دۆلەتلىك تەنتەربىيە باش ئىدارىسىنىڭ ئېلان قىلغان « 2014-يىللىق پۇقرالارنىڭ بەدەن ساپاسىنى تەكشۈرۈش دوكلاتى » غا ئاساسلانغاندا، شىنجاڭلىقلارنىڭ بەدەن ساپاسىنىڭ ئۇنىۋېرسال كۆرسەتكۈچى 96.33 بولۇپ،پۈتۈن مەملىكەتتە 28- يەنى ئارقىدىن سانىغاندا 4-ئورۇندا تۇرغان. ئالدىنقى ئىككى قېتىملىق (2005 ۋە 2010) تەكشۈرۈش نەتىجىسىنى بىرلەشتۈرۈپ قارىغاندا، شىنجاڭلىقلارنىڭ بەدەن ساپاسى مەملىكەت بۇيىچە تۆۋەن سەۋىيەدە بولغان .

     شىنجاڭ تەنتەربىيە پەن تەتقىقات ئورنىدىكى ئالاقىدار خىزمەتكە مەسئۇل مۇتەخەسسىس چۈشەندۈرۈپ ، شىنجاڭلىقلارنىڭ بەدەن ساپاسىنىڭ ياخشى بولماسلىقتىكى سەۋەب،شىنجاڭنىڭ قىش پەسلى ئۇزۇن،پۇقرالارنىڭ سىرتقا چىقىپ ھەرىكەت قىلىش پۇرسىتى ئاز بولغانلىقتىن،بۇنىڭدىن سىرت، شىنجاڭلىقلارنىڭ كۆپىنچىسى يۇقىرى ئىسسىقلىق ۋە تۇز مىقدارى يۇقىرى بولغان يېمەكلىكلەرنى ياقتۇرۇپ ئىستېمال قىلىدۇ،شۇڭا تېز سۈرەتتە سەمرىش بىلەن بىرگە بەدەن ساپاسى تۆۋەنلەپ كېتىدۇ،دېدى.

        بۇ قېتىملىق تەكشۈرۈش نەتىجىسىنىڭ ئوبيېكتىپلىقىنى كۆزدە تۇتۇپ،شىنجاڭ تەنتەربىيە پەن تەتقىقات ئورنىدىكى ئالاقىدار خىزمەتچىلەر ئاپتونوم رايونىمىزنىڭ شەھەر ۋە ئوبلاستنى ئۆز ئىچىگە ئالغان 6 چوڭ رايونىدىن بولۇپ، ھەر ساھە كىشىلىرىدىن ئىختىيارىي تاللاپ تەكشۈرگەن. تەكشۈرۈش نەتىجىسىدىن كۆرۈۋېلىشقا بولىدۇكى،ئەرلەرنىڭ بەدەن ساپاسى ئاياللاردىن، يېزا كەنت پۇقرالىرىنىڭ بەدەن ساپاسى شەھەرلىكلەردىن ياخشى بولۇپ چىققان،بۇ ئەرلەرنىڭ بەدەن ئىقتىدارى جەھەتتىكى ئارتۇقچىلىقى ۋە يېزا كەنتلەردىكى سىرتقى ئەمگەك ۋاقتىنىڭ ئۇزۇن، قېتىم سانىنىڭ كۆپ بولۇشى بىلەن مۇناسىۋەتلىك.

      2010-يىللىق تەكشۈرۈش نەتىجىسىگە سېلىشتۇرغاندا بۇ قېتىملىق نەتىجىدە دۆلىتىمىز پۇقرالىرىنىڭ بەدەن ساپاسى ئومۇمىي يۈزلۈك ئاشقان،بىراق شىنجاڭلىقلارنىڭ بەدەن ساپاسىنىڭ ئۇنىۋېرسال كۆرسەتكۈچى 2010- يىلدىكى كەينىدىن سانىغاندا 6- ئورۇندىن 4-ئورۇنغا چۈشۈپ قالغان...

         مۇتەخەسسىسلەر ياش-ئۆسمۈرلەرگە كۈندە ھەرىكەت قىلىشنى داۋاملاشتۇرۇش،قۇرامىغا يەتكەنلەر بولسا بىر ھەپتىدە ئاز دېگەندە 2 ياكى 3 قېتىم تەنھەرىكەت بىلەن شۇغۇللىنىش،ھەر قېتىملىق ھەرىكەت قىلىش ۋاقتى 1 سائەتتىن ئاز بولماسلىق،ئەڭ مۇھىمى بەدەن چېنىقتۇرۇشنى ئادەتكە ئايلاندۇرغاندىلا ئاندىن بەدەن ساپانى يۇقىرى كۆتۈرگىلى بولىدىغانلىقىنى تەۋسىيە قىلدى.