جۇڭگو ئاخبارات تورىنىڭ 23-مارتتىكى خەۋىرى، چەتئەل مېدىيەلىرىنىڭ خەۋىرىگە ئاساسلانغاندا، خەلقئارا پۇل فوندى تەشكىلاتى 22-مارت بىلدۈرۈشىچە، ئۇرۇش ۋە نېفىت باھاسىنىڭ كاسات بولۇشى ئوتتۇرا شەرق ۋە ئوتتۇرا ئاسىيانىڭ ئىقتىسادىي ئېشىش يۈزلىنىشىنى ئاجىزلاتقان، ئەل ئارىسىدىكى تارماقلارنىڭ ئىشلەپچىقىرىش كۈچىنى يۇقىرى كۆتۈرۈپ، مەزكۇر رايوننىڭ «يېڭى ئادەتتىكىچە» ھالەتكە پېتىپ قېلىشىدىن ساقلىنىش زۆرۈر ئىكەن.

پۇل فوندى تەشكىلاتىنىڭ يېڭى دوكلاتىدا دېيىلىشىچە، بارلىق يېڭىدىن گۈللەنگەن بازارلار كەلگۈسى بەش يىللىق ئىقتىسادىي ئېشىشى ئاجىزلاش ۋەزىيىتىگە دۇچ كېلىدىكەن، ئەمما ئوتتۇرا شەرق ۋە ئوتتۇرا ئاسىيا دۆلەتلىرىنىڭ ئىقتىسادىي ئېشىش نىسبتى يېڭىدىن گۈللەنگەن بازارلار ۋە تەرەققىيات قىلىۋاتقان دۆلەتلەرنىڭ ئوتتۇرىچە سەۋىيەسىدىن %1.25 تۆۋەن بولىدىكەن.

تەھلىلدە دېيىلىشىچە، ئوتتۇرا شەرقتىكى قىسمەن دۆلەتلەر توقۇنۇشقا چوڭقۇر پېتىپ قالغان بولۇپ، نەچچە مىليون مۇساپىر قېچىپ چىققان، پۈتكۈل رايون ئىقتىسادى زەربىگە ئۇچرىغان.

بىرلا ۋاقىتتا، نېفىت باھاسى نىسبەتەن ئۇزۇن مەزگىلدە نىسبەتەن تۆۋەن باھا سەۋىيەسىدە تۇرۇشتەك يېڭى رېئاللىق نېفىت ئېكسپورت قىلغۇچى دۆلەتلەرنىڭ ئۇزۇن مەزگىللىك ئىقتىسادىي ئېشىشىنىڭ كەلگۈسىنى چەكلىگەن، ئۇلارنىڭ نېفىتنى مەركەز قىلغان ئىقتىسادىي ئېشىش ئەندىزىسىنى ساقلاش تەسكە چۈشكەن.

خەلقئارا پۇل فوندى تەشكىلاتىنىڭ كۆرسىتىشىچە، مەزكۇر رايوندىكى نېفىت ئېكسپورت قىلغۇچى دۆلەتلەر چىقىمنى ئازايتىشقا مەجبۇر بولغان، ئەسلىدە نېفىت كىرىمى ئارقىلىق يۆلەۋاتقان كۈنسېرى ئېشىۋاتقان ئاممىۋى تارماقلارنىڭ ئىشقا ئورۇنلاشتۇرۇشىنى ئازايتقان، بۇ سەۋەبلىك تۇرمۇش سەۋىيەسى ۋە ئىقتىسادىي ئېشىش كەلگۈسى بېسىمغا ئۇچرىغان.