ئىراننىڭ يادرو كېلىشىمى ئىجرا قىلىنىدىغان كۈنى تېھران كوچىلىرىغا جىمجىتلىققا چۆمدى. سودا سارايلىرىنىڭ چىراغلىرى يورۇق بولدى، كىشىلەر توپ-توپ بولۇپ كوچا ئايلاندى، يوللار ئاۋۋالقىدەكلا قىستاڭچىلىق بولدى. تەبرىكلەش پائالىيەتلىرى ئۆتكۈزۈلمىدى، ئۇنداقتا ئىران ئاممىسى بۇ ئىشقا زادى قانداق پوزىتسىيە تۇتتى؟

      ئىراننىڭ پايتەختى تېھراننىڭ كوچىلىرى 17-يانۋار كەچتە بۇرۇنقىغا ئوخشاشلا بولدى، يەنى سودا سارايلىرىنىڭ چىراغلىرى يورۇق بولدى، كىشىلەر توپ-توپ بولۇپ كوچا ئايلاندى، يوللار ئاۋۋالقىدەكلا قىستاڭچىلىق بولدى.

         بۇ ئادەتتىكىچە كۆرۈنىدۇ، شۇنداقلا يەنە ئادەتتىكىچىمۇ ئەمەس. كىشىلەر ئەسلىدە قىزىپ كەتكەن تەبرىكلەش پائالىيەتلىرى ئۆتكۈزۈلىدۇ ياكى ئامما ئىراننىڭ دۆلەت بايرىقىنى كۆتۈرۈۋېلىپ، بىر يەرگە يىغىلىپ شادىيانە ناخشىلارنى ئېيتىدۇ، يوللار ماشىنا سىگناللىرى بىلەن توشۇپ كېتىدۇ، كىشىلەر ھاياجانلىق ھېسلىرىنى تېخىمۇ ئىپادىلەيدۇ دەپ پەرەز قىلغان ئىدى. ئىشقىلىپ، 16-يانۋار ئۆتۈپ كەتكەندىن كېيىن، ئىراننىڭ يادرو مەسىلىسى ئومۇميۈزلۈك كېلىشىمى رەسمىي ئىجرا قىلىندى، غەرب ئەللىرىنىڭ ئىرانغا قاراتقان ئىقتىسادىي جازاسى بىكار قىلىندى، ئىران ئاممىسىنىڭ بۇنى كۈتۈپ كەلگىنىگە ئۇزۇن بولغان ئىدى.

       لېكىن بۇ ئىشلارنىڭ ھەممىسى يەنىلا يۈز بەرمىدى، تېھران ئاھالىلىرى بۇ خۇشخەۋەرنى جىمجىتلىق ئىچىدە قوبۇل قىلدى. بەزىلەر 16-يانۋار خەۋەر ئېلان قىلغان ۋاقىت بەك كېچىكتى، 17-يانۋارغا كەلگەندە ئاممىنىڭ قىزغىنلىقى سۇس بولدى دېدى، يەنە بەزىلەر بۇلتۇر 2-ئاپرېل ئىراننىڭ يادرو مەسىلىسى رامكا كېلىشىمى، 14-ئىيۇل ئومۇميۈزلۈك كېلىشىم ھاسىل قىلىنغاندا، تېھران ئاممىسى ئىككى قېتىم بەك تەبرىكلىگەن دېدى، يەنە بەزىلەر بۇ پۈتۈنلەي قىش كېچىسىدىكى قەھرىتان سوغۇقنىڭ سەۋەبىدىن بولدى دېدى.  بىراق مۇخبىر زىيارەت داۋامىدا شۇنى ھەقىقىي ھېس قىلدىكى، تېھران ئاممىسىنىڭ ئىراننىڭ يادرو مەسىلىسى كېلىشىمىگە تۇتقان پوزىتسىيەسىدە ئۆتكەن يېرىم يىلدا ئۆزگىرىش بولدى، يەنى بىر كېلىشىمنىڭ دۆلەت ۋە ئۆزلىرىنىڭ تەقدىرىنى ئۆزگەرتىشىگە ئىشىنىشتىن تېخىمۇ ئاقىل، ئەمەلىي بولۇشقا ئۆزگەردى.