خەلقئارا لىنيەسى خەۋىرى  لەگلەك تورى تەرجىمىسى  ، ئەنگىليە‹‹كۈندىلىك پوچتا گېزىتى››نىڭ 5-ئاينىڭ21-كۈندىكى ئۇنۋېرسال خەۋىرىگە ئاساسلانغاندا، نەچچە كۈن ئىلگىرى ھىندىستان كونتىروللىقدىكى كەشمىر رايونىدا 4 يىل ئۇزۇنغا سوزۇلغان قىسقا ئۇچۇرنى چەكلەش بۇيرۇقى بىكار قىلىنغان. بۇندىن بۇرۇن يالغان خەۋەر تارقىلىشنىڭ ئالدىنى ئېلىش ئۈچۈن مەزكۇر رايوندا 2010-يىلى 12-ئايدىن باشلاپ  5 مىليون ئابونىتنىڭ قىسقا ئۇچۇر يوللىشنى چەكلىگەن ئىدى. 

نەچچە كۈن ئىلگىرى ، ھىندىستان كونتىروللىقدىكى كەشمىر رايوندىكى ھۆكۈمەتنىڭ دىيشىچە، بىخەتەرلىك ھالىتىنى تېخىمۇ يۇقىرى كۆتۈرۈش ئۈچۈن، مەزكۇر رايوندىكى قىسقا ئۇچۇرنى چەكلەش بۇيرۇقى بۈگۈندن باشلاپ بىكار قىلنىدىكەن. بەزى ئۇچۇردىن خەۋەردار زاتلارنىڭ ئاشكارلىشىچە، ھىندىستان كونتىروللىقدىكى كەشمىر رايونىنىڭ رەئىسى ئۆمەر ئابدۇللا تېلېگىراف مۇلازىمەت سودىگەرلىرىگە ئۇقتۇرۇش قىلىپ خەلىققە قىسقا ئۇچۇر مۇلازىمتىنى ئەسلىگە كەلتۈرۈپ بېرىشنى تەلەپ قىلغان.

بىراق بەزىلەر گۇماللىنىپ بۇ خىل قىلمىش ئاساسلىقى ئۆتكۈزۈلش ئالدىدا تۇرغان سايلامدا سىياسىي پارتىيەنىڭ تېخىمۇ كۆپ بىلەتكە ئېرشىشى ئۈچۈن بولغان دەپ غۇلغۇلا قىلىشماقتا. بۇندىن باشقا يەنە بەزىلەرنىڭ قارشىچە ئىلكتىرونلۇق ئىقتىدارغا ئىگە تېلفۇنلارنىڭ قوللىنىشچان پىروگىراممىلىرنىڭ ئېچىلىشىغا ئەگىشىپ، كىشىلەر ھازىر كۆپ خىل ئۇسۇلدا ئالاقىلشالايدىغان بولدى، ھازىر قىسقا ئۇچۇرنى چەكلەشنىڭمۇ ھېچقانداق ئەھمىيتى قالمىدى. 

2010-يىلى ھىندىستان ئارمىيسى 3 نەپەر مۇسۇلماننى ئۆلتۈرۋەتكەنلىكى تۈپەيلى كەشمىر تاغلىق رايونىدا ناھايتى زور كۆلەملىك نامايىش بولغان ھەمدە ئەڭ ئاخىردا تەرەققى قىلىپ زوراۋانلىق مالمانچىلقىغا ئايلانغان. ئەينى ۋاقىتتا بەزى ئۇچۇرلاردا دىيلىشچە، سىياسىي داۋالغۇش مەزگىلىدە، ئوپچە ئۇچۇر تارقىتىش مۇلازىمتى يالغان-ياۋداق خەۋەر تارقىتىش ۋاستىسى قىلىپ قوللىنلىپ نارازلىق بىلدۈرگۈچلەرنىڭ كەيپىياتىنى تېخىمۇ ئۆرلىتۋەتكەن.2010-يىلى 12-ئايدىن باشلاپ شۇ جايلىق ھۆكۈمەت چەكلەش بۇيرۇقى ئېلان قىلىپ، ھىندىستان كونتىروللىقدىكى كەشمىر رايونىدا ئاممىنىڭ تېلفۇندا قىسقا ئۇچۇر يوللىشنى چەكلىگەن ئىدى.