈك ئورۇنلاردەك دەلل-ئىسپات، ئاساسىي بار ماددىي مەدەنىيەت مىراسلىرىنىڭ قوغدىلىنىشىغا سۇسلۇق پوزىتسىيسىنىڭ كۆرۈلىشىگە قارىتا قانداق پوزىتسىيە ۋە قاراشتا ئىكەنلىكىڭىزنى بىلىپ بېقىش ئارزۇسىدىمەن. ئىزدىنىشچانلىقىڭىز، قىزغىنلىقىڭىزدىن تەكرار سۆيۈندۈم! سەپىرىڭىز ئۆزى ۋە ئۆزلىكىنى ئىزدەش، ئۆزىنى تونۇشنىڭ ياخشى نامايەندىسى بوپتۇ، بۇندىن كېيىنكى زىيارەتلىرىڭىزنىڭ ساندا ھەم سۈپەتتە تېخىمۇ كۆپ، ئەھمىيەتلىك، مول-ھوسۇللۇق بولىشىنى، تېخىمۇ نادىر ، ئەجر-ئەمگەكلىك ۋە قايىل قىلارلىق يازمىلىرىڭىز بىلەن ئۇچىرىشىپ تۇرۇشنى ئارزۇ قىلىمەن. سىزنىڭ ھەم سىز زىيارەت قىلغان ئەزىزلەرنىڭ تېنى سالامەت، ئۆمرى ئۇزۇن، قىلغان ئەجىر-ئەمگىكى نەتىجىلىك بولغاي!

zvmrat

	ئەسسالامۇ ئەلەيكۇم بۇ قېتىمقى جەنۇبقا قىلغان ساياھىتىڭىز تولىمۇ  ئەھمىيەتلىك بولۇپتۇ.بۇ تېمىنى روياپقا چىقىرىش ئۈچۈن شۈنچىلىك ئىزدەنگىنىڭىزگە ،جاسارىتىڭىزگە قايىل بولدۇم ..يارايسىز مارشال. بۇ زىيارەت خاتىرسىنى ئوقۇپ مەنمۇ شۇ جايلارغا بارغاندەك  ،بىللە  زىيارەت قىلغاندەك ھېسياتتا بولۇپ قالدىم .جەنۈپ ھەققىدە خىلى كۆپ ئۇچۇرلارغا ئىگە بولدۇم . مارشال ئۇكام بۇنىڭدىن كىيىنمۇ  بىزنى مۇشۇنداق قىممىتى بار ماتىرياللار بىلەن تەمىنلەپ تۇرشىڭىزنى ئۈمۈد قىلىمەن . ئۇلۇغ ئاللاھ سىزگە مەدەتكار بولسۇن!

nazpari

	ئەسسالامۇ ئەلەيكۇم مارشال، ئۇلۇغ اللەھنىڭ سالامى سىزگە ھەم بارلىق قېرىنداشلىرىمىزغا بولسۇن! سىزنىڭ بۇ تېمىڭىزنى بۈگۈن ئاخىرى تولۇق ئوقۇپ چىقىپ، ئېنكاس يىزىپ ئولتۇرۇپتىمەن. قىسقىسى مەن سىزنىڭ قەلەم كۈچىڭىزگە، تىرىشچانلىقىڭىزغا، مىللىتىمىز ئۈچۈن توختىماي ئىزدىنىشلىرىڭىزگە تولىمۇ قايىل بولدۇم.    مېنىڭچە ساياھەت قىلىشنى ياقتۇرمايدىغان كىشىلەر كۆپ بولمىسا كېرەك. ساياھەت قىلىش - شۇ كىشىنىڭ شەرت-شارائىتى، ماددىي بايلىقى ۋە كۆز قاراش، قىزىقىشلىرى بىلەن ئوخشىمايدىغان بىر شەكىللەردە ئىپادىسىنى تاپىدىغانلىقىنى مانا بۈگۈن ھىس قىلىپ يەتتىم. گەرچە شىنجاڭنىڭ ساياھەتچىلىكى تەرەققىي قىلىۋاتقان مۇشۇ كۈنلەردە نۇرغۇن كىشىلەر ساياھەتچىلىك بىلەن شۇغۇللانغان بولسىمۇ، لىكىن سىزگە ئوخشاش مىللىتىمىزنىڭ كەلگۈسى ئۈچۈن كۆمۈلۈپ قالغان ‹‹ بايلىق ›› لىرىمىزنى ئىچىش، قەدىمكى مازارلىقلارغا بېرىپ شۇ قەھرىمانلىرىمىزنىڭ تارىخى بىلەن تونۇشۇش، زىيالىلىرىمىز بىلەن كۆرۈشۈپ ئۇلارنىڭ پىكىر-تەھلىللىرى بىلەن باشقىلارنى يۈز كۆرۈشتۈرۈش قاتارلىق خەلققە پايدىلىق ساياھەتلەرنى قىلىدىغانلار ناھايىتى ئاز ساننى ئىگەللەيدۇ. مەن مۇشۇ تېمىنىڭ بىرىنچى دەرىجىلىك مۇكاپاتقا ئېرىشىشىگە شەخسەن ئۆزۈم بىر بىلەت تاشلىدىم. سىزنىڭ يەنىمۇ تېرىشىشىڭىزنى ئۈمىد قىلىمەن مارشال ! سىزگە ئۇتۇق تېلەيمەن !