پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 12-ئاينىڭ 16-كۈنى بىر ئەۋلاد رىۋايەتلىك توپچى ھېنرى ئۆزىنىڭ مىكرو بىلوگىدا رەسمىي ھالدا پۇتبولچىلىق ھاياتىدىن چېكىنگەنلىكىنى ئېلان قىلدى. ھەمدە ئۆزىنىڭ ئەنگىلىيە ھاۋا بوشلۇقى تەنتەربىيە تېلىۋىزىيە ئىستانسىسىدا چۈشەندۈرگۈچىلىك ۋەزىپىسىنى ئۆتەيدىغانلىقىنى بىلدۈردى. 

ھېنرىنىڭ مىكرو بىلوگىدا ئېلان قىلغان باياناتى:

20 يىل كەسپى پۇتبول تەپكەندىن كېيىن مەن ئۆزۈمنىڭ كەسپىي ھاياتىمنى ئاخىرلاشتۇرشنى قارار قىلدىم. مېنىڭ بۇ 20 يىللىق كەسپىي ھاياتىم ھەقىقەتەن ئەقىلغا سىغمۇدەك دەرىجىدە ئۆتتى. موناكو كۇلۇبىدىن باشلاپ يۇۋىنتىس، ئارسېنال كۇلۇبىغىچە، بارسېلونا، نىيۇ يورك قىزىل كالا كۇلۇبى ۋە فىرانسىيە دۆلەت كوماندىسىغىچە بولغان بۇ پۇتبولچىلىق ھاياتىمدا مەن مېنىڭ سەپداشلىرىم ۋە مېنىڭ توپ مەستانىلىرىمغا رەھمىتىمنى بىلدۈرىمەن. پەقەت سىلەر بولغاچ مېنىڭ پۇتولچىلىق ھاياتىم مۇشۇنداق ئالاھىدە ئۆتتى.

ھازىر باشقا بىر خىل تۇرمۇش ئۇسۇلىنى سىناپ باقىدىغان ۋاقىت كەلدى. مەن يەنە لوندونغا قايتىمەن. مەن ھاۋا بوشلۇقى تەنتەربىيىسىگە قوشۇلدۇم. مەن بۇنىڭدىن بەك خۇشال. بىر باھالىغۇچى بولۇش سۈپىتىم بىلەن مەن توپ مەستانىلىرىگە مېنىڭ پۇتبولغا بولغان كۆز قارىشىم ۋە پىكىرىمنى ھەمبەھىرلەيمەن. 

مېنىڭ كەسپىي ھاياتىم بەك قالتىس ئۆتتى. مەن بۇنىڭدىن ھۇزۇر ئالدىم. مېنىڭ پۇتبول ھاياتىم سىلەرگىمۇ ھۇزۇر ئاتا قىلالىغان بولۇشىنى ئۈمىد قىلىمەن.

خەير خوش دوستلار. كېيىن يەنە كۆرىشىمىز.

ھېنرى مىكرو بىلوگىدا يۇقىرىقى باياناتنى ئېلان قىلغاندىن كېيىن نۇرغۇن توپ مەستانىلىرى ھېنرىنىڭ بىلوگى ئاستىغا ئۆزلىرىنىڭ يۈرەك سۆزلىرىنى قالدۇرۇشتى. نۇرغۇن توپ مەستانىلىرى كۆز يېشى قىلىشىپ ھېنرىنى پۇتبول ساھەسىدىن ئۇزىتىپ قويدى.