ئەركىن سىدىق ئۇيغۇرچە تور بىتى

سەلكىن تورى خەۋىرى :

2009 - يىلى 5 - ئاينىڭ 28 - كۈنى كەچتە ، سەلكىن تور بېكىتى "قەلىب ساداسى " پروگراممىسىنىڭ 7 - سانى ئۈرۈمچى شەھىرى يەنئەن يولىدىكى ئاقساراي سودا سارىيىغا جايلاشقان " نىجات يۇلتۇزى " بەدىئى سۈرەتخانىسىدا سۈرەتكە ئېلىندى ، بۇ قېتىمقى سۆھبىتىمىزگە ئامېرىكا ئالەم قاتنىشى ئىدارىسى ئوپتىكا تەتقىقات ئىنژىنىرى ، ئۇيغۇرلارنىڭ پەخىرلىك ئالىمى، دوكتۇر ئەركىن سىدىق ئەپەندى ئالاھىدە تەكلىپ بىلەن قاتناشتى . سۆھبەتتە ئەركىن سىدىق ئەپەندى ئۆزىنىڭ كەسپى تەتقىقات ئىشلىرى ، بىر قىسىم دۇنياۋى ئىلغار پەن - تېخنىكا تەتقىقات يېڭىلىقلىرىنى تۇنۇشتۇردى ، شۇنىڭ بىلەن بىرگە ئۆزىنىڭ ھايات مۇساپىسى ، مۇۋەپپىقىيەت يولى ، ئائىلە، پەرزەنت تەربىيىسى قاتارلىق جەھەتلەردىكى تەجرىبىلىرىنى سۆزلىدى ، ئۇنىڭدىن باشقا، ئۇيغۇر تور بېكەتلىرى ھەققىدىكى كۆز قاراشلىرى ، ئىنتىرنېتتىكى ئۇيغۇر ياشلىرىنىڭ ھازىرقى ئەھۋالى قاتارلىق مەسىلىلەر ھەققىدە پىكىرلىرىنى ئوتتۇرىغا قويۇپ ، ئۇيغۇر ياشلىرىغا ئۆزىنىڭ مۇۋەپپىقىيەت قازىنىشتىكى فورمۇلاسىنى شەرھىلەش بىلەن بىرگە ،زور ئۇتۇقلارنى تىلىدى .
   سۆھبەت گەرچە يېپىق ھالەتتە ئېلىپ بېرىلغان بولسىمۇ، ھەرساھە ياشلىرىدىن 30 دىن ئارتۇق ياش سۆھبەت نەق مەيدانىغا كىلىپ سۆھبەتنى ئاڭلىدى ۋە ئەركىن سىدىق ئاكا بىلەن بىر قىسىم مەسىلىلەر ھەققىدە ئۆز - ئارا پىكىرلەشتى . _
  سۆھبەت ئاخىرىدا فۇرقان شىركىتىنىڭ دىرىكتورى مەمتىمىن ئەپەندى ئۇيغۇر ياشلىرىغا ۋەكالىتەن بۇ پەخىرلىك ئالىمىمىزغا تون كيىدۈردى ، سەلكىن شىركىتىنىڭ دىرىكتورى نۇرئەلى ئوبۇل ( سەلكىن ) ئەركىن سىدىق ئاكىغا دوپپا كىيدۈردى . 
   سۆھبەت يوقۇرى كەيپىيات ۋە قىزغىنلىق ئىچىدە 2 سائەت ئەتراپىدا داۋام قىلدى ، سۆھبەتتىن كىيىن سەلكىن شىركىتىنىڭ ئورۇنلاشتۇرۇشى بىلەن ئەركىن سىدىق ئاكا ئۈچۈن ھاردۇق چېيى بېرىلدى ، چايغا 20 دىن ئارتۇق ھەر ساھە ياشلار قاتناشتى ۋە ئەركىن سىدىق ئاكا بىلەن قىزغىن سۆھبەتتە بولدى .
تۆۋەندىكىسى بۇ قېتىمقى سۆھبەتكە مۇناسىۋەتلىك بىر قىسىم كۆرۈنۈشلەر :
 
ئەركىن سىدىق ئەپەندى " قەلىب ساداسى " پروگراممىسىدا سۆھبەتتە

ئەركىن سىدىق ئەپەندى قىزغىن سۆھبەتتە

فۇرقان شىركىتىنىڭ دىرىكتورى مەمتىمىن ئەپەندى ئەركىن سىدىق ئاكىغا تون كىيدۈردى

سەلكىن شىركىتىنىڭ دىرىكتورى ، سەلكىن تور بېكىتىنىڭ قۇرغۇچىسى نۇرئەلى ئوبۇل ( سەلكىن ) ئەركىن سىدىق ئاكىغا دوپپا كىيدۈرمەكتە

سۆھبەت يوقۇرى كەيپىياتتا ، قىزغىن داۋاملاشماقتا

يوللىغۇچى ئىزباسار ،
سەلكىندىن ئىلىندى