جاھان ئاگېنتلىقى 13-ئاپرېل خەۋىرى؛ لەگلەك تورى تەرجىمىسى: كىرمېل ئاخبارات ئىشخانىسىدىن ئېلان قىلىنغان باياناتتا، روسىيە پرېزىدېنتى ۋىلادىمىر پۇتىننىڭ قارار چىقىرىشى بىلەن ئىرانغا S-300 ھاۋا مۇداپىئە سېستىمىسىنى تاپشۇرۇشنى توختىتىش قارارىنى بىكار قىلدى. پۇتىن ئىمزالىغان قارارنامىدە، روسىيەنىڭ 2010-يىلى 22-ئۆكتەبىردە ئىرانغا قۇرال تاپشۇرۇشنى توختىتىشىغا دائىر قارارىدىن S-300 نىڭ تاپشۇرۇلىشى چىقىرۋېلىندى. روسىيە ۋە ئىران 2007-يىلىدا S-300 ھاۋا مۇداپىئە سېستىمىسىنى سېتىش ھەققىدە كېلىشىم ئىمزالىغان. ئامېرىكا ۋە ئىسرائىلىيە كېلىشىمگە قاتتىق قارشىلىق بىلدۈرگەن، روسىيە 2010-يىلى بىرلەشكەن دۆلەتلەر تەشكىلاتى خەۋىپسىزلىك كېڭىشىنىڭ ئىرانغا قارىتا قۇرال ئىمبارگوسى قارارىنى ماقۇللىشىدىن كېيىن ، S-300 كېلىشىمىنى بىر تەرەپلىك توختاتقانلىقىنى ئېلان قىلغان ئىدى.
يەنە بىر تەرەپتىن روسىيە تاشقى ئىشلار مىنىسترى سېرجىي لاۋروف، S-300 ھاۋا مۇداپىئە سېستىمىسىنىڭ ئىسرائىلىيە ۋە رايۇندىكى باشقا دۆلەتلەرنىڭ بىخەتەرلىكىگە تەھدىت پەيدا قىلمايدىغانلىقىنى ئېيتتى. لاۋروف، ئىراننىڭ يەمەندە يۈز بەرگەن ۋەقەلەرگە قارىتا زامانىۋى ھاۋا مۇداپىئە سېستىمىسىغا ئىھتىياجلىق ئىكەنلىكىنى تەكىتلەپ، روسىيە S-300 نى تاپشۇرۇشتا ئىتىبار ۋە سودا-ئالاقىنى ئاساسى مەقسەت قىلىدۇ، ئىرانغا S-300 راكىتالىرىنىڭ تاپشۇرۇپ بېرىلىشىنى چەكلەش قارارى بىكار قىلىندى. دېدى.