6-ئاينىڭ 24-كۈنى، ئىسپانىيە ئوۋلاڭ تورىنىڭ ئاخباراتىدا خەۋەر قىلىشىچە، جۇڭگو بىلەن روسىيە ساياھەتچىلىرى بارسېلونادىكى ئەڭ ‹زەردار› ياۋروپادىن سىرتقى ئىستىمالچىلارغا ئايلاندى. بولۇپمۇ جۇڭگولۇقلار بۇ يىل يازدا روسىيەلىكلەرنىڭ Gracia كوچىسىدىكى (بارسېلونا شەھىرىنىڭ ئەڭ يۇقىرى دەرىجىلىك سودا سورۇنى) غوللۇق خېرىدار ئوبرازىنى بېسىپ چۈشتى. پەرەز قىلىنىشچە جۇڭگولۇق ساياھەتچىلەرنىڭ ئىستىمال قىممىتى ئۈزلۈكسىز ئاشىدىكەن.

بۇ يىل، ئىناۋەتلىك كارتا قوللىنىدىغان جۇڭگو ساياھەتچىلىرىنىڭ سانى %74 ئاشقان بولۇپ، بىرىنچى ئايدىن بەشىنچى ئايغىچە بولغان ئارىلىقتىكى ئىستىمال سوممىسى 27,800,000 ياۋرۇغا يەتكەن. بارسېلونا ساياھەت ئىدارىسىنىڭ ئەڭ يېڭى ماتېرىيالىغا قارىغاندا، 2013-يىلى ھەرقايسى چوڭ مېھمانخانىلاردىكى جۇڭگولۇق ساياھەتچىلەرنىڭ سانى % 6 ئاشقان، كېچە-كۈندۈز كۆتۈرەگە ئېلىش نىسبىتى % 23 ئاشقان، بۇنىڭدىن سىرت، مەرۋايىت دۇكىنى بىلەن داڭلىق ماركىلىق كىيىم دۇكانلىرى جۇڭگولۇق ساياھەتچىلەرنىڭ ئەڭ كۆپ قەدەم تەشرىپ قىلىدىغان سورۇنىغا ئايلانغان ئىكەن.

ساياھەتچىلار سانى ۋە ئىسىتمال ئومۇمىي سوممىسىنىڭ تەسىر كۈچى جەھەتتە، جۇڭگولۇق ساياھەتچىلەر يەنىلا بارسېلونادىكى ‹ئارتىسلار ساياھەت ماكانى› نىڭ ئارقىدىدا تۇرىدۇ. فرانسىيە، ئامېرىكا، ئىتالىيە ۋە ئەنگلىيە قاتارلىق دۆلەتلەر ئاللىبۇرۇنلا جۇڭگولۇق ‹زەردار› ساياھەتچىلىرى ‹بويسۇندۇرغان› ماكانغا ئايلانغان ئىدى. 2013-يىلى روسىيە بارسېلونادىكى كارتا ئىستىمالچىلىرىنىڭ بەشىنچى چوڭ دۆلەتكە ئايلانغانىدى، بۇنىڭ بىلەن بىرگە جۇڭگو 12-ئورۇندا تۇرۇپ، ئىستىمال سوممىسى 53,000,000 ياۋرۇغا يېتىپ، شىددەت بىلەن % 70 ئاشقان ئىدى.