بۇ يىل 10-يانۋاردىن تارتىپ، شىنجاڭ ئۇيغۇر ئاپتونوم رايونىدىكى تۆمۈريول تارماقلىرى ئۈرۈمچىدىن نەننىڭغا ئىككى كۈندە بىر قاتنايدىغان ئالاھىدە تېز يولۇچىلار پويىزىنى ئىشقا سالىدۇ، بۇ-شىنجاڭنىڭ گۇاڭشىغا بىۋاسىتە بارىدىغان ئالاھىدە تېز يولۇچىلار پويىزىنى تۇنجى قېتىم قاتناشقا سېلىشى بولۇپ، ئىككى جاي ئوتتۇرىسىدا بىۋاسىتە يولۇچىلار پويىزى بولماسلىق تارىخىغا خاتىمە بېرىلىدۇ. پويىز سەپەر جەريانىدا شىنجاڭ، گەنسۇ، گۇاڭشى قاتارلىق يەتتە ئۆلكە، ئاپتونوم رايوندىن ئۆتىدۇ، يول بويىدا يەنە لەنجۇ، ليۇجۇ، نەننىڭ قاتارلىق 35 ۋوگزالدا توختايدۇ، ئومۇمىي مۇساپىسى 4608 كىلومېتىر كېلىدۇ. يولۇچىلار 4-يانۋار بېيجىڭ ۋاقتى سائەت توققۇز يېرىمدىن تارتىپ بۇ پويىزنىڭ بېلىتىنى سېتىۋالسا بولىدۇ.