ھىندىستان ئارمىيەسىنىڭ ئالىي گېنىرالى، قۇرۇقلۇق ئارمىيەسىنىڭ ئىشتاب باشلىقى سىنگى 19-ئاۋغۇست: ھىندىستان تاراتقۇلىرى يېقىندا ئېلان قىلغان «جۇڭگو ئارمىيەسى ھىندىستان زېمىنىغا تاجاۋۇز قىلدى» دېگەن خەۋەر ساختا، ئەمەلىيەتتە بۇنداق ئىش يوق، دېدى. جۇڭگونىڭ مۇتەخەسسىسلىرى 19-ئاۋغۇست، بۇ پوزىتسىيە ھىندىستان تاراتقۇلىرىنىڭ جۇڭگو بىلەن ھىندىستاننىڭ چېگرا ماجراسى توغرىسىدىكى ئېغۋاگەرچىلىكىنى باستۇرۇپ، ھىندىستان دائىرلىرىنىڭ سىياسىي پاراسىتىنى نامايەن قىلدى، دەپ ھېسابلىدى.

ھىندىستاندا چىقىدىغان «سودا ئۆلچىمى گېزىتى»نىڭ 19-ئاۋغۇستتىكى خەۋىرىگە قارىغاندا، بىر مۇخبىر ھىندىستان قۇرۇقلۇق ئارمىيەسىنىڭ ئىشتاب باشلىقى سىنگىدىن «17-ئاۋغۇست جۇڭگو ئارمىيەسى ھىندىستان چېگراسىغا تاجاۋۇز قىلدى» دېگەن خەۋەرنى ئىسپاتلاپ بېرىشىنى تەلەپ قىلغان. گېنىرال سىنگى نەق مەيداندا جۇڭگو ئارمىيەسىنىڭ ھىندىستان چېگراسىغا تاجاۋۇز قىلغانلىقى توغرىسىدىكى خەۋەرلەرنى كەسكىنلىك بىلەن ئىنكار قىلغان، ھەمدە بىر قىسىم تاراتقۇلار بەرگەن خەۋەرنىڭ قىلچە ئاساسى يوق، ئۇنداق ئىش يۈز بەرمىدى دېگەن.

ھىندىستان تور ئاخبارات تېلېۋىزىيە ئىستانسىسى قاتارلىق ئاساسلىق تاراتقۇلار سىنگىنىڭ سۆزىنى دەرھەل ئېلان قىلدى، بىر قىسىمى دەماللىققا توردىكى «جۇڭگو ئارمىيەسى ھىندىستان چېگراسىغا تاجاۋۇز قىلدى» دېگەن خەۋىرىنى ئۆزگەرتەلمىدى، ئەمما «ھىندىستان ئارمىيەسى بۇ توغرىسدىكى خەۋەرلەرنى ئىنكار قىلدى» دېگەن مەزمۇنلارنى قوشتى، ئارقىدىن كۆپىنچە تاراتقۇلار ئىلگىرىكى خەۋەرنى ئۆزگەرتىپ، يېڭى خەۋەرنى چىقاردى.

بۇندىن ئىلگىرى ھىندىستان مەتبۇئات «تېرستى» قاتارلىق ھىندسىتاندىكى ئاساسلىق تاراتقۇلار خەۋەر بېرىپ، ھىندستاننىڭ چارلىغۇچىلىرى 17-ئاۋغۇست جۇڭگو ئارمىيەسىنىڭ ھىندسىتانغا تاجاۋۇز قىلغانلىقىنى بايقىدى، دېگەن ئىدى. خەۋەردە: جۇڭگو ئارمىيەسى 17-ئاۋغۇست ھىندىستان بىلەن جۇڭگو چېگراسىن 25 كىلومتېرىدىن 30 كىلومېتىرغىچە ھالقىغاندىن كېيىن، ھىندسىتان كونترول قىلىدىغان كەشمىرنىڭ شەرقىي جەنۇبىدىكى راداكقا كىرگەن، ئارقىدىن راداكنىڭ شىمالىدىكى دېپسان جىلغىسىغا كىرگەن. جۇڭگو ئازادلىق ئارمىيەسى دېڭىز يۈزىدىن 17 مىڭ مېتىر ئېگىزلىكتە 4 ھەربىي چىدىر تىكىپ، لاگېر بايرىقى چىقارغان، بايراقتا «بۇ جۇڭگونىڭ زېمىنى، بۇ يەردىن يوقۇلۇڭلار!» دېگەن سۆز يېزىلغان، جۇڭگو ئارمىيەسى شۇ يەردە بىر كۈن تۇرغاندىن كېيىن جۇڭگو چېگراسىغا قايتقان، دېيىلگەن.

ھىندىستان مەتبۇئات «تېرستى» خەۋەر بېرىپ مۇنداق دېگەن: ھىندىستاننىڭ تىز ئىنكاس قايتۇرۇش قسىمى تاجاۋۇز قىلغان جۇڭگو ئارمىيەسىگە زەربە بېرەلمىدى، چۈنكى ئۇلار زەربە بېرىشنى تاللىماي، لاگېرغا قايتىپ يۇقىرى دەرىجىلىك ئوفىتسېرغا ئەھۋالنى دوكلات قىلىپ، پۇرسەتنى قولدىن بېرىپ قويدى. بۇ ھىندىستان بىلەن جۇڭگو چېگراسىدىكى نازۇك رايوندا يۈز بەرگەن دۈشمەنلىشىشتىن بىر يىل كېيىن يۈز بەرگەن يېڭى ھەربىي ئىشلاردا دۈشمەنلىشىشنىڭ باشلىنىشى.

جۇڭگو جەنۇبىي ئاسىيا ئىلمىي جەمئىيىتىنىڭ باشلىقى سۈن شىخەي مۇنداق دېدى: ھىندىستان ئارمىيەسىنىڭ تېز سۈرئەتتە ھەقىقىي ئەھۋالنى ئىسپاتلاش ئۇسۇلى ھىندىستان جامائەتچىلىكىنىڭ ئوبيېكتىپ ۋە ئاشكارە بولۇشتىكى نەتىجىسى، بۇ ھىندىستان ھۆكۈمىتىنىڭ بۇ خىل ئاخبارات ئىشلىرىنى ھەل قىلىشتىكى كەسپچانلىقىنى نامايەن قىلدى. ھىندىستان مەتبۇئات «تېرستى» ھىندىستاندىكى ئەڭ چوڭ ئاگېنتلىق، بۇ خىل خاتا خەۋەر ئېلان قىلىش ئەھۋالى ناھايىتى ئاز كۆرۈلىدۇ. لېكىن ئۇلارنىڭ خەۋەرنى دەرھال توغرىلىشى، خاتالىقنى بىلىپ، ئۆزگەرتىشى ئۇلارنىڭ كەسىپي روھىنى نامايەن قىلدى. بۇ ئىش جۇڭگو بىلەن ھىندىستاندىن ئىبارەت ئىككى چوڭ دۆلەتنىڭ ئىككى تەرەپلىك مۇناسىۋەتنى ھەل قىلىش جەھەتتە تېخىمۇ پىشقانلىقىنى، تېخىمۇ پاراسەتلىك بولغانلىقىنى كۆرسىتىپ بېرىدۇ؛ تېخىمۇ مۇقىم ۋە ساغلام بولغان جۇڭگو-ھىندسىتان مۇناسىۋىتىنى قوغداش ئىككى دۆلەتكە پايدىلىق، بۇنى ھىندىستاندىكى بىر قىسىم ئەسەبىي مىللەتچىلەر ئاسانلىقچە ئۆزگەرتەلمەيدۇ.

كەشمىر جەنۇبىي ئاسىيا ئىككىنچى چوڭ قۇرۇقلۇقىنىڭ غەربىي شىمالىدا، چىڭخەي شىزاڭ ئىگېزلىكىنىڭ غەربىي ۋە جەنۇبىي ئاسىيانىڭ شىمالى چېگرالىنىدىغان بىر رايون بولۇپ، ھىندىستان، پاكىستان، جۇڭگو ۋە ئافغانىستاننىڭ ئارىسىغا جايلاغان، ئىلگىرى ئەنگلىيەگە مۇستەملىكىسىدىكى ھىندىستاننىڭ بىر ئىشتاتى ئىدى. ئۇنىڭ كۆپ قىسمىنى ھىندىستان بىلەن پاكىستان ئايرىپ كونترول قىلىدۇ، شەرقىي شىمالدىكى ئاقسايچىن بىلەن قارا قۇرۇم كارىدورىنى جۇڭگو كونترول قىلىدۇ، بۇ جاي شىنجاڭ ئۇيغۇر ئاپتوم رايونى، شىزاڭ ئاپتونۇم رايونىغا قوشۇۋېتىلگەن. بۇ جاي كەشمىر رايونىغا مەنسۇپ بولسىمۇ لېكىن ئىگىلىك ھوقۇقى ماجراسى مەۋجۇت ئەمەس.