مۇخبىرنىڭ 26-چېسلا خېيلوڭجياڭ ئۆلكىسى چىچىخار شەھىرى فۇيۈ ناھىيەسى تەشۋىقات بۆلۈمىدىن دەلىللىشىچە، شۇ كۈنى سائەت 8:00 دە، نېنشۇاڭ تاشيولىنىڭ  كىلومېتىرلىق بۆلىكىگە جايلاشقان تاخا دەرياسى چوڭ كۆۋرۈكىنىڭ بىر بۆلىكى گۈمۈرۈلۈپ چۈشكەن، ۋەقەدە ئىككى چوڭ تىپتىكى ئاسما ماشىنا دەرياغا چۈشۈپ كەتكەن، ۋەقەدە بىر شوپۇر يارىلانغان بولۇپ، دوختۇرخانىغا ئېلىپ بېرىپ جىددىي قۇتقۇزغان.

مۇخبىرنىڭ فۇيۈ ناھىيەلىك تەشۋىقات بۆلۈمىدىن ئىگىلىشىچە، ۋەقە يۈز بەرگەن ۋاقىتتا، بىر چوڭ تىپتىكى ئاسما ماشىنا تاخا كۆۋرۈكى ئۈستىدە توختىتىپ قويۇلغان بولۇپ، ماشىنا ئىچىدە ئادەم يوق ئىكەن، كېيىن چوڭ تىپتىكى يەنە بىر ئاسما ماشىنا ۋەقە يۈز بەرگەن كۆۋرۈك بۆلىكىدىن ئۆتكەن ۋاقىتتا، كۆۋرۈك تۇيۇقسىز گۈمۈرۈلۈپ، ئىككى ئاسما ماشىنا تەڭلا دەرياغا چۈشۈپ كەتكەن.

     ۋەقە يۈز بەرگەندىن كېيىن، شۇ يەرلىك ھۆكۈمەت دەرھال جىددىي ئەھۋال بىر تەرەپ قىلىش لايىھەسىنى يولغا قويغان، جامائەت خەۋپسىزلىكى، ئوت ئۆچۈرۈش، قاتناش ساقچى قاتارلىق تارماقلار دەرھال نەق مەيدانغا يېتىپ كېلىپ ۋەقەنى بىر تەرەپ قىلغان. مۇخبىرنىڭ فۇيۈ ناھىيەلىك ئوت ئۆچۈرۈش تارماقلىرىدىن ئىگىلىشىچە، شۇ كۈنى سائەت 9:00 دا، فۇيۈ ناھىيەلىك جامائەت خەۋپسىزلىكى ئوت ئۆچۈرۈش چوڭ ئەترىتىنىڭ يېتەكچىسى چېن خۈينىڭ تونۇشتۇرۇشىچە، ۋەقە يۈز بەرگەن كۆۋرۈكنىڭ ئۇزۇنلۇقى تەخمىنەن 60 مېتىر بولۇپ، گۈمۈرۈلۈپ چۈشكەن بۆلىكى دەل ئوتتۇرىغا توغرا كېلىدىكەن.