سودا مىنستىرلىقى 14-ئىيۇل يېرىم كېچىدە خەۋەر ئېلان قىلىپ مۇنداق دېدى: دۇنيا سودا تەشكىلاتى شۈ كۈنى جەنۋەدە جۇڭگونىڭ ئامېرىكىنىڭ تولۇقلىما بېرىشكە قارشى تۇرۇش تەدبىرى دېلوسىدىكى مۇتەخەسسسلەر گۇرۇپپىسى دوكلاتىنى ئېلان قىلىپ، ئامېرىكىنىڭ جۇڭگونىڭ 22تۈرلۈك تولۇقلىما بېرىشكە قارشى تەدبىرىنىڭ كۆپ يەرلىرىدىكى قىلمىشىدا دۇنيا سودا تەشكىلاتى قائىدىسىگە خىلاپلىق قىلغانلىقى بېكىتىلدى، جۇڭگو سودا مىنستىرلىقى بۇنى قارشى ئالىدۇ.

دۇنيا سودا تەشكىلاتى مۇتەخەسسسلەر گۇرۇپپىسى دوكلاتنى ئېلان قىلغاندىن كېيىن، جۇڭگو سودا مىنستىرلىقى ئەھدىنامە قانۇن مەھكىمىسىنىڭ مەسئۇلى مۇنداق دەپ كۆرسەتتى: بۇ دېلو يىللىق ئېكسپورت سوممىسى يەتتە مىليارد200مىليون ئامېرىكا دوللىرى كېلىدىغان22 تۈرلۈك جۇڭگو مەھسۇلاتىغا چېتىلىدۇ، جۇڭگونىڭ زور سودا مەنپەئەتى بىلەن مۇناسىۋەتلىك. جۇڭگو ئامېرىكىنى دۇنيا سودا تەشكىلاتىنىڭ كېسىمىگە ھۆرمەت قىلىپ، سودا قۇتقۇزۇش تەدبىرىدىن قالايمىقان پايدىلىنىشتەك خاتا قىلمىشىنى تېزدىن ئۆزگەرتىپ، جۇڭگو كارخانىلىرىنىڭ ئادىل رىقابەتلىشىش مۇھىتىغا ھەقىقىي كاپالەتلىك قىلىشقا دەۋەت قىلىدۇ.

بۇ مەسئۇل كىشى يەنە مۇنداق دېدى: جۇڭگو ھازىر مۇتەخەسسلەر گۇرۇپپىسىنىڭ دوكلاتىنى باھالاۋاتىدۇ ھەمدە دۇنيا سودا تەشكىلاتى ماجرالىرىنى ھەل قىلىش تەرتىپىگە ئاساسەن كېيىنكى خىزمەتلەرنى ياخشى ئىشلەيدۇ.