تاراتقۇلارنىڭ خەۋىرىگە ئاساسلانغاندا، « ئىسلام دۆلىتى » گە زەربە بېرىش خەلقئارا ئىتتىپاقى مۇشۇ ئاينىڭ 24-كۈنى ھاۋا ھۇجۇمىدا « ئىسلام دۆلىتى » تېررورلۇق ھۇجۇمى پىلانلاشقا مەسئۇل رەھبىرى چاراف مۇئادەننى يوقاتقان بولۇپ، بۇ ئادەمنىڭ پارىژ تېررورلۇق ھۇجۇم ۋەقەسىنىڭ باش پىلانلىغۇچىسى بىلەن بىۋاستە ئالاقىسى بار ئىكەن.

   ئامېرىكا ئارمىيىسىنىڭ « ئىسلام دۆلىتى » گە زەربە بېرىش ھەركىتى باياناتچىسى ۋاررېن 29-دېكابىر ئىراقتا كۆرۈنمە چاستوتا ئارقىلىق بۇ خەۋەرنىڭ ئېلان قىلغان. ئۇ مۇنداق دېدى، ئامېرىكا باشچىلىقىدىكى خەلقئارا ئىتتىپاق مۇشۇ ئاينىڭ 24-كۈنى سۈرىيە چېگرىسى ئىچىدىكى ھاۋا ھۇجۇمىدا «ئىسلام دۆلىتى » تەشكىلاتىنىڭ تېررورلۇق ھۇجۇمى پىلانلاشقا مەسئۇل رەھبىرى چاراف مۇئادەننى يوقاتتى.

   ۋاررېن مۇنداق دېدى : مۇئادەن ئىلگىرى پارىژ تېررورلۇق ھۇجۇم ۋەقەسىنى پىلانلىغان ئابدۇللا خەمىد بىلەن بىۋاستە مۇناسىۋەت ئېلىپ بارغان . ۋاررېن تېخىمۇ كۆپ تەپسىلاتلارنى ئېلان قىلمىغان، لېكىن ئۇ يەنە مۇنۇلارنى ئاشكارىلىدى : مۇئادەن ھاۋا ھۇجۇمىدىن ئىلگىرى كۆپ قېتىم غەرب دۆلەتلىرىگە تېررورلۇق ھۇجۇمى قىلىشنى پىلانلىغان.

  ۋاررېن شۇ كۈنى يەنە ، خەلقئارا ئىتتىپاقنىڭ مۇشۇ ئايدىكى ھاۋا ھۇجۇمىدا جەمئىي 10 نەپەر «ئىسلام دۆلىتى» تەشكىلاتىنىڭ رەھبىرىنى يوقاتقانلىقىنى بىلدۈرگەن . ئۇ مۇنۇلارنى تەكىتلىدى، ئامېرىكا ئارمىيىسى ئالاھىدە قىسىملىرىنىڭ ئەسكەرلىرىنى ھاۋا ھۇجۇمىغا قاتناشتۇرمىدى، بۇ 10 تېررورچى ھاۋا ھۇجۇمىدا ئۆلدى.