قوراللىق توقۇنۇشتىن پاناھلىنىۋاتقان ئاھالىلەر

يەمەن ئىچكى ئىشلار مىنىستىرلىقى ئەمەلدارلىرىنىڭ 8-ئىيۇل ئېيتىشىچە ، يەمەن ھۆكۈمەت ئارمىيەسى بىلەن شىئە مەزھىپىدىكى قوراللىق تەشكىلات ئارىسىدا بولغان قوراللىق توقۇنۇشتا ، 300 دىن ئارتۇق ئادەم قازا قىلغان .

ئىگىلىنىشىچە ، يەمەن ھۆكۈمەت ئارمىيەسى بىلەن شىئە مەزھىپىدىكى قوراللىق ئۇنسۇرلار ئامران ئۆلكىسىدە 2013-يىلى 10-ئايدىن باشلاپ قوراللىق توقۇنۇشقان بولۇپ ، توقۇنۇش ھازىرغىچە داۋاملىشىپ ، 50 كىلومېتىر يىراقلىقتىكى پايتەخت سەنئا شەھىرىگىچە كېڭەيگەن . بىرلەشكەن دۆلەتلەر تەشكىلاتى ئىنسانپەرۋەرلىك ياردىمى ئاپپاراتىنىڭ ئېيتىشىچە، 2013-يىلى 10-ئايدىن بۇيان ، تەخمىنەن 40 مىڭدىن ئارتۇق ئاھالە ئۇرۇشتىن پاناھلىنىش ئۈچۈن ئامراندىن ئايرىلغان ، ئۇلارنىڭ نۇرغۇنلىرى تاغلىقلارغا يوشۇرۇنۇۋالغان بولۇپ ، نۆۋەتتە ، يېمەكلىك ۋە سۇ قىيىنچىلىقى تارتىۋېتىپتۇ .