پۇتبول تورى خەۋىرى، لەگلەك تورى تەرجىمىسى.

«بوشلۇق تەنتەربىيەسى» نىڭ خەۋەر قىلىشىچە، ياۋروپا پۇتبولچىلار بىرلەشمىسىنىڭ باش كاتىپى گىئاننى ئىنفانتىنو رەسمىي ھالدا كېلەركى پەسىللىك ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ كىچىك گۇرۇپپا مۇسابىقىسى چەك تارتىپ دەرىجىگە بۆلۈش قائىدىسىدە ئۆزگىرىش بولىدىغانلىقىنى جەزىملەشتۈردى. يېڭى قائىدە بويىچە بىرىنچى دەرىجىگە تىزىلىدىغان غوللۇق كوماندىلار ياۋروپا پۇتبولچىلار بىرلەشمىسى نومۇر تەرتىپى ( مۇسابىقىدىكى نومۇر تەرتىپى) ئالدىنقى يەتتە ئورۇندا تۇرىدىغان ھەر قايسى دۆلەت بىرلەشمە مۇسابىقىلىرىنىڭ چېمپىيۇنى ۋە ئۆتكەن يىلدىكى ياۋروپا ئۇزغۇنلۇقىنىڭ چېمپىيۇنى قاتارلىقلاردىن تەركىپ تاپىدۇ.

ئىنفانتىنو مۇنداق دېدى:« بۇ بولسا بۇ يىل ياۋروپا پۇتبولچىلار بىرلەشمىسى كۇلۇبلار مۇسابىقە ھەيئەت كومىتىتىنىڭ تەشەببۇسى بولۇپ، ئۇنىڭدىن كېيىنلا ياۋروپا پۇتبولچىلار بىرلەشمىسى ئىجرا قىلىش ھەيئەت كومىتىتىنىڭ تەستىقلىشغا ئېرىشتى. كېلەركى پەسىلدىن باشلاپ ، ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ كىچىك گۇرۇپپا مۇسابىقىسى دەرىجىگە ئايرىش تۈزۈمىدە خېلى ئۆزگۈرۈشلەر بولىدۇ.»

«كۇلۇبلار مۇسابىقە ھەيئەت كومىتىتى بۇ خىل تۈزۈم ھەر قايسى دۆلەت بىرلەشمە مۇسابىقىسىنىڭ چېمپىيونلىرىغا بىرىلگەن ئالاھىدە مۇكاپات ۋە ئىلھام بولىدۇ، دەپ قارايدۇ.»

« پۇتبولنىڭ مەقسىتى مۇسابىقىدە غەلبىنى قولغا كەلتۈرۈش. بۇ مۇشۇنداق رىقابەت خاراكتېرلىك تەنھەرىكەتنىڭ سېھرىي كۈچى. مېنىڭ بۇ خىل ئۆزگەرتىش تەبىئىيلا ئىش.»

بۇ خىل يېڭى ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ كىچىك گۇرۇپپا مۇسابىقىسى دەرىجىگە ئايرىش تۈزۈمىگە قارىتا ھەر قايسى يولدىكى ئاخبارات ۋاستىلىرىنىڭ قارىشىمۇ بىر خىل ئەمەس.

ھازىر ياۋروپا پۇتبولچىلار بىرلەشمىسىدە ئالدىنقى يەتتە ئورۇنغا تىزىلىدىغان بىرلەشمە مۇسابىقىلەر تۆۋەندىكىچە: ئىسپانىيە ئا دەرىجىلىكلەر بىرلەشمە مۇسابىقىسى، گېرمانىيە ئا دەرىجىلىكلەر بىرلەشمە مۇسابىقىسى، ئىتالىيە ئا دەرىجىلىكلەر بىرلەشمە مۇسابىقىسى، فىرانسىيە ئا دەرىجىلىكلەر بىرلەشمە مۇسابىقىسى، ئېنگىلاند دەرىجىدىن تاشقىرى بىرلەشمە مۇسابىقىسى، پورتۇگالىيە دەرىجىدىن تاشقىرى بىرلەشمە مۇسابىقىسى ۋە روسىيە دەرىجىدىن تاشقىرى بىرلەشمە مۇسابىقىسى.