سەئۇدى ئەرەبسىتاننىڭ مۇئاۋىن ۋەلىئەدىسى مۇھەممەد.بىن.سالمان 7- يانۋار ئەنگىلىيە « ئىقتىسادشۇناسلار » ھەپتىلىك ژورنىلىغا سەئۇدى ئەرەبىستان ھۆكۈمىتىنىڭ دۆلەت ئىگىلىكىدىكى نېفىت ماگىناتى ــــ سەئۇدى ئەرەبسىتان نېفىت شىركىتىنىڭ پېيىنى بازارغا سېلىش ئىشىنى ئويلىشىۋاتقانلىقىنى ئېيتقان.

    سالمان يەنە مۇنداق دېگەن: ھازىر بۇ ئىشنى مۆلچەرلەۋاتىمىز، كېيىنكى بىر قانچە ئاي ئىچىدە قارار چىقىرىشىمىز مۇمكىن. مەن بۇ ئىشقا ناھايىتى قىزىقىمەن، سەئۇدى ئەرەبىستان نېفىت شىركىتىنىڭ پېيىنىڭ بازارغا سېلىنىشى بازار، كارخانا ۋە ئېشىشنىڭ ئېنىقلىق دەرجىسىنى يۇقىرى كۆتۈرۈشىگىمۇ پايدىلىق.

    سەئۇدى ئەرەبسىتان نېفىت شىركىتى يەر شارىدىكى ئەڭ چوڭ نېفىت ئىشلەپچىقىرىش ۋە ئېكىسپورت قىلىش شىركەتلىرىنىڭ بىرى بولۇپ، ناۋادا پاي چېكىنى تۇنجى قېتىملىق بازارغا سېلىپ مۇۋەپپەقىيەتلىك بولسا، سەئۇدى ئەرەبسىتان نېفىت شىركىتى يەر شارىدىكى بازار قىممىتى ئەڭ چوڭ كارخانىلارنىڭ بىرى بولۇپ قالىدىكەن.