مەركىزىي ئىنتىزام تەكشۈرۈش كومىتېتى، مەمۇرىي تەپتىش مىنىستىرلىقىنىڭ تور بېكىتىدىكى خەۋەرگە ئاساسلانغاندا، مەركىزىي كومىتېتنىڭ تەستىقى بىلەن، ج ك پ مەركىزىي ئىنتىزام تەكشۈرۈش كومىتېتى جۇڭگو جەنۇب ئاۋىئاتسىيە گۇرۇھ شىركىتى پارتگۇرۇپپىسىنىڭ سابىق مۇئاۋىن شۇجىسى، باش دېرىكتورى سى شيەنمىننىڭ ئىنتىزامغا ئېغىر خىلاپلىق قىلىش مەسىلىسىنى دېلو تۇرغۇزۇپ تەكشۈرگەن.

        « جۇڭگو كوممۇنىستىك پارتىيەسىنىڭ ئىنتىزام جازاسى نىزامى » قاتارلىق ئالاقىدار بەلگىلىمىلەرگە ئاساسەن، مەركىزىي ئىنتىزام تەكشۈرۈش كومىتېتى دائىمىي كومىتېتىنىڭ قاراپ چىقىشى ھەم ج ك پ مەركىزىي كومىتېتى تەستىقلىشى بىلەن سى شيەنمىنگە پارتىيەدىن قوغلاش؛ مەمۇرىي تەپتىش مىنىستىرلىقى گوۋۇيۈەننىڭ تەستىقلىشى بىلەن مەمۇرىي ۋەزىپىسىدىن ئېلىپ تاشلاش؛ ئىنتىزامغا خىلاپلىق قىلىپ قولغا ئېرىشكەن مال – مۈلكى مۇسادىرە قىلىش؛ جىنايەتكە ياتىدىغان مەسىلىسى، يىپ ئۇچى ۋە جىنايەتكە چېتىشلىق پۇل ۋە ماللارنى ئەدلىيە ئورگانلىرىنىڭ قانۇن بويىچە بىر تەرەپ قىلىشىغا ئۆتكۈزۈپ بېرىشنى قارار قىلىندى.