2014 – يىلى شىنجاڭ جامائەت خەۋپسىزلىكى ئاپپاراتى جەمئىيەتتىن 3000 نەپەر كەسپىي ئورۇن ئىشتاتىدىكى جەمئىيەت ئامانلىقى خادىمى قوبۇل قىلىدۇ، بۇ قېتىملىق قوبۇل قىلىش ئاقسۇ، ئالتاي، بايىنغولىن ئوبلاستى، بورتالا ئوبلاستى، سانجى، قۇمۇل، خوتەن، قەشقەر، قاراماي، قىزىلسۇ ئوبلاستى، تارباغاتاي ئوبلاستى، تۇرپان، ئۈرۈمچى ۋە غۇلجىنى ئۆز ئىچىگە ئالغان بولۇپ، جايلاردىن قوبۇل قىلىنىدىغان ئادەم سانى ۋە كونكرېت قوبۇل قىلىش تەلەپلىرى خىزمەت ئورنى جەدۋىلىدە كۆرسىتىلدى.

شەرتكە ئۇيغۇن كېلىدىغان خادىملار 20 – ئاۋغۇستتىن 27 – ئاۋغۇستقىچە توردا تىزىملاتسا بولىدۇ. توردا تىزىملاش ۋە ئىمتىھانغا قاتنىشىش كىنىشكىسىنى بېسىپ چىقىرىش شارائىتى بولمىغانلارغا ۋىلايەت، ئوبلاست، شەھەرلەردىكى ئادەم بايلىقى ۋە ئىجتىمائىي كاپالەت نازارىتى يېتەكچىلىك قىلىدۇ، شۇنداقلا ئالاقىدار ياردەمدە بولىدۇ.
يېزىقچە ئىمتىھان ۋاقتى 13 – سېنتەبىر، كونكرېت ۋاقتى ۋە ئورنىنى ئىمتىھانغا قاتنىشىش كىنىشكىسىدە كۆرسىتىلدى.

ئىمتىھانغا ئالاقىدار ئەھۋاللاردىن تەپسىلىي خەۋەردار بولماقچى بولغانلار شىنجاڭ مەمۇرلۇق ئىمتىھانى تورى (http://www.sdsgwy.com/xinji-ang/) غا چىقىپ، مەركۇز ئىمتىھانغا ئالاقىدار نىزامنامىنى كۆرسە بولىدۇ.