پۇتبول تورى خەۋىرى لەگلەك تورى تەرجىمىسى 【يۇۋىنتىس كۇلۇبى 3-1 نەتىجە بىلەن كارىيال كۇلۇبىنى مەغلۇپ قىلىپ ئۇدا ئۈچ مەيدان ئۇتالماسلىق تارىخىنى ئاخىرلاشتۇردى.】 بېيجىڭ ۋاقتى 12-ئاينىڭ 19-كۈنى سەھەر سائەت ئىككىدە ئىتالىيە ئا دەرىجىلىكلەر بىرلەشمىسىنىڭ 16-ئايلانمىسىدىكى بىر مەيدان مۇسابىقىسى يۇۋىنتىس كۇلۇبى مېھمان بۇلۇپ كارىيال كۇلۇبى بىلەن ئېلىپ بېرىلدى. مۇسابىقە باشلىنىپ ئۈچ مىنۇت بولغاندا تېۋىز بىر توپ كىرگۈزدى. بىدال يەنە بىر توپ كىرگۈزۈپ نومۇر پەرقىنى چوڭايتتى. كېيىنكى يېرىم مەيداندا رولۇنتى يەنە بىر توپ كىرگۈزۈپ نەتىجىنى 3-0 قىلىپ ئۆزگەرتتى. كارىيال كۇلۇبىدىن روستىن بىر توپ قايتۇرۇۋالدى. ئاخىرىدا يۇۋىنتىس كۇلۇبى 3-1 نەتىجە بىلەن كارىيال كۇلۇبىنى مەغلۇپ قىلىپ ئۇدا ئۈچ مەيدان ئۇتالماسلىق تارىخىنى ئاخىرلاشتۇردى. 【مادرىد رىقابەت كۇلۇبى 2-2 نەتىجە بىلەن س دەرىجىلىك كۇلۇب بىلەن تەڭلىشىپ قالدى. ماندۇزىك ئىككى توپ كىرگۈزدى.】 بېيجىڭ ۋاقتى 12-ئاينىڭ 19-كۈنى سەھەر سائەت ئۈچ بولغاندا ئىسپانىيە شاھلىق لوڭقىسىنى تالىشىش 16 كۈچلۈككە كىرىش ھەل قىلغۇچ مۇسابىقىسىنىڭ ئىككىنچى قېتىملىق ئۇچرىشىشىنىڭ بىر مەيدان مۇسابىقىسى مادرىد رىقابەت كۇلۇبىنىڭ توپ مەيدانى كاردلون مەيدانىدا ئىسپانىيە س دەرىجىلىكلەر بىرلەشمىسىدىكى ئوسپىتالىت كۇلۇبى بىلەن ئېلىپ بېرىلدى. ئاخىرىدا مادرىد رىقابەت كۇلۇبى 2-2 تەڭلىشىپ قالدى. بىراق ئىككى قېتىملىق ئۇچرىشىشتىكى ئومۇمىي نومۇر 5-2 بولغاچقا قارشى تەرەپنى شاللىۋەتتى. 【ناپالوس كۇلۇبى 2-0 نەتىجىدە رەقىبىنى مەغلۇپ قىلدى. نومۇر تاختىسىنىڭ ئالدىنقى ئۈچىنچىلىك ئورنىغا قايتتى.】 بېيجىڭ ۋاقتى 12-ئاينىڭ 19-كۈنى سەھەردە ئىتالىيە ئا دەرىجىلىكلەر بىرلەشمىسىنىڭ 16-ئايلانمىسىدىكى بىر مەيدان مۇسابىقە ناپالوس كۇلۇبىنىڭ توپ مەيدانى سان پاۋلو دا پارما كۇلۇبى بىلەن ئېلىپ بېرىلدى. ئاخىرىدا ناپالوس كۇلۇبى 2-0 نەتىجە بىلەن پارما كۇلۇبىنى مەغلۇپ قىلىپ نومۇر تاختىسىنىڭ ئۈچىنچىلىك ئورنىغا قايتىپ كەلدى. 【ئىسپانىيە شاھلىق لوڭقىسى 16 كۈچلۈكنىڭ ئورۇنلاشتۇرلىشى: قوش مادرىدنىڭ ئۇچرىششپ قېلىشى】 ئىسپانىيە شاھلىق لوڭقىسىنى تالىشىش 16 كۈچلۈككە كىرىش مۇسابىقىسى ئاخىرلاشتى. كېيىنكى ئايلانمىدىكى ئورۇنلاشتۇرۇشمۇ مەيدانغا كەلدى. بۇنىڭ ئىچىدە كىشىنىڭ دىققىتىنى تارتىدىغىنى بولسا قوش مادرىد كۇلۇبلىرىنىڭ ئۇچرىشىپ قېلىشى. مادرىد رىقابەت كۇلۇبى بىلەن خان مادرىد كۇلۇبى 8 كۈچلۈكنى تالىشىش مۇسابىقىسىدە ئۇچرىشىدۇ. 【دۆلەت كوماندىلىرىنىڭ ئەڭ يېڭى رەت تەرتىپى ئېلان قىلىندى. جۇڭگۇ دۆلەت كوماندىسى ئىككى دەرىقە يۇقىرى كۆتۈرۈلدى.】 خەلقئارالىق پۇتبولچىلار بىرلەشمىسى 2014-يىلىنىڭ ئەڭ ئاخىرىدىكى دۆلەت كوماندىلىرىنىڭ رەت تەرتىپىنى ئېلان قىلدى. جۇڭگۇ دۆلەت كوماندىسى ئالدىنقى قېتىمغا قارىغاندا ئىككى دەرىجە يۇقىرى كۆتۈرۈلگەن بۇلۇپ بۇ قېتىمقى دەرىجىسى 97-ئورۇندا تۇردى. گېرمانىيە يەنە داۋاملىق بىرىنچى ئورۇننى ئىگەللەپ تۇردى.