گىتتار ئاۋازىنى ئۈنگە ئېلىش تېخنىكىسى

makan

گىتتار ئاۋازنى قانداق ئۈنگە ئالىدۇ دەپ 10 ئادەمدىن سورىسىڭىز 10 ئادەم 10 خىل جاۋاب بېرىدۇ. ھەر بىر ئادەمنىڭ گىتتارنى ئاۋازىنى ئۈنگە ئېلىش ئۇسۇلى ئوخشىمايدۇ ،  بەزى ئۈنگە ئېلىش ئۇستىلىرى ئۆزىنىڭ ئۈنگە ئېلىش تېخنىكىسى بىلەن جان باقىدۇ،ئۇلارمۇ ئۆزىنىڭ ئۈنگە ئېلىش ئۇسۇلىىنى مەخپىي تۇتىدۇ،بۇ ئەلۋەتتە توغرا ئىش.....
مەن سىزگە بۇ يەردە دۇنيادىكى داڭلىق ئۈنگە ئېلىش ئۇستىلىرىنىڭ گىتتار ئاۋازىنى ئۈنگە ئېلىش ئۇسۇلىنى دەپ بېرىمەن.
تۆۋەندە بىز ئۈچ خىل ئىشلىتىلىشچان ئەپچىل گىتتار ئاۋازىنى ئۈنگە ئېلىش تېخنىكىسى بىلەن تونۇشۇپ ئۆتىلى

كۆپۈنچە ئەھۋالداقوش يۈرەك شەكىللىك ئاۋازغا ئېلىش ئۇسۇلى قوللىنىلىدۇ،يەنى مېكرافوننى گىتتارنىڭ ئالدىغا قويۇپ ئاۋازغا ئالىمىز،ئاۋازغا ئېلىش ئۇزۇنلىغى گىتتار بىلەن مېكرافوننىڭ ئارلىغى  ئادەتتە 15 سانتىمېتىردىن 30 سانتېمېتىرغىچە بولىدۇ.ھازىر ئەڭ كەڭ تارقالغان ۋە مودا بولىۋاتقان شۇنداقلا ھازىرقى زامان مۇزىكىچىلىغىدا مۇھىم رول ئويناۋاتقان ئاۋازغا ئېلىش ئۇسۇلى.
ئەگەر بىز گىتتار ئاۋازنى ئۈنگە ئالغاندا توغرا بولمىغان ئاۋازغا ئېلىش ئۇسۇلىنى تاللىساق ئۈنگە ئالغان ئاۋاز غۇڭۇلداپ چىقىدۇ،ئالدى بىلەن سىز ئاۋازغا ئېلىش سىمىڭىزنى تەكشۈرۈڭ ،ئەلۋەتتە بۇ سىزنىڭ خىزمىتىڭىزنىڭ باشلىنىش قىسىمى.سىز بۇ ئۈچ خىل ئۇسۇلنى ئۈگەنگەندىن كىيىن ئۆزىڭىزنىڭ خائىشى بويىچە مۇشۇ ئۇسۇللار بىلەن گىتتار ئاۋازنى بىمالال ئۈنگە ئالالايسىز.

A-ئايرىپ ئاۋازغا ئېلىش تېخنىكىسى

ئىككى مېكرافون بەلگىلىك ئارلىققا قويۇلىدۇ،شۇنداقلا ئوخشاش بولمىغان ئېگىزلىكتە بولىدۇ.بىر مېكرافون گىتتار دەستىسىنىڭ 12 -باغلام ئورنىغا قويىلىدۇ،يەنە بىر مېكرافون گىتتار يۈزى تەرەپكىراك قويىلىدۇ،ھەرگىزمۇ گىتتار ئاۋاز تۆشىگىگە قويماڭ.
بۇ خىل ئۈنگە ئېلىش ئۇسۇلى ئىككى ياكى ئۇنىڭدىن كۆپ مېكرافون بىلەن ئاۋازغا ئېلىش تېخنىكىلىرىغا ئوخشاش ''3:1 قائىدىسى''گە ئەمەل قىلىدۇ،بۇ قائىدە مۇنداق :ئىككى مېكرافوننىڭ ئارلىغى چوقۇم مېكرافون بىلەن گىتتار ئارلىغىنىڭ 3 ھەسىسى بولىشى كېرەك،بۇنداق بولغاندا گىتتارنىڭ ئاۋازى ئەينەن چىقىدۇ ،ئەگەر تاق يوللۇق قىلىپ ئاۋازغا ئالسىڭىزمۇ سىللىق ئاۋازغا ئالالايسىز. بۇ خىل ئۇسۇلنى مىسال قىلساق :گىتتار بىلەن مېكرافوننىڭ ئارلىغى 20 سانتىمىتىر بولسا ، ''3:1 قائىدىسى''گە ئاساسلانغاندا ئىككى مېكرافوننىڭ ئارلىغى چوقۇم 60 سانتىمىتىر بولىشى كېرەك،15 سانتىمىتىر بولسا ئىككى مېكرافوننىڭ ئارلىغى چوقۇم 45 سانتىمىتى بولىشى كېرەك.( ''3:1 قائىدىسى'' دىن سىرىت يەنە  x-y تېخنىكسىى بار ،بۇنى ئاخرىدىراق سۆزلەيمەن)
بۇ خىل ئۇسۇلدا ئۈنگە ئالغان گىتتار ئاۋازى:  چۈشۈرۈش

B-ئايرىپ ئاۋازغا ئېلىش تېخنىكىسى

ئىككىنجى خىل ئاۋازغا ئېلىش ئۇسۇلى بىرىنجى خىل ئاۋازغا ئېلىش ئۇسۇلىنىڭ ئۆزگىرىشى،بىرىنجى خىل ئاۋازغا ئېلىش ئۇسۇلىنىڭ ئاساسىدا بىر مېكرافوننى گىتتار دەستىسىنىڭ 12 -باغلام ئورىنىغا قويىمىز ،يەنە بىر مېكرافوننى گىتتارنى ئۈستىنكى قىسمىغا قويىمىز،يەنى گىتتار چالغۇچىنىڭ قۇلىغىنىڭ ئۇدىلىدا قىلىپ شۇ ئېگىزلىكنى تاللىساق بولىدۇ.شۇنداقلا گىتتارنىڭ تۆشىگىگە ياكى گىتتارنىڭ بېشىغا توغۇرلانسا بولىدۇ.يەنە بىر قىتىم ئەسكەرتىپ ئۆتەي چوقۇم  ''3:1 قائىدىسى''گە بوي سۇمۇش كېرەك،ئەگەر گىتتار چالغۇچى سولخەي بولسا يۆلىنىشنى ئۆزگەرتسەك بولىدۇ.
مۇشۇ ئىككى خىل ئۇسۇلنى سىناپ بېقىڭ قانداق ئۈنۈم بولىدىكىن.ئەگەر كۆڭۈلدىكىدەك ئۈنۈمگە ئېرىشەلمىسىڭىز  ''3:1 قائىدىسى'' گە ئەمەل قىلغان ئاساستا مېكرافوننىڭ ئورنىنى تەڭ يۆتكەپ بېقىڭ،بۇ خىل تەڭشەشتىمۇ ئويلىمىغان ئۈنۈملەرگە ئېرىشىپ قالمىز.

بۇ خىل ئۇسۇلدا ئۈنگە ئالغان گىتتار ئاۋازى: چۈشۈرۈش

C-بۇ X-Y ئۈنگە ئېلىش ئۇسۇلى

X-Y ئۈنگە ئېلىش ئۇسۇلى ،يەنى ماس ھالدا ئۈنگە ئېلىش ئۇسۇلى ئەخمەقلەرچە ئىستىرولۇق  ئۈنگە ئېلىش ئۇسۇلىدۇر.ئەگەر سىز توغرا قەدەم باسقۇچلار بىلەن ئىككى مېكرافوننىڭ  ئەڭ مۇۋاپىق ئورۇننى تېپىپ،ياخشى ئۈنۈمگە ئېرىشىمەن دىيىشىڭىز بەكلا تەس ئىش.
ئىككى مېكرافوننى بىللە قويۇڭ،ئىككى مېكرافوننىڭ بىشى خۇددى بىر -بىرى بىلەن تىگىشىپ تۇرغاندەك قويۇلسۇن،ئارقا تەرىپىنىڭ گىرادۇس سانى 90-120 ئەتراپىدا بولسا بولىدۇ.قارىماققا V شەكلىگە ئوخشايدۇ،  ''3:1 قائىدىسى''    x-y تېخنىكسىغا ماس كەلمەيدۇ.
ئالدى بىلەن ئىككى مېكرافوننى گىتتار دەستىسىنىڭ 12- باغلام ئورۇنىغا  ئېكىلىڭ.ئەگەر سىزنىڭ ياخشى ئاۋازغا ئېلىش ئۆيىڭىز بولسا ئىككى مېكرافوننىڭ بىشىنىڭ ئارلىغىنى 5 سانتىمىتر قىلىڭ،بۇنداق بولغاندا ئاۋازغا ئېلىش مۇھىتىنىڭ ئاۋازلىرى تولۇق ئىپادىلىنىپ شۇنداق چىرايلىق ۋە تەببئى ئۈنۈمگە ئېرىشىسىز.گەرچە ياخشى ئاۋازغا ئېرىشىشنىڭ شەرىتى: گىتار،ئاۋازغا ئېلىش ئۆيى ياكى مېكرافون بولسىمۇ ئۆلچەملىك قىلىپ ئېيتقاندا ئىككى مېكرافوننى گىتتار دەستىسىنىڭ 12- باغلام ئورىنىغا قويۇپ ،گىتتار بىلەن مېكرافون ئارلىغىنى 18 سانتىمىتىر قىلىپ تەڭشەپ،ئوتتۇرا دولقۇن ئاۋازىنى تەكىتلىمەيمىز.چۈنكى بىر مېكرافون گىتتار تۆشىگىگە قارىتىلغان بولىدۇ ،يەنە بىر مېكرافون  يۇقۇرى چاستوتا مول بولغان گىتتار بوينىغا قارىتىلغان بولىدۇ.
تەجىربىدىن ئىسپاتلاندىكى ئۈچۈنجى خىل يەنى X-Y ئۈنگە ئېلىش ئۇسۇلى ئەڭ ياخشى چىقتى ،ئاۋاز تەببئى ،سىللىق،يىقىملىق .

بۇ خىل ئۇسۇلدا ئۈنگە ئالغان گىتتار ئاۋازى:  چۈشۈرۈش

ماكان مۇزىكا بىلىملىرى تورى
رۇخسەتسىز كۆچۈرۈشكە بولمايدۇ
ئېنگىلىسچە ئەسلى مەنبە:مەنبە

taklimakan

بۇ ھەقىقەتەن ئىسىل بىر بىلىم ئىكەن.

مەن بۇرۇن كۆپ ھالدا گىتتارنىڭ ئاۋاز تۆشىكىگە ئۇدۇللاپ ئاۋازغا ئالغان ئىكەنمەن .

بۇنىمۇ سىناپ باقسام بولغىدەك . رەھمەت سىزگە .

taklimakan

[ يوللانمىنى ئاخىرقى قېتىم تەھرىرلىگۈچى taklimakan ، ۋاقتى: 2008-10-17 01:45  ]

[ يوللانمىنى ئاخىرقى قېتىم تەھرىرلىگۈچى taklimakan ، ۋاقتى: 2008-10-17 01:45  ]

Sama

ياۋ  ~~~~~~~~~~
ناھايىتى ئۇزۇن بولدى گىتتارغا مۇناسىۋەتلىك تېمىنى ساقلىغىلى ، كۆپ رەھمەت سىزگە
پۇرسەت چىقىپ قالسا سىزنى مېھمان قىلمايدىغان بولسام خەپ ~~~~~

MUSICPRO

ماكان ئەپەندى سىزگە كۆپتىن كۆپ رەھمەت

ark-xir

ۋاي ،  ئالامەت   ياخشى  ئىشتىن  بىرنى  قىپسىز  جۇمۇ  ،   بىزدەك  چۈمۈچ   چالىدىغانلارغا  ناھايىتى  مۇھىم  بىلىمكەن  بۇ  .   

سەركە

ۋاھ بەك ياخشى بىلىمكەن بۇ مەن گىتار ئاۋازىنى ناچچە قېتىم ئۇنگە ئېلىپ پەقەت
ياخشى چىقرالمىغانتىم       ئەمدى قايتا بىر سىناپ باقايچۇ     ماكان ئەپەندى كوپ رەخمەت

salammusic

مەن سىناپ باقتىم لىكىن ئانچە ياخشى ئۈنۈمگە ئېرىشەلمىدىم

mamat106

كىلاسسىك گىتتارئاۋازىنىمۇ مۇشۇ ئۇسۇل بىلەن ئاۋازغا ئالساق بولامدۇ؟

makan

ئەسلى يوللانما salammusic تەرىپىدىن 2008-10-19 01:19 دە يوللانغان
مەن سىناپ باقتىم لىكىن ئانچە ياخشى ئۈنۈمگە ئېرىشەلمىدىم

مېكرافونىڭىز بىلىشىمچە خىلى ياخشى مېكرافونغۇ دەيمەن،مېكرافون بىلەن گىتتارنىڭ ئورنىنى ماس قەدەمدە تەڭشەپ ئاۋازغا ئىلىپ بېقىڭ،ئۇنىڭدىن كىيىن گىتتار ئاۋازىغا ئۈنۈم بېرىپ سىناپ بېقىڭ

makan

ئەسلى يوللانما mamat106 تەرىپىدىن 2008-10-19 10:08 دە يوللانغان
كىلاسسىك گىتتارئاۋازىنىمۇ مۇشۇ ئۇسۇل بىلەن ئاۋازغا ئالساق بولامدۇ؟

ئەلۋەتتە بولىدۇ

yarqin

كۆپ رەھمەت سىزگە

MusicSun

ماكان ئۇستام ! بۇ تىمىغا مۇناسىۋەتلىك بولمىسىمۇ سورىۋالاي دۇتتار،تەمبۇرقاتارلىق چالغۇلارنى ئاۋازغا ئېلىش تېخنىكىسىنىمۇ دەپ بەرگەن بولسىڭىز،رەھمەت سىزگە

makan

ئۇسـتاز دىسىڭىز خىجىل بولىمەن،ھەممەيلەن بىرلىكتە ئۈگۈنىۋاتىمىز
مىنىڭچە دۇتتار ،تەمبۇرىنىمۇ مۇشۇ ئۇسۇل بىلەن ئاۋازغا ئاسا ياخشى بولامدىكىن دەيمەن،لىكىن بۇ ئىككى سازىمىزنىڭ دەستىسى ئۇزۇن سىناق قىلىپ مۇشۇ بويىچە ئاۋازغا ئىلىپ بېقىڭ

تەكلىماكان

مىنىڭچە ئاۋاز ئېلىش ئۆيىڭىزنىڭ قۇرۇلىمىسى بىلەن مۇناسىۋەتلىك بۇلىشى مۇمكىن