يېقىندا چەتئەل تاراتقۇلىرى ئالما شىركېتىنىڭ مودا مەھسۇلاتلىرىدىن iWatch نىڭ لايىھە تەسەۋۋۇرىنى ئېلان قىلدى: iWatch يېڭى بىر ئەۋلاد نازۇك تاقالما ئەسۋاب بولۇپ، چوڭ ۋە سىيلىق سەزمە ئىكىران سەپلەنگەن.

مەزكۇر ئەسۋابتا ئىشلەتكۈچىلەر IOS نىڭ سۈكۈتتىكى نۇرغۇن ئىقتىدارلىرىنى ئىشلىتەلەيدۇ. ئەمەلىيەتتە، iWatch ئىنتايىن كىچىك بولۇشىغا قارىماي، iPhone دىكى ئۇچۇر يوللاش، تېلېفۇن ئۇرۇش- قوبۇللاش، مۇزىكا ئاڭلاش... قاتارلىق نۇرغۇن ئىقتىدارلارنى ھازىرلىغان.

iWatch قا رىۋايەتلەردىكى IOS 8 Healthbook دېتالى سەپلەنگەن بولۇپ، مەزكۇر لايىچە تەسەۋۇرى iPhone نىڭ ئاساسىي كونۇپكا، ئاۋاز كونۇپكىسى،ئېلىكتېر مەنبە كونۇپكىسى قاتارلىق ئىقتىدارلىرىنىمۇ ئۆز ئىچىگە ئالغان. مەزكۇر iWatch (سائەت) ھەتتا SIM كارتىنىمۇ قوللايدۇ، دېمەك، iPhone غا ئۇلانمىغان ئەھۋال ئاستىدىمۇ iWatch دەپ ئاتىلىدىغان قول سائىتىمىز بىلەن تېلېفۇن مەشغۇلاتلىرىنى تولۇق قىلالايمىز.

ئىگىللىنىشىچە، ئالما بۇ يىل كېيىنرەك iWatch نى ئېلان قىلىدىكەن. بۇ ئەسۋاب باشقا IOS مەھسۇلاتلىرىنىڭ قوشۇمچىسى سۈپىتىدە ئابونىتلارنىڭ تەن سالامەتلىك ئۇچۇرلىرىنى ئىگىللەش، تەن ساغلاملاشتۇرۇش پائالىيەتلىرىنى ئىز قوغلاپ تەھلىل قىلىش، ئەقلىي ئەسكەرتىش قاتارلىق نوقتىلاردا ئۆز رولىنى جارى قىلدۇرىدۇ.

تۆۋەندە مەزكۇر iWatch نىڭ لايىھە تەسەۋۋۇر فىلىمىنى كۆرۈپ باقايلى.