ئۇكرائىنانىڭ شەرقىدىكى شەھەر دونېتسكتىكى نەچچە يۈز رۇسىيە تەرەپدارلىرى 27-ئاپرېل چۈشتىن كېيىن ئوبلاستلىق رادىيو-تېلېۋىزىيە ئىستانسىسىنىڭ بىناسىنى ئىگىلىۋالغان.

خەۋەر قىلىنىشىچە، نامايىشچىلار دەرۋازىنى بۇزۇپ رادىيو-تېلېۋىزىيە ئىستانسىسى بىناسىغا بۆسۈپ كىرگەن، بىنانىڭ يېنىدىكى 30 نەپەر ئۇكرائىنا ساقچىسى بىر چەتتە قاراپ تۇرۇپ، كۆز ئالدىدا يۈر بەرگەن بۇ ئىشلارغا ئارىلاشمىغان.

500 نەپەر رۇسىيە تەرەپدارى بىنانىڭ ئالدىدا «سلاۋيانسك قەھرىمان شەھەر»، «كيېۋ دونېتسكنى باشقۇرالمايدۇ» دېگەندەك شۇئارلارنى توۋلاپ، بىنا ئۈستىگە «دونېتسك خەلق جۇمھۇرىيىتى»نىڭ بايرىقىنى قادىغان . نامايىشچىلار يەنە ئۇكرائىنا تېلېۋىزىيە ئىستانسىسىنىڭ پىروگراممىلىرىنى توختىتىپ، رۇسىيە تېلېۋىزىيە ئىستانسىسىنىڭ پىروگراممىسىنى تارقىتىشنى تەلەپ قىلغان.

ئىگىلىنىشىچە، رۇسىيە تەرەپدارلىرى بىر قانچە كۈن بۇرۇن دونېتسكتىكى لېنىن مەيدانىدا يىغىلىش ئۆتكۈزۈپ، يەرلىك تېلېۋىزىيە ئىستانسىسىنىڭ ئۆزلىرىگە سۆز قىلىش پۇرسىتى بەرمەي، نۆۋەتتە يۈز بېرىۋاتقان ئىشلارنى توغرا خەۋەر قىلمىغانلىقىغا نارازىلىق بىلدۈرگەن.

ئۇكرائىنانىڭ شەرقىدىكى شەھەر دونېتسكتىكى نەچچە يۈز رۇسىيە تەرەپدارلىرى 27-ئاپرېل چۈشتىن كېيىن ئوبلاستلىق رادىيو-تېلېۋىزىيە ئىستانسىسىنىڭ بىناسىنى ئىگىلىۋالغان.