پىدىگەن يىگەندە شۆپىكىنى ئاقلىۋەتمەڭ. ۋىتامىن B ئىنتايىن پايدىلىق بولغان بىر خىل ماددا .دۆلىتىمىزدىكى كۆكتاتلار ئىچىدە پىدىگەندە، بولۇپمۇ ئۇنىڭ سۆسۈن رەڭلىك شۆپىكىدە ۋىتامىنB كۆپ .شۇڭا پىدىگەن يىگەندە شۆپىكىنى ئاقلىۋەتمەسلىك كېرەك.

قايناۋاتقان شورپىغا سوغوق سۇ قۇيماڭ. گۆش بىلەن سۆڭەكتە كۆپ مىقداردا ئاقسىل ۋە ماي بولۇپ، قايناۋاتقاندا سۇ قۇيۋەتسە، شورپىنىڭ تېمپېراتۇرىسى بىردىنلا تۆۋەنلەپ، ئاقسىل ۋە مايلار قېتىۋالىدۇ-دە، گۆش بىلەن سۆڭەكنىڭ ئارىسىدىكى بوشلۇق قىسقىراپ ئاسان يېپىشمايدۇ.ئەسلىدىكى مەززىلىك تەمىمۇ تەسىرگە ئۇچرايدۇ.

توڭلىتىلغان گۆشنى يۇقىرى تېمپېراتۇرىدا ئېرىتمەڭ. توڭلىتىلغان گۆشنى ئۇچاق يېنىدا قويۇپ ياكى قايناقسۇغا سېلىپ ئېرىتىشكە بولمايدۇ. چۈنكى گۆش قۇرۇلمىسى ئارىسىدىكى سۇ تەركىبى دەرھال ھۈجەيرىلەر تەرىپىدىن سۈمۈرۈلۈپ ئېقىپ چىقىدىغانلىقتىن گۆش ئەسلىدىكى سۈپىتىگە قايتالمايدۇ .يۇقىرى تېمپېراتۇرىلىق شارائىتتا، توڭلىتىلغان گۆشنىڭ يۈزىدە بىر قەۋەت قاتتىق پەردە پەيدا بولۇپ قالىدۇ-دە، گۆشنىڭ ئىچكى قىسمىدىكى تېمپېراتۇرىنىڭ تارقىلىشىغا تەسىر كۆرسىتىپ، باكتېرىيەلەرگە كۆپىيىش پۇرسىتى يارىتىپ بېرىدۇ. شۇنىڭ بىلەن گۆش ئاسانلا بۇزۇلۇپ قالىدۇ، توڭلىتىلغان گۆش ئەڭ ياخشىسى ئادەتتىكى تېمپېراتۇرىدا تەبىئى ئېرىشى كېرەك.

سەي قورۇغاندا ئاچچىقسۇ قۇيماڭ. كۆكتاتلاردىكى خىلروفىل ئەگەر كىسلاتالىق شارائىتتا قىزىتىلسا مالىكولىلار ئارىسىدىكى ماگنىي ئىئىونلىرىنىڭ ئورنىنى كىسلاتا تەركىبىدىكى ئوكسىگېن ئىئونلىرى ئىگىلەپ، كۆكتاتلارنىڭ ئوزۇقلۇق قىممىتىنى زور دەرىجىدە تۆۋەنلىتىۋېتىدۇ.

تەركىبىدە كىسلاتا، ئىشقار بولغان يېمەكلىكلەرگە تېتىتقۇ سالماڭ. تەركىبىدە كىسلاتا بولغان يېمەكلىكلەرگە تېتىتقۇ سېلىپ قىزىتقاندا، كىسلاتا ئامىنو كىسلاتاسىغا ئۆزگىرىپ كېتىدۇ، بۇنداق بولغاندا كىسلاتالىق تەم ئاجىزلىشىش ئۇياقتا تۇرسۇن، ئەكىسچە ئادەم بەدىنىگە زىيان يەتكۈزىدۇ.تېتىتقۇنى ئىشقارلىق يېمەكلىكلەرگە سالغاندا، تەمىنى ئاجىزلاشتۇرۇش رولىنى ئوينىغاچقا، يىمەكلىكلەرنىڭ مەززىلىك تەمى يوقاپ كىتىدۇ.

تۇخۇمنى سۇدا بەك ئۇزۇن پۇشۇرماڭ. تۇخۇمنى سۇدا بەك ئۇزۇن پۇشۇرۋەتسە تۇخۇم سېرىقىنىڭ رەڭگى قارامتۇل يېشىل رەڭگە كىرىپ قالىدۇ. بۇ تۇخۇم سېرىقى تەركىبىدىكى تۆمۈر ئىئونلىرى بىلەن تۇخۇم تەركىبىدىكى گۈڭگۈرت ئىئونلىرى رىئاكسىيەلىشىپ، تۆمۈر سولفات كىسلاتاسى ھاسىل بولغانلىقىنىڭ نەتىجىسىدۇر.بۇ ماددىنى ئادەم بەدىنى ئاسان قۇبۇل قىلالمايلا قالماستىن، تۇخۇمىنڭ ئوزۇقلۇق قىممىتىمۇ تۆۋەنلەپ كېتىدۇ.

ئاليومىن، تۆمۈردىن ياسالغان قازان-قۇمۇشلارنى ئارلاشتۇرۇپ ئىشلەتمەڭ. ئاليومىندىن ياسالغان بۇيۇملار تۆمۈردىن ياسالغان بۇيۇمدىن يۇمشاق بولدۇ. مەسىلەن :سەي قورۇيدىغان قازان تۆمۈردىن، ساپلىق ئاليومىندىن ياسالغان بولسا يۇمشاق ئاليومىندىن ياسالغان ساپلىق ناھايىتى ئاسانلا ئۇپراپ، سەيگە ئارلىشىپ كېتىدۇ . ئاليومىننى ھەددىدىن ئارتۇق ئىستېمال قىلىش زىيانلىق.