چەتئەل تاراتقۇلىرىنىڭ خەۋىرىگە قارىغاندا، خىمىيىلىك قوراللارنى چەكلەش تەشكىلاتى (OPCW) تۆتىنچى يانۋار مۇنداق دېگەن: سۈرىيە ھۆكۈمىتى دوكىلات قىلغان ئەڭ ئاخىرقى بىر تۈركۈم خىمىيەلىك قوراللار ئاللىقاچان كۆيدۈرۈۋېتىلدى.

   خىمىيەلىك قوراللارنى چەكلەش تەشكىلاتىنىڭ تور بېكىتى خەۋرىدە مۇنداق دېيىلگەن: سۈرىيەنىڭ قىسمەن خىمىيەلىك قوراللىرىنى كۆيدۈرۈۋېتىش ئۈچۈن، خىمىيەلىك قوراللارنى چەكلەش تەشكىلاتى ياللىغان ئامېرىكا «Veolia» شىركىتى تېكساس شىتاتىغا جايلاش كارخانىسىدا 75 تۇڭ ھىدروفىتورىدنى كۆيدۈرۈۋەتتى.

   خىمىيەلىك قوراللارنى چەكلەش تەشكىلاتىنىڭ بىلدۈرۈشىچە، سۈرىيە دوكلات قىلغان بارلىق خىمىيەلىك قوراللارنىڭ ھەممىسى رەسمىي كۆيدۈرۈۋېتىلگەن. بۇ تەشكىلاتنىڭ باش ئىجرائىيە باشلىقىنىڭ دېيىشىچە، بۇ سۈرىيەنىڭ خىمىيەلىك قوراللىرىنى كۆيدۈرۈۋېتىش پىلانىنىڭ مۇھىم ھالقىسىنى ئاخىرلاشتۇرغان.

   ئۇنىڭدىن باشقا يەنە غەرب تاراتقۇلىرىنىڭ خەۋىرىگە قارىغاندا، خىمىيەلىك قوراللارنى چەكلەش تەشكىلاتىنىڭ تەكشۈرۈشىدە بايقىلىشچە، سۈرىيەدە ھەقىقەتەن بىر قىسىم كىشىلەر جانغا زامىن بولىدىغان سارىن زەھەرلىك گازى ياكى سارىن زەھەرلىك گازىغا ئوخشاپ كېتىدىغان بىرىكمە ماددىنىڭ تەسىرىگە ئۇچرىغان.  

   بۇ تەشكىلاتنىڭ دوكلاتىدا مۇنداق دېيىلدى: تەكشۈرۈش ئۆمىكى ھازىر سۈرىيە ھۆكۈمىتى 11 دېلو مىسالىغا قارىتا چىقارغان ئەيىبلەشنى تەكشۈرۈۋاتىدۇ. قان ئەۋرىشكىسىنى مۇلاھىزە قىلىش ئارقىلىق، بىر قىسىم كىشىلەرنىڭ ھەقىقەتەنمۇ سارىن زەھەرلىك گازى ياكى شۇنىڭغا ئوخشاپ كېتىدىغان ماددىلارنىڭ تەسىرىگە ئۇچرىغانلىقى مەلۇم بولغان، بۇنى تېخىمۇ ئىنچىكىلەپ تەكشۈرۈش زۆرۈر.