خۇاۋېي پەن - تېخنىكىسى كەلگۈسى 5 يىلدا پۈتكۈل يەرشارىدىكى ئەقلىيفۇن بازىرىىنى ئىگەللەش نىسبىتىنى بىر ھەسسىدىن كۆپرەك ئاشۇرۇپ 15% كە يەتكۈزىدۇ، شۇنداقلا ئالما يانفۇنلىرىنىڭ سەۋىيەسىگە يەتكۈزۈپ، سامسۇڭ ئېلىكترونىغا جەڭ ئىلان قىلىدۇ دەپ مۆلچەرلىگەن.

خۇاۋېي ئىستىمالچىلار مۇلازىمەت بۆلۈمى سېتىشقا مەسئۇل مۇئاۋىن دېركىتور جاۋ ياڭ بىرلىندىكى IFA ئېلىكتىر مەھسۇلاتلىرى كۆرگەزمىسىگە قاتنىشىش ھارپىسىدا بىر مۇخبىرنىڭ زىيارىتىنى قوبۇل قىلىپ: "خۇاۋېي ئىككىنچى سەپتىن ئۈزۈپ چىقىپ ، بىرىنچى سەپتە ئالما بىلەن سامسۇڭغا جەڭ ئىلان قىلىشقا تىرىشىۋاتىدۇ" دېگەن. ئىككىنچى سەپتىكى كارخانا شىركەتلەردىن سونىي ۋە LG ئېلىكتورونى قاتارلىقلار بار. ئۇ يەنە بەش يىلغا نىسبەتەن بۇنىڭ ھەرگىزمۇ كۆپتۈرمە پىلان ھېسابلانمايدىغانلىقىنى بىلدۈرگەن.

خۇاۋېي ئالدىنقى پەيشەنبە كۈنى AscendMate 7 ئەقلىيفۇنىنى ئېلان قىلىپ، رىقابەتچىلىرىگە بىۋاستە جەڭ ئىلان قىلغان. بۇ يېڭى يانفۇننىڭ ئىكىرانى 6 سۇڭ بولۇپ، سامسۇڭنىڭ IFA دا ئىلان قىلغان يېڭى مەھسۇلاتىنىڭ ئىكىرانىدىن چوڭ. ئالما شىركېتىنىڭ كېلەر ھەپتە ئىلان قىلىنىدۇ دەپ پەرەز قىلىنىۋاتقان يېڭى يانفۇنىنىڭ ئىكىرانىدىنمۇ چوڭ. جاۋ ياڭ ، بۇ يانفۇنىنىڭ كىلەر يىلىدىن باشلاپ شىمالىي ئامېرىكىدا سېتىلىشقا باشلايدىغانلىقىنى ئىيىتقان.

خۇاۋېينىڭ يەنە بىر يۈرۈش يانفۇنى AscendG7 بولسا 5.5 سۇڭ چوڭلۇقتا، باھاسى 299 ياۋرۇ بولغان.