مۇتەخەسسىسلەرنىڭ كۆرسىتىشىچە، كۆز ئەتراپى قارىداپ قېلىش ناچار تۇرمۇش ئادىتى بىلەن مۇناسىۋەتلىك ئىكەن. يەنى كېچىسى دائىم ئۇخلىماسلىق، زىيادە چارچاش، كەيپىياتى تۇراقسىز بولۇش قاتارلىقلار كۆز ئەتراپى قارىداپ قېلىشقا بىۋاسىتە سەۋەب بولىدىكەن. مۇنداق ئىككى خىل رېتسېپنى ئىشلەتكەندە، بۇنىڭ ئالدىنى ئالغىلى بولىدىكەن.

1.سەبدەگۈل (جۇخارگۈل) بىلەن ئالقاتنى قوشۇپ چاي دەملەپ ئىچىش. كونكرېت ئۇسۇلى: كۈزدە ئاپتاپتا قۇرۇتۇلغان كىچىك سەبدەگۈلدىن ئون گىرام، ئالقاتتىن بەش گىرام ئېلىپ، ئىككىسىنى 500 مىللىمېتىر قايناقسۇدا بەش مىنۇت دەملەپ، كۈندە بىرقانچە ۋاخ ئىچىپ بېرىش. بۇ رېتسېپ كومپيۇتېر ئالدىدا مەشغۇلات قىلىدىغانلارغىمۇ مەنپەئەت قىلىدۇ. سەبدەگۈلنىڭ جىگەرنى تازىلاش رولى بار، ئالقاتنىڭ تەركىبىدە مول ۋىتامىن B، C، كالتسىي، تۆمۈر قاتارلىق تەركىبلەر بولۇپ، جىگەرنى قۇۋۋەتلەش، بۆرەكنى ئاسراش، چىراي گۈزەللەشتۈرۈش رولى بار.

2.ئۇۋۇلاپ داۋالاش ئۇسۇلى. بۇ ئۈچ قىسىمغا بۆلۈپ ئېلىپ بېرىلىدۇ. بىرىنچى، باش بارماق سۇەنجۇ پەللىسى (قوشۇما ئارىلىقىدىكى سەل تېيىزرەك كەلگەن ئويمان قىسىم)نى بېسىپ ئىككى تەرەپكە بىرلىكتە ئون قېتىم سىيرىپ بېرىش. ئىككىنچى، ئوتتۇرا بارماق ياكى بىگىز بارماق بىلەن سىجۇكوڭ پەللىسى(قاشنىڭ قۇيرۇق تەرىپىدىكى سەل ئويمانراق كەلگەن جاي)نى ئاستا – ئاستا، يېنىك ئون قېتىم ئىچىگە قارىتىپ ئۇۋۇلاپ بېرىش كېرەك. ئۈچىنچى، ئوتتۇرا بارماق بىلەن چېكىنى يېنىك ھالدا يۈزنىڭ مەركىزىي قىسمىغا قارىتىپ ئۇۋۇلاپ بېرىش.

بۇ ئۇسۇللارنى بىر ئايدىن ئارتۇق داۋاملاشتۇرغاندا، ئۈنۈمى كۆرۈنەرلىك بولىدىكەن.