26-دېكابىر تېلېگراممىسى: 2015-يىلى 26-دېكابىر، دۇنيادىكى بىر قېتىملىق قۇرۇلۇش مۇساپىسى ئەڭ ئۇزۇن لەنجۇ-شىنجاڭ يۇقىرى سۈرئەتلىك تۆمۈر يولىدا ئومۇميۈزلۈك قاتناش باشلانغىنىغا بىر يىل بولدى. بۇ بىر يىلدا، لەنجۇ-شىنجاڭ يۇقىرى سۈرئەتلىك تۆمۈر يولىدا قاتنىغان جۇڭگو دېۋىگاتىللار گۇرۇپپىسى پويىزلىرى يۇقىرى تېمپېراتورا، قاتتىق سوغۇق ۋە بوران، قۇم، يامغۇر، قارلارنىڭ دەھشەتلىك سىناقلىرىغا بەرداشلىق بېرىپ، غەربىي شىمال رايونى بىلەن ئىچكىرى ئۆلكىلەرنىڭ رىشتىنى باغلىغان. لەنجۇ-شىنجاڭ تۆمۈر يولىنىڭ ئېچىلىشى بىلەن، گەنسۇ، چىڭخەي ئىككى ئۆلكىنىڭ ئۆلكە مەركىزى ئارا قاتناپ، لەنجۇدىن شىنىڭغا پەقەت بىر سائەتتىلا يېتىپ بېرىپ، لەنجۇ، شىنىڭدىكى بىر سائەتلىك شەھەر ئىقتىساد چەمبىرىكى شەكىللەندۈرگەن، يەنە لەنجۇ بىلەن ئۈرۈمچى ئارىلىقىدىمۇ ‹‹ئەتىگەندە كالا گۆشى ئۈگرىسى ئىچىپ، كەچتە كاۋاپ يەيدىغان›› ھالەت رېئاللىققا ئايلانغان. بۇ بىر يىلدا، لەنجۇ-شىنجاڭ يۇقىرى سۈرئەتلىك تۆمۈر يولى بويىدىكى چىڭخەي مېنيۈەن، گەنسۇ جياگگۈەن، شىنجاڭ تۇرپان ۋە قۇمۇل قاتارلىق ساياھەت مەنزىرە رايونلىرىدىكى ساياھەتچىلەرنى سانى كۈنسايىن ئاشقان، يەنە لىنىيە بويىدىكى ھەر مىللەت خەلقى ساياھەتكە چىقىشىغا قولايلىق ياراتقان. بۇ بىر يىلدا، ئومۇمىي ئۇزۇنلۇقى 1776 كىلومېتىر كېلىدىغان لەنجۇ-شىنجاڭ يۇقىرى سۈرئەتلىك تۆمۈر يولى پەقەت شىنجاڭ قاتارلىق غەربىي رايونلار بىلەن ئىچكىرىنىڭ يۇقىرى سۈرئەتلىك يولۇچى توشۇشۇنى تۇتاشتۇرۇشنى ئەمەلگە ئاشۇرۇپلا قالماستىن، تېخىمۇ مۇھىمى لەنجۇ-شىنجاڭ تۆمۈر يول يۈك تىرانسىپورت ئىقتىدارىنى يۇقىرى كۆتۈرۈلگەن.