ئامېرىكا تاراتقۇلىرىنىڭ خەۋىرىگە قارىغاندا ، ئامېرىكىدىكى 63 ياشلىق ئاكا–ئۇكا جارياڭلار دۇنيا بويىچە يېشى ئەڭ چوڭ تۇتاش تەنلىكلەر بولۇپ ، ئۇلارنىڭ تۆت بېلىكى ، تۆت پۇتى ، ئايرىم يۈرىكى ۋە ئاشقازىنى بار ئىكەن ، ئەمما ئۇلارنىڭ ھەزىم قىلىش يولى ، چوڭ ئۈچىيى ۋە جىنسىي ئەزاسى بىرلا ئىكەن .

بۇ بىر جۈپ ئاكا-ئۇكا 1951-يىلى ئوخېئو ئىشتاتىدا تۇغۇلغان بولۇپ ، توغۇلۇشىدا دوختۇرلار ئۇلارنى ئوپېراتسىيە قىلىپ ئايرىۋەتمەكچى بولغان ، ئەمما ئوپېراتسىيە پىلانى مۇۋەپپەقىيەتلىك بولمىغاچقا ، ئۇلار تاكى ئىككى ياشقا كىرگۈچە دوختۇرخانىدا ياشىغان . كېيىن دوختۇرلار ئوپېراتسىيە ئۇتۇقلۇق بولغاندىمۇ ، ئىككىيلەننىڭ تەڭ ھايات قالالىشىغا كاپالەتلىك قىلالمايدىغانلىقىنى ئېيتقان .شۇندىلا جارياڭلارنىڭ ئاتا-ئانىسى ئوپېراتسىيە قىلىشتىن ۋاز كېچىپ ، بۇ ئىككىيلەننىڭ تەڭ ھايات قىلىشىنى قارار قىلغان . شۇنىڭ بىلەن ئاكا-ئۇكا جارياڭلار شۇ تەرىقىدە 63 يىلنى بىرگە ئۆتكۈزگەن ۋە بۇكا ئىسىملىك تۇتاش تەنلىكلەرنىڭ 62 يىل سەككىز ئاي ياشىغانلىقىدەك رېكورتىنى بۇزۇپ ، دۇنيادىكى يېشى ئەڭ چوڭ تۇتاش تەنلىكلەر دېگەن نامغا ئېرىشكەن .

ئىگىلىنىشىچە ، جانياڭلار 1951–يىلى ئامېرىكىنى زىلزىلىگە سالغان . نۇرغۇنلىغان ‹‹ غارايىباتلار كۆرگەزمىسى ›› ئۇلارنىڭ ئاتا-ئانىسىغا تەكلىپنامە ئەۋەتىپ ، ئۇلارنى كۆرگەزمىگە قاتناشتۇرۇشنى ئېيتقان . گەرچە ئۇلار دەسلىپىدە رەت قىلغان بولىسمۇ ، ئەمما جانياڭلار ۋە باشقا يەتتە بالىنى بېقىش ئۈچۈن ، ئامالسىز ئۇلارنى كۆرگەزمىگە ئاپىرىپ پۇل تېپىشقا مەجبۇر بولغان . ئەينى ۋاقىتتا ئامېرىكىدىكى مەكتەپلەر بۇ ئاكا-ئۇكىنى مەكتەپكە ئېلىشقا قارشى تۇرغان . ئوقۇتقۇچىلار ئۇلارنى باشقا بالىلارنىڭ دىققىتىنى بۇزۇۋېتىدۇ دەپ قارىغان . شۇ سەۋەبدىن بۇ ئاكا-ئۇكا مەكتەپ قوينىدا بىلىم ئېلىش پۇرسىتىگە ئېرىشەلمىگەن . بۇ ئۇلارنىڭ ئۆمرىدىكى ئەڭ چوڭ ئەپسۇسلىنارلىق ئىشقا ئايلانغان .